யாழ்ப்பாண மாவட்ட சுற்றாடல் குழுக் கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் தலைமையில் இன்றைய தினம் (19.05.2026) மு.ப 11.30 மணிக்கு மாநாட்டு மண்டபத்தில் நடைபெற்றது. இக் கூட்டத்தில் தலைமையுரையாற்றிய அரசாங்க அதிபர் அவர்கள், சுற்றாடல் குழு கூட்டம் வினைத்திறனாக நடைபெறுமாக இருந்தால் மாவட்டத்தில் இருக்கின்ற பல சுற்றாடல் சார்ந்த பிரச்சினைகளை தீர்வுக்கு கொண்டு வர முடியும் என்றும், இக் கூட்டத்தை வினைத்திறனாகக் கொண்டு நடாத்துகின்ற பொறுப்பு கூட்டத்தில் கலந்து கொண்டிருக்கின்ற ஒவ்வொருவரையும் சார்ந்து நிற்கும் என்றும் தெரிவித்தார். மேலும், சுற்றாடல் சார்ந்த பிரச்சினைகளில் கழிவு முகாமைத்துவம் தொடர்பான விடயங்களை முழுமையாக கவனம் எடுத்து ஒவ்வொரு பிரதேச செயலாளர் பிரிவு ரீதியாக நடவடிக்கை எடுப்போமாக இருந்தால் மாவட்டத்தின் அபிவிருத்திக்கு பெரும் பங்காக இருக்கும் எனவும் தெரிவித்ததோடு மாநகர சபை மற்றும் உள்ளூராட்சி மன்றங்களை கெளரவ முதல்வர் மற்றும் கௌரவ தவிசாளர்கள் பொறுப்பேற்றதன் பின்னர் கழிவு முகாமைத்துவத்தை அவர்களின் கொள்ளளவுக்கு ஏற்ற வகையில் சிறப்பாக மேற்கொள்வதாக கூறி அவர்களுக்கு நன்றிகளை அரசாங்க அதிபர் தெரிவித்துக் கொண்டார்.
மேலும், அரச நிறுவனங்கள் கழிவு முகாமைத்துவத்தை சரியான முறையில் மேற்கொள்ள வேண்டும் எனவும்,
மாவட்ட மட்டத்தில் இருக்கும் உள்ளூர் அதிகார சபைகள் கழிவு முகாமைத்துவம் மட்டுமின்றி சுற்றாடல் சார்ந்த, சூழல் சார்ந்த பாதுகாப்பு நடவடிக்கைகளையும் முன்னெடுக்க வேண்டும் எனவும், அடுத்த சுற்றாடல் குழு கூட்டத்தினை ஜூலை இறுதி வாரத்தில் நடாத்துவதற்கு தீர்மானித்துள்ளதாகவும், அக் கூட்டத்தில் ஆக்கபூர்வமான தீர்மானங்களை மேற்கொள்வதற்கு ஏதுவாக, பிரதேச செயலாளர்கள், உள்ளூராட்சி அதிகார சபை கௌரவ தவிசாளர்கள் ஆகியோர் தங்களுடைய சுற்றாடல் குழு கூட்ட முன்மொழிவுகளை மாவட்ட செயலகத்திற்கு அனுப்பி வைக்குமாறும் அரசாங்க அதிபர் கேட்டுக் கொண்டார்.
