உளவள ஆற்றுப்படுத்தல் தொடர்பான கருத்திட்டத்தினை நடைமுறைப்படுத்தும் ஆரம்ப நிகழ்வானது யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களின் தலைமையில் (16.08.2024) மு. ப 10.30 மணிக்கு மாவட்டச் செயலக கேட்போர் கூடத்தில் நடைபெற்றது.
யாழ்ப்பாண மாவட்டத்திலிருந்து முதற்கட்டமாக மருதங்கேணியில் முள்ளியான் கிராமமும், தெல்லிப்பழை பிரதேச செயலகங்களிலிருந்து நல்லிணக்கபுரம் கிராமமும் தெரிவு செய்யப்பட்டு அக் கிராமத்திலுள்ள சிறுவர், இளைஞர்களுக்கு இவ் வைகறை நிகழ்ச்சித்திட்டத்தின் ஊடாக உளவள ஆற்றுபடுத்தலை மேற்கொள்வதை நோக்காக கொண்டு இச் செயற்றிட்டம் நடைபெறவுள்ளது.
உதவி மாவட்ட செயலாளர், பிராந்திய சுகாதார சேவைகள் பிரதிப்பணிப்பாளர்,மருதங்கேணி பிரதேச செயலாளர், தெல்லிப்பளை உதவி பிரதேச செயலாளர் FAIRMED Foundation யாழ்ப்பாணம் மற்றும் கிளிநொச்சி உள சமூக இணைப்பாளர், வலிகாமம், வடமராட்சி பிரதிக் கல்விப்பணிப்பாளர்கள், மாவட்ட பெண்கள் அபிவிருத்தி ஒருங்கிணைப்பாளர் உள்ளிட்டோர் கலந்துகொண்டனர்.

உயர்பாதுகாப்பு வலயத்திற்குட்பட்ட கீரிமலை கிருஷ்ணர் ஆலயத்தில் இன்று (16.08.2024) தொடக்கம் பக்த்தர்களுக்கு பிரதி வெள்ளிக்கிழமைதோறும் வழிபாட்டிற்கு அனுமதி வழங்கப்பட்டுள்ளது.
இந் நிகழ்வில் யாழ்ப்பாண பதில் அரசாங்க அதிபர் திரு மருதலிங்கம் பிரதீபன், மேலதிக அரசாங்க அதிபர் (காணி) திரு. க. சிறிமோகனன், துர்க்கை அம்மன் தேவஸ்தானத் தலைவர் கலாநிதி ஆறு. திருமுருகன், நகுலேஸ்வர ஆதீனகர்த்தா, தெல்லிப்பளை பிரதேச செயலாளர், கடற்படை அதிகாரிகள், பக்தர்கள் பிரதேச மக்கள் என பலரும் கலந்து கொண்டனர்.

இலங்கை ஜனநாயக சோசலிச குடியரசின் 77 வது சுதந்திர தின யாழ்ப்பாண மாவட்ட நிகழ்வு இன்றைய (04.02.2024) காலை 07.30 மணிக்கு அரசாங்க அதிபர் திரு.மருதலிங்கம் பிரதீபன் அவர்களின் தலைமையில் யாழ்ப்பாண மாவட்டச் செயலக முன்றலில் நடைபெற்றது. இந் நிகழ்வானது அணிவகுப்பு மரியாதை ஆரம்பமாகி - தேசியக் கொடி ஏற்றல், தேசிய கீதம் இசைத்தல், சர்வ மத தலைவர்களின் ஆசியுரை மற்றும் அரசாங்க அதிபர் அவர்களின் உரை உள்ளடங்கலாக சிறப்பாக நடைபெற்றது.
இந்நிகழ்வில் யாழ்ப்பாணம் மத்திய கல்லூரி, யாழ்ப்பாணம் வேம்படி மகளிர் உயர்தரப் பாடசாலை மற்றும் யாழ்ப்பாணம் சென் பெனடிக்ற் வித்தியாலயம் ஆகிய பாடசாலை மாணவர்களின் பான்ட் (Band) வாத்தியக் குழுவின் அணிவகுப்பும், யாழ்ப்பாணம் இந்து மகளிர் கல்லூரி மற்றும் வேம்படி மகளிர் உயர்தரப் பாடசாலை ஆகிய பாடசாலைகளின் தேசிய மாணவர் படையணியின் (Cadet) அணிவகுப்பும், சாரணர்கள் மற்றும் உத்தியோகத்தர்களின் அணிவகுப்பும் நடைபெற்றது குறிப்பிடத்தக்கது.
இந் நிகழ்வில் 51 பாதுகாப்பு படைகளின் கட்டளைத் தளபதி, பிரதிப் பொலிஸ்மா அதிபர், கடற்படை மற்றும் விமானப்படை உயர் அதிகாரிகள், முப்படையின் அதிகாரிகள், மேலதிக அரசாங்க அதிபர் (காணி), மாவட்ட செயலக பதவிநிலை உத்தியோகத்தர்கள், மாவட்ட செயலக உத்தியோகத்தர்கள், பாடசாலை மாணவர்கள், பொதுமக்கள் மற்றும் ஊடகவியலாளர்கள் உள்ளிட்ட பலர் கலந்து சிறப்பித்தனர்.

