
இலங்கையின் தேசியவிளையாட்டு தினத்தினை முன்னிட்டு இன்றைய தினம்(30.07.2021) காலை 8.30 மணிக்கு யாழ்மாவட்ட செயலக முன்றலில் யாழ். மாவட்ட மேலதிக அரசாங்க அதிபர் ம.பிரதீபன் அவர்களின் தலைமையில் Covid-19 சுகாதார விதிமுறைகளுக்கு அமைவாக தேசியவிளையாட்டு தின நிகழ்வுகள் இடம்பெற்றன.குறித்த நிகழ்வில் தேசியக் கொடியினை மேலதிக அரசாங்க அதிபர் அவர்கள் ஏற்றி வைத்ததை தொடர்ந்து நிகழ்வுகள் ஆரம்பமானது.

சூழலுக்கு நட்புறவான முறையில் தென்னம் உற்பத்திசார் பயன்பாட்டுப் பொருட்களை மனைப் பொருளாதார விருத்தி பங்களிப்பது ஊடாக நாட்டின் தேசிய உற்பத்திக்கு பங்களிப்பு தொடர்பான விசேட கலந்துரையாடல் யாழ் மாவட்ட அரசாங்க அதிபர் க.மகேசன் தலைமையில் மாவட்ட செயலகத்தில் 13.07.2021காலை 11 மணிக்கு இடம்பெற்றது.

இலங்கை சமூக பாதுகாப்பு சபையின் சௌபாக்கியா நிகழ்வு யாழ்ப்பாண மாவட்ட அரசாங்க அதிபர் திரு. கணபதிப்பிள்ளை மகேசன் அவர்களின் தலைமையில் இன்று (07) காலை பத்து மணிக்கு மாவட்ட செயலக கேட்போர் கூடத்தில் இடம்பெற்றது.

வீட்டுக்கு வீடு தென்னை மரம் "கப்ருக" 40 இலட்சம் தென்னங்கன்றுகளை நடும் தேசிய வேலைத்திட்டத்தின் யாழ்ப்பாண மாவட்ட அங்குரார்ப்பண நிகழ்வு பாராளுமன்ற குழுக்களின் பிரதித் தவிசாளரும் மாவட்ட ஒருங்கிணைப்புக் குழுவின் இணைத்தலைவருமான கௌரவ அங்கஜன் இராமநாதன் அவர்களினால் கரவெட்டியில் வழங்கி ஆரம்பித்து வைக்கப்பட்டது.

யாழ். மாவட்டத்தின் சுற்றுலாத்துறை அபிவிருத்தி தொடர்பான சிறப்பு கலந்துரையாடல் 02.07.2021 அன்று மாலை 4 மணிக்கு யாழ். மாவட்ட செயலகத்தில் இடம்பெற்றது.இக்கலந்துரையாடலில் யாழ்ப்பாணத்தில் சுற்றுலாத் தொழில்துறையை ஆரம்பிக்க விரும்பும் முதலீட்டாளர்களுக்கான பொறிமுறை , நெடுந்தீவு மண்கும்பான் உள்ளிட்ட பகுதிகளில் சுற்றுலாத்துறை அபிவிருத்திகளை ஏற்படுத்துவதற்கான நிதிஒதுக்கீட்டு வரைபுகளை தயார் செய்வது , மற்றும் காங்கேசன்துறையில் உள்ள ஜனாதிபதி மாளிகையில் முதலீடு செய்வதற்கு எமது முதலீட்டாளர்கள் தயாராக உள்ளநிலையில், அதற்குரிய நிறுவன மயப்படுத்தப்பட்ட பொறிமுறை தொடர்பிலும் இக்கூட்டத்தில் கலந்துரையாடப்பட்டது.