இக் கூட்டத்தில் பின்வரும் விடயங்கள் பிரதானமாக கலந்துரையாடப்பட்டன.வழிபாட்டுத்தலங்கள் மற்றும் பொது நிகழ்வுகளில் பாவிக்கப்படும் ஒலிபெருக்கிகள் அனுமதிக்கப்பட்ட கட்டுப்பாடுகளையும் மீறி பொதுமக்களுக்கு குறிப்பாக மாணவர்கள், நோயாளிகளுக்கு இடையூறு ஏற்படும் வகையில் பெரும் ஒலி எழுப்பப்படுவதாக பல முறைப்பாடுகள் கிடைக்கப் பெறுவதாக தெரிவித்த அரசாங்க அதிபர் அவர்கள், அதிக ஒலி எழுப்பப்பட்டால் கிராம அலுவலர் ஊடாக அதனை கட்டுப்படுத்தும் பொறுப்பினை பிரதேச செயலாளர்கள் ஏற்க்க வேண்டும் எனவும், மீறுவோர்கள் மீது கிராம அலுவலர்கள் பொலிஸில் முறைப்பாடு செய்து நடவடிக்கை எடுக்க வேண்டும் என பிரதேச செயலாளர்களுக்கு அறிவுறுத்தல் வழங்கியதுடன், வடமாகாண சிரேஷ்ட பிரதிப் பொலிஸ்மா அதிபருக்கும், பிரதிப் பொலிஸ்மா அதிபருக்கும் இது தொடர்பாக நடவடிக்கை எடுக்குமாறு கடிதம் மூலம் தெரியப்படுத்தவுள்ளதாகவும் தெரிவித்தார்.
மேலும், பொலித்தீன், பிளாஸ்டிக் பாவனைகளை கட்டுப்படுத்தல், குப்பைகளை எரிவூட்டுவதனால் வளி மாசடைதல் மற்றும் வாணவேடிக்கைகளைல் ஏற்படும் பாதிப்புகள் தொடர்பாகவும் கலந்துரையாடப்பட்டதுடன், பொது மக்களுக்கு உரிய விழிப்புணர்வுகளை வழங்க நடவடிக்கைகள் எடுப்பது எனவும் தீர்மானிக்கப்பட்டது.இக் கலந்துரையாடலில் மாநகர கெளரவ பிரதி முதல்வர், கெளரவ தவிசாளர்கள், மேலதிக அரசாங்க அதிபர் திரு. கே. சிவகரன், மேலதிக அரசாங்க அதிபர் (காணி) திரு. பா.ஜெயகரன், பிரதித் திட்டமிடல் பணிப்பாளர் திரு.எஸ்.சிவகுமாரன், உதவி மாவட்டச் செயலாளர் செல்வி உ.தா்சினி, பிரதேச செயலாளர்கள், பிராந்திய சுகாதார சேவைகள் பணிப்பாளர் பணிமனை வைத்திய அதிகாரி, உள்ளூராட்சி உதவி ஆணையாளர் அலுவலக உதவி ஆணையாளர், புவிச்சரிதவியல் அளவை சுரங்கங்கள் பணியக அகழ்வுப் பொறியியலாளர், கரையோர பாதுகாப்பு திணைக்கள அதிகாரி உள்ளிட்ட பலர் கலந்து கொண்டனர்.
 
 
 
1 2 3 4 5 6 7
யாழ்ப்பாண மாவட்ட சுற்றாடல் குழுக் கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் தலைமையில் இன்றைய தினம் (19.05.2026) மு.ப 11.30 மணிக்கு மாநாட்டு மண்டபத்தில் நடைபெற்றது. இக் கூட்டத்தில் தலைமையுரையாற்றிய அரசாங்க அதிபர் அவர்கள், சுற்றாடல் குழு கூட்டம் வினைத்திறனாக நடைபெறுமாக இருந்தால் மாவட்டத்தில் இருக்கின்ற பல சுற்றாடல் சார்ந்த பிரச்சினைகளை தீர்வுக்கு கொண்டு வர முடியும் என்றும், இக் கூட்டத்தை வினைத்திறனாகக் கொண்டு நடாத்துகின்ற பொறுப்பு கூட்டத்தில் கலந்து கொண்டிருக்கின்ற ஒவ்வொருவரையும் சார்ந்து நிற்கும் என்றும் தெரிவித்தார். மேலும், சுற்றாடல் சார்ந்த பிரச்சினைகளில் கழிவு முகாமைத்துவம் தொடர்பான விடயங்களை முழுமையாக கவனம் எடுத்து ஒவ்வொரு பிரதேச செயலாளர் பிரிவு ரீதியாக நடவடிக்கை எடுப்போமாக இருந்தால் மாவட்டத்தின் அபிவிருத்திக்கு பெரும் பங்காக இருக்கும் எனவும் தெரிவித்ததோடு மாநகர சபை மற்றும் உள்ளூராட்சி மன்றங்களை கெளரவ முதல்வர் மற்றும் கௌரவ தவிசாளர்கள் பொறுப்பேற்றதன் பின்னர் கழிவு முகாமைத்துவத்தை அவர்களின் கொள்ளளவுக்கு ஏற்ற வகையில் சிறப்பாக மேற்கொள்வதாக கூறி அவர்களுக்கு நன்றிகளை அரசாங்க அதிபர் தெரிவித்துக் கொண்டார்.
