யாழ்ப்பாணத்தின் டென்னிஸ் விளையாட்டை புதிய உயரத்திற்கு கொண்டு செல்லும் நோக்கில், இலங்கை டென்னிஸ் சங்கம் (SLTA) ஏற்பாடு செய்யும் இலங்கை டென்னிஸ் பிரீமியர் லீக் (SLTPL) போட்டியில் பங்கேற்கும் எட்டு நகர அணிகளில் ஒன்றான யாழ் ஃபிளமிங்கோஸ் (Jaffna Flamingos) அணியின் உத்தியோகபூர்வ அறிமுக விழா இன்று (20.08.2026) வியாழக்கிழமை மாலை 04.00 மணிக்கு தனியார் ஹோட்டல் ஒன்றில் நடைபெற்றது. இந் நிகழ்வில், யாழ்ப்பாண மாவட்ட அரசாங்க அதிபர் மருதலிங்கம் பிரதீபன் பிரதம விருந்தினராகக் கலந்து சிறப்பித்தார். சிறப்பு விருந்தினராக ஷங்கர் ஃபூட்ஸ் (UK) நிறுவனத்தின் தலைமை நிர்வாக அதிகாரியும், யாழ்ப்பாணம் சிட்டி ஹோட்டலின் உரிமையாளருமான சந்திரசேகரம் கேதீஸ்வரன் அவர்களும், கௌரவ விருந்தினராக அருட்தந்தை அ.பி. திருமகன் அவர்களும் கலந்து கொண்டனர். இந் நிகழ்வில் உரையாற்றிய அரசாங்க அதிபர் அவர்கள், யாழ்ப்பாண மாவட்டத்தை பிரதிநிதித்துவப்படுத்தி தேசிய மட்ட டெனிஸ் போட்டியில் பங்கேற்கும் ‘யாழ் ஃபிளமிங்கோஸ்’ அணி வெற்றிபெற வேண்டும் என தெரிவித்தார். யாழ்ப்பாணத்தைச் சேர்ந்த 10 வயதுடைய ரோஹன் தேசிய மட்ட அணியில் இடம்பிடித்திருப்பது மகிழ்ச்சியளிப்பதாகவும், சிறுவயதிலேயே தேசிய மட்டப் போட்டியில் பங்கேற்கும் வாய்ப்பைப் பெற்றிருப்பது பாராட்டுக்குரியது எனவும் அவர் தெரிவித்தார். யாழ்ப்பாண டெனிஸ் வீரர்களுக்கு உயர்மட்டப் பயிற்சிகளையும் போட்டி அனுபவங்களையும் பெறுவதற்கான வாய்ப்புகள் குறைவாக உள்ளதாகவும், இதனால் தேசிய மட்டத்திற்கு வீரர்கள் தெரிவாகுவதில் சவால்கள் காணப்படுவதாகவும் அரசாங்க அதிபர் சுட்டிக்காட்டினார். டெனிஸ் விளையாட்டு தற்போது விளையாட்டைத் தாண்டி பொருளாதார வாய்ப்புகளை உருவாக்கும் துறையாகவும் வளர்ச்சியடைந்துள்ளதாகக் குறிப்பிட்டதுடன், மாணவர்களை கல்வியுடன் இணைந்து விளையாட்டுத் துறையிலும் ஈடுபடுத்த பெற்றோர்கள் வழங்கும் ஒத்துழைப்பு பாராட்டுக்குரியது எனத் தெரிவித்தார். எட்டு மாவட்ட அணிகள் பங்கேற்கும் இப்போட்டியில் ‘யாழ் ஃபிளமிங்கோஸ்’ அணி தொடர்ச்சியான சுற்றுகளில் முன்னேறி வெற்றிபெற வேண்டும் எனவும் வாழ்த்துத் தெரிவித்தார்.
