யாழ்ப்பாண  மாவட்ட பிரதிப் பொலிஸ்மா அதிபர்  காலிங்க ஜெயசிங்க அவர்கள் யாழ் மாவட்ட பதில் அரசாங்க அதிபர் மருதலிங்கம் பிரதீபன் அவர்களை  மரியாதை நிமித்தமாக  (15.05.2024 ) அரசாங்க அதிபர் அலுவலகத்தில்  சந்தித்து   கலந்துரையாடினாா்.

இக் கலந்துரையாடலில்  யாழ்ப்பாண மாவட்டத்தின் அண்மைக்கால நிலவரங்கள் தொடர்பாகவும் கலந்துரையாடினார்.

உலக உணவுத் திட்டத்தின் இலங்கைக்கான பிரதிப் பணிப்பாளர் ( Deputy Country Director) Mr.Gerald Rebelli அவர்கள் மூன்று நாள் உத்தியோகபூர்வ விஜயமாக யாழ் மாவட்டத்திற்கு விஜயம் செய்துள்ளார். இந்த விஜயத்தின் போது யாழ் மாவட்ட பதில் அரசாங்க அதிபர் மருதலிங்கம் பிரதீபன் அவர்களை யாழ் மாவட்ட அரசாங்க அதிபர் அலுவலகத்தில் (13.05.2024) சந்தித்து கலந்துரையாடினார்.
இச் சந்திப்பில் "Food for Assets " செயற்றிட்டத்தின் முன்னேற்றங்கள் தொடர்பாகவும் இச்செயற்றிட்டம் குறித்து எதிர்காலத்தில் மேற்கொள்ள வேண்டிய செயற்பாடுகள் தொடர்பாகவும் கலந்துரையாடப்பட்டது.
அத்துடன் நாளை (14.05.2024) "Food for Assets " செயற்றிட்டத்தை நெடுந்தீவு பிரதேச செயலாளர் பிரிவில் அங்குரார்ப்பணம் செய்து வைக்கும் நிகழ்விலும் உலக உணவுத் திட்டத்தின் இலங்கைக்கான பிரதிப் பணிப்பாளர் அவர்கள் கலந்துகொள்ளவுள்ளமை குறிப்பிடத்தக்கது.
மேற்படி குழுவில் உலக உணவு திட்ட அரசாங்க பங்குடமை அதிகாரி திரு.முஸ்தபா நிஹ்மத், உலக உணவுத்திட்ட பொறியியலாளர் திரு.W.A.சந்திரதிலக, மாவட்ட திட்டமிடல் பணிப்பாளர் திரு.இ.சுரேந்திரநாதன், பிரதி திட்டமிடல் பணிப்பாளர் வ.தர்சினி ஆகியோர் கலந்துகொண்டனர்.
யாழ்ப்பாண மாவட்ட செயலக இரண்டாம் காலாண்டு கணக்காய்வு முகாமைத்துவ குழுக் கூட்டம் மாவட்ட பதில் அரசாங்க அதிபர் மருதலிங்கம் பிரதீபன் அவர்களின் தலைமையில் (15.05.2024) காலை மாவட்ட செயலக கேட்போர்கூடத்தில் இடம்பெற்றது.
கடந்த கூட்ட அறிக்கை தொடர்பான பிரச்சினைகளுக்கான தீர்வு காண்பதற்காக பிரதம உள்ளக கணக்காய்வாளர் தலைமையில் குழு அமைக்கப்பட்டு மூன்றாம் காலாண்டு கூட்டத்திற்கு முன்னர் அவற்றுக்குரிய தீர்வுகள் எட்டப்படும் என தீர்மானிக்கப்பட்டது.
மாவட்ட மற்றும் பிரதேச செயலகங்களில் நிறைவேற்றப்பட்ட, நிறைவேற்றப்படாத திட்டங்கள் தொடர்பாகவும், அவ்வாறான பிரச்சினைகளை தீர்ப்பதற்கு மேற்கொள்ள வேண்டிய நடவடிக்கைகள் தொடர்பாகவும் ஆராயப்பட்டது.
இக் கலந்துரையாடலில் தேசிய கணக்காய்வு முகாமைத்துவ திணைக்கள பணிப்பாளர் சுனில் ஜெயசேகர நிகழ்நிலை ஊடாக கலந்துகொண்டதுடன், பிரதம கணக்காளர் என்.எஸ்.ஆர்.சிவரூபன், பிரதம உள்ளக கணக்காய்வாளர் செ.ரமேஸ்குமார், உதவி கணக்காய்வு அத்தியட்சகர் சுகந்தராஜ் மற்றும் பிரதேச செயலாளர்கள், மாவட்ட செயலக பதவிநிலை உத்தியோகத்தர்கள், மாவட்ட மற்றும் பிரதேச செயலக கணக்காளர்கள், மாவட்ட செயலக உள்ளக கணக்காய்வு கிளை உத்தியோகத்தர்கள், துறைசார் கிளைத்தலைவர்கள், உள்ளிட்டோர் நேரடியாக கலந்துகொண்டிருந்தார்கள்.
 
audit 01  Audit 02 
Audit 03   Audit 04  Audit 05  Audit 06 
தெங்கு செய்கை மற்றும் பாக்கு செய்கை தொடர்பான கலந்துரையாடல் யாழ் மாவட்ட பதில் அரசாங்க அதிபர் மருதலிங்கம் பிரதீபன் அவர்கள் தலைமையில்  (15.05.2024) காலை 10.00 மணிக்கு யாழ் மாவட்ட செயலக அரசாங்க அதிபர் அலுவலகத்தில் நடைபெற்றது.
இதன்போது யாழ் மாவட்ட தெங்கு செய்கை மற்றும் பாக்கு செய்கை தொடர்பான தற்போதைய நிலை மற்றும் இவ் வருட திட்டமுன்மொழிவுகள் தொடர்பாகவும் கலந்துரையாடப்பட்டது.
ஜனாதிபதியின் சிரேஷ்ட மேலதிக செயலாளர் எஸ்.எம்.சமன் பந்துலசேன, உலக உணவுத்திட்டத்தின் இலங்கைக்கான பிரதிப் பணிப்பாளர் Gerald Rebelli, உலக உணவுத்திட்ட அரசாங்க பங்குடமை அதிகாரி திரு.முஸ்தபா நிஹ்மத் மற்றும் மாவட்ட விவசாய பணிப்பாளர், பிரதி மாகாண விவசாய பணிப்பாளர், கமநல அபிவிருத்தி திணைக்கள உதவி ஆணையாளர், தென்னை அபிவிருத்தி சபை பிராந்திய முகாமையாளர், கமக்கார அமைப்பின் தலைவர்கள், மாவட்ட செயலக உத்தியோகத்தர்கள் உள்ளிட்ட பலர் கலந்துகொண்டனர்.
 
coconut 01 coconut 02  coconut 03  coconut 04  coconut 05  coconut 06  coconut 07
யாழ்ப்பாண மாவட்ட பிரதிப் பொலிஸ்மா அதிபர் காலிங்க ஜெயசிங்க அவர்கள் யாழ் மாவட்ட பதில் அரசாங்க அதிபர் மருதலிங்கம் பிரதீபன் அவர்களை மரியாதை நிமித்தமாக இன்றையதினம் (15.05.2024 ) அரசாங்க அதிபர் அலுவலகத்தில் சந்தித்து கலந்துரையாடினாா்.
இக் கலந்துரையாடலில் யாழ்ப்பாண மாவட்டத்தின் அண்மைக்கால நிலவரங்கள் தொடர்பாகவும் கலந்துரையாடினார்