மேலும், அரச நிறுவனங்கள் கழிவு முகாமைத்துவத்தை சரியான முறையில் மேற்கொள்ள வேண்டும் எனவும்,
மாவட்ட மட்டத்தில் இருக்கும் உள்ளூர் அதிகார சபைகள் கழிவு முகாமைத்துவம் மட்டுமின்றி சுற்றாடல் சார்ந்த, சூழல் சார்ந்த பாதுகாப்பு நடவடிக்கைகளையும் முன்னெடுக்க வேண்டும் எனவும், அடுத்த சுற்றாடல் குழு கூட்டத்தினை ஜூலை இறுதி வாரத்தில் நடாத்துவதற்கு தீர்மானித்துள்ளதாகவும், அக் கூட்டத்தில் ஆக்கபூர்வமான தீர்மானங்களை மேற்கொள்வதற்கு ஏதுவாக, பிரதேச செயலாளர்கள், உள்ளூராட்சி அதிகார சபை கௌரவ தவிசாளர்கள் ஆகியோர் தங்களுடைய சுற்றாடல் குழு கூட்ட முன்மொழிவுகளை மாவட்ட செயலகத்திற்கு அனுப்பி வைக்குமாறும் அரசாங்க அதிபர் கேட்டுக் கொண்டார்.
இக் கூட்டத்தில் பின்வரும் விடயங்கள் பிரதானமாக கலந்துரையாடப்பட்டன.வழிபாட்டுத்தலங்கள் மற்றும் பொது நிகழ்வுகளில் பாவிக்கப்படும் ஒலிபெருக்கிகள் அனுமதிக்கப்பட்ட கட்டுப்பாடுகளையும் மீறி பொதுமக்களுக்கு குறிப்பாக மாணவர்கள், நோயாளிகளுக்கு இடையூறு ஏற்படும் வகையில் பெரும் ஒலி எழுப்பப்படுவதாக பல முறைப்பாடுகள் கிடைக்கப் பெறுவதாக தெரிவித்த அரசாங்க அதிபர் அவர்கள், அதிக ஒலி எழுப்பப்பட்டால் கிராம அலுவலர் ஊடாக அதனை கட்டுப்படுத்தும் பொறுப்பினை பிரதேச செயலாளர்கள் ஏற்க்க வேண்டும் எனவும், மீறுவோர்கள் மீது கிராம அலுவலர்கள் பொலிஸில் முறைப்பாடு செய்து நடவடிக்கை எடுக்க வேண்டும் என பிரதேச செயலாளர்களுக்கு அறிவுறுத்தல் வழங்கியதுடன், வடமாகாண சிரேஷ்ட பிரதிப் பொலிஸ்மா அதிபருக்கும், பிரதிப் பொலிஸ்மா அதிபருக்கும் இது தொடர்பாக நடவடிக்கை எடுக்குமாறு கடிதம் மூலம் தெரியப்படுத்தவுள்ளதாகவும் தெரிவித்தார்.
