யாழ்ப்பாண மாவட்டத்தில் நடைமுறைப்படுத்தப்பட்டு வருகின்ற காணி உரித்துச் சான்றிதழ் வழங்கல் திட்டத்தின் செயற்பாடுகளை விரைவுபடுத்தும் நோக்கில், பயிற்சிப் பட்டறை ஒன்று இன்றைய தினம்(03.08.2026) யாழ்ப்பாண மாவட்டச் செயலகத்தில், மாவட்ட அரசாங்க அதிபர் மருதலிங்கம் பிரதீபன் அவர்களின் தலைமையில் நடைபெற்றது. பயிற்சிப் பட்டறையின் ஆரம்ப நிகழ்வில் தலைமையுரையாற்றிய மாவட்ட அரசாங்க அதிபர், இத்திட்டம் தற்போது நாட்டின் அனைத்து மாவட்டங்களிலும் வெற்றிகரமாக நடைமுறைப்படுத்தப்பட்டு வருவதாகவும், அதேபோன்று யாழ்ப்பாண மாவட்டத்திலும் அரசாங்கத்தின் வழிகாட்டலின் கீழ் தொடர்ச்சியாக முன்னெடுக்கப்பட்டு வருவதாகவும் தெரிவித்தார். இத்திட்டத்தை நடைமுறைப்படுத்தும் பணிகளில் எதிர்நோக்கப்படும் சில நடைமுறைச் சவால்கள் மற்றும் தேவைகள் தொடர்பாக மாவட்ட உதவி ஆணையாளர் முன்வைத்த கோரிக்கையின் அடிப்படையில், சம்பந்தப்பட்ட அனைத்து திணைக்களங்களையும் ஒருங்கிணைக்கும் நோக்கில் இப்பயிற்சிப் பட்டறை ஏற்பாடு செய்யப்பட்டுள்ளதாக தெரிவித்தார்.
மேலும், காணி உரித்து நிர்ணயத் திணைக்களத்தின் தற்போதைய மற்றும் முன்னாள் பணிப்பாளர்கள், நில அளவைத் திணைக்களம் உள்ளிட்ட தொடர்புடைய அதிகாரிகள் இந்நிகழ்வில் பங்கேற்றிருப்பதால், நிலுவையில் உள்ள பிரச்சினைகளுக்கு விரைவான தீர்வுகளைப் பெறுவதற்கான சிறந்த வாய்ப்பாக இதனைப் பயன்படுத்த வேண்டும் என்றும் அரசாங்க அதிபர் வலியுறுத்தினார். யாழ்ப்பாண மாவட்டத்தில் இத்திட்டம் முதன்முதலாக நல்லூர் பிரதேச செயலாளர் பிரிவில் ஆரம்பிக்கப்பட்டுள்ளதுடன், பின்னர் ஏனைய பிரதேச செயலாளர் பிரிவுகளுக்கும் விரிவுபடுத்தப்பட்டு தொடர்ந்து நடைமுறைப்படுத்தப்பட்டு வருவதாகவும் தெரிவித்தார். காணி உரிமை தொடர்பான ஆரம்ப நடவடிக்கைகள் பிரதேச செயலகங்களின் ஊடாக முன்னெடுக்கப்பட்டாலும், உரிமை ஆவணங்களைத் தயாரித்தல், பதிவு செய்தல் மற்றும் உரிய ஆவணங்களை மக்களிடம் கையளித்தல் போன்ற கட்டங்களில் சில நடைமுறைச் சிரமங்கள் காணப்படுவதாகவும் தெரிவித்தார்.
