இக் கலந்துரையாடலில் தலைமையுரையாற்றிய அரசாங்க அதிபர் அவர்கள், இக் கூட்டத்திற்கு பெருந்திரளாக கலைஞர் வருகை தந்தமையிட்டு தாம் மகிழ்ச்சியடைவதாகவும், இரண்டு ஆண்டுகளுக்கு முன்னர் நடைபெற்ற பொதுக் கூட்டத்திற்கு குறைந்தளவான கலைஞர்களே வருகை தந்தமையினால், இப் பொதுக் கூட்டத்திற்கு கூடியளவு கலைஞர்கள் வருகை தருவதனை கலாசார உத்தியோகத்தர்கள் ஊக்கப்படுத்த வேண்டும் என தாம் கேட்டுக் கொண்டதாகவும் தெரிவித்தார். மேலும் எமது யாழ்ப்பாண மாவட்டம் கலை கலாச்சார பண்பாட்டு விழுமியங்களை பேணும் மாவட்டம் எனவும், கலைஞர் கெளரவிக்கப்பட வேண்டும் எனவும் தெரிவித்ததுடன், அடுத்த சந்ததிக்கு எமது கலைகள் கலாசாரங்கள் எடுத்தச் செல்ல வேண்டிய பொறுப்பு அனைவருக்கும் உண்டு எனவும் தெரிவித்தார். மேலும், புலம்பெயர் தேசங்களில் எம்மவரால் கலைகள் சிறப்பான முறையில் வளர்க்கப்பட்டு வருவதனையும் மகிழ்ச்சியுடன் தெரிவித்ததுடன், அவர்களுடன் இணைந்து நிதி உதவிகளைப் பெற்று கிராமிய ரீதியாக கலை நிகழ்ச்சிகளை நடாத்த வேண்டும் எனவும் தெரிவித்தார். மேலும், ஆண்டுக்கு ஒரு தடவை நடக்கும் பண்பாட்டுப் பெரு விழாவுடன் எமது செயற்பாடுகள் நின்றுவிடாது கலைகளை வளர்ப்பதற்கு உரிய ஆரோக்கியமான ஆலோசனை களை எமக்கு கலைஞர்கள் வழங்கி எம்மையும் ஊக்கப்படுத்தி எமது கலை கலாச்சார பண்பாடுகளை பேணவதற்கும் மேன்மேலும் வளர்ப்பதற்கும் அனைவரும் ஒன்றிணைந்து செயற்படுவோம் எனத் தெரிவித்தார்.
இப் பொதுக் கூட்டத்தில் ஆண்டுப் பொதுக்கூட்ட அறிக்கை மற்றும் கணக்கறிக்கை என்பன வாசிக்கப்பட்டு அங்கத்தவர்களால் ஏகமனதாக ஏற்றுக்கொள்ளப்பட்டது. அதனைத் தொடர்ந்து புதிய நிர்வாக சபையானது தெரிவு செய்யப்பட்டது.
யாழ்ப்பாண மாவட்ட பண்பாட்டு பேரவையின் தலைவராக பதவி வழியாக அரசாங்க அதிபரும், செயலாளராக மாவட்ட கலாசார உத்தியோகத்தரும் மற்றும் நிர்வாக சபையில் ஒவ்வொரு பிரதேச செயலாளர் பிரிவின் கலாசார உத்தியோகத்தர்களும் செயற்படுவார்கள். ஏனைய பதிவிகளுக்கானதெரிவுகள் நடைபெற்றது. அந்த வகையில், உப தலைவராக பேராசிரியர் என். சண்முகலிங்கன், உப செயலாளராக திரு. கே. தேவானந், பொருளாராக திரு. செ. மகேஷ் மற்றும் 15 நிர்வாக சபை உறுப்பினர்களாக ஒவ்வொரு பிரதேச செயலாளர் பிரிவு ரீதியாக ஒரு கலைஞர்களும் தெரிவு செய்யப்பட்டார்கள். இப் பொதுக் கூட்டத்தில் 35 பேரைக்கொண்ட புதிய நிர்வாக சபையானது யாப்பின் பிரகாரம் இரண்டு ஆண்டுகள் தொடர்ச்சியாக செயற்படும் என்பது குறிப்பிடத்தக்கது.