மேலும், பொலித்தீன், பிளாஸ்டிக் பாவனைகளை கட்டுப்படுத்தல், குப்பைகளை எரிவூட்டுவதனால் வளி மாசடைதல் மற்றும் வாணவேடிக்கைகளைல் ஏற்படும் பாதிப்புகள் தொடர்பாகவும் கலந்துரையாடப்பட்டதுடன், பொது மக்களுக்கு உரிய விழிப்புணர்வுகளை வழங்க நடவடிக்கைகள் எடுப்பது எனவும் தீர்மானிக்கப்பட்டது.இக் கலந்துரையாடலில் மாநகர கெளரவ பிரதி முதல்வர், கெளரவ தவிசாளர்கள், மேலதிக அரசாங்க அதிபர் திரு. கே. சிவகரன், மேலதிக அரசாங்க அதிபர் (காணி) திரு. பா.ஜெயகரன், பிரதித் திட்டமிடல் பணிப்பாளர் திரு.எஸ்.சிவகுமாரன், உதவி மாவட்டச் செயலாளர் செல்வி உ.தா்சினி, பிரதேச செயலாளர்கள், பிராந்திய சுகாதார சேவைகள் பணிப்பாளர் பணிமனை வைத்திய அதிகாரி, உள்ளூராட்சி உதவி ஆணையாளர் அலுவலக உதவி ஆணையாளர், புவிச்சரிதவியல் அளவை சுரங்கங்கள் பணியக அகழ்வுப் பொறியியலாளர், கரையோர பாதுகாப்பு திணைக்கள அதிகாரி உள்ளிட்ட பலர் கலந்து கொண்டனர்.
 
 
 
1 2 3 4 5 6 7
பாதுகாப்பு அமைச்சகத்தின் கீழ் உள்ள தேசிய அனர்த்த நிவாரண சேவைகள் நிலையம் (NDRSC), நோர்வே அரசாங்கத்தின் நிதியுதவியுடனும், யுனிசெப் இலங்கை மற்றும் ஐ.நா. தன்னார்வலர்களின் ஆதரவுடனும், தனது புதிய டிஜிட்டல் இழப்பீட்டு முகாமைத்துவ அமைப்பு மற்றும் சமூக விசாரணைப் பொறிமுறையை நேற்றைய தினம் (18.05.2026) கொழும்பு பண்டாரநாயக்க சர்வதேச மாநாட்டு மண்டபத்தில் தொடங்கி வைக்கப்பட்டது. திட்வா புயலால் பாதிக்கப்பட்ட சமூகங்களுக்கு வேகமான, மேலும் வெளிப்படையான மற்றும் எளிதில் அணுகக்கூடிய ஆதரவை உறுதி செய்வதில் இது ஒரு முக்கிய முன்னேடியாகும். இந்த டிஜிட்டல் அமைப்புகளின் தொடக்க விழா, பிரதி பாதுகாப்பு அமைச்சர், மேஜர் ஜெனரல் (ஓய்வு) அருண ஜெயசேகர முன்னிலையில் நடைபெற்றது. புதிய டிஜிட்டல்மயமாக்கப்பட்ட இழப்பீட்டு முகாமைத்துவ அமைப்பானது, அதிக நேரம் எடுக்கும் கைமுறை நடைமுறைகளை நெறிப்படுத்தப்பட்ட டிஜிட்டல் செயல்முறையாக மாற்றுவதன் மூலம், அரசு அதிகாரிகள் மற்றும் அனர்த்தத்தினால் பாதிக்கப்பட்ட குடும்பங்களின் நிர்வாகச் சுமையைக் குறைக்கும் வகையில் வடிவமைக்கப்பட்டுள்ளது.
திட்வா புயலால் பாதிக்கப்பட்டவர்களில், வீடுகள் மற்றும் வாழ்வாதாரங்களை இழந்த பலருக்கு, கோரிக்கைகளைச் சமர்ப்பிப்பதற்காக நீண்ட தூரம் பயணம் செய்வதையோ அல்லது அரசு நிறுவனங்களுக்கு மீண்டும் மீண்டும் செல்வதையோ இந்த அமைப்பு நீக்குகிறது. அதற்குப் பதிலாக, அவர்கள் தங்கள் கிராம அலுவலர்கள் மூலம் நிகழ்நிலை மூலம் இழப்பீட்டுக் கோரிக்கைகளைத் தாக்கல் செய்யலாம். இது காத்திருப்பு நேரத்தைக் குறைத்து, செயல்முறையை எளிமையாகவும் மேலும் திறமையாகவும் ஆக்குகிறது. நேற்று தொடங்கப்பட்ட மற்றொரு முக்கிய அங்கமான சமூக விசாரணைப் பொறிமுறையானது, தித்வா புயல் பேரிடர் நிவாரணம், உதவித்தொகைகள் மற்றும் இழப்பீடுகள், புனர்வாழ்வு மற்றும் மீள்குடியேற்ற சேவைகள் உள்ளிட்டவை தொடர்பாகப் பாதிக்கப்பட்ட சமூகங்களிடமிருந்து பெறப்படும் விசாரணைகளை முறையாக நிர்வகிக்க உதவும். இந்த விசாரணைப் பொறிமுறையானது, பாதிக்கப்பட்ட சமூகங்கள் தங்கள் கேள்விகளை ஒரு QR குறியீடு வழியாகவோ அல்லது வாரநாட்களில் காலை 9.00 மணி முதல் மாலை 4.00 மணி வரை சிங்களம், தமிழ் அல்லது ஆங்கிலத்தில் செயல்படும் 0716 807 807 என்ற அவசர தொலைபேசி (Hotline) எண்ணை அழைப்பதன் மூலமாகவோ நேரடியாக தேசிய அனர்த்த நிவாரண சேவைகள் நிலையத்திடம் (NDRSC) சமர்ப்பிக்க அனுமதிக்கிறது.
