பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சின் தேசிய அபாயகர ஔடதங்கள் கட்டுப்பாட்டு சபை மற்றும் மாவட்ட செயலகம் என்பன இணைந்து நடாத்தும் போதைப்பொருள் தவறான பயன்பாடு மற்றும் சட்டவிரோத கடத்தலுக்கு எதிரான சர்வதேச தின விழிப்புணர்வு நிகழ்வு யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் தலைமையில் இன்றைய தினம் (26.06.2026) பி. ப 3.00 மணிக்கு மாவட்ட செயலக கேட்போர் கூடத்தில் நடைபெற்றது.
இதன்போது கருத்து தெரிவித்த மாவட்ட அரசாங்க அதிபர் அவர்கள், இன்றைய நாள் போதைப்பொருள் தவறான பயன்பாடு மற்றும் சட்டவிரோத கடத்தலுக்கு எதிரான சர்வதேச தினமாக ஜூன் மாதம் 26 ஆம் திகதி தொடக்கம் ஜூலை 3ஆம் திகதி வரை அனுஷ்டிக்கப்படுகிறது. போதைப் பொருளுக்கு எதிரான செயற்றிட்டங்களை முன்னெடுப்பது தொடர்பாக அனைவரும் அக்கறையோடு கடமையாற்ற வேண்டிய தேவை இருப்பதாகவும் இது தொடர்பாக அதிமேதகு ஜனாதிபதி அவர்கள் யாழ்ப்பாண மாவட்டத்தில் போதைப் பொருளுக்கு எதிரான" முழு நாடும் ஒன்றாக" (ரட்டம எகட்ட)தேசிய நிகழ்ச்சி திட்டத்தை யாழ்ப்பாண மாவட்டத்தில் ஆரம்பித்து வைத்துள்ளதாகவும் இது தொடர்பான செயற்பாடுகள் மாவட்ட மட்டத்தில் மேற்கொள்ளப்பட்டு வருவதாகவும், கடந்த காலங்களில் போதைப் பொருள் சம்பந்தமான கட்டுப்பாட்டு நிலைமைகள் ஒவ்வொரு சீர்திருத்த கட்டுப்பாட்டு நிலைமையிலும் முன்னெடுக்கப்பட்டிருப்பது வரவேற்கத்தக்க விடயம் எனவும், இருப்பினும் ஆங்காங்கே போதை பொருட்களினுடைய பயன்பாடு அதிகரித்து வருகின்ற நிலைப்பாடுகளும் தற்கொலை சம்பவங்கள் அதிகரிக்கின்ற நிலைமையும் காணப்படுவதாக உறுதிப்படுத்தக் கூடியதாக இருப்பதாகவும் தெரிவித்தார்.
 
மேலும் போதைப்பொருள் தடுப்பு தொடர்பான முன்னேற்றகரமான செயற்பாடுகள் வரவேற்கத்தக்க விடயமாக உள்ளதாகவும் அதனுடைய பயன்பாட்டை கட்டுப்படுத்துவதாக இருந்தால் பிரதானமாக போதைப்பொருள் நாட்டுக்குள் வருகின்ற வழிவகைகளை கட்டுப்படுத்த வேண்டிய தேவைப்பாடு இருப்பதாகவும், அப்பொறுப்புணர்ந்தும் தேசிய ரீதியிலே நிகழ்ச்சித் திட்டங்கள் முன்னெடுக்கப்பட்டு வருவதாகவும், அதன் அடிப்படையில் மாவட்ட ரீதியில் குற்றத்தடுப்பு போதை தடுப்பு,விசேட நடவடிக்கை குழு ஆகியவற்றின் மூலம் போதைப் பொருளை கட்டுப்படுத்தக்கூடிய நிலைப்பாடு ஏற்பட்டுள்ளது எனவும் தெரிவித்தார்
வைத்தியசாலைகளிலும், போதை தடுப்பு மறுவாழ்வு நிலையங்களை இருக்கின்ற வளங்களை பயன்படுத்தி போதைப் பொருளுக்கு எதிரான மறுவாழ்வு வைத்தியசாலையின் பிராந்திய சுகாதார சேவைகள் பணிப்பாளர் அவர்களினால் போதை தடுப்பு மறுவாழ்வு நடவடிக்கைகள் மேற்கொள்ளப்பட்டு இணைந்து செயல்பட்டு வருவதற்கு நன்றிகளை தெரிவித்துக் கொண்டார்
