சர்வதேச விமான நிலையத்தில் இரண்டாவது புதிய விமான சேவை இண்டிகா (Indiga) விமான சேவை நேற்றைய தினம் (01.09 2024 ) தனது சேவையினை ஆரம்பித்தது.
சென்னையிலிருந்து பயணத்தை ஆரம்பித்த விமான சேவை சுமார் 50-க்கும் மேற்பட்டவர்களுடன் பி.ப 3.05 மணியளவில் பலாலியை வந்தடைந்தது. முதல் தடவையாக வருகை தரும் பயணிகளுக்கு தொழில்துறை நிறுவனத்தின் பங்களிப்புடன் உள்ளூர் உற்பத்தி பொருட்கள் மற்றும் சுற்றுலா ஊக்கப்படுத்தல் கையேடுகள் வழங்கி வைக்கப்பட்டன.
இந்நிகழ்வில் யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்கள் இச்சேவை மூலம் கலந்து கொண்டு முதலில் வரும் சுற்றுலா பயணிகளுக்கு நினைவுப் பொதிகள் வழங்கி வரவேற்றாா்.
இந்நிகழ்வில் யாழ் .இந்திய துணைத்தூதுவர், Airport & Aviation servies pvt( Ltd) நிறுவன உதவி முகாமையாளர் மாவட்ட விமானப் படை அதிகாரிகள், தொழிற்துறைத் திணைக்கள அதிகாரிகள், வடமகாண கலாசாரத் திணைக்கள அதிகாரிகள், யாழ்ப்பாண பல்கலைக்கழக பேராசிரியர்கள், ஹோட்டல் முகாமையாளர்கள், வர்த்தக சங்க பிரதிநிதிகள் ஆகியோா் பங்கு பற்றியிருந்தனர்
 
2 3 1 4 5
யாழ்ப்பாணம் பலாலி சர்வதேச விமான நிலைய அபிவிருத்தி தொடர்பான கலந்துரையாடல் யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்று (02.09.2024) காலை 10.00 மணிக்கு மாவட்டச் செயலக அரசாங்க அதிபர் அலுவலகத்தில் நடைபெற்றது.
இக் கலந்துரையாடலில் யாழ்ப்பாணம் பலாலி சர்வதேச விமான நிலைய அபிவிருத்திக்கான நீர் வசதிகள், மின்சாரம் வசதிகள், காணி அபிவிருத்தி மற்றும் சுற்றுலா அபிவிருத்தி போன்ற விடயங்கள் தொடர்பாக விரிவாக கலந்துரையாடப்பட்டன.
இக்கலந்துரையாடலில் மாவட்ட திட்டமிடல் பணிப்பாளர், உதவி மாவட்ட செயலாளர், தெல்லிப்பளை பிரதேச செயலாளர், விமானப் படை அதிகாரிகள், Airport & Aviation servies pvt( Ltd) நிறுவன உதவி முகாமையாளர், பலாலி விமான நிலைய செயற்பாட்டு முகாமையாளர், நீர் வழங்கல் மற்றும் வடிகாலமைப்பின் உதவிப் பணிப்பாளர் , தொழிற்துறைத் திணைக்களம் , வீதி அபிவிருத்தி திணைக்களம் சந்தைப்படுத்தல் பிரிவு ஆகியவற்றின் பிரதிநிதிகள் ஆகியோா் கலந்து கொண்டனர்.
 