ஒவ்வொரு விசாரணையும், ஒரு ஆரம்பகட்ட மதிப்பாய்வைத் தொடர்ந்து, தேவையான நடவடிக்கை மற்றும் பின்தொடர்தலுக்காக சம்பந்தப்பட்ட தேசிய அல்லது மாவட்ட அளவிலான NDRSC அதிகாரிகளுக்குப் பரிந்துரைக்கப்படும். ஒரு வினவலைச் சமர்ப்பிக்கும்போது, ஒவ்வொரு தனிநபருக்கும் ஒரு தனித்துவமான குறிப்புக் குறியீடு வழங்கப்படும். அதன் மூலம் அவர்கள் QR குறியீடு அல்லது Qr.ndrsc.gov.lk அல்லது hotline வழியாகத் தங்கள் விசாரணைகளின் நிலையைத் தெரிந்துகொள்ள முடியும். இந் நிகழ்வில் அமைச்சின் செயலாளர், அனர்த்த நிவாரண சேவைகள் பணிப்பாளர் நாயகம், சகல மாவட்ட அரசாங்க அதிபர்கள், மாவட்ட அனர்த்த நிவாரண சேவைகள் உத்தியோகத்தர்கள் பங்குபற்றினார்கள்.
 
 
1 2.1
யாழ். மாவட்ட ஆயுர்வேத பாதுகாப்பு சபையின் அங்குரார்ப்பண நிகழ்வு மேலதிக அரசாங்க அதிபர் திரு. கே. சிவகரன் அவர்களின் தலைமையில் இன்றைய தினம்(19.05.2026) மு.ப 10.00 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது. இந் நிகழ்வில் பிரதம விருந்தினராக கலந்து கொண்ட யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள், யாழ்ப்பாண மாவட்டத்தில் அரச மற்றும் பாரம்பரியமாக வைத்தியம் செய்பவர்களாக பதிவு செய்யப்பட்ட 90 சித்த ஆயுர்வேத வைத்தியர்கள் கடமையாற்றுவதாகவும், நெடுந்தீவில் நிரந்தரமாக வைத்தியர் இல்லை எனவும், மருதங்கேணியில் ஒருவரும், காரைநகரில் ஒருவரும், அதேவேளை நல்லூர் பிரதேச செயலக பிரிவில் அதிகபட்சமாக அரச பாரம்பரிய வைத்தியர்களாக 27 வைத்தியர்கள் இருப்பதாகவும் தெரிவித்தார். மேலும், சித்த ஆயுர்வேத வைத்திய முறைகள் மீதான உலகளாவிய நம்பிக்கை நாளுக்கு நாள் அதிகரித்து வருகின்ற நிலையில், வெளிநாடுகளில் வாழும் புலம்பெயர்ந்த மக்கள் நாட்டிற்கு வருகை தரும் நிலை அதிகரித்துள்ளது எனவும், மேலு‌ம் சங்கீதம், பரதநாட்டியம் உட்பட்ட கலைகளில் நாம் கொடிகட்டிப் பறந்ததாகவும், தற்போது புலம்பெயர்ந்த நாடுகளில் எம்மவர்கள் இக் கலைகளில் ஆர்வம் காட்டி