தனியார் காணிகளின் உரிமையை தெளிவாகவும் சட்டரீதியாகவும் உறுதிப்படுத்துவது இத்திட்டத்தின் முக்கிய நோக்கமாகும் என்றும், வட மாகாணத்தின் ஏனைய மாவட்டங்களுடன் ஒப்பிடுகையில் யாழ்ப்பாண மாவட்டத்தில் காணி தொடர்பான பிரச்சினைகள் குறைவாக இருந்தாலும், எஞ்சியுள்ள சிக்கல்களுக்கு துரிதமான தீர்வுகளை வழங்குவது அவசியம் என்றும் தெரிவித்தார். காணி உரித்து நிர்ணயத் திணைக்களம் மற்றும் பதிவாளர் நாயகம் திணைக்களத்தின் அதிகாரிகள் இக் கலந்துரையாடலில் பங்கேற்றுள்ள நிலையில், இவ்வாய்ப்பை முழுமையாகப் பயன்படுத்தி நிலுவையில் உள்ள பிரச்சினைகளுக்கு விரைவான தீர்வுகளைப் பெற்றுக்கொடுத்து, மக்களுக்கு அதிகபட்ச நன்மை கிடைக்கச் செய்வதற்காக அனைத்து தரப்பினரும் ஒருங்கிணைந்த அணுகுமுறையுடன் செயற்பட வேண்டும் என மாவட்ட அரசாங்க அதிபர் கேட்டுக்கொண்டார்.
இந்நிகழ்வில் யாழ்ப்பாண மேலதிக அரசாங்க அதிபர் கை.சிவகரன், உதவிப் பதிவாளர் நாயகம் J.K.S.K. கருணாரட்ண, காணி உரித்து நிர்ணயத் திணைக்களத்தின் ஆணையாளர் (விசாரணை) சுனேத்திரா கோரள ஆராய்ச்சி, உதவி ஆணையாளர்கள் D. ஜெயரட்ண மற்றும் O.G.C.M. குணவர்த்தன, மேலதிக உரித்துப் பதிவாளர் R.M.R. தேனுஜா பியரத்தின, உரித்துப் பதிவாளர் C.D. ஹெட்டியாராய்ச்சி, மேலதிக மாவட்ட பதிவாளர் W.A.H.L. ரத்னசூரியா, பிரதிப் பதிவாளர் நாயகம் ஆனந்தி ஜெயரட்ணம், உதவிப் பதிவாளர் நாயகம் P. தாரகா, யாழ்ப்பாண மாவட்ட காணிப் பதிவாளர் குணாஜினி, காணி உரித்து நிர்ணயத் திணைக்களத்தின் யாழ்ப்பாண மாவட்ட உதவி ஆணையாளர் த. தயாளன் மற்றும் காணி உரித்து உத்தியோகத்தர்கள் உள்ளிட்ட பலரும் கலந்துகொண்டனர்.
 
1 3 4 5 6 7 8 9 10
 
 
தையிட்டி ஸ்டார் விளையாட்டுக் கழக கரப்பந்தாட்ட மைதான நவீனமயமாக்கலுக்கு அடிக்கல் நாட்டி வைப்பு – ரூ. 8.9 மில்லியன் நிதி ஒதுக்கீட்டில் பணிகள் ஆரம்பம்! யாழ்ப்பாணம் தையிட்டி ஸ்டார் விளையாட்டுக் கழகத்தின் கரப்பந்தாட்ட மைதான நவீனமயமாக்கல் பணிகளுக்கான அடிக்கல் நாட்டும் நிகழ்வு இன்றைய தினம் (02.08.2026) ஞாயிற்றுக்கிழமை காலை 9.30 மணியளவில் சிறப்பாக நடைபெற்றது. இந் நிகழ்வில் விளையாட்டுத்துறை மற்றும் இளைஞர் விவகார அமைச்சர் கௌரவ சுனில் குமார கமகே அவர்கள் பிரதம விருந்தினராகக் கலந்து கொண்டு, கரப்பந்தாட்ட மைதான நவீனமயமாக்கல் பணிகளை அடிக்கல் நாட்டி உத்தியோகபூர்வமாக ஆரம்பித்து வைத்தார். இந் நிகழ்வில் பாராளுமன்ற உறுப்பினரும் தெல்லிப்பழை பிரதேச ஒருங்கிணைப்புக் குழுத் தலைவருமான கௌரவ வைத்தியர் எஸ். ஸ்ரீபவானந்தராஜா, பாராளுமன்ற உறுப்பினர் கௌரவ கருணநாதன் இளங்குமரன், யாழ்ப்பாண மாவட்ட அரசாங்க அதிபர் மருதலிங்கம் பிரதீபன், மாவட்ட ஒருங்கிணைப்புக் குழுவின் இணைப்பாளர் திரு.எஸ். கபிலன், தெல்லிப்பழை பிரதேச செயலாளர் திருமதி சிவகங்கா, மதகுருமார்கள், பிரதேச செயலக விளையாட்டு உத்தியோகத்தர், துறைசார்ந்த அரச அதிகாரிகள், விளையாட்டுக் கழக உறுப்பினர்கள் மற்றும் பொதுமக்கள் உள்ளிட்ட பலரும் கலந்துகொண்டனர்.