1 2 3 4 5
சனாதிபதித் தேர்தலை முன்னிட்டு அஞ்சல் வாக்குகள் அடையாளமிடும் தினத்தன்று கண்காணிப்பு நடவடிக்கைக்கு செல்லும் உதவித் தெரிவத்தாட்சி அலுவலர்கள் மற்றும் அலுவலர்களுக்கான செயலமர்வானது யாழ்ப்பாண மாவட்ட பதில் அரசாங்க அதிபரும் தெரிவத்தாட்சி அலுவலருமான திரு.மருதலிங்கம் பிரதீபன் அவர்கள் தலைமையில் யாழ் மாவட்ட செயலக கேட்போர் கூடத்தில் (02.09.2024) காலை 9.00 மணிக்கும் 10.30 மணிக்கும் இரண்டு கட்டங்களாக நடைபெற்றது.
இதன் போது தலைமையுரையாற்றிய தெரிவத்தாட்சி அலுவலர் அவர்கள்
எதிர்வரும் செப்ரெம்பர் மாதம் 04 ஆம் திகதி பொலிஸ், மாவட்டச் செயலகம் மற்றும் மாவட்ட தேர்தல்கள் அலுவலகத்தில் கடமையாற்றுபவர்களுக்கும், 05 ஆம் திகதி பிற அரச நிறுவனங்களில் கடமை யாற்றுபவர்களுக்கும் மற்றும் பாதுகாப்புப் படையினருக்கும் 06 ஆம் திகதி பிற அரச நிறுவனங்களில் கடமை யாற்றுபவர்களுக்கும், பாதுகாப்பு படையினருக்கும் மற்றும் பொலிசாருக்கும் அஞ்சல் மூல வாக்களிப்பு நடைபெறவுள்ளதாகவும், இவ் அஞ்சல் வாக்களிப்பானது ஒவ்வொரு வாக்களிப்பு நிலையங்கள் போலவே செயற்பட்டு, இட ஒழுங்கமைப்பு, முகவர்களுக்குரிய ஏற்பாடுகள் போன்றவற்றை முறையாக நடைமுறைப்படுத்தப்பட்டுள்ளதா போன்ற விடயங்களை கண்காணிப்பு அலுவலர்களாக நியமிக்கப்பட்டுள்ள உதவித் தெரிவத்தாட்சி அலுவலர்கள் மற்றும் அலுவலகர்கள் கண்காணிப்பு கடமையில் ஈடுபட்டு தேர்தல் சுதந்திரமாகவும், நீதியாகவும் நடைபெற ஒத்துழைப்பு நல்குமாறு கேட்டுக்கொண்டார்.
இதன்போது சனாதிபதி தேர்தலில் அஞ்சல் வாக்குகள் அடையாளமிடும் தினத்தன்று கண்காணிப்பு நடவடிக்கைக்கு செல்லும் அலுவலகர்களுக்கான
கடமைகள் தொடர்பாக உதவித் தேர்தல் ஆணையாளர் திரு. இ.கி.அமல்ராஜ் அவர்களால் விளக்கமளிக்கப்பட்டது.
இச் செயமலர்வில் அஞ்சல் வாக்குகள் அடையாளமிடும் தினத்தன்று கண்காணிப்பு நடவடிக்கைக்கு செல்லும் அலுவலர்களாக நியமிக்கப்பட்ட உதவித் தெரிவத்தாட்சி அலுவலர்கள் மற்றும் அலுவலர்கள் கலந்து கொண்டனர்.
 
1 2 3 4 5
சுங்க திணைக்களத்தின் அதிகாரிகள் குழுவினர் யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களுடன் இன்றைய தினம் (02.09.2024) நன்பகல் 1.00 மணிக்கு அரசாங்க அதிபர் அலுவலகத்தில் சந்தித்து கலந்துரையாடினார்கள்.
இக் கலந்துரையாடலில் எதிர்கால பிராந்திய அபிவிருத்தி மற்றும் சுங்க திணைக்களத்திற்கு சொந்தமான காணிகளைப் பேணுதல் தொடர்பாக விரிவாக ஆராயப்பட்டது.
இதன்போது யாழ்ப்பாண மாவட்ட மேலதிக அரசாங்க அதிபர் (காணி) திரு.க.ஸ்ரீமோகனன், சுங்கத் திணைக்களத்தின் மேலதிக பணிப்பாளர் நாயகம் Ms. சிறிநிதி கருணாரட்ன, சுங்கத் திணைக்களத்தின் மேலதிக பணிப்பாளர் நாயகம் திரு. சுதந்த சில்வா, தெல்லிப்பளை பிரதேச செயலாளர் மற்றும் சுங்கத் திணைக்கள உயர்மட்ட அதிகாரிகள் பலர் கலந்து கொண்டனர்.
 
1 2 3 4 5
யாழ்ப்பாண மாவட்டத்திற்கு வருகை தந்த ஐரோப்பிய ஒன்றியத்தின் தேர்தல் கண்காணிப்பு குழுவினர் (02.09.2024) யாழ்ப்பாண மாவட்ட பதில் அரசாங்க அதிபரும் தெரிவத்தாட்சி அலுவலருமான திரு .மருதலிங்கம் பிரதீபன் அவர்களை சந்தித்து கலந்துரையாடினர்.
இச் சந்திப்பில் யாழ்ப்பாண மாவட்டத்தின் தேர்தல் செயற்பாடுகள் தொடர்பாகவும் இதுவரையில் எடுக்கப்பட்டுவரும் நடவடிக்கைகள் தொடர்பாகவும் ஆராயப்பட்டது.
இச் சந்திப்பில் ஐரோப்பிய ஒன்றிய தேர்தல் கண்காணிப்பு குழுவின் நீண்டகால மேற்பார்வையாளர்களான திரு. நிக்கோலஸ் குகூலிஸ் மற்றும் திரு. ஜோஹான்னா வான் சம்பீக் ஆகியோர் கலந்து கொண்டனர்.
 
1 2