15வடக்கு மாகாணத்தில் நிலையான விவசாய மேம்பாட்டை உள்ளடக்கிய நிலையான பொருளாதார வளர்ச்சியை நோக்கமாக கொண்டு இலங்கை வர்த்தக சம்மேளனம் மற்றும் இலங்கை மற்றும் மாலைதீவுக்கான கனடா உயர் ஸ்தானிகராலயம் ஆகிய நிறுவனங்கள் இணைந்து ஏற்பாடு செய்த கலந்துரையாடல் இலங்கை மற்றும் மாலைத்தீவுக்கான கனடா உயர் ஸ்தானிகர் கெளரவ இசபெல் மார்ட்டின் அவர்களின் பங்குபற்றுதலுடன் இன்றைய தினம் (31.10.2025)காலை 9.00 மணிக்கு யாழ்ப்பாண மாவட்ட செயலக மாநாட்டு மண்டபத்தில் நடைபெற்றது. இந் நிகழ்வில் வடக்கு மாகாணத்தில் விவசாய துறை எதிர்கொள்ளும் சவால்கள் குறிப்பாக களஞ்சிய வசதி குறைபாடுகள், போக்குவரத்து வசதியீனங்கள்,வடக்கு மாகாண விவசாய துறைசார் நிறுவன கொள்கைகள்,அவற்றிற்கிடையிலான இடைவெளிகள்,விவசாய உற்பத்திகளை புதிய பரிமாணத்துடன் எவ்வாறு வெளிநாட்டு சந்தைகளுக்கு ஏற்றுமதி வாய்ப்புக்கள், நீண்ட காலத்தை நோக்கிய முதலீடுகள், கனடா நாட்டுக்கு விவசாய உற்பத்தி ஏற்றுமதிகள் மற்றும் விவசாய துறையில் நவீன தொழில்நுட்ப முறைகளை பயன்படுத்தல் உள்ளிட்ட பல விடயங்கள் துறைசார்ந்த அதிகாரிகளால் விரிவாக கலந்துரையாடப்பட்டது. மேலும், விவசாய கொள்கைகள், திறன் மேம்பாடு மற்றும் கனேடிய நிபுணத்துவம் மற்றும் கூட்டாண்மை உள்ளிட்ட மூலோபாய முதலீடுகள் வடக்கு மாகாணத்தை உள்ளடக்கிய காலநிலை மாற்றங்களின் போது விவசாய மேம்பாட்டை எவ்வாறு முன்னெடுத்தல் என்பது தொடர்பாக ஆராயப்பட்டது. இக் கலந்துரையாடலில் திட்டமிடல் பணிப்பாளர் ,வடக்கு மாகாண சபை விவசாய துறைசாந்த திணைக்கள தலைவர்கள், மாவட்ட பிரதி திட்டமிடல் பணிப்பாளர், உதவித் திட்டமிடல் பணிப்பாளர், யாழ்ப்பாண பல்கலைக்கழக துறைசாந்த சிரேஷ்ட விரிவுரையாளர்கள், இலங்கை மற்றும் மாலத்தீவுகளுக்கான கனடா உயர் ஸ்தானிகர அதிகாரிகள், பனை அபிவிருத்தி சபை திணைக்கள தலைவர்கள், world vision அமைப்பின் அதிகாரிகள் மற்றும் தொழில் முயற்சியாளர்கள் கலந்துகொண்டனர்.
 
