18.09.2025 அன்று நடைபெற்ற கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவருமாகிய கௌரவ இராமலிங்கம் சந்திரசேகர் அவர்களினது பங்கேற்புடனும் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் கௌரவ பிமல் நிரோசன் ரட்ணாயக்க அவர்களது தலைமையில் நடைபெற்ற போக்குவரத்து தொடர்பான யாழ்ப்பாண மாவட்ட ஒருங்கிணைப்பு குழுக் கூட்டத்தில் போக்குவரத்து, பெருந்தெருக்கள் துறைமுகம் மற்றும் சிவில் விமான சேவைகள் அமைச்சர் தீவக பகுதிகளுக்கு 250 மில்லியன் ரூபாய் ஒதுக்கீடு செய்யப்படும் என தெரிவித்திருந்தார். அதற்கிணங்க பிரதேச செயலாளர்களிடமிருந்து திருத்தப்பட வேண்டிய வீதிகளின் பட்டியல்கள் திரட்டப்பட்டு அரசாங்க அதிபரினால் அமைச்சிற்கு அனுப்பப்பட்டு அமைச்சினால் அதற்குரிய அனுமதி வழங்கப்பட்டுள்ளமை குறிப்பிடத்தக்க அமசமாகும்.
இக்கலந்துரையாடலில் வேலணை,ஊர்காவற்துறை , காரைநகர் மற்றும் நெடுந்தீவு பிரதேச செயலாளர் பிரிவுக்குட்பட்ட பகுதிகளில் இவ் வருடத்திற்கான கிராமிய வீதிகளின் அபிவிருத்திக்காக விசேட நிதி ஒதுக்கீட்டின் கீழ் மேற்கொள்ளப்படவுள்ள வீதி அபிவிருத்தி வேலைத்திட்டங்களை விரைவாக முன்னெடுப்பது தொடர்பாக கலந்துரையாடப்பட்டதோடு குறிப்பாக வீதி அபிவிருத்திகள் உரிய காலத்தில் வினைத்திறனாக நிறைவேற்றி முடிக்க அரசாங்க அதிபரால் உரிய அறிவுறுத்தல்கள் வழங்கப்பட்டது.
இக்கலந்துரையாடலில் கௌரவ பிரதேச சபை தவிசாளர்கள் ,மேலதிக அரசாங்க அதிபர், திட்டமிடல் பணிப்பாளர், பிரதம கணக்காளர், வேலணை காரைநகர் மற்றும் நெடுந்தீவு பிரதேச செயலாளர்கள், மாவட்ட செயலக கணக்காளர் உள்ளிட்டவர்கள் கலந்து கொண்டனர்.

விசேட தேவையுடையோருக்கான சர்வதேச தினத்தை முன்னிட்டு டிசம்பர் மாதம் 3 ஆம் திகதி ஜனாதிபதியின் பங்குபற்றுதலுடன் யாழ்ப்பாணத்தில் நடைபெறவுள்ள விசேட தேவையுடையோருக்கான தேசிய விழா தொடர்பான முன்னாயத்த கலந்துரையாடல் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்று (13.10.2025) காலை 10.30 மணிக்கு மாவட்டச் செயலக அரசாங்க அதிபர் அலுவலகத்தில் நடைபெற்றது.விசேட தேவையுடையோருக்கான தேசிய விழாவானது இம் முறை யாழ்ப்பாணத்தில் நடைபெறுவதோடு இந் நிகழ்வில் வட மாகாணத்தின் 5 மாவட்டங்களில் இருந்து விசேட தேவையுடையோர் சுமார் 650 பேரின் பங்குபற்றுதலுடன் யாழ்ப்பாணம் கலாச்சார மண்டபத்தில் நடாத்துவதற்கு தீர்மானிக்கப்பட்டுள்ளது.
