மாவட்டச் செயலக உத்தியோகத்தர்களுக்கான ஆரோக்கியமான வேலைச் சூழல் தொடர்பான விழிப்புணர்வு
மாவட்டச் செயலக உத்தியோகத்தர்களுக்கான ஆரோக்கியமான வேலைச் சூழல் மற்றும் உணர்வு ரீதியான விவேகம் தொடர்பான விழிப்புணர்வு நிகழ்வானது யாழ்ப்பாண
மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (18.07.2025) நண்பகல் 12.00 மணிக்கு மாவட்ட செயலக கேட்போா் கூடத்தில் நடைபெற்றது.
இவ் விழிப்புணர்வு நிகழ்வில் கொழும்பு தேசிய வைத்தியசாலை வைத்தியர் திருமதி வி. சந்திரமோகன் அவர்கள் கருத்துரைகளை நிகழ்த்தினார்.
இவ் விழிப்புணர்வு நிகழ்ச்சியில் மேலதிக அரசாங்க அதிபர் (காணி), உதவி மாவட்டச் செயலாளர் உள்ளிட்ட பதவிநிலை உத்தியோகத்தர்கள் மற்றும் உத்தியோகத்தர்கள் பங்குபற்றினார்கள்.
 
1 2 3 5 6 7 8 9
 
1பாடசாலை மாணவர் தூதுவர் தேசிய நிகழ்ச்சித் திட்டத்தில் பதிவு செய்யப்பட்ட பாடசாலை அதிபர்களுக்கான பயிற்சி செயலமர்வு
மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (18.07.2025) காலை 09.00 மணிக்கு மாவட்ட செயலக மாநாட்டு மண்டபத்தில் இடம்பெற்றது.
இதன்போது தலைமையுரையாற்றிய அரசாங்க அதிபர் அவர்கள், இச் செயலமர்வின் நோக்கமானது பாடசாலைகளில் மாணவர்களுக்கு ஏற்படும் பிரச்சனைகளை விளங்கி அவர்களை எவ்வாறு ஆற்றுப்படுத்துவது என்றும், அவர்களை உள நெருக்கடிகளிலிருந்து எவ்வாறு பாதுகாத்தல் என்றும் குறிப்பிட்டு, மாணவர்களை உள நெருக்கடியிலிருந்து பாதுகாப்பதும் அனைவரினதும் பொறுப்பாகும் எனவும் தெரிவித்தார். மேலும், அதிபர், ஆசிரியர்கள் மாணவர்களை எவ்வாறு கையாள்வதுஎன்பதிலும் சூழலை ஆரோக்கியமாக பேணுவதிலும் கவனம் செலுத்த வேண்டும் என்றும் அரசாங்க அதிபர் கேட்டுக்கொண்டு, இன்றைய செயலமர்விற்கு மிகவும் பொருத்தமான வளவாளர்கள் கருத்துரைகளை வழங்கவுள்ளதாகவும், அந்த வகையில் உளமருத்துவ நிபுணர் வைத்திய கலாநிதி எஸ். சிவதாஸ் அவர்களினால் வழங்கப்படும் வழிகாட்டுதல்களை பாடசாலைகளில் பின்பற்றுமாறும் கேட்டுக் கொண்டார்.
இவ் செயலமர்வில் யாழ்ப்பாணம் போதனா வைத்தியசாலையின் உளமருத்துவ நிபுணர் வைத்திய கலாநிதி எஸ். சிவதாஸ், மனித உரிமைகள் ஆணைக்குழுவின் பிராந்திய ஆணையாளர் திரு. ரி. கனகராஜ் மற்றும் பிரதேச சிறுவர் பாதுகாப்பு உத்தியோகத்தர் திரு. இ. ரவிராஜ் வளவாளர்களாக கலந்து கொண்டு கருத்துரைகள் வழங்கினார்.
இச் செயலமர்வில் பாடசாலை அதிபர்கள், ஆசிரியர்கள், மாவட்ட மற்றும் பிரதேச சிறுவர் பாதுகாப்பு உத்தியோகத்தர்கள் கலந்து கொண்டனர்.
 
 
1 2 3 4 5 6 7 8 9 11 10
4யாழ்ப்பாண மாவட்ட ஒருங்கிணைப்பு குழுக் கூட்டமானது கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் தலைமையில், வடக்கு மாகாண ஆளுநரும் ஒருங்கிணைப்புக் குழுவின் இணைத் தலைவருமான கெளரவ நாகலிங்கம் வேதநாயகன் அவர்களின் பங்குபற்றுதலுடன் இன்றைய தினம் (17.07.2025) காலை 09.00 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது.