நிகழ்வுகள் :
அதிதிகளுக்கு வரவேற்பளிக்கப்பட்டதைத் தொடர்ந்து மங்கல விளக்கேற்றப்பட்டது. இதன்போது, யாழ்ப்பாண மாணவர்களுக்கான டென்னிஸ் விளையாட்டின் எதிர்கால வாய்ப்புகள், இலங்கை டென்னிஸ் பிரீமியர் லீக் ஊடாகக் கிடைக்கக்கூடிய சந்தர்ப்பங்கள் மற்றும் யாழ் ஃபிளமிங்கோஸ் அணியின் நோக்கங்கள், எதிர்கால செயற்பாடுகள் தொடர்பில் விரிவாக எடுத்துரைக்கப்பட்டது. இதனைத் தொடர்ந்து, யாழ் ஃபிளமிங்கோஸ் அணியின் முதலாவது உத்தியோகபூர்வ ஜெர்சி, மாவட்ட அரசாங்க அதிபர் மருதலிங்கம் பிரதீபன் அவர்களிடம் கையளிக்கப்பட்டது. பின்னர் நிகழ்வில் கலந்து கொண்ட அதிதிகளால் அணியின் உத்தியோகபூர்வ சீருடை அறிமுகம் செய்து வைக்கப்பட்டது. மேலும், அணியின் வீரர், வீராங்கனைகள் மற்றும் பாடசாலை மாணவர்களுக்கு உத்தியோகபூர்வ அணிச் சீருடைகள் வழங்கி வைக்கப்பட்டன. இந் நிகழ்வில் C.L. Synergy Limited நிறுவனத்தின் நிர்வாக இயக்குநர் ரோஹணன் சில்வா, இலங்கை டென்னிஸ் பிரீமியர் லீக் நிறுவனர், வடக்கு மாகாண கல்வித் திணைக்களத்தின் உடற்கல்விப் பிரிவின் பிரதிக் கல்விப் பணிப்பாளர் ஆர். ராஜசீலன், யாழ்ப்பாண மாவட்டத்தில் டென்னிஸ் விளையாடும் பாடசாலைகளின் மாணவர்கள், பொறுப்பாசிரியர்கள் மற்றும் பயிற்றுவிப்பாளர்கள் உள்ளிட்ட பலரும் கலந்து கொண்டனர். இலங்கை டென்னிஸ் பிரீமியர் லீக் போட்டிகள் எதிர்வரும் ஆகஸ்ட் 27 முதல் 30ஆம் திகதி வரை கொழும்பிலுள்ள இலங்கை டென்னிஸ் சங்கத்தின் கடினத் தரை மைதானங்களில் நடைபெறவுள்ளன. இத்தொழில்முறை லீக் போட்டியானது இலங்கையில் டென்னிஸ் விளையாட்டை மேம்படுத்துவதுடன், வணிக வருவாயை ஈட்டி, மீண்டும் டென்னிஸ் கட்டமைப்பு மற்றும் இளம் வீரர்களின் வளர்ச்சிக்காக முதலீடு செய்வதையும் நோக்கமாகக் கொண்டுள்ளது. யாழ் ஃபிளமிங்கோஸ் அணியானது யாழ்ப்பாணத்தின் டென்னிஸ் பாரம்பரியத்தை மீட்டெடுத்து, இளம் வீரர்களுக்கு நிலையான வளர்ச்சிப் பாதையை உருவாக்குதல், டென்னிஸ் தொடர்பான பொது விழிப்புணர்வை அதிகரித்தல், சமூக டென்னிஸ் மைதானங்களை மேம்படுத்துதல், சிறுவர்களுக்கு தொடர்ச்சியான பயிற்சி வாய்ப்புகளை ஏற்படுத்துதல் மற்றும் திறமையான வீரர்களை அடையாளம் கண்டு தேசிய, சர்வதேச மட்டங்களுக்கு வழிநடத்துதல் உள்ளிட்ட பல்வேறு நோக்கங்களுடன் செயற்படவுள்ளது.
 
1 2 3 8 9 10 11 12 15 16 17
 
சமூக சக்தி தேசிய வறுமை ஒழிப்புத் திட்டத்தின் கீழ் முன்னெடுக்கப்படவுள்ள பன்முக வறுமை ஒழிப்புத் திட்டங்களை நடைமுறைப்படுத்துவது தொடர்பான கலந்துரையாடல், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்று (20.08.2026) பிற்பகல் 2.00 மணிக்கு அரசாங்க அதிபர் அலுவலகத்தில் நடைபெற்றது. இக்கலந்துரையாடலில் கடற்றொழில், நீரியல் வளங்கள் மற்றும் கடல் வளங்கள் அமைச்சரும், யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர், கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் திரு. எம்.ஏ.எல்.எஸ்.என்.கே. சம்பத் மந்திரிநாயக்க ஆகியோர் நிகழ்நிலை ஊடாகக் கலந்து கொண்டனர்.