1 2 3 4 5 6 7 8 9 10 11 12 13 14 15 16
வி
3
விசேட தேவையுடையோருக்கான சர்வதேச தேசிய விழா தொடர்பான முன்னாயத்த கலந்துரையாடல் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் பேராசிரியர் உபாலி பன்னிலகே அவர்களின் தலைமையிலும் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க,பாராளுமன்ற உறுப்பினர்களான கௌரவ ஜெயச்சந்திரமூரத்தி ரஜீவன், கௌரவ கருணநாதன் இளங்குமரன், யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் ஆகியோரின் பங்குபற்றலுடன் இன்றைய தினம் (31.10.2025) காலை 9.30 மணிக்கு மாவட்டச் செயலக அரசாங்க அதிபர் அலுவலகத்தில் நடைபெற்றது.இதன்போது வரவேற்புரையாற்றிய அரசாங்க அதிபர் அவர்கள் எதிர்வரும் டிசம்பர் மாதம் நடைபெறவுள்ள சர்வதேச விசேட தேவையுடையோருக்கான தினத்தை கொண்டாடுவதற்காக வருகைதந்துள்ள கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் கௌரவ அமைச்சர் மற்றும் பாராளுமன்ற உறுப்பினர்கள், அமைச்சின் அதிகாரிகளை வரவேற்றுக் கொண்டதுடன், கடந்த ஒக்டோபர் 13 ஆம் திகதி நடாத்தப்பட்ட சர்வதேச விசேட தேவையுடையோருக்கான தினம் தொடர்பான கூட்டத்தில் சில முடிவுகள் எடுக்கப்பட்டதாகவும் அது தொடர்பான மேலதிக முடிவுகளை எடுப்பதற்கான இக் கலந்துரையாடல் ஏற்பாடு செய்யப்பட்டுள்ளதாகவும் தெரிவித்ததுடன், கௌரவ அமைச்சர் அவர்கள் இக் கலந்துரையாடலில் கலந்து கொள்வதையிட்டு மகிழ்வடைவதாகவும் தெரிவித்தார். ஜனாதிபதியின் பங்குபற்றுதலுடன் விசேட தேவையுடையோருக்கான தேசிய விழாவானது இம் முறை யாழ்ப்பாணத்தில் நடைபெறுவதோடு ஏனைய மாவட்ட ங்களுடன் வட மாகாணத்தின் 5 மாவட்டங்களின் பங்குபற்றலுடனும்விசேட தேவையுடையோருக்கான தேசிய விழா நடாத்த தீர்மானிக்கப்பட்டுள்ளது. இந் நிகழ்வு நடைபெறவுள்ள இடம், அழைக்கப்படுவோர் எண்ணிக்கை, விருதுகள் வழங்குவதற்கான ஏற்பாடுகள், மாற்றுவலுவுள்ளோா் சைகை மொழி , பதாகைகள் காட்சிப்படுத்தல் உள்ளிட்ட விடயங்கள் கௌரவ அமைச்சர் அவர்களுடன் விரிவாக கலந்துரையாடி தீர்மானங்கள் எடுக்கப்பட்டன. இந் நிகழ்வில் அமைச்சின் மேலதிக செயலாளர்கள் திரு.மேனகா கேரத், திருமதி.நளிகா பியசேன, பணிப்பாளர் ஜெயமாலி விக்கிரமாராட்சி, சமுர்த்தி அபிவிருத்தி திணைக்கள பணிப்பாளர் நாயகம் திரு சி.டி களு ஆராச்சி, மேலதிக அரசாங்க அதிபர் திரு கே. சிவகரன், மாவட்ட செயலக பதவிநிலைஉத்தியோகத்தர்கள், அமைச்சின் உயர் அதிகாாரிகள் , மாகாண சமூக சேவைகள் திணைக்களப் பணிப்பாளர் ,கிராமிய அபிவிருத்தி சமூக பாதுகாப்பு மற்றும் சமூக வலுவூட்டல் அமைச்சின் உதவி ஆணையாளர், பிரதேச செயலாளர்கள், மாவட்டச்செயலக பிரதேச செயலகங்களின் உத்தியோகத்தர்கள், மாவட்ட சமூக சேவைகள் அபிவிருத்தி உத்தியோகத்தர் உள்ளிட்ட பலர் கலந்து கொண்டனர்.
 
1 2 3 4 5 6 7 8 9 10 13 15
1
 
கியூமெடிக்கா நிறுவன அனுசரணையில் வேலணை மத்திய கல்லூரியில் கல்வி கற்கும் தெரிவு செய்யப்பட்ட மாணவர்களுக்கான காலணி வழங்கும் நிகழ்வு கல்லூரி அதிபர் தலைமையில் 30.10.2025 ஆம் திகதி இடம்பெற்றது. இந் நிகழ்வில் பிரதம விருந்தினராக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் கலந்து கொண்டு, பாடசாலை நிர்வாகத்தினரால் தெரிவுசெய்யப்பட்ட 100 மாணவர்களுக்கான காலணிகளை வழங்கி வைத்தார். அதனைத் தொடர்ந்து, அரசாங்க அதிபர் அவர்களினால் 30.10.2025 ஆம் திகதி மாண்புமிகு ஜனாதிபதி அநுர குமார திசாநாயக்க அவர்களின் தலைமையில் ஆரம்பித்து வைக்கப்பட்ட "முழு நாடுமே ஒன்றாக" என்ற தொனிப்பொருளில் முழு நாட்டையும் ஒண்றிணைத்த வகையிலான போதைப்பொருள் ஒழிப்பு தேசிய திட்டம் தொடர்பாக மாணவர்களுக்கு விரிவான விளக்கத்தை வழங்கியிருந்தார். மேலும் நிகழ்வில் சிறப்பான நாட்டிய ஆற்றுகையை வெளிப்படுத்திய மாணவிக்கு அரச அதிபர் அவர்கள் பொன்னாடை போர்த்தி கௌரவபடுத்தியிருந்தமை குறிப்பிடத்தக்க அம்சமாகும். இந் நிகழ்வில் வேலணை மத்திய கல்லூரி, உப அதிபர், ஆசியர்கள், கியூமெடிக்கா மாவட்ட இணைப்பாளர்,வேலணை பிரதேச செயலக சிறுவர் பாதுகாப்பு உத்தியோகத்தர் மற்றும் மாணவர்கள் உள்ளிட்டவர்கள் கலந்து கொண்டனர்.
 