கலைகளை வளர்த்துவருவதாகவும், புலம்பெயர்ந்த மக்கள் தமது பாரம்பரிய மருத்துவம் மற்றும் கலைகளில் காட்டிவரும் அக்கறை மகிழ்ச்சியளிப்பதாகவும்தெரிவித்தார். மேலும், சித்த ஆயுர்வேதம் நீண்டகாலத்தில் நோய்களை குணப்படுத்தும் என்றாலும், உள்ளார்ந்த ரீதியாக ஆர்வத்தோடு மக்கள் மருத்துவ சேவையினை நாடுவதாகவும் தெரிவித்ததுடன், 12 பிரதேச செயலகங்களில் பிரதேச ஆயுர்வேத பாதுகாப்புச் சபை ஸ்தாபிக்கப்பட்டுள்ளதாகவும், மாவட்ட ஆயுர்வேத பாதுகாப்புச் சபை இன்று அங்குரார்ப்பணம் செய்யப்படுவது மகிழ்ச்சியான விடயம் எனவும், யாப்பில் சங்கத்தின் நோக்கம், கடமைகள் விபரிக்கப்பட்டுள்ளதாகவும் தெரிவித்தார்.
“மாவட்ட ஆயுர்வேத பாதுகாப்புச் சபை” அமைப்பதன் நோக்கமானது நமது பாரம்பரிய மருத்துவ மரபையும், மக்களின் ஆரோக்கிய பாதுகாப்பையும், இயற்கை சார்ந்த வாழ்வியலையும் காக்கும் ஒரு பொறுப்புணர்வான சமூக முயற்சியாக காணப்படுகின்றது. மேலும், சுதேச மருத்துவம் என்பது ஆயிரக்கணக்கான ஆண்டுகளாக மனிதர்களின் உடல், மனம் மற்றும் ஆன்மீக நலனைக் காக்கும் பாரம்பரிய அறிவுக் களஞ்சியமாக இருக்கின்றது. இயற்கை மூலிகைகள், உணவு ஒழுங்கு, உடல் சமநிலை மற்றும் ஆரோக்கியமான வாழ்க்கை முறையை முன்னிறுத்தும் இந்த மருத்துவ முறை, இன்று உலகளவில் மீண்டும் பெரும் கவனத்தைப் பெற்று வருகிறது.
இந்த நிலையில், மாவட்ட மட்டத்தில் ஒரு பாதுகாப்புச் சபையை அமைப்பது மூலம் பின்வரும் விடயங்களில் கவனம் செலுத்தப்படும்.
1.ஆயுள்வேத மரபுகளைப் பாதுகாத்தல்.
2.தரமான சிகிச்சை சேவைகளை ஊக்குவித்தல்.
3.பொதுமக்களுக்கு விழிப்புணர்வுகளை ஏற்படுத்தல்.
4.போலியான மற்றும் தரமற்ற மருந்துகள் குறித்து கண்காணித்தல்.
5.மூலிகை வளங்களை பாதுகாத்து வளர்த்தல் போன்ற முக்கிய பணிகளை ஒருங்கிணைத்தல்.
6.இந்த சபை அரச உத்தியோகத்தர்கள், மருத்துவர்கள், சமூக செயற்பாட்டாளர்கள் மற்றும் பொதுமக்கள் ஆகியோருக்கிடையே ஒரு பாலமாக ஆரோக்கியமான சமூகத்தை உருவாக்க உதவும்.