கடற்றொழில், நீரியல் வளங்கள் மற்றும் கடல் வளங்கள் அமைச்சர் கருத்துத் தெரிவிக்கையில், நெடுந்தீவு மக்களின் நீண்டகால கடற்போக்குவரத்து பிரச்சினைக்கு தீர்வு காணும் வகையில், புதிய படகொன்றைக் கொள்வனவு செய்வதற்காக கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் கீழ் ரூ.235 மில்லியன் சிறப்பு நிதி ஒதுக்கீடு கிடைத்துள்ளதாகத் தெரிவித்தார். குறித்த திட்டத்தை விரைவாக ஆரம்பித்து நடைமுறைப்படுத்துவதற்குத் தேவையான அனுமதிகள், தொழில்நுட்ப நடவடிக்கைகள் மற்றும் திட்டத்தை நிறைவேற்றுவதற்கான கால அவகாசம் தொடர்பில் ஆராய்வதற்காகவே இக் கலந்துரையாடல் இடம்பெறுவதாகவும் அவர் குறிப்பிட்டார். நெடுந்தீவிற்கான புதிய படகு கொள்வனவு செய்யப்பட்டு சேவையில் ஈடுபடுத்தப்படுவதன் மூலம், அப்பகுதி மக்களின் பயணிகள் கடற்போக்குவரத்து மேலும் இலகுபடுத்தப்படும் எனவும் அமைச்சர் தெரிவித்தார்.
அத்துடன், நெடுந்தீவு மக்களின் அடிப்படைத் தேவைகள் மற்றும் அபிவிருத்தி நடவடிக்கைகளுக்கு அரசாங்கம் தொடர்ந்தும் கூடிய கவனம் செலுத்தி, தேவையான நடவடிக்கைகளை முன்னெடுக்கும் எனவும் கடற்றொழில் அமைச்சர் தெரிவித்தார். யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் கருத்துத் தெரிவிக்கையில், இன்றைய கலந்துரையாடலின் மூலம் யாழ்ப்பாண மாவட்டத்திற்கு மிகவும் முக்கியத்துவம் வாய்ந்த இரண்டு நிதி ஒதுக்கீடுகள் கிடைத்துள்ளதாகத் தெரிவித்தார். அதன்படி, கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் கீழ் யாழ்ப்பாண மாவட்டத்திற்கு ரூ.235 மில்லியன் சிறப்பு ஒதுக்கீடு கிடைத்துள்ளதாகவும், சமூக சக்தி திட்டத்தின் கீழ் ஏற்கனவே யாழ்ப்பாண மாவட்டத்திற்கு ரூ.652 மில்லியன் நிதி ஒதுக்கீடு செய்யப்பட்டுள்ளதாகவும் தெரிவித்தார்.
மேலும், தற்போது யாழ்ப்பாண மாவட்டம் எதிர்கொள்ளும் முக்கிய பிரச்சினைகளில் ஒன்றாக நெடுந்தீவு மக்களின் கடற்போக்குவரத்து பிரச்சினை காணப்படுவதாக அரசாங்க அதிபர் தெரிவித்தார். குறிக்கட்டுவான் – நெடுந்தீவு இடையே சேவையில் ஈடுபட்டு வரும் ‘வடதாரகை’ மற்றும் ‘நெடுந்தாரகை’ ஆகிய இரு படகுகளும் தற்போது பழுதுபார்க்கப்பட்டு சேவையில் ஈடுபடுத்தப்பட்டுள்ளன. அதேவேளை, ‘குமுதினி’ படகு திருத்தப் பணிகளுக்கு உட்படுத்தப்பட்டுள்ளதாகவும் அவர் தெரிவித்தார். இதன் காரணமாக நெடுந்தீவு மக்கள் மட்டுமன்றி, நெடுந்தீவுக்கு வருகை தரும் சுற்றுலாப் பயணிகளும் கடற்போக்குவரத்தில் பெரும் சிரமங்களை எதிர்கொண்டு வருவதாக அரசாங்க அதிபர் மேலும் குறிப்பிட்டார். கடற்போக்குவரத்து சேவையில் கடற்படைத் தளபதி முழுமையான ஒத்துழைப்பை வழங்கி வருவதாகத் தெரிவித்த அரசாங்க அதிபர், புதிய குளிரூட்டப்பட்ட படகு சேவையை கட்டணம் செலுத்திப் பயன்படுத்துவதன் மூலம் நெடுந்தீவு மக்களும், உள்ளூர் மற்றும் வெளிநாட்டு சுற்றுலாப் பயணிகளும் பெரிதும் பயனடைவார்கள் எனக் குறிப்பிட்டார். இதன் மூலம் பொதுமக்கள் மற்றும் சுற்றுலாப் பயணிகள் கடற்போக்குவரத்தில் எதிர்கொள்ளும் சிரமங்களை கணிசமாகக் குறைக்க முடியும் எனவும் அவர் தெரிவித்தார்.