இறுதியாக செயலாளரும், மாவட்ட சிரேஸ்ட கலாசார உத்தியோகத்தருமான திருமதி சுகுணாளினி விஜயரட்ணம் அவர்களின் நன்றியுரை இடம் பெற்றது.
இப் பொதுக் கூட்டத்தில் உதவி மாவட்டச் செயலாளர் செல்வி உ.தா்சினி, மாவட்ட மற்றும் பிரதேச கலாசார உத்தியோகத்தர்கள் மற்றும் சிரேஷ்ட இளங் கலைஞர்கள் கலந்து கொண்டனர்.

பொதுநிர்வாக உள்நாட்டலுவல்கள் மாகாண சபைகள் மற்றும் உள்ளூராட்சி அமைச்சின் கீழ் உள்ள சுற்றுலா விடுதிகள் மற்றும் மாவட்ட மற்றும் பிரதேச செயலகங்களுக்கு முன்மொழியப்பட்ட பழுதுபார்ப்பு மற்றும் மேம்பாடுகள் தொடர்பான கலந்துரையாடல் மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமை இன்றைய தினம் (27.06.2025 ) பி.ப 4.00 மணியளவில் அரசாங்க அதிபர் அலுவலகத்தில் இடம்பெற்றது.
இதன் போது தலைமையுரையாற்றிய அரசாங்க அதிபர் அவர்கள், கடந்த வாரம் இடம்பெற்ற அரசாங்க அதிபர்களுக்கான மாநாட்டில் குறித்த பிரச்சினை தொடர்பாக கோரிக்கை முன்வைத்ததாகவும், ஒருவார காலத்திற்குள் அமைச்சின் அதிகாரிகள் நேரடியாக களவிஜயம் மேற்கொண்டு அரசாங்க ஓய்வு விடுதிகள் (Circuit Bungalows) மாவட்ட மற்றும் பிரதேச செயலக முன்மொழியப்பட்ட மேம்பாட்டு வேலைத்திட்டங்கள் தொடர்பாக செயற்பாடுகளை முன்னெடுத்தமைக்கு நன்றிகளை தெரிவித்தார்.
மேலும், அரசாங்க ஓய்வு விடுதிகளில் மேலதிகமாக தங்குமிட வசதிகள் மற்றும் குடிதண்ணீர் தாங்கி வசதி மற்றும் பிற தேவைகளுக்கான நீர் தேவைப்பாடுகள் உள்ளதாகவும் தெரிவித்துடன், அல்லைப்பிட்டியில் உள்ள பொது நிர்வாக அமைச்சிற்குரிய ஓய்வு விடுதி நீண்ட காலமாக செயற்படாமல் உள்ளதாகவும், சுற்றுலாப் பயணிகள் தங்குவதற்கு அதனை வழங்கலாம் எனவும் ஆதலால் அவ் அல்லைப்பிட்டி ஓய்வு விடுதியினை மீள ஆரம்பிக்க நடவடிக்கை எடுக்க வேண்டும் என அரசாங்க அதிபரால் வலியுறுத்திக் கேட்கப்பட்டது.
இக் கலந்துரையாடலில் கலந்து கொண்ட பொது நிர்வாக உள்நாட்டலுவல்கள் மாகாண சபைகள் மற்றும் உள்ளூராட்சி அமைச்சின் பொறியியற் பிரிவு பணிப்பாளர் நாயகம் (தொழில்நுட்பம்) பொறியியலாளர் திரு. யூ.எல்.ஏ. நசார் அவர்கள் தெரிவிக்கையில், இக் கூட்டத்தில் கலந்துரையாடப்பட்ட விடயங்கள் மற்றும் கோரிக்கைகளை அமைச்சின் செயலாளர் அவர்களுடன் கலந்துரையாடி விரைவாக தீர்வினை பெற்றுக் கொள்ள வழிவகை செய்வதாக தெரிவித்தார்.