காங்கேசன்துறைக்கும் நாகபட்டினத்திற்கு ம் இடையிலான பயணிகள் கப்பல் போக்குவரத்து தொடர்பான ஆரம்ப கலந்துரையாடல் யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (15.08.2024) பி. ப 03.00 மணிக்கு காங்கேசன்துறை கடற்படை தலைமையகத்தில் நடைபெற்றது.
இக் கலந்துரையாடலில் தொடர்புடைய திணைக்கள அதிகாரிகள் கலந்து கொண்டனர்.
உள்ளூர் நுண்ணிய, சிறிய மற்றும் நடுத்தர முயற்சியாளர்களுக்கான வியாபார பயிற்சி மற்றும் சமையல் திறன்கள் மற்றும் அறிவை மேம்படுத்துவது தொடர்பான பயிற்சிப் பட்டறையின் ஆரம்ப நிகழ்வு யாழ்ப்பாண மாவட்ட பதில் அரசாங்க அதிபர் திரு.மருதலிங்கம் பிரதீபன் அவர்கள் தலைமையில் இன்று (14.08.2024) காலை 9.00 மணிக்கு யாழ் பஸ்ரியன் விடுதியில் நடைபெற்றது.
தலைமையுரையாற்றிய பதில் அரசாங்க அதிபர் அவர்கள் ஒருவருக்கு அறிவு, திறன் மற்றும் மனப்பாங்கு முக்கியமானது எனவும் திறனை வளர்த்துக்கொள்ள இப் பயிற்சி முக்கியத்துவம் பெறுவதாகவும், மேலும் மனப்பாங்குகளில் மாற்றம் வரவேண்டும் என்றும் குறிப்பாக உணவுத்துறை சார் தொழில் முயற்சியாளர்கள் வாடிக்கையாளர் திருப்தியில் அதிக கவனம் செலுத்துவதன் ஊடாகவே தொழில் முயற்சியில் முன்னேற்றத்தினை அடைய முடியும் என தெரிவித்ததுடன், இப் பயிற்சி பட்டறை மூலம் உணவு தயாரிப்பதில் மேலும் மேம்படுத்தலை அடையவதற்கான சந்தர்ப்பம் கிடைக்கப்பெற்றுள்ளமையால் பயனாளிகள் இதனை வினைத்திறனுடன் பயன்படுத்தி பொருளாதார ரீதியில் முன்னேற்றம்மடைய முயற்சிக்க வேண்டும் எனத் தெரிவித்தார்.
மாவட்டச் செயலக திறன் அபிவிருத்திப்பிரிவின் ஏற்பாட்டில், இந்த பயிற்சிப் பட்டறையானது இன்று தொடக்கம் 18.08.2024 ஆம் திகதி வரை 5 நாட்கள் காலை 9.00 மணி தொடக்கம் 4.00 மணிவரை பிரதேச செயலக பிரிவுகளில் இருந்து தெரிவுசெய்யப்பட்ட 40 பயனாளிகளுக்கு Australian AID மற்றும் Skills for Inclusive Growth அமைப்பின் அனுசரணையில் பயிற்சி வழங்கப்படுகிறது.
இந் நிகழ்வில் பல்கலைக்கழக கல்லூரி நிறைவேற்றுப் பணிப்பாளர், Skills for Inclusive Growth அமைப்பின் திட்ட அலுவலர், திறன் அபிவிருத்தி உத்தியோகத்தர்கள் கலந்துகொண்டனர்.








