போதைப்பொருள் தடுப்பு தொடர்பான செயலமர்வு உதவி மாவட்ட செயலாளர் செல்வி உ.தா்சினி அவர்களின் தலைமையில் இன்றைய தினம் (27.06.2025) காலை 09.00 மணிக்கு மாவட்ட செயலக மாநாட்டு மண்டபத்தில் நடைபெற்றது.
இதன் நோக்கம் போதைப்பொருள் தடுப்பு செயற்றிட்டங்களை கிராம மக்களுக்கு கொண்டு செல்வதன் ஊடாக சமூக மாற்றங்களை அளவிடுதல் தொடர்பாக முதலாம் கட்ட பயிற்சியை நிறைவு செய்தவர்களுக்கான இரண்டாம் கட்ட பயிற்சியின் முன்னாயத்தக் செயலமர்வாக அமைந்தது.
இச் செயலமர்வில் தேசிய அபாயகர ஔடதங்கள் கட்டுப்பாட்டு சபையின் மாவட்ட இணைப்பாளர் திருமதி A.சியாமினி, ADIC நிறுவன நிகழ்ச்சித்திட்ட அதிகாாி திருமதி எஸ். நிதர்சனா, திட்ட அதிகாாி திரு. எம். சுசந்தன், இணைப்பாளர் திரு எஸ். குகதாசன், போதைப்பொருள் தடுப்பு அபிவிருத்தி உத்தியோகத்தர் மற்றும் சமுதாயம் சாா் சீர்திருத்த அபிவிருத்தி உத்தியோகத்தர்கள் ஆகியோா் கலந்து கொண்டனர்.
 
 
1 2 3 4 5 6 7
போதைப்பொருள் தடுப்பு தொடர்பான செயலமர்வு உதவி மாவட்ட செயலாளர் செல்வி உ.தா்சினி அவர்களின் தலைமையில் இன்றைய தினம் (27.06.2025) காலை 09.00 மணிக்கு மாவட்ட செயலக மாநாட்டு மண்டபத்தில் நடைபெற்றது.
இதன் நோக்கம் போதைப்பொருள் தடுப்பு செயற்றிட்டங்களை கிராம மக்களுக்கு கொண்டு செல்வதன் ஊடாக சமூக மாற்றங்களை அளவிடுதல் தொடர்பாக முதலாம் கட்ட பயிற்சியை நிறைவு செய்தவர்களுக்கான இரண்டாம் கட்ட பயிற்சியின் முன்னாயத்தக் செயலமர்வாக அமைந்தது.
இச் செயலமர்வில் தேசிய அபாயகர ஔடதங்கள் கட்டுப்பாட்டு சபையின் மாவட்ட இணைப்பாளர் திருமதி A.சியாமினி, ADIC நிறுவன நிகழ்ச்சித்திட்ட அதிகாாி திருமதி எஸ். நிதர்சனா, திட்ட அதிகாாி திரு. எம். சுசந்தன், இணைப்பாளர் திரு எஸ். குகதாசன், போதைப்பொருள் தடுப்பு அபிவிருத்தி உத்தியோகத்தர் மற்றும் சமுதாயம் சாா் சீர்திருத்த அபிவிருத்தி உத்தியோகத்தர்கள் ஆகியோா் கலந்து கொண்டனர்.
 
 
1 2 3 4 5 6 7
பாடசாலை சிறுவர் பாதுகாப்பு குழுக்களை வலுப்படுத்தல் செயலமர்வு உதவி மாவட்ட செயலாளர் செல்வி உ.தா்சினி அவர்களின் தலைமையில் இன்றைய தினம் (25.06.2025) மாவட்ட செயலக மாநாட்டு மண்டபத்தில் முற்பகல் 9.00 தொடக்கம் 2.00 மணி வரை நடைபெற்றது
இச் செயலமர்வின் இறுதியில், யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் பிரதம விருந்தினராக கலந்து கொண்டு 2024 ஆண்டு பாடசாலை சிறுவர் பாதுகாப்பு குழுக்களின் மதிப்பீட்டில் பங்கு பற்றிய பாடசாலைகளுக்கான சான்றிதழ்களை பாடசாலை அதிபர்களுக்கு வழங்கி வைத்தார்.
இதில் யாழ்ப்பாணம் வலயத்தில் 21 பாடசாலைகளும், வடமராட்சி வலயத்தில் 10 பாடசாலைகளும், தென்மராட்சி வலயத்தில் 16 பாடசாலைகளும், தீவக வலயத்தில் 06 பாடசாலை களுமாக மொத்தமாக 53 பாடசாலைகளுக்கு சான்றிதழ்கள் அரசாங்க அதிபரால் வழங்கப்பட்டது.
இச் செயலமர்வில் பாடசாலையில் இடம்பெறும் சிறுவர் துஸ்பிரயோகங்களை அடையாளம் காணுதல் மற்றும் கையாளுதல் தொடர்பாகவும், பாடசாலை சிறுவர் பாதுகாப்பு குழுக்களை வேலைப்படுத்துவதில் பாடசாலை அதிபர்களின் பொறுப்புகள் கடமைகளை தெளிவுபடுத்தல் தொடர்பாகவும் வளவாளர்களால் தெளிவூட்டல்கள் வழங்கப்பட்டன.
இந் நிகழ்வில் சட்ட வைத்திய நிபுணர் கே.வாசுதேவா, மாவட்ட சிறுவர் பாதுகாப்பு அதிகார சபையின் இணைப்பாளர் திரு. இ. செந்தூரன், பிரதேச சிறுவர் பாதுகாப்பு அலுவலர்கள் பாடசாலை அதிபர்கள், ஆசிரியர்கள் கலந்து கொண்டனர்.
 