இத் திட்டத்திற்காக அமைச்சினால் ரூபா. 8.9 மில்லியன் நிதி ஒதுக்கீடு செய்யப்பட்டுள்ளமை குறிப்பிடத்தக்கது. அதிதிகள் வரவேற்கப்பட்டதைத் தொடர்ந்து மங்கல விளக்கேற்றும் நிகழ்வு இடம்பெற்றது. பின்னர் வரவேற்புரை நிகழ்த்தப்பட்டதையடுத்து கரப்பந்தாட்ட மைதான நவீனமயமாக்கல் பணிகளுக்கான அடிக்கல் நாட்டப்பட்டதுடன், அதிதிகள் உரைகள் இடம்பெற்றன. அதன் பின்னர், வேலைத்திட்டத்தை உத்தியோகபூர்வமாக ஆரம்பிப்பதற்கான ஆவணத்தை விளையாட்டுத்துறை மற்றும் இளைஞர் விவகார அமைச்சர் கௌரவ சுனில் குமார கமகே அவர்கள் தையிட்டி ஸ்டார் விளையாட்டுக் கழக உறுப்பினர்களிடம் கையளித்தார்.


1 2 3 4 5 6 8 8 9 10 11 12 13 14 15 17 19 20
சிரேஷ்ட பிரதிப் பதிவாளர் நாயகமாக பதவியுயர்வு பெற்று கொழும்பு, பத்தரமுல்லையிலுள்ள பதிவாளர் நாயகம் திணைக்களத்தின் தலைமையகத்திற்கு இடமாற்றம் பெற்றுச் செல்லும் திரு. பரஞ்சோதி பிரபாகர் அவர்களுக்கான சேவைநலன் பாராட்டு விழாவும் பிரியாவிடை நிகழ்வும், யாழ்ப்பாண மாவட்ட மேலதிக அரசாங்க அதிபர் திரு. க. சிவகரன் அவர்களின் தலைமையில் இன்று (31.07.2026) பிற்பகல் 3.30 மணிக்கு யாழ்ப்பாண மாவட்டச் செயலக அரசாங்க அதிபர் அலுவலகத்தில் நடைபெற்றது.
திரு. பரஞ்சோதி பிரபாகர் அவர்கள் 1992 ஆம் ஆண்டு யாழ்ப்பாண மாவட்டச் செயலகத்தில் எழுதுநராக அரச சேவையில் இணைந்தார். பின்னர் காணிப்பதிவாளராகவும், பிரதிப் பதிவாளர் நாயகமாகவும் பணியாற்றிய அவர், 2026 ஆகஸ்ட் 1ஆம் திகதி முதல் சிரேஷ்ட பிரதிப் பதிவாளர் நாயகமாக பதவியுயர்வு பெற்று கொழும்பு, பத்தரமுல்லையிலுள்ள பதிவாளர் நாயகம் திணைக்களத்தின் தலைமையகத்தில் கடமையாற்றவுள்ளார். இந் நிகழ்வில் வாழ்த்துரை வழங்கிய யாழ்ப்பாண மாவட்ட அரசாங்க அதிபர், திரு. பரஞ்சோதி பிரபாகர் அவர்கள் மாவட்டச் செயலகத்தில் நீண்டகாலம் அர்ப்பணிப்புடன் சேவையாற்றியவர் என்றும், தனது பொறுப்புகளை திறம்பட நிறைவேற்றியதோடு, சக உத்தியோகத்தர்களுடன் எளிமையாகவும் அமைதியாகவும் பழகும் பண்புடையவராகத் திகழ்ந்தார் என்றும் குறிப்பிட்டார்.