இக் கலந்துரையாடலில் கிராமிய அபிவிருத்தி சமூக பாதுகாப்பு மற்றும் சமூக வலுவூட்டல் அமைச்சின் மேலதிக செயலாளர் (நிர்வாகம்) ராதா நாணயக்கார, மகளிர் விவகார அமைச்சின் செயலாளர் திரு.மு.நந்தகோபாலன் ,அங்கவீனமுற்ற நபர்களுக்கான தேசிய செயலக பணிப்பாளர் ஜெயமாலி விக்கிரமராட்சி ,மேலதிக அரசாங்க அதிபர் திரு கே. சிவகரன், மேலதிக அரசாங்க அதிபர் (காணி) திரு. பா.ஜெயகரன், பிரதம கணக்காளர் திரு.எஸ் கிருபாகரன், திட்டமிடல் பணிப்பாளர் திரு. சுரேந்திரநாதன், உதவி மாவட்ட செயலாளர் செல்வி உ. தர்ஷினி, சமூக சேவைகள் திணைக்களப் பணிப்பாளர் திருமதி.தனுஜா லுக்ஷாந்தன் ,கிராமிய அபிவிருத்தி சமூக பாதுகாப்பு மற்றும் சமூக வலுவூட்டல் அமைச்சின் உதவி ஆணையாளர், கிறிஸ்தவ மதகுரு, மாவட்ட சமூக சேவைகள் அபிவிருத்தி உத்தியோகத்தர் திரு .தி.உமாசங்கர், அங்கவீனமுற்ற நபர்களுக்கான தேசிய செயலக உறுப்பினர்கள் உள்ளிட்ட பலர் கலந்து கொண்டனர்.

ஐந்து வருடங்களுக்கு மேலாக வெளிமாவட்டங்களில் கடமையாற்றும் அபிவிருத்தி உத்தியோகத்தர்கள் சொந்த வருடாந்த இடமாற்றத்திற்கு விண்ணப்பித்தும் இடமாற்றமானது கிடைக்கப்பெறாத அதேவேளை 13 வருடங்கள் கடந்தும் சில அபிவிருத்தி உத்தியோகத்தர்கள் எவ்வித இடமாற்றமும் இ்ன்றி சொந்த மாவட்டத்தில் தொடர்ந்தும் கடமையாற்றி வருவதாக தெரிவித்ததோடு தமக்கான முறையான நியாயமான இடமாற்றக் கோரிக்கை மகஜர் ஒன்றினை வடமாகாண அபிவிருத்தி உத்தியோகத்தர்கள் இன்றைய தினம் (13.10.2025) அரசாங்க அதிபர் திரு.மருதலிங்கம் பிரதீபன் அவர்களிடம் கையளித்தனர்.

பெரண்டீனா லயிப் லைன் நிறுவனத்தின்(Berendina Micro Investments Company Limited) அனுசரனையில் கர்ப்பிணிப் பெண்களுக்கான பிரசவகாலப்பொதி யாழ்ப்பாண மாவட்ட அரசாங்க அதிபர் மருதலிங்கம் பிரதீபன் அவர்களினால் இன்றையதினம் (2025.10.13 ) காலை 11.00 மணிக்கு மாவட்ட செயலக கேட்போா் கூடத்தில் வைத்து வழங்கி வைக்கப்பட்டன.இந்நிகழ்வில் கலந்து கொண்ட அரசாங்க அதிபர் அவர்கள் கருத்து தெரிவிக்கையில் கர்ப்பிணிப் பெண்களுக்கான பிரசவகாலப்பொதி வழங்கி வைத்த பெரண்டீனா லயிப் லைன் நிறுவனத்திற்கு நன்றிகளைத் தெரிவித்துக் கொண்டதுடன் இவ் உதவித்திட்டத்தை சரியான வகையில் பயன்படுத்திக்கொள்ள வேண்டும் என தெரிவித்துடன், இதன்நோக்கம் கர்ப்பிணிகளும் அவர்களின் கருவிலுள்ள குழந்தையும் ஆரோக்கியமாக இருப்பதற்காகவே இப்பொதிகள் வழங்கப்பட்டுள்ளதாகவும் தெரிவித்ததோடு அரசாங்கத்தாலும் கர்ப்பிணிகளுக்கு உணவுமுத்திரைகள் வழங்கப்படுவதன் நோக்கம் கர்ப்பிணிப் பெண்களும் அவர்களின் கருவில் வளரும் குழந்தையும் ஆரோக்கியத்துடன் இருப்பதனூடாக இவ் சமுதாயத்தை உடல்,உளஆரோக்கியமான சமுதாயமாக மாற்றிக்கொள்ள வேண்டும் என்பதே ஆகும் எனவும் தெரிவித்து எல்லோரும் ஒன்றிணைந்து நோக்கத்தை உணர்ந்து ஆரோக்கியமான சமூகத்தை உருவாக்கவேண்டும் எனவும் கேட்டுக்கொண்டாா்.
