சுற்றுலா அமைச்சின் பணிப்பாளர் நாயகம் திரு. H. P. சோமதிலக அவர்கள் அரசாங்க அதிபர் திரு.மருதலிங்கம் பிரதீபன் அவர்களை இன்றைய தினம்(22.06.2026) அரசாங்க அதிபர் அலுவலகத்தில் சந்தித்து கலந்துரையாடினார். இதன் போது யாழ்ப்பாண மாவட்டத்தில் இவ்வாண்டு சுற்றுலா அமைச்சின் ஊடாக 130 மில்லியன் ரூபாவில் நடைமுறைப்படுத்தவுள்ள அபிவிருத்தி திட்டங்களின் தற்போதைய நிலைமைகளை தொடர்பில் கேட்டறிந்து கொண்டார்.
 
 
1 2
சர்வதேச யோகா தினத்தை முன்னிட்டு இந்திய துணைத் தூதரகத்தின் ஏற்பாட்டில் 12ஆவது சர்வதேச யோகா தின நிகழ்வு இன்று (20.06.2026) காலை யாழ்ப்பாணம் துரையப்பா விளையாட்டு அரங்கில் சிறப்பாக நடைபெற்றது. இந்திய துணைத் தூதுவர் கெளரவ சாய் முரளி அவர்களின் தலைமையில் நடைபெற்ற இந்நிகழ்வில் யாழ் மாவட்டத்தைச் சேர்ந்த சித்த மற்றும் ஆயுர்வேத வைத்தியர்கள், யோகாசன ஆசிரியர்கள், மாணவர்கள் உள்ளிட்ட 2,500க்கும் மேற்பட்டோர் கலந்து கொண்டு யோகாசனப் பயிற்சிகள் மற்றும் கலைநிகழ்வுகளில் பங்கேற்று தங்களது திறமைகளை வெளிப்படுத்தினர். இந் நிகழ்வில் இந்திய துணைத் தூதுவர் கெளரவ சாய் முரளி அவர்கள் உரையாற்றுகையில் யோகா உடல் மற்றும் மன ஆரோக்கியத்தை மேம்படுத்துவதோடு, ஆரோக்கியமான முதுமை வாழ்வுக்கும் பெரும் பங்களிப்பை வழங்குவதாக தெரிவித்திருந்தார்.
இம்முறை சர்வதேச யோகா தினம் “ஆரோக்கியமான முதுமைக்கான யோகம்” என்ற தொனிப்பொருளின் கீழ் அனுஷ்டிக்கப்பட்டது. மேலும் இந் நிகழ்வில் பங்கேற்ற மாணவர்கள் மற்றும் பயிற்சியாளர்களுக்கு இந்திய துணைத் தூதரகத்தின் சார்பில் சான்றிதழ்களும் வழங்கப்பட்டன. இந்நிகழ்வில் பாராளுமன்ற உறுப்பினர் கௌரவ ஜெயசந்திரமூர்த்தி றஜீவன், யாழ்ப்பாணம் போதனா வைத்தியசாலையின் பணிப்பாளர் டாக்டர்.T. சத்தியமூர்த்தி, யாழ்ப்பாண மாவட்ட மேலதிக அரசாங்க அதிபர் திரு.கே.சிவகரன்,வடமாகாண சிரேஷ்ட பிரதிப் பொலிஸ்மா அதிபர், யாழ்ப்பாண மாவட்ட பிரதிப் பொலிஸ்மா அதிபர், யாழ்ப்பாணப் பல்கலைக்கழக சித்த வைத்திய பீட வைத்தியர்கள், யோகாசன ஆசிரியர்கள், மாணவர்கள் மற்றும் பலர் கலந்து கொண்டிருந்தனர்.
 
