.அதிமேதகு ஜனாதிபதி ரணில் விக்ரமசிங்க அவர்களின் பங்கேற்புடன் நடைபெறவுள்ள 75வது தேசிய சுதந்திர தினம் மற்றும் தைப்பொங்கல் நிகழ்வுகளின் முன்னேற்பாட்டு கலந்துரையாடல் மாவட்ட மேலதிக அரசாங்க அதிபர் ( காணி) சுப்பிரமணியம் முரளிதரன் அவர்களின் தலைமையில் இன்றைய தினம் (10.01.2023) காலை 10.00மணிக்கு மாவட்ட செயலகத்தில் நடைபெற்றது.
ஜனாதிபதி செயலக மேலதிக செயலாளர் எல். இளங்கோவன் அவர்களின் பங்கேற்புடன் இடம்பெற்ற குறித்த கலந்துரையாடலில் இம்மாதம் 15ஆம் திகதி நல்லூர் சிவன் ஆலயத்தில் நடாத்த தீர்மானித்துள்ள தைப்பொங்கல் நிகழ்வுகள் தொடர்பாக கலந்துரையாடப்பட்டது.
குறிப்பாக 15 ஆம் திகதி பிற்பகல் 3 மணிக்கு நல்லூர் சிவன் ஆலய உட்புறத்தில் பொங்கல் நிகழ்வுடன் ஆரம்பிக்கப்படும் எனவும் தொடர்ந்து இசை ,நாதஸ்வர, கலாச்சார நிகழ்வுகள் மற்றும் முக்கிய பிரமுகர்களின் உரைகள் நடைபெறும் எனவும் தெரிவிக்கப்பட்டது.
இப்பொங்கல் நிகழ்வு நல்லூர் பிரதேச செயலகம் மற்றும் கலாச்சாரத் திணைக்களத்தின் ஒழுங்கமைப்புடன் ஒழுங்கமைக்கப்படும் எனவும் தெரிவிக்கப்பட்டது.

உலக உணவுத் திட்டத்தின் கீழ் யாழ் மாவட்டத்தில் தெரிவு செய்யப்பட்ட பொருளாதார ரீதியில் நலிவடைந்த குடும்பங்களுக்கான உணவுப்பொருட்கள் விநியோகம் தொடர்பான கலந்துரையாடல் யாழ் மாவட்ட பதில் அரசாங்க அதிபர் மருதலிங்கம் பிரதீபன் அவர்களின் தலைமையில் (09.01.2023) காலை 9:30 மணிக்கு மாவட்ட செயலகத்தில் நடைபெற்றது.
இக்கலந்துரையாடலில் உலக உணவு திட்டம் மற்றும் வேர்ல்ட் விசனும் இணைந்து யாழ் மாவட்டத்தில் தெரிவுசெய்த தெல்லிப்பழை, சங்கானை , வேலணை, மருதங்கேணி, நெடுந்தீவு ஆகிய பிரதேச செயலகங்களிலுள்ள நலிவடைந்த குடும்பங்களுக்கு உணவு பொருட்களை விநியோகிப்பதில் ஏற்படுகின்ற இடர்பாடுகள், குறிப்பாக விலை நிர்ணயம் மற்றும் போக்குவரத்து பிரச்சனைகள், பயனாளிகள் தெரிவுசெய்யப்பட்ட விதம் தொடர்பாக கலந்துரையாப்பட்டன.

தொழில்வாய்ப்புக்களை ஏற்படுத்தல் தொடர்பாக கௌரவ அமைச்சருடனான கலந்துரையாடல் யாழ். மாவட்ட மேலதிக அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்று (04.01.2023) காலை 10:30 மணிக்கு யாழ் மாவட்ட செயலகத்தில் நடைபெற்றது.
யாழ் மாவட்டத்தில் தொழில் மற்றும் வெளிநாட்டு வேலைவாய்ப்பு அமைச்சின் கீழ் நடைபெறவுள்ள ( Glocal Fair - 2023) "வடக்கின் ஒளிமயம்" நிகழ்ச்சித்திட்டம் எதிர்வரும் பெப்ரவரி மாதம் 25 மற்றும் 26 ஆம் திகதிகளில் யாழ் மாவட்டத்தில் நடைபெறவுள்ளது.இதற்கான முன்னேற்பாடுகளை மேற்கொள்ளும் நோக்கில் இக் கலந்துரையாடல் முன்னெடுக்கப்பட்டுள்ளது.
குறிப்பாக யாழ் மாவட்டத்தில் வேலைவாய்ப்பற்றிருக்கும் இளைஞர் யுவதிகளுக்கு உள்நாடு மற்றும் வெளிநாடுகளில் வேலை வாய்ப்புகளை ஏற்படுத்தும் நோக்கில் ஆலோசனைகளையும் விழிப்புணர்வுகளையும் வழங்குவதற்காகவும், தொழில் தொடர்பான பிரச்சினைகள், EPF மற்றும் ETF பிரச்சினைகள் தொடர்பாக தீர்வுகாணும் நோக்கில் இந்த நிகழ்ச்சி திட்டம் முன்னெடுக்கப்படவுள்ளது.