பொதுமக்களின் மருந்துகளின் தவறான பாவனை தொடர்பாக ஆராயப்பட்டு போதிய அறிவுறுத்தல்கள் வழங்க வேண்டிய தேவைப்பாடு தொடர்பாகவும் மருந்தகங்களில் அபாயகரமான மருந்துகளை வழங்குவது தொடர்பாக போதிய அறிவுறுத்தல்களை பிராந்திய சுகாதாரப் பணிப்பாளர் அவர்கள் வழங்குவார் எனவும் அது தொடர்பாக மருந்தகங்கள் தங்களுக்குரிய செயற்பாடுகளை சட்டங்களுக்கு அமைவாக மேற்கொள்ள வேண்டிய தேவைப்பாடு இருப்பதாகவும் தவறுகள் ஏற்படும் போது சட்ட நடவடிக்கை எடுக்கக்கூடிய சந்தர்ப்பங்களும் காணப்படுவதாகவும், மருந்து சீட்டுகள் இல்லாமல் மருந்துகள் விநியோகிக்கப்படுவதாகவும் சாதாரணமான விடயமாக அமைந்துள்ளதாகவும் அதனைமாற்றி அமைக்கப்பட வேண்டிய விடயமாக உள்ளதாகவும் அபாயமான மருந்துகளை வழங்கியதன் பின்னர் அதனை சரியான இருப்பு பதிவேட்டில் பதிவை தொடர்பாகவும் அறிவுறுத்தல் பிராந்திய சுகாதார சேவைகள் பணிப்பாளர் அவர்களினால் வழங்கப்பட உள்ளதாகவும் தெரிவித்தார்
அதேபோன்று காலாவதியான பொருட்கள் தொடர்பாக கவனம் எடுக்க வேண்டும் எனவும் காலாவதியான திகதி தொடர்பாக சரியான பொறிமுறை மேற்கொள்ளப்பட வேண்டும் எனவும் இது தொடர்பாக யாழ்ப்பாண மாவட்டத்திலே சரியான முன்னெடுப்புகளை மேற்கொள்வதற்கு ஒவ்வொருவரும் ஒத்துழைப்புக்களும் வழங்க வேண்டும் எனவும் அசாதாரண சூழ்நிலையிலும் ஒவ்வொருவரும் தங்களுடைய கணிசமான பங்களிப்பை வழங்கி உள்ளதாகவும் மருந்தகங்கள் தட்டுப்பாடான காலத்திலும் மிக கடினமான பணியை ஆற்றிஉள்ளதாகவும் போதைப் பொருள் மாத்திரைகள் தொடர்பாக சரியான கவனம் எடுத்து செயற்பட வேண்டும் எனவும் கேட்டுக்கொண்டார் உலகளாவிய போதை பொருள் பிரச்சனை, தொடரும் சிக்கல்கள், புதிய சவால்கள், புதிய தீர்வுகள் என்பன தொடர்பாக கலந்துரையாடப்பட்டன.
மருந்தக கட்டுப்பாட்டு முறைகள் தொடர்பாக மருந்த உரிமையாளர்கள், மருந்தாளர்களுக்கு அறிவுறுத்தல்களை பிராந்திய சுகாதார சேவைகள் பணிப்பாளர் வைத்திய கலாநிதி கேதீஸ்வரன் அவர்கள் வழங்கியதுடன் விசவகை மற்றும் அபாயகரமான மருந்துகள் காட்சிப்படுத்தல் மேற்கொண்டு தேசிய அபாயகர ஔடதங்கள் கட்டுப்பாட்டு சபையின் மாவட்ட இணைப்பாளர் திருமதி. சியாமினி அவர்களாலும் விளக்கமளிக்கப்பட்டது. இறுதியாக மருந்தக உரிமையாளர்கள், மருந்தாளர்களுக்கு போதைப்பொருள் தவறான பயன்பாடு மற்றும் சட்டவிரோத கடத்தலுக்கு எதிரான சர்வதேச தினத்தை முன்னிட்டு stickers வழங்கப்பட்டன.
