வடமாகாண கிராம அபிவிருத்தித் திணைக்களத்தின் யாழ்ப்பாண மாவட்ட செயலக கிராம அபிவிருத்திப் பிரிவு நடாத்தும் ஆடை வடிவமைத்தல் மற்றும் அழகுக்கலை மனைப்பொருளியல் உற்பத்திப் பொருட்களின் மாவட்ட கண்காட்சியும் விற்பனையும் இன்றைய தினம்(06.05.2026) மேலதிக அரசாங்க அதிபர் திரு கே.சிவகரன் அவர்களின் தலைமையில் யாழ்ப்பாண மாவட்ட செயலக வளாகத்தில் மு.ப 10.00 மணிக்கு நடைபெற்றது. இந் நிகழ்வில் பிரதம விருந்தினர்களாக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களும், வடக்கு மாகாண உள்ளூராட்சி அமைச்சின் செயலாளர் திரு. அம்பலவாணர் சோதிநாதன் அவர்களும் கலந்து சிறப்பித்தனர். சிறப்பு விருந்தினராக கிராம அபிவிருத்தி திணைக்களத்தின் மாகாணப் பணிப்பாளர் திருமதி கஜானி பார்த்தீபன் அவர்களும், கெளரவ விருந்தினராக Fairmed Foundation இணைப்பாளர் டாக்டர் நயனி சூரியாராச்சி அவர்களும் கலந்து சிறப்பித்தனர். நிகழ்வில் விருந்தினர்களால் கண்காட்சிக் கூடங்கள் நடாவினை வெட்டி ஆரம்பிக்கப்பட்டு பார்வையிடப்பட்டதனைத் தொடர்ந்து, மாவட்டச் செயலக கேட்போர் கூடத்தில் அரங்க நிகழ்வு ஆரம்பமானது.
இந் நிகழ்வில் வரவேற்பு நடனத்தினைத் தொடர்ந்து, வரவேற்புரை உதவி மாவட்டச் செயலாளர் செல்வி உ.தா் ஷினி அவர்களாலும், தலைமையுரை மேலதிக அரசாங்க அதிபர் திரு. கே. சிவகரன் அவர்களால் ஆற்றப்பட்டது. தொடர்ந்து இந் நிகழ்வில் பிரதம விருந்தினராக கந்துகொண்ட அரசாங்க அதிபர் திரு மருதலிங்கம் பிரதீபன் அவர்கள் தனது உரையில், இவ் மாவட்ட கண்காட்சி நிகழ்வானது நீண்ட காலத்துக்கு பின்னர் அதாவது 10 வருடங்களுக்குப் பிறகு நடைபெறுவது மகிழ்ச்சியான விடயம் எனவும், பெண்கள் சர்வதேச ரீதியாக இன்றைய உலகில் சாதனை படைத்து வருகின்றார்கள் எனவும், அந்தவகையில் கிராமங்களிலுள்ள பெண்கள் பொருளாதார ரீதியாக உயர வேண்டும் எனவும், அதற்கு கிராம அபிவிருத்தி திணைக்களத்தினால் வழங்கப்பட்டுவரும் பயிற்சி நெறிகள் மூலம் அவர்கள் பொருளாதார ரீதியாக முன்னேற்றமடைய வேண்டும் எனவும் தெரிவித்தார். மேலும், கிராமங்கள் அபிவிருத்தி அடைந்தால் மாவட்டம் அபிவிருத்தி அடையும் அதனைத் தொடர்ந்து மாகாணம் அபிவிருத்தி அடைந்து நாடு அபிவிருத்தி அடையும் எனவும், எனவே ஒரு நாட்டின் அபிவிருத்திக்கு கிராம அபிவிருத்தியே அடித்தளமானது எனவும் தெரிவித்தார். மேலும், இன்றைய சமூகத்தில் பெண்கள் பிரதான பங்களிப்பினை ஆற்றி வருகின்றார்கள் எனவும், கல்வித் துறையிலும் சரி அரசு துறையிலும் சரி பெண்களின் பங்களிப்பு காத்திரமாக உள்ளது எனவும், கிராமத்தினையும் பெண்களின் பொருளாதாரத்தினையும் அபிவிருத்தி செய்ய வேண்டும் எனவும், இதன் மூலம் அப் பிரதேசம் அபிவிருத்தி அடையும் எனவும் தெரிவித்தார். மேலும், ஒரு மனித வாழ்க்கையில் ஆடை வடிவமைப்பு, மனப் பொருளியல் மற்றும் அழகுக்கலை முக்கியத்துவம் பெறுகின்றது எனவும், மாறி வரும் உலகில் இதன் வடிவங்களோ வகைகளோ மாறினாலும் இம் மூன்றும் மாறாது எனவும், அந்தவகையில், கிராம அபிவிருத்தி திணைக்களம் ஒரு முதுகெலும்பாக செயற்பட்டு வருகின்றது எனவும் தெரிவித்தார். இன்றைய நிகழ்வினை மிகவும் சிறப்பாக ஒழுங்கு செய்த மாவட்ட கிராம அபிவிருத்தி உத்தியோகத்தர் திருமதி சுனேத்ரா சுதாகரன் அவர்களுக்கும் அவருடைய உத்தியோகத்தர்களுக்கும் தமது நன்றியினைத் தெரிவித்துக் கொண்டதுடன், மேலும் இன்றைய