யாழ்ப்பாண மாவட்ட அரசாங்க அதிபரும் ஒருங்கிணைப்புக் குழுவின் செயலாளருமான திரு.மருதலிங்கம் பிரதீபன் அவர்கள் வரவேற்பு ரையாற்றுகையில், கூட்டத்திற்கு வருகை தந்த கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களையும், வடக்கு மாகாண ஆளுநரும் ஒருங்கிணைப்புக் குழுவின் இணைத் தலைவருமான கெளரவ நாகலிங்கம் வேதநாயகன், கெளரவ பாராளுமன்ற உறுப்பினர்கள், உள்ளூராட்சி தேர்தல் பின்னராக இன்றைய கூட்டத்திற்கு வருகைதந்துள்ள கெளரவ தவிசாளர்கள் உள்ளிட்ட அனைவரையும் வரவேற்றதுடன், மாவட்டச் செயலகத்தினால் - மீள்குடியேற்றம் மற்றும் நகர அபிவிருத்தி மற்றும் அமைச்சினால் யாழ்ப்பாண மாவட்டத்திற்கு 1258 மில்லியன் ரூபா ஒதுக்கீடு செய்யப்பட்டுள்ளதாகவும்,அதிமேதகு சனாதிபதி தலைமையில் நடைபெற்ற அமைச்சரவை க் கூட்டத்தில் 6 இலட்சம் ரூபா பெறுமதியான வீட்டிற்கான நிதி 9 இலட்சம் ரூபாவாகவும், 10 இலட்சம் ரூபா பெறுமதியான வீட்டிற்கான நிதி 15 இலட்சம் ரூபாவாக அதிகரிக்கப்பட்டுள்ளதாகவும் அரசாங்க அதிபர் தெரிவித்து, அந்தவகையில் 9 இலட்சம் பெறுமதியான 53 வீடுகளுக்கும், 10 இலட்சம் பெறுமதியான 563 வீடுகளுக்குமான நிதியுமாக மொத்தமாக மாவட்டத்திற்கு 891 மில்லியன் ரூபா நிதி கிடைக்கவுள்ளதாகவும், மேலும், பன்முகப்படுத்தப்பட்ட வரவு செலவுத் திட்டத்திற்கு 56 மில்லியன் ரூபா, மின்சார இணைப்பு செயற்றிட்டத்திற்கு 43 மில்லியன் ரூபா, கிராமிய வீதி அபிவிருத்திக்கு 1000 மில்லியன் வேலைத் திட்டங்கள் நடைமுறைப்படுத்தப்பட்டுவருவதாகவும், திட்டங்களின் முன்னேற்றங்கள் தொடர்பாக விரிவாக ஆராயாப்படவுள்ளதாகவும் தெரிவித்துடன், ஒதுக்கீடு செய்யப்பட்ட நிதியினை இவ்வாண்டுக்குள் சரியான முறையில் பயன்படுத்த அனைவரின் ஒத்துழைப்பும் தேவை எனத் தெரிவித்தார்.
வடக்கு மாகாண ஆளுநரும் ஒருங்கிணைப்புக் குழுவின் இணைத் தலைவருமான கெளரவ நாகலிங்கம் வேதநாயகன் தமது தொடக்கவுரையில், எல்லாப் பிரதேச செயலக பிரிவுகளிலும்சமச்சீரான அபிவிருத்தி தேவை எனவும், அபிவிருத்தியினால் மக்களுக்கு ஏற்படும் பயன்களையும் ஆராய வேண்டும் எனவும் தெரிவித்தார். மேலும், வடக்கு மாகாணத்திற்கு தொழில்நுட்ப உத்தியோகத்தர்கள் மற்றும் சுகாதார திணைக்கள த்திற்கும் ஆளனிகளை நியமிப்பதற்கான அனுமதி கிடைக்கப் பெற்றுள்ளதாகவும் தெரிவித்தார். மேலும், அபிவிருத்தி இவ்வாண்டு ஒதுக்கப்பட்ட நிதி ஒதுக்கீட்டை சரியான முறையில் பயன்படுத்த ஒத்துழைப்பினை வழங்குமாறும் கேட்டுக் கொண்டார்.