இந் நிகழ்வில் மாவட்ட மேலதிக அரசாங்க அதிபர் திரு க. சிவகரன், பிராந்திய சுகாதார சேவைகள் பணிப்பாளர் வைத்திய கலாநிதி கேதீஸ்வரன், உளநல மருத்துவர்கள், சுகாதார வைத்திய அதிகாரிகள், பிரதேச செயலாளர்கள், உதவிப் பிரதேச செயலாளர்கள், பொலிஸ் அதிகாரிகள், மதுவரி திணைக்கள அதிகாரிகள், யாழ்ப்பாண போதனா வைத்தியசாலை உத்தியோகத்தர்கள்,தேசிய அபாயகர ஔடதங்கள் கட்டுப்பாட்டு சபை இணைப்பாளர், உணவு மருந்து பரிசோதகர்கள், பிரதேச செயலக பெண்கள் அபிவிருத்தி உத்தியோகத்தர்கள், சமுதாய சீர்திருத்த திணைக்கள உத்தியோகத்தர்கள், மருந்தக உரிமையாளர்கள் மற்றும் மருந்தாளர்கள், மாவட்ட இணைப்பாளர்கள், அரச சார்பற்ற நிறுவன பிரதிநிதிகள், தடுப்பு சிகிச்சை புனர்வாழ்வு குழுவினர் உள்ளிட்ட பலர் கலந்து கொண்டனர்.
 
 
1 2 3 4 5 6 7 8 9 10
யாழ்ப்பாண மாவட்ட சிறுவர் அபிவிருத்தி குழுவின் இரண்டாம் காலாண்டு குழுக் கூட்டமானது யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (26.06.2026) பி.ப 2.00 மணிக்கு மாவட்டச் செயலக கேட்போர் கூடத்தில் நடைபெற்றது.
இக் கலந்துரையாடலில் அரசாங்க அதிபர் அவர்களினால் பின்வரும் அறிவுறுத்தல்கள் வழங்கப்பட்டன.
1. பாடசாலை இடைவிலகல் மற்றும் மீளிணைப்பு செயல்பாடுகள் தொடர்பாக கலந்துரையாடப்பட்டு 69 மாணவர்கள் பாடசாலை இடைவிலகள் தொடர்பாக முறைப்பாடுகள் கிடைக்கப்பெற்று அதில் 60 மாணவர்கள் மீளிணைப்பு செய்யப்பட்டதாகவும் குறிப்பிடப்பட்டு
இடைவிலகிய மாணவர்களின் குடும்பச் சூழல் பொருளாதார சூழல் காரணிகளை கிராம மட்ட உத்தியோகத்தர்களின் பங்களிப்புடன் ஆராய்ந்து உரிய நடவடிக்கைகளை எடுக்குமாறு கேட்டுக் கொண்டார்.
2. சிறுவர் துஷ்பிரயோகம் தொடர்பாக 59 முறைப்பாடுகள் கிடைக்கப்பெற்றதாகவும் இவை தொடர்பாக பிரதேச மட்ட ரீதியா மேற்கொள்ளப்பட்ட நடவடிக்கைகள் தொடர்பாக ஆராயப்பட்டு பிரதேச செயலாளர் தலைமையில் சிறுவர் துஸ்பிரயோகம் மற்றும் இடை விலைகள் தொடர்பாக உரிய தீர்மானங்களை மேற்கொள்ளுமாறு தெரிவித்தார்
3.பிரதேச மட்ட ரீதியாக ஆராயப்பட்ட சிறுவர் துஷ்பிரயோகம் தொடர்பான சட்ட நடவடிக்கைகள் குறித்தும் பிரதேச மட்ட சிறுவர் பெண்கள் அபிவிருத்தி உத்தியோகத்தர்களுக்கு
தெளிவுபடுத்துவதற்கான ஒரு கருத்தரங்கை ஏற்பாடு செய்யுமாறு இதன்போது அரசாங்க அதிபரினால் மாவட்ட உத்தியோகத்திற்கு பணிக்கப்பட்டது.
