மாகாண மற்றும் மாவட்ட மட்டத்தில் இடம்பெற்ற கலாசார நல்லிணக்க ரீதியான மக்கள் மயப்படுத்தல் நோக்கில் திரைப்பட ஒளிபரப்பு செய்தலின் முதலாவது நிகழ்ச்சித்திட்டம் மேல்மாகாண மட்டத்தில் 26.05.2023 அன்று நீதியமைச்சர் கௌரவ விஜயதாச ராஜபக்ஸ தலைமையில் நடைபெற்றது. இந்நிகழ்சித்திட்டத்தின் இரண்டாம் கட்ட நிகழ்வு 15.06.2023 வியாழக்கிழமை நீதியமைச்சர் கௌரவ விஜயதாச ராஜபக்ஸ தலைமையில் Zoom செயலி ஊடாக யாழ்ப்பாண மாவட்ட செயலக கேட்போர் கூடத்தில் ஒளிபரப்பானது.
இதில், யாழ்ப்பாண மாவட்ட அரசாங்க அதிபர் அம்பலவணர் சிவபாலசுந்தரன், பிரதி திட்டமிடல் பணிப்பாளர் சுரேந்திரநாதன் அவர்களும், மாவட்ட மற்றும் பிரதேச செயலக உத்தியோகத்தர்களும் கலந்து கொண்டனர்.

யாழ்ப்பாண மாவட்டத்தில் சிறுவர் பாதுகாப்பு தொடர்பாக மதகுருமார்களுக்கான  விழிப்புணர்வு வழங்கும் நிகழ்ச்சித்திட்டம் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் 15.06.2023 அன்று மாவட்ட செயலக கேட்டோர் கூடத்தில் நடைபெற்றது.
இதில், தேசிய சிறுவர் பாதுகாப்பு அதிகாரசபையின் நோக்கத்தை தெளிவுபடுத்தல், சிறுவர் துஸ்பிரயோகம் மற்றும் அதனுடன் தொடர்புடைய சகலவிதமான துஸ்பிரயோகத்தில் இருந்தும் பிள்ளைகளை பாதுகாத்தல், மதநிலையங்களில் சிறுவர்களின் பாதுகாப்பிற்காக மேற்கொள்ளக்கூடிய நடவடிக்கைகள் தொடர்பாகவும் கலந்துரையாடப்பட்டன.
இக் கலந்துரையாடலில் உதவி மாவட்ட செயலாளர் எஸ்.சி.என். கமலராஜன், ஆர்.ராஜன் (வட மாகாண சிறுவர் நன்னடத்தை திணைக்களம்) மற்றும் மாவட்ட உள சமூக உத்தியோகத்தர், மும் மதகுருமார்கள் உள்ளிட்டோர் கலந்துகொண்டிருந்தார்கள்

நயினாதீவு ஸ்ரீ நாக பூசணி அம்மன் ஆலயத் திருவிழா தொடர்பான கலந்துரையாடல் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் நேற்றையதினம் ( 01.06.2023) காலை 9.30 மணிக்கு மாவட்டச்செயலக மாநாட்டு மண்டபத்தில் நடைபெற்றது.
இக்கலந்துரையாடலில் கடற்போக்குவரத்தில் ஈடுபடும் படகுகள் Stability proof test சான்றிதழை கட்டாயம் பெற்றுக்கொள்வதுடன், படகில் ஏற்றிச் செல்லும் பயணிகளின் எண்ணிக்கையையும் உறுதிப்படுத்துவதுடன் தாழ்வுப்படகுகள் ஏணிப்படி வசதி அமைத்தலை உறுதிப்படுத்துமாறும் அறிவுறுத்தப்பட்டது.
மேலும் சென் ஜோன்ஸ் அம்புலன்ஸ் சேவை, பொலிஸ் பாதுகாப்பு மற்றும் பெண் பொலிஸ் உத்தியோகத்தர்களுக்கான தங்குமிட வசதிகள் , போதைப்பொருள் பாவனையில் ஈடுபடுவோரை கைது செய்தல், கடற்போக்குவரத்தில் பாதுகாப்பு அங்கிகளை அணிவதை உறுதிப்படுத்தல்,பாடசாலை மாணவர்களின் சாரணர் தொண்டர் சேவை, கடற்போக்குவரத்து நேரத்திற்கமைய தரைப்போக்குவரத்தை ஏற்படுத்தல், வாகனத்தரிப்பிடம், படகுகளில் பயணிகளுக்குரிய வசதிகள் இல்லாத படகுகளை சேவையில் ஈடுபடுவதை தவிர்த்தல், தரை மற்றும் கடற்போக்குவரத்து நேரஅட்டவணையை காட்சிப்படுத்தல், மின்இணைப்பு , படகுகளில் மோட்டாா் வாகனங்களை ஏற்றும்போது பிரதேசசெயலரிடம் அனுமதி பெறல், யாசகம் பெறுவோர் உள்வருவதை தடுத்தல் தொடர்பாகவும் கலந்துரையாடப்பட்டன.