இக்கலந்துரையாடலில் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் பணிப்பாளர் (திட்டமிடல்) நிலந்த விக்ரமசிங்க, பிரதிப் பணிப்பாளர் ஆயிஷா சுபசிங்க, திட்டமிடல் பணிப்பாளர் இ. சுரேந்திரநாதன், யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு எஸ். கபிலன், போக்குவரத்து நெடுஞ்சாலைகள் மற்றும் நகர அபிவிருத்தி அமைச்சின் யாழ்ப்பாண மாவட்ட இணைப்பாளர் திரு எஸ். ஸ்ரீவாகீசன், பிரதித் திட்டமிடல் பணிப்பாளர் திரு. எஸ். சிவகுமாரன், மாவட்ட பிரதம கணக்காளர் எஸ். கிருபாகரன், நெடுந்தீவு பிரதேச செயலாளர் திரு. என். பிரபாகர், இலங்கை இராணுவ யாழ்ப்பாண பாதுகாப்புப் படைத் தலைமையக நிர்வாக அதிகாரி கேர்ணல் MACP மொறசிங்க, இலங்கை கடற்படை நெடுந்தீவு முகாம் பொறுப்பதிகாரி கப்டன் என். ரணவீர, 51ஆவது படைப்பிரிவின் நிர்வாக அதிகாரி லெப். கேர்ணல் விஜயவர்தன, மீன்பிடித் திணைக்கள அதிகாரிகள், வீதி அபிவிருத்தி அதிகார சபையின் பிரதம பொறியியலாளர், உள்ளிட்ட துறைசார் உத்தியோகத்தர்கள் கலந்து கொண்டனர்.
 
1 2 3 4 5 6 8 9
நெடுந்தீவு மகா வித்தியாலயத்தின் விளையாட்டு அபிவிருத்திக்காக ஒதுக்கீடு செய்யப்பட்டுள்ள ரூ.22.46 மில்லியன் நிதியைப் பயன்படுத்தி மேற்கொள்ளப்படவுள்ள அபிவிருத்திப் பணிகள் தொடர்பான கலந்துரையாடல், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்று (20.08.2026) மாவட்டச் செயலகத்தில் நடைபெற்றது. இதன்போது தலைமையுரையாற்றிய அரசாங்க அதிபர், நெடுந்தீவில் விளையாட்டு மற்றும் அபிவிருத்திப் பணிகளுக்காக ஒதுக்கப்பட்டுள்ள நிதியை உரிய முறையில் பயன்படுத்தி, திட்டமிடப்பட்ட பணிகளை விரைவாகவும் வினைத்திறனுடனும் நிறைவேற்றுவதற்கு அனைத்து தரப்பினரும் ஒருங்கிணைந்து செயற்பட வேண்டும் எனக் கேட்டுக்கொண்டார்.
நெடுந்தீவு மகா வித்தியாலயத்தின் விளையாட்டு அபிவிருத்திப் பணிகளுக்காக விளையாட்டு அபிவிருத்தித் திணைக்களத்தினால் ரூ.22.46 மில்லியன் நிதி ஒதுக்கீடு செய்யப்பட்டுள்ளதாகத் தெரிவித்த அரசாங்க அதிபர், இவ்விடயத்தில் கடற்றொழில், நீரியல் மற்றும் கடல்வளங்கள் அமைச்சரும், யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர், போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சர் கௌரவ பிமல் ரட்ணாயக்க, விளையாட்டு மற்றும் இளைஞர் விவகார அமைச்சர் கௌரவ சுனில் குமார கமகே ஆகியோர் விசேட அக்கறையுடன் செயற்பட்டு, இந்த நிதி ஒதுக்கீட்டைப் பெற்றுக்கொடுப்பதில் பங்களிப்பு செய்துள்ளதாகவும் குறிப்பிட்டார். இந்த நிதியின் மூலம் நெடுந்தீவு மகா வித்தியாலயத்தின் விளையாட்டு உட்கட்டமைப்பு வசதிகள் மேலும் மேம்படுத்தப்பட்டு, மாணவர்களின் விளையாட்டுத் திறமைகளை வளர்ப்பதற்கான சிறந்த வாய்ப்புகள் உருவாகும் எனவும் தெரிவித்தார். கிடைக்கப்பெற்றுள்ள நிதியை உரிய காலத்திற்குள் பயனுள்ள வகையில் பயன்படுத்துவதற்கான நடைமுறைத் திட்டமொன்றை அனைத்து தரப்பினரும் இணைந்து தயாரிக்க வேண்டும் என்றும் வலியுறுத்தினார்.