4.பிறப்பு அத்தாட்சி பத்திரம் இல்லாத சிறுவர்களுக்கு பிறப்பு அத்தாட்சி பாத்திரத்தை பெற்று கொடுப்பதற்கான நடமாடும் சேவையினை எதிர்வரும் ஜூலை மாத இறுதிக்குள் மேற்கொள்ளுமாறு தெரிவித்தார்.
மேலும்சிறுவர் துஷ்பிரயோகம் தொடர்பாக கிடைக்கப்பெற்ற 204 முறைப்பாடுகளில்
ஒவ்வொரு பிரதேச செயலாளர்களினாலும் தீர்க்கப்பட்ட முறைப்பாடுகள் தொடர்பில் அடுத்த காலாண்டு கூட்டத்தில் கலந்துரையாடப்படும் என்றும் பிரதேச செயலாளர்களுக்கு தெரிவித்ததோடு பெண்களுக்கெதிரான பால்நிலை சார் வன்முறைகளை குறைப்பதற்கான இரண்டாம் காலாண்டுக்கான வேலை திட்டங்கள் தொடர்பாகவும் கலந்துரையாடப்பட்டு
ஒரு மாவட்டத்தினுடைய மிக முக்கியமான கூட்டம் இதுவெனவும் ஒரு பிரதேசத்திற்கு பொறுப்பு வாய்ந்த உத்தியோகத்தர்கள் சிறுவர் பெண்கள் அபிவிருத்தி உத்தியோகத்தர்கள் எனவும் அதற்குரிய பொறுப்பினை ஏற்றுக் கொள்ள வேண்டுமெனவும் இவ்வாறான செயற்பாடுகளுக்கு உங்களால் மேற்கொள்ளப்பட வேண்டிய நடவடிக்கைகள் என்ன என்பதை நீங்கள் அறிந்து வைத்திருக்க வேண்டியதோடு எல்லோருடைய நோக்கமும் ஒன்று ஆனால் ஒவ்வொருவருடைய செயற்பாடுகளுமே வேறுபடுகின்றன என்றும் இதற்கு எல்லோருடைய ஒத்துழைப்பும் அவசியம் எனவும் அரசாங்க அதிபர் தெரிவித்தார்.
இக் கலந்துரையாடலில், மேலதிக அரசாங்க அதிபர், பிரதேச செயலாளர்கள், உதவிப் பிரதேச செயலாளர்கள், வலயக் கல்விப் பணிப்பாளர்கள், பொலிஸ் உத்தியோகத்தர்கள், மாவட்டச் செயலக அரசசார்பற்ற நிறுவனங்களின் இணைப்பாளர், மாவட்ட செயலக மற்றும் பிரதேச செயலக சிறுவர் மேம்பாட்டு உத்தியோகத்தர்கள், பெண்கள் அபிவிருத்தி உத்தியோகத்தர்கள், சிறுவர் நன்னடத்தை உத்தியோகத்தர்கள் உள்ளிட்ட பலர் கலந்து கொண்டனர்.