வடக்கு மாகாணத்திற்கான அங்கவீனமுற்ற நபர்களுக்கான கொள்கை உருவாக்கம் தொடர்பான மாவட்ட மட்ட கலந்துரையாடல் யாழ் மாவட்ட அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் (08.06.2023) காலை 9.00 மணிக்கு மாவட்ட செயலக கேட்போர் கூடத்தில் நடைபெற்றது.
சர்வதேச தொழிலாளர் அமைப்பின் (ILO) அனுசரனையுடன் வடக்கு மாகாண சமூக சேவைகள் திணைக்களமானது வடக்கு மாகாணத்திலுள்ள அங்கவீனமுற்ற நபர்களுக்கான கொள்கை உருவாக்கும் செயற்திட்டம் ஒன்றினை நடைமுறைப்படுத்தவுள்ளது. அதற்காக துறைசார் வல்லுநர்களின் மேலதிக ஆலோசனைகள் மற்றும் கருத்துக்களை உள்வாங்கி அங்கவீனமுற்ற நபர்களுக்கான கொள்கை வரைபினை நடைமுறைப்படுத்தும் நோக்கில் இக்கலந்துரையாடல் நடைபெற்றது.

தொழிற் கல்வித்துறைகளில் (Vocational Sectors) தொழிற்பயிற்சி முயற்சியாளர்களினை முன்னேற்றும், கல்வி அமைச்சின் திறன்கள் அபிவிருத்தி,தொழிற்கல்வி, ஆராய்ச்சி மற்றும் புத்தாக்க பிரிவின் கீழ் உள்ள திறன்கள் துறைகளினை அபிவிருத்தி செய்யும் நிகழ்ச்சித் திட்டத்தின் கீழ் (SSDP - Skills Sectors Development Program) தனியார் துறையில் பெண்களினை வலுவூட்டும் செயற்திட்டத்தின் (Private Sectors Women Empowerment Project) கீழ் 17 பயனாளிகளுக்கு மானியமாக தலா Rs. 500,000.00 காசோலைகள் வழங்கும் நிகழ்வு அரசாங்க அதிபர் அம்பலவாணர் சிவபாலசுந்தரன் அவர்களின் தலைமையில் (29) மாவட்டச் செயலக கேட்போர் கூடத்தில் இடம்பெற்றது.
குறித்த பயனாளிகள் அவர்களின் வியாபாரத்தினை விருத்தியாக்கும் நோக்கில் 05 நாட்கள் வியாபாரத்தினை முன்னேற்றும் (Improved Your Business IYB ) வதிவிடப்பயிற்சியை முடித்து வியாபாரத்திட்டத்தினை சமர்ப்பித்தமைக்கு அமைவாக இந்த மானியம் ழங்கப்பட்டமை குறிப்பிடத்தக்கது.