மேலும், சவாலான நிர்வாக விடயங்களைக் கூட அமைதியாகவும் துணிச்சலுடனும் கையாளும் திறமை கொண்டவர் என்றும், குறிப்பாக தேர்தல் காலங்களில் ஆளணி, போக்குவரத்து மற்றும் முறைப்பாட்டு பிரிவுகளின் பொறுப்புகளை மிகவும் திறமையாக நிறைவேற்றியமை பாராட்டுக்குரியது என்றும் தெரிவித்தார். அவரது புதிய பதவியில் மேலும் பல வெற்றிகளைப் பெற வாழ்த்துகளையும் தெரிவித்தார். இந் நிகழ்வில் மேலதிக அரசாங்க அதிபர் (காணி), மாவட்ட திட்டமிடல் பணிப்பாளர், பிரதம கணக்காளர், பிரதம பொறியியலாளர், பிரதம உள்ளக கணக்காய்வாளர், உதவி மாவட்டச் செயலாளர் உள்ளிட்ட பதவிநிலை உத்தியோகத்தர்கள் வாழ்த்துரைகளை வழங்கினர். அதனைத் தொடர்ந்து, மாவட்ட அரசாங்க அதிபரால் திரு. பரஞ்சோதி பிரபாகர் அவர்களுக்கு பொன்னாடை அணிவித்து கௌரவிக்கப்பட்டதுடன், நினைவுச் சின்னமும் வழங்கப்பட்டது. இறுதியாக, திரு. பரஞ்சோதி பிரபாகர் அவர்கள் ஏற்புரையாற்றி, தன்னுடன் இணைந்து பணியாற்றிய அனைவருக்கும் தனது நன்றிகளைத் தெரிவித்தார். இந் நிகழ்வில் மாவட்டச் செயலகத்தின் பதவிநிலை உத்தியோகத்தர்கள் மற்றும் ஏனைய உத்தியோகத்தர்கள் கலந்துகொண்டனர்.
1 2 3 4 5 6 7 8 9 10 12 13

யாழ். சங்கானை இந்து இளைஞர் மன்றத்தின் கரப்பந்தாட்ட மைதான நவீனமயமாக்கல் பணிகளுக்கான ஆரம்ப நிகழ்வு இன்று (02.08.2026) காலை 8.00 மணியளவில், சங்கானை இந்து இளைஞர் மன்றத்தின் தலைவர் திரு. ராகுலன் அவர்களின் தலைமையில் நடைபெற்றது. இந் நிகழ்வில் விளையாட்டுத்துறை மற்றும் இளைஞர் விவகார அமைச்சர் கௌரவ சுனில் குமார கமகே அவர்கள் பிரதம விருந்தினராகக் கலந்து கொண்டு, கரப்பந்தாட்ட மைதான நவீனமயமாக்கல் பணிகளை உத்தியோகபூர்வமாக ஆரம்பித்து வைத்தார். மேலும், பாராளுமன்ற உறுப்பினரும் சங்கானை பிரதேச ஒருங்கிணைப்புக் குழுத் தலைவருமான கௌரவ வைத்தியர் எஸ். ஸ்ரீபவானந்தராஜா, பாராளுமன்ற உறுப்பினர்கள் கௌரவ கருணநாதன் இளங்குமரன் மற்றும் கௌரவ ஜெயசந்திரமூர்த்தி ரஜீவன், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன், மாவட்ட ஒருங்கிணைப்புக் குழுவின் இணைப்பாளர் திரு. எஸ். கபிலன், சங்கானை பிரதேச செயலாளர் திருமதி உதயகுமார் கவிதா, பிரதேச சபை உறுப்பினர்கள் கௌரவ பா. கஜமுகன் மற்றும் கௌரவ புவிகரன் காயளினி, கிராம உத்தியோகத்தர், சங்கானை பிரதேச செயலக விளையாட்டு உத்தியோகத்தர், கழக அங்கத்தவர்கள் மற்றும் பொதுமக்கள் உள்ளிட்ட பலரும் கலந்து கொண்டனர். இத் திட்டத்திற்காக அமைச்சினால் ரூபாய் 4.1 மில்லியன் நிதி ஒதுக்கீடு செய்யப்பட்டுள்ளது. இந் நிகழ்வில் அதிதிகள் வரவேற்கப்பட்டதைத் தொடர்ந்து மங்கல விளக்கேற்றம் இடம்பெற்றது. பின்னர் வரவேற்புரை மற்றும் சிறப்புரைகள் நிகழ்ந்தன.