இதேவேளை, இவ்வாண்டு நெடுந்தீவுக்கு பல்வேறு துறைகளின் ஊடாக பெருமளவான நிதி ஒதுக்கீடுகள் கிடைத்துள்ளதாகவும், குளிரூட்டப்பட்ட பயணிகள் படகுக்காக சுமார் ரூ.235 மில்லியன், கிராமப்புற வீதிகளுக்காக ரூ.40 மில்லியன், சமூக சக்தி அபிவிருத்திப் பணிகளுக்காக ரூ.32 மில்லியன், வீடமைப்புத் திட்டத்திற்காக ரூ.34.60 மில்லியன், கடற்றொழில் அமைச்சின் திட்டங்களுக்கு ரூ.3 மில்லியன் உள்ளிட்ட பல்வேறு திட்டங்களுக்காக மொத்தமாக சுமார் ரூ.408 மில்லியன் நிதி ஒதுக்கீடுகள் அரசாங்கத்தினால் கிடைத்துள்ளதாகவும் குறிப்பிட்டார். இவ்வாறு கிடைக்கப்பெற்றுள்ள நிதி ஒதுக்கீடுகளை உரிய முறையில் பயன்படுத்தி, நெடுந்தீவு மக்களின் அவசியத் தேவைகளுக்கு முன்னுரிமை அளித்து, அதிகபட்சமான அபிவிருத்திப் பணிகளை முன்னெடுக்க வேண்டும் எனவும் அரசாங்க அதிபர் கேட்டுக்கொண்டார்.
அத்துடன், நெடுந்தீவு மகா வித்தியாலயத்தில் அபிவிருத்தி செய்யப்படவுள்ள விளையாட்டு மைதானம் பாடசாலை மாணவர்களுக்கு மாத்திரம் மட்டுப்படுத்தப்படாமல், நெடுந்தீவில் இயங்கும் அனைத்து விளையாட்டுக் கழகங்கள் மற்றும் அனைத்து மாணவர்களும் பயன்படுத்தக்கூடிய வகையில் அமைக்கப்பட வேண்டும் எனவும் அவர் வலியுறுத்தினார். இதன் மூலம் பெருமளவு நிதி முதலீடு செய்யப்படும் இவ் அபிவிருத்திப் பணியின் முழுமையான பயன் நெடுந்தீவின் முழுச் சமூகத்திற்குகிடைப்பதை உறுதி செய்ய வேண்டும் எனவும் தெரிவித்தார்.
மேலும், நெடுந்தீவு மக்களிடையே கரப்பந்தாட்டம் உள்ளிட்ட பல்வேறு விளையாட்டுகளுக்கு காணப்படும் ஆர்வத்தை கருத்திற்கொண்டு, பொருத்தமான இடத்தில் தரமான விளையாட்டு மைதானத்தினை அபிவுருத்தி செய்வது தொடர்பிலும் கவனம் செலுத்தப்பட்டது .இதன் மூலம் விளையாட்டு மைதானத்திற்குத் தேவையான மின்விளக்குகள் உள்ளிட்ட அடிப்படை வசதிகளை ஏற்படுத்தி, சிறுவர்கள் மற்றும் இளைஞர்கள் பாதுகாப்பான சூழலில் விளையாட்டில் ஈடுபடக்கூடிய நிலையை உருவாக்குவதற்கான நடவடிக்கைகளும் முன்னெடுக்கப்பட வேண்டும் எனவும் அரசாங்க அதிபர் வலியுறுத்தினார். நெடுந்தீவுக்கு கிடைக்கப்பெறும் அனைத்து நிதி ஒதுக்கீடுகளும் உரிய காலத்திற்குள் பயனுள்ள அபிவிருத்திப் பணிகளாக மாற்றப்பட வேண்டும். இதற்காக பிரதேச செயலகம், பாடசாலை நிர்வாகம், மாகாண அதிகாரிகள், தொழில்நுட்ப உத்தியோகத்தர்கள், விளையாட்டுக் கழகங்கள் உள்ளிட்ட அனைத்து தரப்பினரும் பொறுப்புடன் ஒருங்கிணைந்து செயற்பட வேண்டும் எனவும் அரசாங்க அதிபர் மேலும் தெரிவித்தார்.