 
1 2 3 4 5 6 7 8 9 10 11 12 13
யாழ்ப்பாண மாவட்ட ஒருங்கிணைப்பு குழுக் கூட்டமானது கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்கள் தலைமையில், வடக்கு மாகாண ஆளுநரும் ஒருங்கிணைப்புக் குழுவின் இணைத் தலைவருமான கெளரவ நாகலிங்கம் வேதநாயகன் அவர்களின் பங்குபற்றுதலுடன் இன்றைய தினம் (19.06.2026) காலை 09.00 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது. யாழ்ப்பாண மாவட்ட அரசாங்க அதிபரும் ஒருங்கிணைப்புக் குழுவின் செயலாளருமான திரு.மருதலிங்கம் பிரதீபன் அவர்கள் வரவேற்புரையாற்றியதைத் தொடர்ந்து, வடக்கு மாகாண ஆளுநர் கௌரவ நாகலிங்கம் வேதநாயகன் அவர்களினால் இணைத் தலைமையுரையாற்றப்பட்டது. அதனைத் தொடர்ந்து, ஒருங்கிணைப்புக் குழுவின் தலைவரும் கடற்றொழில், நீரியல் மற்றும் கடல் வளங்கள் அமைச்சருமான கெளரவ இராமலிங்கம் சந்திரசேகர் அவர்களினால் தலைமையுரையாற்றப்பட்டது.
கடந்த மாவட்ட ஒருங்கிணைப்புக்குழு கூட்டங்களில் ஆராயப்பட்ட விடயங்கள் மற்றும் எடுத்த தீர்மானங்களுக்கு அமைய அதன் முன்னேற்ற நடவடிக்கைகளும் ஆராயப்பட்டன. மேலும் மாவட்ட ஒருங்கிணைப்பு குழுக் கூட்டத்தில் அனுமதியை பெறவேண்டிய திட்ட முன்மொழிவுகள் தொடர்பாகவும் ஆராயப்பட்டதுடன், யாழ்ப்பாணம் மற்றும் கிளிநொச்சி நீர் வழங்கல் மற்றும் சுகாதாரத் திட்டம், நயினாதீவு மற்றும் நெடுந்தீவு குடிநீர் விநியோகம், யாழ்ப்பாண போதனா வைத்தியசாலை ஆளணிப் பற்றாக்குறை, வீடமைப்பு திட்டம், விடுவிக்கப்பட வேண்டிய காணி விடயம், அரச வேலை எதிர்பார்க்கும் சித்த மருத்துவர் சங்கத்தின் கோரிக்கை தொடர்பாகவும் ஆராயப்பட்டு தீர்மானங்கள் எடுக்கப்பட்டன. இக் கூட்டத்தில் பாராளுமன்ற உறுப்பினர்களான கெளரவ கஜேந்திரகுமார் காங்கேசர் பொன்னம்பலம், கெளரவ வைத்தியர் சண்முகநாதன் ஸ்ரீ பவானந்தராஜா, கெளரவ ஜெயசந்திரமூர்த்தி றஜீவன், கெளரவ வைத்தியர் அர்ச்சுனா இராமநாதன்,
வடக்கு மாகாண சபையின் பேரவைத் தலைவர் கெளரவ சி.வி.கே சிவஞானம், கெளரவ பிரதி முதல்வர், கெளரவ நகர மற்றும் பிரதேச சபைகளின் கெளரவ தவிசாளர்கள், வடக்கு மாகாண பிரதம செயலாளர், வட மாகாண கடற்படைத் தளபதி, பிரதி பொலிஸ்மா அதிபர், முப்படைகளின் அதிகாரிகள், மாகாண அமைச்சின் செயலாளர்கள், பிரதேச செயலாளர்கள், திணைக்களத் தலைவர்கள் உள்ளிட்ட அதிகாரிகள், அரச மற்றும் அரச சார்பற்ற நிறுவனங்களின் பிரதிநிதிகள், சமூக மட்ட அமைப்புக்களின் பிரதிநிதிகள் மற்றும் ஊடகவியலாளர்கள் எனப் பலர் கலந்து கொண்டனர்.
 