 
1 2 3 4 5
 
மீள்குடியேற்ற அமைச்சின் ஊடாக மேற்கொள்ளப்படும் அபிவிருத்தி திட்டங்களின் முன்னேற்ற மீளாய்வுக் கூட்டமானது அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (26.06.2025) பி.ப 02.00 மணிக்கு அரசாங்க அதிபர் அலுவலகத்தில் நடைபெற்றது.
இக் கூட்டத்திற்கு தலைமையுரையாற்றிய அரசாங்க அதிபர் அவர்கள், மீள்குடியேற்ற மற்றும் நகர அபிவிருத்தி அமைச்சின் நிதி ஒதுக்கீட்டில் யாழ்ப்பாண மாவட்டத்திற்கே 50% மேலான நிதி ஒதுக்கப்பட்டுள்ளதாகவும், அதனால் இவ்வாண்டு இறுதிக்குள் வேலைத் திட்டங்களை நிதி திரும்பாதவகையில் பூர்த்தி செய்ய வேண்டும் எனத் தெரிவித்தார். மேலும் மழை காலத்திற்கு முன்னராக வீடமைப்பு நிர்மாண வேலைகளை பூர்த்தி செய்ய வேண்டிய அவசியத்தினை எடுத்துக்கூறியதுடன், வீதிப் புனரமைப்பு, மின்சார இணைப்பு மற்றும் குடிநீர் விநியோக இணைப்பு போன்ற திட்டங்களின் முன்னேற்றங்களை ஆராய்ந்து உரிய அறிவுறுத்தல்களை வழங்கியதுடன் அடுத்த முன்னேற்ற கூட்டத்தினை எதிர்வரும் யூலை மாதம் 31 ஆம் திகதி நடாத்த ஒழுங்கு செய்யுமாறும் அரசாங்க அதிபர் கேட்டுக் கொண்டார்.
இக் கூட்டத்தில் மேலதிக அரசாங்க அதிபர் (காணி) திரு.க.ஸ்ரீமோகனன், பிரதேச செயலாளர்கள் மற்றும் மீள்குடியேற்ற அமைச்சிற்குரிய மாவட்ட பிரதேச செயலக அபிவிருத்தி உத்தியோகத்தர்கள் கலந்துகொண்டனர்.
 
 
 