 
 
1 2 3 4 5 6 7 8 9 10
மாவட்டச் செயலகம், தெல்லிப்பளை மற்றும் மருதங்கேணியில் கடமையாற்றும் சிறுவர் பெண்கள் அபிவிருத்தி உத்தியோகத்தர்களுக்கான உள சமூகம் தொடர்பான செயலமர்வு இன்றைய தினம்(23.06.2026) காலை 09.00 மணிக்கு மாவட்ட அரசாங்க அரசாங்க அதிபர் மருதலிங்கம் பிரதீபன் அவர்களின் தலைமையில், மாவட்டச் செயலக கேட்போர் கூடத்தில் நடைபெற்றது. இந் நிகழ்வில் தலைமையுரையாற்றிய அரசாங்க அதிபர் அவர்கள், மாவட்டச் செயலகத்திலும், கிராம மட்டத்திலும் சிறுவர் பெண்கள் அபிவிருத்தியில் கடமையாற்றும் உத்தியோகத்தர்கள் உள சமூகம் சார்ந்த மேலதிக அறிவுகளைப் பெற்று மேலும் வினைத்திறனான செயற்பாட்டிற்காக பயன்வாய்ந்ததாக அமைகின்றது. மேலும், மருதங்கேணி மற்றும் தெல்லிப்பளை பிரதேச செயலாளர் பிரிவுகளில் சமூகத்தில் நலிவடைந்தவர்களை உள சமூக ஆதரவூடாக வலிப்படுத்துவதற்கான வைகறை வேலைத் திட்டத்தினை மேற்கொண்டுவரும் FairMed நிறுவனம் இச் செயலமர்விற்கும் அனுசரணை வழங்கியுள்ளதற்கும் தமது நன்றியினைத் தெரிவித்துக்கொண்டார். மேலும், கிராம மட்டத்தில் சிறுவர் மற்றும் பெண்கள் அபிவிருத்தியானது அவசியமானது அந்தவகையில் இச் செயலமர்வில் வளவாளர்களாக பங்குபற்றும் யாழ்ப்பாண போதனா வைத்தியசாலை உள மருத்தவ நிபுணர் எஸ்.சிவதாஸ் உள்ளிட்டவர்களால் தெரிவிக்கப்படும் கருத்துரைகள் மற்றும் நுட்பங்களை கருத்தில் எடுத்து மேலும் சிறப்பாக கடமையாற்றுமாறு கேட்டுக் கொண்டார்.
இச் செயலமர்வில் வளவாளர்களாக யாழ்ப்பாண போதனா வைத்தியசாலை உள மருத்தவ நிபுணர் எஸ். சிவதாஸ் மற்றும் யாழ்ப்பாணம் பல்கலைக்கழக சமூகவியல் துறையின் தலைவர் கலாநிதி எஸ்.ஜீவசுதன் ஆகியோர் பங்குபற்றினார்கள். இச் செயலமர்வின் ஆரம்ப நிகழ்வு Fair Med நிறுவன திட்ட உத்தியோகத்தர் திரு. றெனி, அரச சார்பற்ற நிறுவனங்களின் இணைப்பாளர் திரு ந.தயாபரன், மாவட்டச் செயலகம், தெல்லிப்பளை மற்றும் மருதங்கேணி பிரதேச செயலக பெண்கள் சிறுவர் அபிவிருத்தி உத்தியோகத்தர்கள், உளவள உத்தியோகத்தர்கள் ஆகியோர் கலந்துகொண்டனர்.
 
1 2 3 4 5 6
உற்பத்தி திறன் தொடர்பாக சிறு தொழில் முயற்சி அபிவிருத்தி உத்தியோகத்தர்களுக்கான சிறு தொழில் முயற்சியாண்மைக்கான 03 நாள் வழிகாட்டல் பயிற்சி பட்டறை இன்றைய தினம்(23.06.2026) மாவட்ட அரசாங்க அரசாங்க அதிபர் மருதலிங்கம் பிரதீபன் அவர்களின் தலைமையில், மாவட்டச் செயலக மாநாட்டு மண்டபத்தில் நடைபெற்றது. இந் நிகழ்வில் தலைமையுரையாற்றிய அரசாங்க அதிபர் அவர்கள், இந்த பயிற்சி நெறி பிரதானமாக இரண்டு விடயங்களை உள்ளடக்கியதாக ஏற்பாடு செய்யப்பட்டுள்ளது எனவும், அதாவது சிறு தொழில் முயற்சியாளர்களுடைய உற்பத்தியை அதிகரிப்பதும் மற்றும் அவர்களுடைய உற்பத்தி திறன் சார்ந்த செயற்பாடுகளை அதிகரிப்பதும் என்ற அடிப்படையில் இப்ப பயிற்சி நெறி ஏற்பாடு செய்யப்பட்டுள்ளதாக குறிப்பிட்டார்.