இறுதியாக மாவட்டச் சபையின் தலைவராக கைதடி சித்த போதனா வைத்தியசாலையின் பணிப்பாளர் டாக்டர் பா.பிரபாகரன் அவர்களும், செயலாளராக டாக்டர் இ. தில்லைவாசன் அவர்களும், பொருளாளராக டாக்டர் இ.கஜன் அவர்களும், உப தலைவராக டாக்டர் T.சபேசன் அவர்களும் மற்றும் 12 நிர்வாக சபை உறுப்பினர்களும் தெரிவு செய்யப்பட்டார்கள். இக் கலந்துரையாடலில் கிளிநொச்சி ஆயுர்வேத வைத்தியசாலை பணிப்பாளர் டாக்டர் K.நடேசராஜன், உதவி மாவட்டச் செயலாளர் செல்வி உ.தா்சினி, சுதேச மருத்துவ மாவட்ட ஒருங்கிணைப்பாளர் திரு.செ.சுகுணன், பிரதேச செயலாளர்கள், பிரதேச ஆயுர்வேத பாதுகாப்புச் சபை வைத்தியர்கள், பிரதேச செயலக உத்தியோகத்தர்கள் என பல்வேறு தரப்பினரும் கலந்து கொண்டனர்.
 
 
1 2 3 4 5 6 7 8 9 10 11
யாழ்ப்பாண மாவட்ட திட்டமிடல் குழுக் கூட்டம் கடற்றொழில், நீரியல் மற்றும் கடல் வளங்கள் அமைச்சரும், மாவட்ட ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்களின் தலைமையில் இன்றைய தினம் (15.05.2026) மு.ப 10.30 மணிக்கு யாழ்ப்பாண மாவட்டச் செயலக கேட்போர் கூடத்தில் நடைபெற்றது. இக் கூட்டத்தில் தலைமையுரையாற்றிய கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவரும், பாராளுமன்ற உறுப்பினருமான கௌரவ இராமலிங்கம் சந்திரசேகர் அவர்கள், இக் கூட்டமானது இரண்டாவது கூட்டம் எனவும், மத்திய மற்றும் மாகாணங்கள் இணைந்த வகையில் மாதாந்தம் இக் கூட்டத்தினை நடாத்த வேண்டும் எனவும், க்ளீன் ஸ்ரீலங்கா, வறுமை ஒழிப்பு மற்றும் டிஜிற்றல் மயமாக்கல் போன்ற அரசாங்க கொள்கைகளை முன்னெடுக்கும் போது சரியான பயனுறுதிவாய்ந்த திட்டங்களைஇனங்காண வேண்டும் எனவும் தெரிவித்தார். மேலும், யாழ்ப்பாண மாவட்டத்தில் முன்னெடுக்கப்படும் திட்டங்களின் முன்னேற்றம் மற்றும் திட்டங்களை நடைமுறைப்படுத்தும் போது ஏற்படும் பிரச்சினைகளை அடையாளம் கண்டு அதனை நிவர்த்தி செய்ய வேண்டும் எனவும், இக் கூட்டம் ஆரோக்கியமாக நடைபெற ஆலோசனைகளையும் ஒத்துழைப்புக்களையும் நல்குமாறும் கேட்டுக் கொண்டார்.
இக் கூட்டத்தில் அரசாங்க அதிபர் திரு. மருதலிங்கம் பிரதீபன் அவர்கள் கருத்துத் தெரிவிக்கையில்,
கடற்றொழில், நீரியல் மற்றும் கடல் வளங்கள் அமைச்சரும், ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களை வரவேற்றதுடன், வடமாகாண அமைச்சின் செயலாளர்கள், கெளரவ உள்ளூராட்சி சபைகளின் தவிசாளர்கள், போதனா வைத்தியசாலை பணிப்பாளர் உள்ளிட்டவர்களை வரவேற்று, பொது நிர்வாக மாகாண சபைகள் மற்றும் உள்ளுராட்சி அமைச்சினுடைய 2025.03.02ம் திகதிய சுற்றறிக்கைக்கு அமைவாக, மாவட்ட ஒருங்கிணைப்பு குழு கூட்டம் கூடுவதற்கு