 
1 2 3 4 5 6 7 8 10 11 12 13 14
கனடா உயர் ஸ்தானிகர் கெளரவ இசபெல் மார்ட்டின் அவர்கள் யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களை இன்றைய தினம்(31.10.2025) அரசாங்க அதிபர் அலுவலகத்தில் சந்தித்து கலந்துரையாடினார். இக் கலந்துரையாடலில் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் பேராசிரியர் உபாலி பன்னிலகே , கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க, மாவட்ட மேலதிக அரசாங்க அதிபர் ஆகியோரும் உடனிருந்தார்கள்.
 
 
1 2
13மாண்புமிகு ஜனாதிபதி அவர்களின் எண்ணக்கருவில்கடந்த வாரம் கொழும்பு- பத்தரமுல்ல தனியார் விடுதியில் ஆரம்பிக்கப்பட்ட ஆயிரம் இளம்தொழில் முனைவோரை உருவாக்குவதற்கான 4ஐ தேசிய நிகழ்ச்சித்திட்டத்தில் இணைந்து கொண்ட இளம் தொழில்முனைவோருக்கான சான்றுக் கடிதங்களை இளம் தொழில் முனைவோருக்கு வழங்கும் நிகழ்வு மாவட்ட மேலதிக அரசாங்க அதிபர் திரு.கே.சிவகரன் அவர்களின் தலைமையில் இன்றைய தினம் (30.10.2025) பிற்பகல் 2.45 மணிக்கு மாவட்ட செயலக கேட்போர் கூடத்தில் இடம்பெற்றது. இந் நிகழ்வில் பிரதம அதிதியாக யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் கலந்து கொண்டு, மாவட்ட ரீதியாக தெரிவுசெய்யப்பட்ட இளம் தொழில் முனைவோருக்கு சான்றுக் கடிதங்களை வழங்கி கௌரவித்தார். இந் நிகழ்வில் கருத்து தெரிவித்த அரசாங்க அதிபர் அவர்கள் ஆயிரம் இளம்தொழில் முனைவோரை உருவாக்குவதற்கான தேசிய நிகழ்ச்சித்திட்டமான 4 ஐ அனைத்து தொழில்முயற்சியாளர்கள் மற்றும் உற்பத்தியாளர்களையும் ஒரே இடத்தில் ஒருங்கிணைத்து செயற்படக் கூடியதாக நடமாடும் சேவை ஒன்றை ஏற்பாடு செய்வதன் அவசியத்தினை விபரித்து, இளம் தொழில் முனைவோருக்கு தமது வாழ்த்துக்களையும் தெரிவித்தார்.
எதிர்வரும் மூன்று ஆண்டுகளுக்குள் (2025 - 2028 வரை) தேசிய பொருளாதாரத்தை உயர்த்துவதை நோக்கமாக கொண்டு ஆரம்பிக்கப்பட்டுள்ள இத் தேசிய 4 ஐ திட்டத்தில் யாழ்ப்பாண மாவட்டத்தில் முதற்கட்டமாக 26 நிறுவனங்கள் தெரிவுசெய்யப்பட்டுள்ளமை குறிப்பிடத்தக்கது. இந் நிகழ்வில் மாவட்ட பிரதி திட்டமிடல் பணிப்பாளர், மாவட்ட உதவித் திட்டமிடல் பணிப்பாளர்,சிறு கைத்தொழில் அபிவிருத்தி பிரிவு உதவிப்பணிப்பாளர்,தேசிய தொழில் முயற்சி அபிவிருத்தி திணைக்கள மாவட்ட இணைப்பாளர், கைத்தொழில் அபிவிருத்தி சபை வடக்கு மாகாண பணிப்பாளர், தொழில்துறை திணைக்கள மாவட்ட உத்தியோகத்தர்,உற்பத்தி திறன் செயற்பாட்டு மாவட்ட உத்தியோகத்தர், சான்றிதழ்களை பெற்றுக்கொண்ட தொழில் முனைவோர்,மாவட்ட செயலக, பிரதேச செயலக உற்பத்திதிறன் செயற்பாட்டு உத்தியோகத்தர்கள் ஆகியோர் கலந்து கொண்டனர்.
 
 
1 2 3 4 5 6 7 8 9 11 12 13 14 15 16