இக் கலந்துரையாடலில் அமைச்சின் பொறியியற் பிரிவின் பிரதிப் பணிப்பாளர் நாயகம் (தொழில்நுட்பம்) பொறியியலாளர் ஆர்.டபிள்யூ. எல்.சந்திரசிறி, அமைச்சின் பொறியியற்பிரிவு கட்டட கலைஞர்கள், உயரதிகாரிகள்,
மாவட்ட செயலக பிரதம பொறியியலாளர்,
பிரதம கணக்காளர், மாவட்ட மற்றும் பிரதேச செயலக தொழில்நுட்ப உத்தியோகத்தர்கள், தொழில்நுட்ப உதவியாளர்கள், மாவட்ட செயலக பொறியியற்பிரிவு உத்தியோகத்தர்கள் உள்ளிட்டவர்கள் கலந்து கொண்டனர்.

யாழ்ப்பாண மாவட்டத்திலிருந்து இலங்கை பொலிஸ் தலைமையகத்திற்கு உதவிப் பொலிஸ்மா அதிபராக (சட்டம்) பதவியுயர்வு பெற்றுச் செல்லும் பிரதிப் பொலிஸ்மா அதிபர் திரு ஹாலிங்க ஜெயசிங்க அவர்கள்
யாழ் மாவட்ட அரசாங்க அதிபர் திரு மருதலிங்கம் பிரதீபன் அவர்களை மரியாதை நிமித்தமாக இன்றைய தினம் (27.06.2025) பி. ப. 02.30 மணிக்கு அரசாங்க அதிபர் அலுவலகத்தில் சந்தித்து கலந்துரையாடினார்.
இக் கலந்துரையாடலில் மேலதிக அரசாங்க அதிபர் (காணி) திரு க.ஸ்ரீமோகனன், உதவி மாவட்ட செயலாளர் செல்வி உ.தா்சினி மற்றும் மாவட்ட திட்டமிடல் பணிப்பாளர் திரு.இ சுரேந்திரநாதன் ஆகியோரும் கலந்து கொண்டிருந்தார்கள்.
பிரதிப் பொலிஸ்மா அதிபர் திரு ஹாலிங்க ஜெயசிங்க அவர்கள், கடந்த 1 1/2 வருடங்களாக யாழ்ப்பாண மாவட்டச் செயலத்துடன் ஒருங்கிணைந்து கடமையாற்றியதுடன், நடைபெற்று முடிந்த மூன்று தேர்தல்களும் வன்முறைகள் அற்ற ரீதியில் - நீதியாகவும் சுதந்திரமாகவும் நடைபெற்றதற்கு பாதுகாப்பு கடமைகளை சிறப்பான முறையில் வழங்கினார் என்பதுடன், மாவட்டத்தில் நடைபெற்றுவரும் குற்றச் செயல்களை கட்டுப்படுத்துவதற்கு காத்திரமான பங்களிப்பை வழங்கி வந்தவர் என்பதும் குறிப்பிடத்தக்கது.

இக் கலந்துரையாடலில் தென்னைப் பயிர்ச் செய்கை சபையின் தலைவர் கலாநிதி சுனிமல் ஜெயக்கொடி அவர்கள் விசேடமாக கலந்து கொண்டு கருத்துதெரிவிக்கையில், தென்னை மரங்களில் வெள்ளை ஈ தாக்கம் தொடர்பான பிரச்சினை ஒரு தேசிய பிரச்சினையாக உள்ளதாகவும் கிருமிநாசினி கொல்லிகளை பயன்படுத்தி இப் பிரச்சினைக்கு தீர்வு காண முடியாதுள்ளதாகவும், எனவே இப் பிரச்சினைக்கு தெளிகருவிகளைப் பயன்படுத்தி தென்னை மரங்களை தண்ணீர் மூலம் சுத்தப்படுத்த திட்டமிடப்பட்டுள்ளதாகவும் தெரிவித்தார். இத் திட்டத்தை எதிர்வரும் 14 ஆம் திகதி தொடக்கம் இரு வாரங்களுக்கு யாழ் மாவட்டத்தில் வெள்ளை ஈ தாக்க ம் அதிகமாக இனங்காணப்பட்ட சாவகச்சேரி, கோப்பாய், நல்லூர், யாழ்ப்பாணம் மற்றும் உடுவில் ஆகிய பிரதேச செயலக பிரிவுகளில் கூடியளவிலான அதிக வலுவுள்ள தெளிகருவிகள் மூலமாக தென்னை மரங்களை கழுவும் செயற்பாட்டை வினைத்திறனாக முன்னெடுக்க உள்ளதாகவும் தெரிவித்தார். மேலும் இப் பாரிய செயற்பாட்டை முன்னெடுக்க அனைத்து சமூகங்களினதும் ஒத்துழைப்பை எதிர்பார்ப்பதாகவும் தெரிவித்தார்.