முன்னர் சமர்ப்பிக்கப்படுகின்ற திட்டங்கள் மற்றும் தேவைப்பாடுகள் தொடர்பாக ஆராயும் இரண்டாவது கூட்டமாக இது நடைபெறுவதாகவும் தெரிவித்தார். மேலும், மாவட்ட ஒருங்கிணைப்புக் குழுக் கூட்டங்களில் திட்டங்கள் சமர்ப்பித்து அனுமதி பெற வேண்டிய தேவைப்பாடு இருப்பதாகவும், அக் கூட்டங்களில் விடயங்களை முழுமையாக ஆராய முடியாத காரணத்தினால் தனியான ஒரு குழு கூட்டத்தை ஏற்பாடு செய்துள்ளதாகவும் ஏனைய திட்டங்கள் தொடர்பாக வீதி, கல்வி சுற்றுலா, சுகாதாரம் தொடர்பாக
ஒவ்வொரு துறை சார்ந்த கூட்டங்கள் ஒழுங்கமைக்கப்பட்டு, கெளரவ பாராளுமன்ற உறுப்பினர்களின் தலைமையில் நடைபெறும் எனவும் தெரிவித்தார். மேலும், அரசாங்கத்தினுடைய நிதியை சரியான முறையிலும் வினைத்திறனாகவும் பயன்படுத்தி திட்டங்களை தயாரிக்க வேண்டும் எனவும், மாவட்ட மக்களுடைய தேவைப்பாடுகள் மற்றும் மாவட்ட அபிவிருத்தியை இலக்காகக் கொண்டு செயற்பட வேண்டும் என்பதற்காக இத்தகைய திட்டங்கள் தொடர்பாக ஆராய உள்ளதாகவும், அதற்கு ஒவ்வொருவரும் திட்டங்கள் தொடர்பான ஆக்கபூர்வமான கருத்துக்களை வழங்குவதனூடாக மாவட்ட அபிவிருத்திக்காக ஒன்றிணைந்த வகையில் முன்னோக்கிச் செல்ல முடியும் எனவும் தெரிவித்தார். இக் கூட்டத்தில் இவ்வாண்டு நடைமுறைப்படுத்தப்பட்டுவரும் திட்டங்களின் முன்னேற்றங்கள் அத் திட்டங்களை நிறைவேற்றுவதில் உள்ள சவால்களும் அதற்கான தீர்வுகளும் வழங்கப்பட்டதுடன், நெடுந்தீவு மக்களுக்கான கடற்போக்குவரத்து, யாழ்ப்பாண போதனா வைத்தியசாலை அபிவிருத்தி, விவசாயம், பனை அபிவிருத்தி சபை, பழைய பேருந்து நிலையத்தில் புதிதாக அமைக்கப்பட்ட மலசலகூடத்தினை இயங்கவைப்பது போன்ற விடயங்கள் ஆராயப்பட்டன.
மேலும், மாவட்ட மட்டத்தில் சகல நிதி மூலங்களையும் உள்ளடக்கி நடைமுறைப்படுத்த உத்தேசிக்கப்பட்டுள்ள அபிவிருத்தி வேலைத் திட்டங்கள் தொடர்பாகவும் விரிவாக கலந்துரையாடப்பட்டதுடன், இக் கூட்டத்தில் கலந்து கொண்ட யாழ்ப்பாண மாவட்ட ஒருங்கிணைப்புக் குழுவின் இணைப்பாளரும் யாழ் மாநகர சபையின் உறுப்பினருமான கெளரவ எஸ். கபிலன் அவர்களால் யாழ்ப்பாணம் மாவட்டத்தில் 2027 - 2028 ஆண்டுக்களில் மேற்கொள்ள உத்தேசிக்கப்பட்ட பாரிய அபிவிருத்தி திட்டங்களின் முன்மொழிவுகள் முன்வைப்பின் ஊடாக முன்வைக்கப்பட்டதும் குறிப்பிடத்தக்கது. இக் கலந்துரையாடலில் பிரதேச சபைகளின் கெளரவ தவிசாளர்கள், மாவட்டச் செயலக திட்டமிடல் பணிப்பாளர், மாகாண அமைச்சின் திட்டமிடல் பணிப்பாளர், பிரதேச செயலாளர்கள், மாவட்ட செயலக பதவிநிலை உத்தியோகத்தர்கள், திணைக்களத் தலைவர்கள், அரச மற்றும் மாவட்ட செயலக உத்தியோகத்தர்கள் என பல்வேறு தரப்பினரும் கலந்து கொண்டனர்.
 
1 2 3 4 5 6 7 8