இக் கலந்துரையாடலில் மேலதிக அரசாங்க அதிபர் திரு. கே. சிவகரன், யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு. எஸ். கபிலன், நெடுந்தீவு பிரதேச செயலாளர் திரு. என். பிரபாகர், பிரதம கணக்காளர் திரு. எஸ். கிருபாகரன், உதவி மாவட்டச் செயலாளர் செல்வி உ. தர்சினி, தீவக வலயக் கல்விப் பணிப்பாளர் திரு. லெனின் அறிவழகன், மாகாண கல்வித் திணைக்கள பொறியியலாளர் திருமதி எஸ். சரன்ஜா, பிரதி கல்விப் பணிப்பாளர் திரு. ஆர். இராஜசீலன், நெடுந்தீவு மகா வித்தியாலய அதிபர் திரு. ஐ. தயாபரன், விளையாட்டு உத்தியோகத்தர்கள் உள்ளிட்ட பலர் கலந்துகொண்டனர்.
 
1 2 3 4 5 6 7 8 9 10
சமூக சக்தி தேசிய வறுமை ஒழிப்புத் திட்டத்தின் கீழ் முன்னெடுக்கப்படவுள்ள பன்முக வறுமை ஒழிப்புத் திட்டங்களை நடைமுறைப்படுத்துவது தொடர்பான கலந்துரையாடல், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்று (20.08.2026) பிற்பகல் 2.00 மணிக்கு அரசாங்க அதிபர் அலுவலகத்தில் நடைபெற்றது. இக்கலந்துரையாடலில் கடற்றொழில், நீரியல் வளங்கள் மற்றும் கடல் வளங்கள் அமைச்சரும், யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர், கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் திரு. எம்.ஏ.எல்.எஸ்.என்.கே. சம்பத் மந்திரிநாயக்க ஆகியோர் நிகழ்நிலை ஊடாகக் கலந்து கொண்டனர்.
கடற்றொழில், நீரியல் வளங்கள் மற்றும் கடல் வளங்கள் அமைச்சர் கருத்துத் தெரிவிக்கையில், நெடுந்தீவு மக்களின் நீண்டகால கடற்போக்குவரத்து பிரச்சினைக்கு தீர்வு காணும் வகையில், புதிய படகொன்றைக் கொள்வனவு செய்வதற்காக கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் கீழ் ரூ.235 மில்லியன் சிறப்பு நிதி ஒதுக்கீடு கிடைத்துள்ளதாகத் தெரிவித்தார். குறித்த திட்டத்தை விரைவாக ஆரம்பித்து நடைமுறைப்படுத்துவதற்குத் தேவையான அனுமதிகள், தொழில்நுட்ப நடவடிக்கைகள் மற்றும் திட்டத்தை நிறைவேற்றுவதற்கான கால அவகாசம் தொடர்பில் ஆராய்வதற்காகவே இக் கலந்துரையாடல் இடம்பெறுவதாகவும் அவர் குறிப்பிட்டார். நெடுந்தீவிற்கான புதிய படகு கொள்வனவு செய்யப்பட்டு சேவையில் ஈடுபடுத்தப்படுவதன் மூலம், அப்பகுதி மக்களின் பயணிகள் கடற்போக்குவரத்து மேலும் இலகுபடுத்தப்படும் எனவும் அமைச்சர் தெரிவித்தார்.
அத்துடன், நெடுந்தீவு மக்களின் அடிப்படைத் தேவைகள் மற்றும் அபிவிருத்தி நடவடிக்கைகளுக்கு அரசாங்கம் தொடர்ந்தும் கூடிய கவனம் செலுத்தி, தேவையான நடவடிக்கைகளை முன்னெடுக்கும் எனவும் கடற்றொழில் அமைச்சர் தெரிவித்தார். யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் கருத்துத் தெரிவிக்கையில், இன்றைய கலந்துரையாடலின் மூலம் யாழ்ப்பாண மாவட்டத்திற்கு மிகவும் முக்கியத்துவம் வாய்ந்த இரண்டு நிதி ஒதுக்கீடுகள் கிடைத்துள்ளதாகத் தெரிவித்தார். அதன்படி, கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் கீழ் யாழ்ப்பாண மாவட்டத்திற்கு ரூ.235 மில்லியன் சிறப்பு ஒதுக்கீடு கிடைத்துள்ளதாகவும், சமூக சக்தி திட்டத்தின் கீழ் ஏற்கனவே யாழ்ப்பாண மாவட்டத்திற்கு ரூ.652 மில்லியன் நிதி ஒதுக்கீடு செய்யப்பட்டுள்ளதாகவும் தெரிவித்தார்.