யாழ்ப்பாணம், நல்லூா், கோப்பாய் , சாவகச்சேரி ஆகிய பிரதேச செயலகங்களிலிருந்து தெரிவு செய்யப்பட்ட 20 கர்ப்பிணிப் பெண்களுக்கு பத்தாயிரம் ரூபா பெறுமதியான பிரசவ காலப்பொதிகள் வழங்கி வைக்கப்பட்டமை குறிப்பிடத்தக்கது.
இந்நிகழ்வில் உதவி மாவட்ட செயலாளர் பெரண்டீனா லயிப் லைன் நிறுவனத்தின் வடமாகாண பிரதேச முகாமையாளர் மற்றும் சுன்னாகம் கிளை முகாமையாளர் மாவட்ட பெண்கள் அபிவிருத்திப்பிரிவின் இணைப்பாளர், கர்ப்பிணிப் பெண்கள் ஆகியோா் கலந்து கொண்டனர்.

செவிப்புல வலுவற்றோர்கள் தொடர்பாடலில் சமூகத்தில் எதிர்கொள்ளும் பிரச்சினைகள் மற்றும் தமிழ் சைகை மொழியின் முக்கியத்துவம் தொடர்பில் அரச அதிகாரிகளுக்கான வழிப்புணர்வு பட்டறை யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்றைய தினம் (10.10.2025) மாலை 2.30 மணிக்கு யாழப்பாண மாவட்ட செயலக மாநாட்டு மண்டபத்தில் இடம்பெற்றது.இதன்போது கருத்து தெரிவித்த மாவட்ட அரசாங்க அதிபர் அவர்கள், செவிப்புல வலுவற்றோர்கள் தொடர்பாடலின் போது சமூகத்தில் எதிர்கொள்ளும் பிரச்சினைகளை இனங்கண்டு அவற்றிற்கு தீர்வு காணும் நோக்கில் இக்கலந்துரையாடல் எற்பாடு செய்யப்பட்டுள்ளதாகவும், சமூகத்தில் எந்தவித பாதிப்பிற்கும் உள்ளாகாமல் அவர்கள் செயற்பட வேண்டும், அந்தவகையில் மாவட்ட செயலகம் மற்றும் பிரதேச செயலகங்கள் முழுமையான ஒத்துழைப்பை அவர்களுக்கு வழங்க கடமைப்பட்டுள்ளதாக தெரிவித்ததுடன் பிரதேச செயலகங்களில் கடமையாற்றும் சமூக சேவை உத்தியோகத்தர்கள் பலர் இந்த சைகை மொழி தொடர்பான பயற்சியை கடந்த காலங்களில் பெற்றுள்ளதாகவும் அதேபோல் ஏனைய உத்தியோகத்தர்களும் இந்த பயிற்சியினை பெறுவதற்கான ஏற்பாடுகள் மேற்கொள்ளப்பட்டு வருவதாகவும், இதன் மூலம் செவிப்புல வலுவற்றோர்களின் கருத்துக்களை புரிந்து வினைத்திறனான சேவைகளை வழங்க முடியும் எனவும் குறிப்பிட்டார்.மேலும், எந்த வகையிலும் இதனைக் குறைபாடாக கருதி அச்சம் கொள்ளத்தேவையில்லை என்றும் நாம் எல்லோரும் மனிதர்கள், தேவைகளின் அடிப்படையிலே கடமையாற்றும் உத்தியோகத்தர்கள், எந்தவித வேறுபாடும் அற்ற வகையில் உங்களோடு கடமையாற்றவுள்ளதாகவும் அரசாங்க அதிபர் தெரிவித்தார்.
இந் நிகழ்வில் யாழ்ப்பாண மாவட்ட செயலக மேலதிக அரசாங்க அதிபர் திரு.கே. சிவகரன், உதவி மாவட்ட செயலாளர் செல்வி. உ. தர்ஷினி, இலங்கை தமிழ் செவிப்புல வலுவற்றோர் சர்வதேச ஒன்றியத்தின் தலைவர் திரு.ப.கேதீஸ்வரன், தமிழ் செவிப்புல வலுவற்றோர் அமைப்பின் பணிப்பாளர் திரு.சே.செல்வக்குமார், பிரதேச செயலகங்களைச் சேர்ந்த உதவி பிரதேச செயலாளர்கள் மற்றும் யாழ்ப்பாண மாவட்ட செவிப்புல வலுவற்றோர் சங்கத்தின் அங்கத்தவர்கள் உள்ளிட்ட பலர் கலந்து கொண்டனர்.








