யாழ்.மாவட்டத்தின் தெல்லிப்பளை பிரதேச செயலக பிரிவில் இழப்பீடுகளுக்கான அலுவலகத்தின் ஏற்பாட்டில் யுத்தம் மற்றும் வன்முறைகளால் பாதிக்கப்பட்ட பெண் தலைமைத்துவ குடும்பங்களின் வாழ்வாதாரத்தை முன்னேற்றும் முகமாக தொழில்நுட்ப மற்றும் அறிவு பரிமாற்ற நிகழ்ச்சித்திட்ட ஆரம்ப நிகழ்வு தெல்லிப்பளை பிரதேச செயலாளர் தலைமையில் கடந்த வெள்ளிக்கிழமை (2021.12.03) தெல்லிப்பளை பிரதேச செயலகத்தில் நடைபெற்றது.

யாழ்ப்பாண மாவட்ட விவசாயக் குழுக் கூட்டம் இன்று (02.12.2021) காலை மாவட்ட அரசாங்க அதிபர் திரு. கணபதிப்பிள்ளை மகேசன் அவர்களின் தலைமையில் மாவட்ட செயலக கேட்போர் கூடத்தில் இடம்பெற்றது.

இக்கலந்துரையாடலில் வாரிசௌபாக்கியா வேலைத்திட்டம செயற்பாடுகள் , குளங்கள் வாய்க்கால்கள் புனரமைப்பு கோரிக்கைகள், விவசாய செய்கைக்கான உரமானிய வழங்கல் நடவடிக்கைகள் ,களஞ்சிய வசதிகள், விவசாயிகளுக்கான ஓய்வூதியத் திட்ட நடவடிக்கைகள், உருளைக்கிழங்கு மானிய செயற்பாடுகள் உள்ளிட்ட பல விடயங்கள் விரிவாக ஆராயப்பட்டது.

புனர்வாழ்வு பெற்றவர்களின் பொருளாதார, சமூக மற்றும் நலன்புரி தொடர்பான இணைப்பு காரியாலயத்தின் ஏற்பாட்டில் மாவட்ட அரசாங்க அதிபர் உயர்திரு.கணபதிப்பிள்ளை மகேசன் அவர்களினால் 2021.11.30 அன்று காலை 8.30 மணிக்கு யாழ்ப்பாண மாவட்ட செயலகத்தில் அமைந்துள்ள புனர்வாழ்வு பெற்றவர்களின் பொருளாதார, சமூக மற்றும் நலன்புரி தொடர்பான இணைப்பு காரியாலயத்தில் வைத்து புனர்வாழ்வு பெற்ற இருவரிற்கு கணினிகள் வழங்கிவைக்கப்பட்டது.

மட்டக்களப்பு மாவட்ட செயலகத்தின் உற்பத்தித்திறன் செயற்பாட்டை அதிகரிக்கும் பொருட்டு சிறந்த அனுபவப் பகிர்வுகளை பெறுவதற்காக மட்டக்களப்பு மாவட்டச் செயலக உதவி மாவட்டச் செயலாளர் திரு.ஆ.நவேஸ்வரன் தலைமையில் உத்தியோகத்தர்களை உள்ளடக்கிய குழுவினர் 29.11.2021 அன்று யாழ்ப்பாண மாவட்டச் செயலகத்திற்கு நட்புறவான களவிஜயத்தினை மேற்கொண்டிருந்தனர்.

கொழும்பு தெற்கு றோட்டறிக் கழகத்தினால் யாழ்.மாவட்ட செயலகத்திற்கு வழங்கப்பட்ட ஒரு தொகுதி தொற்றுநீக்கி திரவங்களை அந்நிறுவனம் சார்பாக மாவட்ட அரசாங்க அதிபர் உயர்திரு.கணபதிப்பிள்ளை மகேசன் அவர்கள் 30.11.2021 அன்று மாவட்ட மேலதிக அரசாங்க அதிபர், மாவட்ட திட்டமிடல் பணிப்பாளர் மற்றும் உதவி மாவட்டச் செயலாளர் ஆகியோரிடம் வழங்கிவைத்தார்.