B3S முன்னேற்ற மீளாய்வுக் கலந்துரையாடல் பதில் அரசாங்க அதிபர் மருதலிங்கம் பிரதீபன் அவர்களின் தலைமையில் இன்று (09.01.2023) காலை 10:00 மணிக்கு மாவட்ட செயலக மாநாட்டு மண்டபத்தில் நடைபெற்றது.
இதில் B3S இன் நடைமுறை சிக்கல்கள் மற்றும் முன்னேற்றகரமான எதிர்கால செயற்பாடுகள் தொடர்பாக பிரதேச செயலக உத்தியோகத்தர்களால் ஆலோசனைகளும் கருத்துக்களும் zoom ஊடாக தெரிவிக்கப்பட்டது.
இந் நிகழ்வில் கலந்து கொண்ட பதில் அரசாங்க அதிபர் கருத்து தெரிவிக்கும்போது "கடந்த ஐந்து வருடங்களாக B3S னை அதிக பயனாளா்கள் ஆர்வத்துடன் பயன்படுத்தி கூடுதலான பயன்களைப் பெற்றுள்ளதுடன், இந்த B3S காலத்து காலம் புதுப்பிக்கப்பட்டு தரவுகளை உள்வாங்கி தொடர்ச்சியாக பயன்படுத்தி பயன்பெறுதல் வேண்டும். அத்தோடு B3S மென்பொருளை பிரதேசமட்டங்களில் சிறப்பாக முன்னெடுப்பதற்கு ஒத்துழைப்பு வழங்கிவரும் பிரதேச செயலாளர்கள் மற்றும் ஏனைய உத்தியோகத்தர்களுக்கும் நன்றியையும் தெரிவித்தார்.

யாழ் மாவட்ட செயலகத்தின் 2023 ஆம் ஆண்டுக்கான கடமைகளை ஆரம்பித்தல் நிகழ்வு யாழ் மாவட்ட மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் (2023.01.02) காலை 9.00 மணிக்கு மாவட்ட செயலகம் முன்றலில் நடைபெற்றது.
2023 ஆம் ஆண்டுக்கான யாழ் மாவட்ட செயலகத்தினுடைய ஆரம்ப நிகழ்வானது "நூற்றாண்டுக்கான முன்னெடுப்பு" என்ற தொனிப் பொருளின் கீழ் தேசிய கொடி ஏற்றல், தேசிய கீதம் இசைத்தல் மற்றும் சத்தியப்பிரமாணம் செய்தல் போன்ற நிகழ்வுகளுடன் இனிதே ஆரம்பமானது.
இதன்போது கருத்து தெரிவித்த மேலதிக அரசாங்க அதிபர் கடந்தகாலங்களில் ஏற்பட்ட கொவிட் தொற்றிடர் நிலை மற்றும் எரிபொருள் தட்டுப்பாடு நிலவிய நெருக்கடியான காலங்களில் எமது மாவட்ட செயலக உத்தியோகத்தர்கள் மிகவும் வினைத்திறனாகவும் அர்ப்பணிப்பாகவும் சேவையாற்றியமைக்கு வாழ்த்துகளையும் நன்றியையும் தெரிவித்ததுடன், இச் செயற்பாடுகளை சிறப்பான வழி நடத்தல்களை வழங்கி வழிப்படுத்திய முன்னாள் யாழ் மாவட்ட அரசாங்க அதிபர் கணபதிப்பிள்ளை மகேசன் அவர்களுக்கு நன்றியையும் தெரிவித்தார்.
 
மேலும் , அதிமேதகு ஜனாதிபதி அவர்களின் எண்ணக்கருவில் உருவான உணவுப்பாதுகாப்பு செயற்பாடுகளுக்கு அனைவரினதும் பங்களிப்பு அவசியமானதென தெரிவித்தார்.மேலும் அறிவு, திறன் மனப்பாங்குடன் சிந்தித்து செயலாற்றுவதன் மூலமும் வெற்றி அடையலாம் என்பதுடன் இவ் வெற்றி மூலம் பொதுமக்கள் திருப்தி அடையக்கூடிய வகையில் சேவையாற்றுவதே அரச உத்தியோகத்தர்கள் ஆகிய எங்கள் ஒவ்வொருவரினதும் தலையாய கடமையாகும் என தெரிவித்தார்.