இந் நிகழ்வில் கருத்து தெரிவித்த பாராளுமன்ற உறுப்பினரும் சங்கானை பிரதேச ஒருங்கிணைப்புக் குழுத் தலைவருமான கௌரவ வைத்தியர் எஸ். ஸ்ரீபவானந்தராஜா அவர்கள், சங்கானை நகரம் வரலாற்று சிறப்புமிக்க நகரமாகும். இங்குள்ள சந்தையும் கூட்டுறவுச் சங்கமும் சங்கானைக்கு தனித்துவமான அடையாளத்தை வழங்கியுள்ளன. மேலும், பல்வேறு சமூக மற்றும் அரசியல் செயற்பாடுகளில் முன்னிலை வகித்த நகரமாகவும் சங்கானை திகழ்கிறது. இவ்வாறான பிரதேசத்தின் ஒருங்கிணைப்புக் குழுத் தலைவராகச் செயற்படுவது மகிழ்ச்சியளிப்பதாகவும் தெரிவித்தார். அரசாங்கத்தின் முக்கிய நோக்கங்களில் ஒன்றான கிராம மக்களின் வாழ்க்கைத் தரத்தை உயர்த்தும் பணியின் ஒரு பகுதியாக, இளைஞர்களுக்கான விளையாட்டு வசதிகளை மேம்படுத்துவது முன்னுரிமையாகக் கருதப்படுவதாகவும் அவர் குறிப்பிட்டார். விளையாட்டு மைதானங்கள் இல்லாத சூழலில் இளைஞர்கள் தவறான பாதைகளுக்குச் செல்லும் அபாயம் இருப்பதால், அவர்களின் ஆற்றலை நேர்மறையான வழியில் வழிநடத்த விளையாட்டை ஊக்குவிப்பது அவசியம் என்றார். இந்த மைதானத்தை நவீனமயமாக்குவதற்காக சுமார் ரூ. 41 இலட்சம் நிதி ஒதுக்கியமைக்காக அமைச்சருக்கு நன்றியைத் தெரிவித்ததுடன், மைதானத்திற்கான மலசலகூட வசதி மற்றும் பாதுகாப்பு வேலி அமைப்பதற்கும் தேவையான நிதி வழங்கப்படும் என அமைச்சர் உறுதியளித்திருப்பதையும் வரவேற்றார். இப்புனரமைப்புப் பணிகள் வெற்றிகரமாக நிறைவடைந்து, இப்பகுதி இளைஞர்கள் மாவட்ட, தேசிய மற்றும் சர்வதேச மட்டங்களில் விளையாட்டுத் துறையில் சிறந்து விளங்க வேண்டும் என வாழ்த்துக்களையும் தெரிவித்தார். தொடர்ந்து, கரப்பந்தாட்ட மைதான நவீனமயமாக்கல் பணிகளை ஆரம்பிப்பதற்கான உத்தியோகபூர்வ ஆவணத்தை விளையாட்டுத்துறை மற்றும் இளைஞர் விவகார அமைச்சர் கௌரவ சுனில் குமார கமகே அவர்கள் கழக அங்கத்தவர்களிடம் கையளித்து திட்டத்தை ஆரம்பித்து வைத்தார்.