இதன் போது கருத்து தெரிவித்த, அரசாங்க அதிபர் அவர்கள், இவ் வெள்ளை ஈ தாக்கம் தொடர்பாக மாவட்ட ஒருங்கிணைப்புக் குழு கூட்டத்தில் கலந்துரையாடப்பட்டதாகவும், வெள்ளை ஈ தாக்கம் அதிகமாக இனங்காணப்பட்ட சாவகச்சேரி, கோப்பாய், நல்லூர், யாழ்ப்பாணம் மற்றும் உடுவில் ஆகிய பிரதேச செயலக பிரிவுகளில் - முதற்கட்டமாக சாவகச்சேரி மற்றும் கோப்பாய் பிரதேச செயலக பிரிவுக்குட்பட்ட இடங்களில் வெள்ளை ஈ தாக்கத்தை கட்டுப்படுத்துவதற்காக தென்னை பயிர்ச் செய்கை சபையின் ஒத்துழைப்புடன் குறைந்தளவிலான தெளிகருவிகள் மூலமாக தென்னை மரங்களை சுத்தப்படுத்தும் செயற்பாடுகள் ஆரம்பிக்கப்பட்டுள்ளதாகவும் தெரிவித்தார். மேலும், மற்றைய பத்து பிரதேச செயலக பிரிவுக்குட்பட்ட பகுதிகளில் இத் தாக்கம் தொடர்பான நிலமைகள் தொடர்பாக வும், தென்னைப் பயிர்ச் செய்கை சபையினால் எதிர் வரும் 14 ஆம் திகதி தொடக்கம் மேற்கொள்ளப்படவுள்ள கட்டுப்படுத்தல் செயற்பாட்டிற்கு தேவையான ஆளணி மற்றும் இதர தேவைகள் தொடர்பான உரிய திணைக்களங்களுடன் கலந்துரையாடி விரைவான விபரங்களைஇரு வாரங்களுக்குள் அறிவிப்பதாகவும் அரசாங்க அதிபர் தெரிவித்தார்.மேலும், தென்னை மரங்களை வெள்ளை ஈ தாக்கத்திலிருந்து பாதுகாக்க உரிய செயற்றிட்டத்தினை நடைமுறைப்படுத்தவுள்ள தென்னை பயிர்ச்செய்கை சபையின் தலைவர் மற்றும் அதிகாரிகளுக்கு தமது நன்றியினையும் அரசாங்க அதிபர் தெரிவித்தார்.
இக் கலந்துரையாடலில் தென்னைப் பயிர்ச் செய்கை சபையின் பிரதி பொதுமுகாமையாளர் திரு. என்.எஸ் .ஜெயலத், உதவிப் பொது மேலாளர் திரு. தே.வைகுந்தன், பிராந்திய முகாமையாளர் திரு ஈ.சற்குணன்,
மாவட்டச் செயலக திட்டமிடல் பணிப்பாளர், சாவகச்சேரி பிதேச செயலாளர்,கோப்பாய் மற்றும் யாழ்ப்பாண உதவிப் பிரதேச செயலாளர்கள், நல்லூர் உதவித் திட்டமிடல் பணிப்பாளர், மற்றும் விவசாய திணைக்கள உயர் அதிகாரிகள் உள்ளிட்டவர்கள் கலந்து கொண்டனர்.