ஒருங்கிணைப்புக் குழுவின் தலைவரும் கடற்றொழி்ல் நீரியல் வளங்கள் மற்றும் கடல் வளங்கள் அமைச்சருமான கெளரவ இராமலிங்கம் சந்திரசேகர் அவர்கள் தலைமையுரையாற்றுகையில், அரசாங்கத்தினால் யாழ்ப்பாண மாவட்டத்தின் அபிவிருத்திக்கு அதிகளவான நிதி ஒதுக்கீடு செய்யப்பட்டுள்ளது எனவும், சனாதிபதி அவர்களின் நோக்கமானது அனைவரும் ஒன்றிணைந்து துரிதமான அபிவிருத்தி செய்ய வேண்டும் என்பதேயாகும் எனத் தெரிவித்தார். மேலும், உள்ளூராட்சி மன்றங்களின்தவிசாளர்களையும் வரவேற்ற ஒருங்கிணைப்புக் குழுவின் கெளரவத் தலைவர், அபிவிருத்தி க்கு தவிசாளர்களின் ஆலோசனை களையும் முன்வைக்குமாறும் கேட்டுக் கொண்டார் என்பதுடன், விசேடமாக வீட்டுத் திட்டத்தின் நிதி அதிகரிக்கப்பட்டுள்ளதாகவும் குறிப்பிட்டு, இவ்வாண்டுக்குரிய அபிவிருத்தித் திட்டங்களைஇவ்வாண்டுஇறுதிக்குள் விரைவாக நிறைவேற்ற வேண்டும் என்பதே சனாதிபதி அவர்களின் எதிர்பார்ப்பு என்றும், அனைவரினதும் ஒத்துழைப்பினையும் நல்குமாறும் கேட்டுக்கொண்டார்.
கடந்த மாவட்ட ஒருங்கிணைப்புக்குழு கூட்டங்களில் ஆராயப்பட்ட விடயங்கள் மற்றும் எடுத்த தீர்மானங்களுக்கு அமைய அதன் முன்னேற்ற நடவடிக்கைகளும் ஆராயப்பட்டது. மேலும் மாவட்ட ஒருங்கிணைப்பு குழுக் கூட்டத்தில் அனுமதியை பெறவேண்டிய திட்ட முன்மொழிவுகள் தொடர்பாகவும் ஆராயப்பட்டு அனுமதி வழங்கப்பட்டது. மேலும், மாகாண சபையினால் மேற்கொள்ளப்பட்டுவரும் அபிவிருத்தித் திட்டங்களின்முன்னேற்றங்களும் ஆராயப்பட்டது. மேலும், திண்மக்கழிவகற்றல், வீட்டுத் திட்டத்திற்கான மணல் விநியோகம், பாதீனித்தியத்தைக் கட்டுப்படுத்தல், தெல்லிப்பளை புற்றுநோய் வைத்திசாலை, தாளையடி குடிநீர் திட்டம், காங்கேசன்துறையில் அமைந்துள்ள சனாதிபதி மாளிகை உள்ளிட்ட விடயங்களும் ஆராயப்பட்டது.
இக் கூட்டத்தில் பாராளுமன்ற உறுப்பினர்களான கெளரவ சிவஞானம் சிறீதரன், கெளரவ கஜேந்திரகுமார் பொன்னம்பலம், கெளரவ கருணாநாதன் இளங்குமரன், கெளரவ வைத்தியர் சண்முகநாதன் ஸ்ரீ பவானந்தராஜா, கெளரவ ஜெயசந்திரமூர்த்தி றஜீவன், கெளரவ வைத்தியர் இராமநாதன் அர்ச்சுனா, வடக்கு மாகாண பிரதம செயலாளர் திருமதி எம். தனுஜா, மேலதிக அரசாங்க அதிபர் திரு. கே. சிவகரன், மேலதிக அரசாங்க அதிபர் (காணி) திரு. பா.ஜெயகரன், மாகாண அமைச்சின் செயலாளர்கள், பிரதேச செயலாளர்கள், மாவட்ட செயலக பதவிநிலை உத்தியோகத்தர்கள், பிரதி பொலிஸ்மா அதிபர், முப்படைகளின் அதிகாரிகள் பிரதிநிதிகள், திணைக்களத்தலைவர்கள், அரச மற்றும் அரச சார்பற்ற நிறுவனங்களின் பிரதிநிதிகள், ஊடகவியலாளர்கள் மற்றும் மாவட்ட செயலக உத்தியோகத்தர்களும் கலந்து கொண்டனர்.