மேலும், பிரதேச மட்டங்களில் பிரதேச சமுர்த்தி உத்தியோகத்தர்களுடன் இணைந்த வகையில் செயற்பாடுகள் முன்னெடுக்கப்பட வேண்டிய தேவைப்பாடு உள்ளதாகவும், இந்த இரண்டு விடயங்களை ஒருமித்த வகையில் முன்னெடுக்கும் போது முயற்சியாண்மை செயல்பாடுகளை சிறப்பாக முன்னெடுக்கக்கூடியதாக இருக்கும் என்றும் தெரிவித்தார். ஒரு தொழில் முயற்சியாளருக்கு அறிவு, திறன், மனப்பாங்கு என்ற மூன்று செயற்பாடுகளும் முக்கியமானதாக காணப்படுகின்றது. இதில் மிக மிக முக்கியமாக அவர்களுடைய மனப்பாங்கு வளர்ச்சி. சில வேளைகளில் இது சிலருக்கு கடினமாக இருக்கும் சிலரின் மனப்பாங்கு அபரிவிதமான எண்ணங்களை கொண்டதாகவும் இருக்கும், ஒரு சிறு தொழில் முயற்சியாளரைப் பார்த்தால் அவருடைய முழு செயற்பாடும் எப்படி உள்ளது மற்றும் அவர்களின் உற்பத்தித் திறன் சார்ந்த செயற்பாடுகள் எப்படி உள்ளன என்பதை கவனிக்க வேண்டிய தேவைப்பாடு உள்ளதாகவும் தெரிவித்தார். மேலும், பாரம்பரிய உணவுப் பொருட்களுக்கு இன்றும் புலம்பெயர் மக்களிடம் கிராக்கியுள்ளதாகவும் தெரிவித்தார். மேலும், இப் பயிற்சி பட்டறை மூலம் சிறுதொழில் முயற்சியாளர்களுக்கு ஏற்பட்ட நன்மைகள் தொடர்பான முன்னேற்ற விபரங்களை அறிக்கையிடுமாறும் கேட்டுக் கொண்டார். இச் செயலமர்வில் வளவாளராக மன்னார் மாவட்டச் செயலக உற்பத்தித் திறன் உத்தியோகத்தர் திரு. P. R. றொபின்சன் அவர்கள் கலந்து கொண்டு கருத்துரைகளை வழங்கினார். இச் செயலமர்வில் சிறு தொழில் முயற்சிப் பிரிவின் பதில் உதவிப் பணிப்பாளர் திரு. எஸ்.சஜீபன், மாவட்ட செயலக மற்றும் பிரதேச செயலகங்களின் சிறு தொழில் முயற்சி அபிவிருத்தி உத்தியோகத்தர்கள் கலந்து கொண்டிருந்தனர்.
 
 
1 2 3 4 5 6
யாழ்ப்பாணம் புத்தூர் பகுதியில், இலங்கை இராணுவத்தில் பணியாற்றும் தமிழ் இராணுவ வீரர் லான்ஸ் கோப்ரல் எம்.ஆர். ராஜா அவர்களுக்கு வீடு நிர்மாணித்துக் கொடுக்கும் திட்டத்திற்கான அடிக்கல் நாட்டும் நிகழ்வு இலங்கை இராணுவத் தளபதி லெப்டினன்ட் ஜெனரல் லசந்த ரொட்ரிகோ அவர்களின் பங்குபற்றுதலுடன் இன்றைய தினம் (23.06.2026) காலை 7.00 மணிக்கு நடைபெற்றது. இராணுவத்தின் சேவா வனிதா பிரிவின் அனுசரணையில் 15 இலட்சம் ரூபா செலவில் நிர்மாணிக்கப்படும் இவ் வீடு, எதிர்வரும் ஜூலை 25 ஆம் திகதி பயனாளியிடம் கையளிக்கப்படவுள்ளது. இந் நிகழ்வில் சர்வமத தலைவர்கள், யாழ்ப்பாண மாவட்ட அரசாங்க அதிபர், யாழ் மாவட்ட கட்டளைத் தளபதி, கோப்பாய் பிரதேச செயலாளர், இராணுவ அதிகாரிகள், பொலிஸ் அதிகாரிகள், வட மாகாண சுற்றுலா பணியகத்தின் தலைவர் மற்றும் பொதுமக்கள் உட்பட பலர் கலந்து கொண்டனர்.
 
 
1 2 3 4 5 6 7