1 2 3 4 5 6 7 8 9 10 11 12 13 14
 
யாழ்ப்பாண மாவட்டத்தை சேர்ந்த சமூக மட்ட அமைப்புக்கள் மற்றும் காணாமல் போனவர்களின் உறவினர்களுடனான கலந்துரையாடல் நீதி மற்றும் தேசிய ஒருமைப்பாட்டு அமைச்சர் கௌரவ ஹர்ஷன நானாயக்கார அவர்களின் தலைமையிலும், ஒருங்கிணைப்புக் குழுத் தலைவரும் கடற்றொழி்ல் நீரியல் மற்றும் கடல் வளங்கள் அமைச்சருமான கெளரவ இராமலிங்கம் சந்திரசேகர் அவர்களின் பங்குபற்றுதலுடனும் இன்றைய தினம்(20.06.2026) காலை 10.00 மணிக்கு மாவட்ட செயலக கேட்போர் கூடத்தில் நடைபெற்றது. தேசிய நல்லிணக்கம் மற்றும் காணாமல் போன ஆட்கள் பற்றிய அலுவலகம் முன்னெடுத்துள்ள நடவடிக்கை தொடர்பில் தெளிவூட்டும் முகமாக இக் கலந்துரையாடல் ஏற்பாடு செய்யப்பட்டிருந்தது. இக் கலந்துரையாடலில் காணாமல் போனவர்களின் உறவினர்கள் மற்றும் சமூகமட்ட அமைப்புகள் சார்பில் கலந்து கொண்டிருந்தவர்களிடம் பிரச்சினைகள் தொடர்பாக அமைச்சர் கேட்டறிந்து கொண்டார். குறித்த கலந்துரையாடலில் பாராளுமன்ற உறுப்பினர்களான கெளரவ கருணநாதன் இளங்குமரன், கெளரவ வைத்தியர் ச.ஸ்ரீபவானந்தராஜா, மேலதிக அரசாங்க அதிபர் திரு.கே.சிவகரன், யாழ்ப்பாண மாவட்ட ஒருங்கிணைப்புக் குழுவின் இணைப்பாளர் திரு.எஸ்.கபிலன், காணாமல் ஆக்கப்பட்டோர் அலுவலகத்தின் தலைவர் திரு.மகேஸ்கட்டுலந்த ,காணாமல் போன ஆட்கள் பற்றிய அலுவலகத்தின் ஆனையாளர்கள், பிராந்திய இனைப்பாளர் த .செல்வக்குமார் மற்றும் உத்தியோகத்தர்கள் , காணாமல் போனவர்களின் உறவினர்கள், பொது அமைப்புக்களின் பிரதிநிதிகள், அரச சார்பற்ற நிறுவன பிரதிநிதிகள் எனப் பலர் கலந்து கொண்டனர்.
 
 
1 2 4 5 6 7 8 9 11 13 14
கடந்த வருடம் ஏற்பட்ட டித்வா புயலால் பாதிக்கப்பட்ட யாழ்ப்பாணம், முல்லைத்தீவு மற்றும் மன்னார் மாவட்ட மீனவர்களுக்கு படகுகள் மற்றும் வலைகள் வழங்கும் நிகழ்வு இன்றைய தினம் (18.06.2026) பிற்பகல் 2.00 மணிக்கு காரைநகர் சீ நோர் படகு தொழிற்சாலை வளாகத்தில் நடைபெற்றது. இந் நிகழ்வில் கடற்றொழில், நீரியல் மற்றும் கடல்வளங்கள் அமைச்சர் கௌரவ இராமலிங்கம் சந்திரசேகர் அவர்கள் கலந்து கொண்டு மீனவர்களுக்கான படகுகள் மற்றும் வலைகளை வழங்கி வைத்தார். இதன்போது முதலாம் கட்டமாக ரூபா 1.800 மில்லியன் பெறுமதியான 32 வலைகளும், ரூபா 8.640 மில்லியன் பெறுமதியான 18 படகுகளும் வழங்கி வைக்கப்பட்டன. இதில், தலா ரூபா 480,000.00 பெறுமதியான 18 படகுகளில், யாழ்ப்பாணம் மாவட்டத்திற்கு 03 படகுகளும் ( நெடுந்தீவிற்கு 02 படகுகளும், காரைநகருக்கு 01 படகுகள்), முல்லைத்தீவு மாவட்டத்திற்கு 13 படகுகளும், மன்னார் மாவட்டத்திற்கு 02 படகுகளுமாக வழங்கி வைக்கப்பட்டது என்பது குறிப்பிடத்தக்கது.
இந் நிகழ்வில் யாழ்ப்பாண மாவட்ட மேலதிக அரசாங்க அதிபர் திரு.க.சிவகரன், காரைநகர் பிரதேச செயலாளர் நிரஞ்சனா நவரத்தினம், காரைநகர் சீ நோர் படகு தொழிற்சாலை பணிப்பாளர் திரு.றோகன, சீ நோர் படகுதிருத்தும் நிறுவனத்தின் தலைவர் திரு. வசந்தமானபெரும, கடற்றொழில் மற்றும் நீரியல் வளங்கள் திணைக்களத்தின் யாழ். மாவட்ட உதவிப் பணிப்பாளர் திரு. அகிலன், முல்லைத்தீவு மாவட்ட உதவிப் பணிப்பாளர் திரு. சுதாகர், மன்னார் மாவட்ட உதவிப் பணிப்பாளர் திரு. ரமேஸ்கண்ணா, திணைக்கள உத்தியோகத்தர்கள் மற்றும் பயனாளிகள் என பல்வேறு தரப்பினரும் கலந்து கொண்டிருந்தனர்.
 
 
1 2 3 4 5 6 7 8 10 11 12 13 14 15 16