 
 
1 2 3 4 5 6 7 8 9 10 11 
 
 1தேசிய பயிலுநர் கைத்தொழில் பயிற்சி அதிகார சபையில் (NAITA) பயிற்சி நெறியினைப் பூர்த்தி செய்த மாணவர்களுக்கான தேசிய தொழிற் தகைமை சான்றிதழ் வழங்கும் நிகழ்வு தேசிய பயிலுநர் கைத்தொழில் பயிற்சி அதிகார சபையின் மாவட்ட முகாமையாளர் ஆர். திருமுருகன் தலைமையில் இன்றைய தினம் (17.07.2025) பி. ப 03.00 மணிக்கு மாவட்டச் செயலக கேட்போர் கூடத்தில் நடைபெற்றது.
இந் நிகழ்வில் பிரதம விருந்தினராக வடக்கு மாகாண ஆளுநர் கெளரவ நாகலிங்கம் வேதநாயகன் அவர்களும், சிறப்பு விருந்தினராக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களும் கலந்து கொண்டார்கள்.
இந் நிகழ்வில் பிரதம விருந்தினராக கலந்து கொண்ட கெளரவ ஆளுநர் தமதுரையில், தொழில் பயிற்சியானது மிகவும் முக்கியமானது எனவும், தனியார் துறையில் பல வேலைவாய்ப்புக்கள் அதிகமாகவுள்ளதாகவும், எதிர்காலத்தில் தொழிற்சாலைகள் ஆரம்பிக்கப்படும் போது நல்ல தொழில் வாய்ப்பு உள்ளது எனவும், அப்போது இப் பயிற்சி நெறியினை பூர்த்தி செய்தவர்களுக்கு முன்னுரிமையடிப்படையில் தொழில் வாய்ப்பு ஏற்படும் எனவும் தெரிவித்தார். மேலும், பாடசாலைகளில் இடை விலகலில் ஆண்களே அதிகமாகவுள்ளதாகவும், ஆனால் இன்றைய நிகழ்வில் பெண்களின் எண்ணிக்கையே அதிகமாகவுள்ளதாகவும் தெரிவித்து, இப் பயிற்சி நெறியின் முக்கியத்துவத்தினை ஏனையவர்களுக்கும் தெரியப்படுத்த வேண்டும் எனவும் கெளரவ ஆளுநர் தெரிவித்தார். மேலும், கிளிநொச்சியில் இயங்கும் தொழில்நுட்பக் கல்லூரிக்கு தென்பகுதியிலிருந்து கற்க மாணவர்கள் வருகின்றார்கள் எனவும், அவர்களுக்கு அப் பயிற்சி நெறியின் முக்கியத்துவம் விளங்குகிறது எனவும் குறிப்பிட்டதுடன், தேசிய பயிலுநர் கைத்தொழில் பயிற்சி அதிகார சபையின் அங்கீகரிக்கப்பட்ட பயிற்சி நெறியினை பூர்த்தி செய்தவர்கள் தமது சொந்த முயற்சியிலும் முன்னேற வேண்டும் எனவும் கெளரவ ஆளுநர் தெரிவித்து மாணவர்களுக்குதமது வாழ்த்துக்களையும் தெரிவித்தார்.
சிறப்பு விருந்தினராக கலந்து கொண்ட அரசாங்க அதிபர் தமதுரையில், இந் நிகழ்வானது அரிய நிகழ்வு எனவும், மாணவர்களுக்கு அறிவு, திறன் மற்றும் மனப்பாங்கு முக்கியமானது எனவும், தற்போது அறிவு மற்றும் திறனைப் பெற்றுக்கொண்டுள்ளதாகவும், மனப்பாங்கில் மாற்றம் ஏற்பட வேண்டும் எனவும் அரசாங்க அதிபர் தெரிவித்து, எம் பகுதியில் வாடிக்கையாளர்களை திருப்திப்படுத்துவது குறைவாகவுள்ளதாகவும், வாடிக்கையாளர்களின் திருப்தி முக்கியத்துவம் வாய்ந்தது எனவும் இதனா‌ல் தொழிற்துறைகளில் முன்னேற்றங்களை அடையலாம் எனவும் தெரிவித்தார். மேலும், இக் பயிற்சி நெறியினை பூர்த்தி செய்தவர்கள் பெற்றோர்களில் தங்கியிருக்காமல் சுயமாக முன்னேற வேண்டும் எனவும், நிறுவனங்களில் பணியாற்றும் போது வாடிக்கையாளர்களின் திருப்தியினை பூர்த்தி செய்வதால் தாங்கள் சார்ந்த நிறுவனம் வினைத்திறனாக விளங்கும் எனவும் குறிப்பிட்டு மாணவர்களின் எதிர்காலம் ஒளிமயமாக சிறக்க தமது வாழ்த்துக்களை அரசாங்க அதிபர் தெரிவித்தார்.