மேலும், தற்போது யாழ்ப்பாண மாவட்டம் எதிர்கொள்ளும் முக்கிய பிரச்சினைகளில் ஒன்றாக நெடுந்தீவு மக்களின் கடற்போக்குவரத்து பிரச்சினை காணப்படுவதாக அரசாங்க அதிபர் தெரிவித்தார். குறிக்கட்டுவான் – நெடுந்தீவு இடையே சேவையில் ஈடுபட்டு வரும் ‘வடதாரகை’ மற்றும் ‘நெடுந்தாரகை’ ஆகிய இரு படகுகளும் தற்போது பழுதுபார்க்கப்பட்டு சேவையில் ஈடுபடுத்தப்பட்டுள்ளன. அதேவேளை, ‘குமுதினி’ படகு திருத்தப் பணிகளுக்கு உட்படுத்தப்பட்டுள்ளதாகவும் அவர் தெரிவித்தார். இதன் காரணமாக நெடுந்தீவு மக்கள் மட்டுமன்றி, நெடுந்தீவுக்கு வருகை தரும் சுற்றுலாப் பயணிகளும் கடற்போக்குவரத்தில் பெரும் சிரமங்களை எதிர்கொண்டு வருவதாக அரசாங்க அதிபர் மேலும் குறிப்பிட்டார். கடற்போக்குவரத்து சேவையில் கடற்படைத் தளபதி முழுமையான ஒத்துழைப்பை வழங்கி வருவதாகத் தெரிவித்த அரசாங்க அதிபர், புதிய குளிரூட்டப்பட்ட படகு சேவையை கட்டணம் செலுத்திப் பயன்படுத்துவதன் மூலம் நெடுந்தீவு மக்களும், உள்ளூர் மற்றும் வெளிநாட்டு சுற்றுலாப் பயணிகளும் பெரிதும் பயனடைவார்கள் எனக் குறிப்பிட்டார். இதன் மூலம் பொதுமக்கள் மற்றும் சுற்றுலாப் பயணிகள் கடற்போக்குவரத்தில் எதிர்கொள்ளும் சிரமங்களை கணிசமாகக் குறைக்க முடியும் எனவும் அவர் தெரிவித்தார்.
இக்கலந்துரையாடலில் கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சின் பணிப்பாளர் (திட்டமிடல்) நிலந்த விக்ரமசிங்க, பிரதிப் பணிப்பாளர் ஆயிஷா சுபசிங்க, திட்டமிடல் பணிப்பாளர் இ. சுரேந்திரநாதன், யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு எஸ். கபிலன், போக்குவரத்து நெடுஞ்சாலைகள் மற்றும் நகர அபிவிருத்தி அமைச்சின் யாழ்ப்பாண மாவட்ட இணைப்பாளர் திரு எஸ். ஸ்ரீவாகீசன், பிரதித் திட்டமிடல் பணிப்பாளர் திரு. எஸ். சிவகுமாரன், மாவட்ட பிரதம கணக்காளர் எஸ். கிருபாகரன், நெடுந்தீவு பிரதேச செயலாளர் திரு. என். பிரபாகர், இலங்கை இராணுவ யாழ்ப்பாண பாதுகாப்புப் படைத் தலைமையக நிர்வாக அதிகாரி கேர்ணல் MACP மொறசிங்க, இலங்கை கடற்படை நெடுந்தீவு முகாம் பொறுப்பதிகாரி கப்டன் என். ரணவீர, 51ஆவது படைப்பிரிவின் நிர்வாக அதிகாரி லெப். கேர்ணல் விஜயவர்தன, மீன்பிடித் திணைக்கள அதிகாரிகள், வீதி அபிவிருத்தி அதிகார சபையின் பிரதம பொறியியலாளர், உள்ளிட்ட துறைசார் உத்தியோகத்தர்கள் கலந்து கொண்டனர்.