1 2 3 4 5 6 7 8
யாழ்ப்பாண மாவட்ட கடற்றொழி்ல் ஒருங்கிணைப்பு குழுக் கூட்டமானது கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்களின் தலைமையில், கடற்றொழி்ல் பிரதி அமைச்சர் கௌரவ ரத்ன கமகே மற்றும் வடக்கு மாகாண ஆளுநர் கெளரவ நாகலிங்கம் வேதநாயகன் ஆகியோரின் பங்குபற்றுதலுடன் இன்றைய தினம் (25.06.2025) காலை 09.00 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது.
யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் வரவேற்பு ரையாற்றுகையில், கூட்டத்திற்கு வருகை தந்த கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களையும், பிரதி அமைச்சர் கௌரவ ரத்ன கமகே அவர்களையும், வடக்கு மாகாண ஆளுநர் கெளரவ நாகலிங்கம் வேதநாயகன், கெளரவ பாராளுமன்ற உறுப்பினர் கெளரவ ஜெயசந்திரமூர்த்தி ரஜீவன் உள்ளிட்ட அனைவரையும் வரவேற்றதுடன், யாழ்ப்பாண மாவட்டத்தின் வாழ்வாதாரத்தில் விவசாய மற்றும் மீன்பிடி பிரதானமானது எனவும், அந்த வகையில் மீனவர்கள் எதிர்நோக்கும் பிரச்சினைகளை கேட்டறிந்து பொருத்தமான இயலளவான தீர்வுகளை காண்பதற்காக இவ்வாறான கூட்டத்தினை ஒழுங்கு செய்த கெளரவ அமைச்சர் அவர்களுக்கு நன்றியினைத் தெரிவித்தார்.
கடற்றொழி்ல் நீரியல் வளங்கள் மற்றும் கடல் வளங்கள் அமைச்சருமான யாழ்ப்பாண மாவட்ட ஒருங்கிணைப்புக் குழுவின் தலைவருமான கெளரவ இராமலிங்கம் சந்திரசேகர் அவர்கள் தலைமையுரையாற்றுகையில், கடற்றொழி்ல் சமூகம் எதிர்கொள்ளும் பிரச்சினைகளைக் கண்டறிந்து,
அவற்றுக்கு விரைவான முடியுமான உயர்ந்த பட்ச தீர்வுகளை வழங்குவதே இக் கூட்டத்தின் முக்கிய நோக்கம் எனவும், நாடுதழுவிய ரீதியாக குறிப்பாக பிரதானமான கடல்வளங்களை அண்டிய 15 மாவட்டங்களில் கடற்றொழி்ல் ஒருங்கிணைப்புக் குழுக் கூட்டத்தினை நடாத்தி பிரச்சினைகளை ஆராய்ந்து வருவதாகவும் அந்தவகையில் இதுவே யாழ்ப்பாண மாவட்டத்தின் முதலாவது கூட்டம் எனவும் தெரிவித்தார். மேலும், இக் கூட்டத்தினை மூன்று மாதத்திற்கு ஒரு தடவை நடாத்தவுள்ளதாகவும், மூன்று வார முன்னறிவித்தலின் அடிப்படையில் கூட்டம் நடாத்தப்படும் எனவும், கூட்டத்திற்கு முன்னர் தங்களின் ஆலோசனைகள் பரிந்துரைகள் பிரச்சினைகளை எழுத்து மூலம் அரசாங்க அதிபருக்கு அனுப்பிவைக்கப்படும் பட்சத்தில் எம்மால் சம்பந்தப்பட்ட உரிய அதிகாரிகளை அழைத்து ஒருங்கிணைத்து விரைவான தீர்வுகளை காணமுடியும் எனவும் கெளரவ அமைச்சர் தெரிவித்தார்.
இக் கூட்டத்தில் கலந்து கொண்ட கடற்றொழி்ல் நீரியல் மற்றும் கடல் வளங்கள் பிரதி அமைச்சர் கௌரவ ரத்ன கமகே அவர்கள் கருத்து தெரிவிக்கையில், அரசாங்கம் கொள்கை ரீதியான முடிவுகளை அமைச்சில் எடுத்தாலும், பிரதேச மட்டத்தில் உள்ளூர் அமைப்புக்களை ஒன்றிணைத்து தீர்வுகளை காண வேண்டும் என்ற நோக்கத்துடன் இக் கூட்டம் ஒழுங்கு செய்யப்பட்டுள்ளது எனவும், யாழ்ப்பாண மாவட்டத்தில் கடற்றொழி்ல் சார்ந்த குடும்பங்கள் மாவட்ட சனத்தொகையில் அண்ணளவாக 38% ஆகவுள்ளதாகவும், அதனால் விசேடமாக கவனிக்கப்பட வேண்டிய மாவட்டமாகவுள்ளது எனவும் தெரிவித்தார். மேலும் அதிமேதகு சனாதிபதி அவர்கள் கடற்றொழி்ல் விடயத்தில் அதிக கவனம் செலுத்தி வருவதாகவும், குறுகிய காலத்தில் தீர்க்க வேண்டிய கடற்றொழி்லாளர்களின்பிரச்சினைகளை விரைவில் தீர்க்குமாறு அறிவுறுத்தியுள்ளார் எனவும், எமது அரசாங்கம் வறுமை ஒழிப்பு, டியிற்றல் முறைமை மற்றும் கிளீன் ஸ்ரீலங்கா போன்ற விடயங்களில் அக்கறை செலுத்தி வருவதாகவும் தெரிவித்து, கடற்றொழி்லாளர்கள் எதிர்நோக்கும் பிரச்சினைகளை அனைவரும் எம்முடன் ஒன்றிணைந்து தீர்க்க காண வேண்டும் எனவும் தெரிவித்தார்.
இக் கலந்துரையாடலில் இந்திய மீனவர்களின் அத்துமீறிய மீன்பிடி, உள்ளூர் மீனவர்களின்சட்ட விரோத மீன்பிடி நடவடிக்கைகள், மயிலிட்டி துறைமுக மூன்றாம் கட்ட அபிவிருத்தி போன்ற விடயங்கள் விரிவாக ஆராயப்பட்டது.
இக் கலந்துரையாடலில் பிரதேச சபைகளின் கெளரவ தவிசாளர்கள், கடற்றொழி்ல் நீரியல் மற்றும் கடல் வளங்கள் அமைச்சின் மேலதிக செயலாளர், வடமாகாண மீன்பிடி அமைச்சின் செயலாளர், மாவட்ட மேலதிக அரசாங்க அதிபர் (காணி), பிரதேச செயலாளர்கள், கடலோரப் பாதுகாப்பு திணைக்களம், கடற்படை மற்றும் பொலிஸ் அதிகாாிகள் மற்றும் கடற்றொழில் அமைப்புகளின் பிரதிநிதிகள், இலங்கை கடற்றொழில் துறைமுக கூட்டுத்தாபனம், தேசிய நீரியல் வளங்கள் ஆராய்ச்சி மற்றும் அபிவிருத்தி முகாமை (NARA), இலங்கை தேசிய நீர் உயிர் இன வளர்ப்பு அதிகார சபை (NAQDA) ஆகியவற்றின் அதிகாரிகளும் கலந்து கொண்டனர்.
 
 
1 2 3 4 4 6 7 8