இன்றைய நிகழ்வில் பயிற்சி நெறியினை பூர்த்தி செய்த 191 மாணவர்களுக்கு கெளரவ ஆளுநர், அரசாங்க அதிபர் மற்றும் விருந்தினர்களால் சான்றிதழ்கள் வழங்கப்பட்டது.
இந் நிகழ்வில் சமுர்த்திப் பணிப்பாளர், உதவி மாவட்டச் செயலாளர், மாணவர்கள், விரிவுரையாளர்கள், மாவட்ட மற்றும் பிரதேச செயலக திறன் அபிவிருத்தி உத்தியோகத்தர்கள் மற்றும் பெற்றோா்கள் பங்குபற்றினார்கள்.
 
1 2 3 4 5 6 7 8 9 10 12 14
 
6பிரமிட் திட்டங்களில் ஈடுபடுவதனால் ஏற்படும் பாதகமான பொருளாதார விளைவுகள் மற்றும் பிரமிட் திட்டங்களின் பரவலைத் தடுக்க அத்தகைய திட்டங்களை எவ்வாறு தவிர்க்கலாம் என்பது குறித்த தேசிய விழிப்புணர்வு நிகழ்ச்சித் திட்டம்
மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய தினம் (16.07.2025) மு. ப. 11.00 மணிக்கு மாவட்ட செயலக மாநாட்டு மண்டபத்தில் இடம்பெற்றது.
இதன்போது தலைமையுரையாற்றிய அரசாங்க அதிபர் அவர்கள், ஜனாதிபதி செயலகம் மற்றும் பொது நிர்வாக உள்நாட்டு அலுவல்கள் அமைச்சின் அறிவுறுத்தலுக்கமைய பிரமிட் திட்டங்களின் பரவலுக்கு எதிரான தேசிய விழிப்புணர்வு வாரமாக யூலை 14 தொடக்கம் 18 ஆம் திகதி வரை பிரகடனப்படுத்தப்பட்டுள்ளதாக தெரிவித்தார் . மேலும், இவ் தேசிய விழிப்புணர்வு வாரத்தில் மாவட்ட செயலக மற்றும் பிரதேச செயலக உத்தியோகத்தர்களை ஒருங்கிணைத்து பிரமிட் திட்டங்களில் ஈடுபடுவதனால் ஏற்படும் பாதகமான பொருளாதார விளைவுகள் மற்றும் பிரமிட் திட்டங்களின் பரவலைத் தடுக்க அத்தகைய திட்டங்களை எவ்வாறு தவிர்க்கலாம் என்பது குறித்து விழிப்புணர்வு அறிவுறுத்தல்கள் ஏற்பாடு செய்யப்பட்டதாக தெரிவித்தார் .
இவ் விழிப்புணர்வு நிகழ்வின் வளவாளராக இலங்கை மத்திய வங்கியின் கிளிநொச்சி பிராந்திய அலுவலக சிரேஷ்ட முகாமையாளர் திரு. கே. தர்மேந்திரா அவர்கள் கலந்து கொண்டு கருத்துரை வழங்கினார்.
இக் கலந்துரையாடலில் மாவட்ட மேலதிக அரசாங்க அதிபர் திரு எஸ். சிவகரன், மாவட்ட மேலதிக அரசாங்க அதிபர் (காணி) திரு. பா. ஜெயகரன்,
உதவி மாவட்ட செயலாளர் செல்வி உ.தா்சினி மற்றும் பதவிநிலை உத்தியோகத்தர்கள், மாவட்ட செயலக உத்தியோகத்தர்கள் உள்ளிட்டவர்கள் கலந்து கொண்டனர்.
 
 
1 2 3 4 5 6