 
1 2 3 4 5 6 8 9
மகளிர் மற்றும் சிறுவர் விவகார அமைச்சின் கீழ் யாழ்ப்பாண மாவட்டத்தில் இயங்கிவரும் பெண்கள் பாதுகாப்பு இல்லத்தினை (Safe House) மேலும் வினைத்திறனுடன் இயக்குவது தொடர்பான கலந்துரையாடல், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்று (20.08.2026) வியாழக்கிழமை முற்பகல் 9.00 மணிக்கு அரசாங்க அதிபர் அலுவலகத்தில் நடைபெற்றது. யாழ்ப்பாண மாவட்டத்தில் இயங்கிவரும் பெண்கள் பாதுகாப்பு இல்லத்தினை தற்போதைய நிலை, அதன் சேவைகளைத் தொடர்ந்தும் வினைத்திறனுடன் முன்னெடுப்பதற்குத் தேவையான நடவடிக்கைகள், நிர்வாக மற்றும் வளத் தேவைகள் உள்ளிட்ட பல்வேறு விடயங்கள் தொடர்பாக இக்கலந்துரையாடலில் ஆக்கபூர்வமான கருத்தாடல்கள் இடம்பெற்றன. இதன்போது கருத்துத் தெரிவித்த யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள், மகளிர் மற்றும் சிறுவர் விவகார அமைச்சின் நிதி அனுசரணையுடன் மாவட்டச் செயலக நிர்வாகத்தின் கீழ் இயங்கிவரும் பெண்கள் பாதுகாப்பு இல்லத்தின் சேவையின் அவசியத்தைக் கருத்திற்கொண்டு, அதன் சேவைகளை இடைநிறுத்துவதற்குப் பதிலாக, மகளிர் மற்றும் சிறுவர் விவகார அமைச்சு, மாவட்ட நிர்வாகம் மற்றும் JSAC ஆகிய மூன்று தரப்பினரும் ஒருங்கிணைந்து காப்பகத்தின் சேவைகளைத் தொடர்ந்து முன்னெடுக்க வேண்டும் எனத் தெரிவித்தார்.
இதற்கமைய, நிர்வாகம், நிதி முகாமைத்துவம் மற்றும் பணியாளர் தொடர்பான பொறுப்புகளைத் தெளிவாக வரையறுத்து, வெளிப்படையானதும் சட்டபூர்வமானதுமான நடைமுறைகளை உருவாக்குவதன் மூலம் இல்லத்தின் செயற்பாடுகளை மேலும் வலுப்படுத்த முடியும் எனவும் அரசாங்க அதிபர் தெரிவித்தார். குறிப்பாக, தகுதியுடைய பெண்களுக்கு தொடர்ந்தும் பாதுகாப்பான சூழலையும், தேவையான பராமரிப்பு மற்றும் நலன்புரிச் சேவைகளையும் வழங்குவதற்கு அரச நிர்வாகத்திற்கும் JSAC நிறுவனத்திற்கும் இடையிலான ஒருங்கிணைப்பை மேலும் வலுப்படுத்த வேண்டியதன் அவசியத்தையும் அரசாங்க அதிபர் வலியுறுத்தினார். மேலும், பெண்கள் பாதுகாப்பு இல்லத்தின் சேவைகளை மேம்படுத்துவதுடன், தேவையுடைய பெண்களுக்கு பாதுகாப்பான சூழலில் உரிய பராமரிப்பு, பாதுகாப்பு மற்றும் ஆதரவு சேவைகளைத் தொடர்ச்சியாக வழங்குவதற்கான நடைமுறைகள் தொடர்பாகவும் விரிவாக ஆராயப்பட்டது. இக் கலந்துரையாடலில் மேலதிக அரசாங்க அதிபர் திரு. க. சிவகரன், உதவி மாவட்டச் செயலாளர் செல்வி உ. தர்ஷினி, மாவட்ட பெண்கள் அபிவிருத்தி உத்தியோகத்தர் திருமதி கி. தயாபரி, JSAC நிறுவனத்தின் சிரேஷ்ட நிறைவேற்று உத்தியோகத்தர் திரு. என். சுகிர்தராஜ், JSAC நிறுவனத்தின் ஆளுநர் சபையின் செயலாளர் திருமதி கோசலை மதன், உப தலைவர் திரு. கே. கௌதமன், JSAC நிறுவனத்தின் உத்தியோகத்தர்கள் உள்ளிட்டோர் கலந்து கொண்டனர்.