1 2 3 45 6 7 8 10 11 12 13 16 17 19 20
சிரேஷ்ட பிரதிப் பதிவாளர் நாயகமாக பதவியுயர்வு பெற்று கொழும்பு, பத்தரமுல்லையிலுள்ள பதிவாளர் நாயகம் திணைக்களத்தின் தலைமையகத்திற்கு இடமாற்றம் பெற்றுச் செல்லும் திரு. பரஞ்சோதி பிரபாகர் அவர்களுக்கான சேவைநலன் பாராட்டு விழாவும் பிரியாவிடை நிகழ்வும், யாழ்ப்பாண மாவட்ட மேலதிக அரசாங்க அதிபர் திரு. க. சிவகரன் அவர்களின் தலைமையில் இன்று (31.07.2026) பிற்பகல் 3.30 மணிக்கு யாழ்ப்பாண மாவட்டச் செயலக அரசாங்க அதிபர் அலுவலகத்தில் நடைபெற்றது.
திரு. பரஞ்சோதி பிரபாகர் அவர்கள் 1992 ஆம் ஆண்டு யாழ்ப்பாண மாவட்டச் செயலகத்தில் எழுதுநராக அரச சேவையில் இணைந்தார். பின்னர் காணிப்பதிவாளராகவும், பிரதிப் பதிவாளர் நாயகமாகவும் பணியாற்றிய அவர், 2026 ஆகஸ்ட் 1ஆம் திகதி முதல் சிரேஷ்ட பிரதிப் பதிவாளர் நாயகமாக பதவியுயர்வு பெற்று கொழும்பு, பத்தரமுல்லையிலுள்ள பதிவாளர் நாயகம் திணைக்களத்தின் தலைமையகத்தில் கடமையாற்றவுள்ளார். இந் நிகழ்வில் வாழ்த்துரை வழங்கிய யாழ்ப்பாண மாவட்ட அரசாங்க அதிபர், திரு. பரஞ்சோதி பிரபாகர் அவர்கள் மாவட்டச் செயலகத்தில் நீண்டகாலம் அர்ப்பணிப்புடன் சேவையாற்றியவர் என்றும், தனது பொறுப்புகளை திறம்பட நிறைவேற்றியதோடு, சக உத்தியோகத்தர்களுடன் எளிமையாகவும் அமைதியாகவும் பழகும் பண்புடையவராகத் திகழ்ந்தார் என்றும் குறிப்பிட்டார்.
மேலும், சவாலான நிர்வாக விடயங்களைக் கூட அமைதியாகவும் துணிச்சலுடனும் கையாளும் திறமை கொண்டவர் என்றும், குறிப்பாக தேர்தல் காலங்களில் ஆளணி, போக்குவரத்து மற்றும் முறைப்பாட்டு பிரிவுகளின் பொறுப்புகளை மிகவும் திறமையாக நிறைவேற்றியமை பாராட்டுக்குரியது என்றும் தெரிவித்தார். அவரது புதிய பதவியில் மேலும் பல வெற்றிகளைப் பெற வாழ்த்துகளையும் தெரிவித்தார். இந் நிகழ்வில் மேலதிக அரசாங்க அதிபர் (காணி), மாவட்ட திட்டமிடல் பணிப்பாளர், பிரதம கணக்காளர், பிரதம பொறியியலாளர், பிரதம உள்ளக கணக்காய்வாளர், உதவி மாவட்டச் செயலாளர் உள்ளிட்ட பதவிநிலை உத்தியோகத்தர்கள் வாழ்த்துரைகளை வழங்கினர். அதனைத் தொடர்ந்து, மாவட்ட அரசாங்க அதிபரால் திரு. பரஞ்சோதி பிரபாகர் அவர்களுக்கு பொன்னாடை அணிவித்து கௌரவிக்கப்பட்டதுடன், நினைவுச் சின்னமும் வழங்கப்பட்டது. இறுதியாக, திரு. பரஞ்சோதி பிரபாகர் அவர்கள் ஏற்புரையாற்றி, தன்னுடன் இணைந்து பணியாற்றிய அனைவருக்கும் தனது நன்றிகளைத் தெரிவித்தார். இந் நிகழ்வில் மாவட்டச் செயலகத்தின் பதவிநிலை உத்தியோகத்தர்கள் மற்றும் ஏனைய உத்தியோகத்தர்கள் கலந்துகொண்டனர்.
1 2 3 4 5 6 7 8 9 10 12 13