பயிற்சி நெறியினை நிறைவு செய்த மாணவர்கள் மேலும் தமது திறனை வளர்க்க மேலதிகப் பயிற்சிகளையும் பெற்று சுய தொழிலில் ஈடுபட்டு பொருளாதார ரீதியாக வளம் பெற்று சிறக்க தமது வாழ்த்துக்களையும் அரசாங்க அதிபர் தெரிவித்துக் கொண்டார். இந் நிகழ்வில் பிரதம விருந்தினராக கலந்து கொண்ட மாகாண உள்ளூராட்சி அமைச்சின் செயலாளர் திரு. அம்பலவாணர் சோதிநாதன் தனது உரையில், கிராம அபிவிருத்தி திணைக்களம் பல்வேறு கிராமம் சார்ந்த செயற்பாடுகளை நடைமுறைப்படுத்திவருவதாகவும், மகளிருக்கான தொழில்வாண்மைக்காக நீண்ட காலமாக பயிற்சி வழங்கிவருவதாகவும், ஆடை வடிவமைப்பு, அழகு கலை போன்றவற்றுக்கான கேள்வி சமூகத்தில் பெருமளவில் இருக்கின்றது எனவும், அதனால் இவ் வாய்ப்புக்களை பயன்படுத்தி கொள்ள வேண்டும் எனவும் தெரிவித்தார். மேலும், 06 மாத பயிற்சி ஒரு வருடமாக நீடிக்கப்பட்டுள்ளதாகவும், இப் பயிற்சி நெறி மூலம் கிராம ரீதியாக - சமூகத்தில் பொருளாதார ரீதியாக உயரமுடியும் எனவும் குறிப்பிட்டதுடன் ஆசிரியர்கள் மற்றும் மாணவர்களுக்கும் பாராட்டுக்களையும் தெரிவித்து, தமது அமைச்சு சுய தொழிலுக்கும் உதவி வழங்கும் எனவும் தெரிவித்தார்.
பிரதேச செயலக ரீதியாக நடைபெற்ற ஆடை வடிவமைப்பு, கேக் ஐஸ்சிங், அழகுக் கலை, அலங்கார பூக்கள் வடிவமைப்பு, சமையல் கலை உள்ளடங்களாக15 வகையான ஒரு வருட பயிற்சி நெறியினை பூர்த்தி செய்துள்ள 237 மாணவர்களுக்கிடையிலான போட்டியில் வெற்றியீட்டிய மாணவர்களுக்கு சிறப்பு பரிசில்களும், பயிற்சி நெறியினை பூர்த்தி செய்த மாணவர்களுக்கான டிப்ளோமாச் சான்றிதழ்களும் விருந்தினர்களால் வழங்கி வைக்கப்பட்டன. மேலும், உற்பத்தி பொருட்கள் போட்டியில் முதலாம் இடம் கோப்பாய் சரஸ்வதி தயாரிப்பு சங்கமும், இரண்டாவது இடம் காரைநகர் மத்திய மாதர் அபிவிருத்தி சங்கமும், மூன்றாம் இடம் கரவெட்டி இமையாணன் மத்திய கிராம அபிவிருத்தி சங்கமும் பரிசில்களை பெற்றுக்கொண்டதுடன், ஒட்டு மொத்தமாக இன்றைய கண்காட்சியில் யாழ்ப்பாண பிரதேச செயலகம் அதிகளவில் பங்குபற்றியமைக்கான சிறப்புப் பரிசிலைப் பெற்றுக்கொண்டமை குறிப்பிடத்தக்கது. Fairmed Foundation இணைப்பாளர் டாக்டர் நயனி சூரியாராச்சி அவர்களால் 15 பிரதேச செயலர் பிரிவுகளிலும் கேக் ஐசிங் பயிற்சி நெறிக்கான உபகரணங்கள் வழங்கி வைக்கப்பட்டன. மேலும், இந் நிகழ்வில் மகளிர் அபிவிருத்தி நிலைய மாணவர்களின் கோலாட்டம், சிறப்பு நடனங்கள், பாடல் உள்ளிட்ட கலை நிகழ்ச்சிகளும் இடம் பெற்றன. இந் நிகழ்வின் இறுதியில் மாவட்ட கிராம அபிவிருத்தி உத்தியோகத்தர் திருமதி சுனேத்ரா சுதாகர் அவர்களால் நன்றியுரையாற்றப்பட்டது. இந் நிகழ்வில் மாவட்டச் செயலக பதவி நிலை உத்தியோகத்தர்கள், பிரதேச செயலாளர்கள், மாவட்ட செயலகம் மற்றும் பிரதேச செயலக கிராம அபிவிருத்தி உத்தியோகத்தர்கள், அபிவிருத்தி உத்தியோகத்தர்கள், போதனாசிரியர்கள், மாணவர்கள், ஊடகவியாளர்கள் எனப் பலர் கலந்து சிறப்பித்தனர்.

தேசிய நீர் வளங்கள் சபையின் தலைவர் திரு ஆர்.எம். எஸ் பண்டார அவர்கள் யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களை இன்றைய தினம் (04.05.2026) யாழ்ப்பாண மாவட்ட செயலக அரசாங்க அதிபர் அலுவலகத்தில் சந்தித்து கலந்துரையாடினார். இச் சந்திப்பில் யாழ்ப்பாண மாவட்டத்தில் நிலத்தடி நீர் மாசுபட்டுவருவதாகவும், அதனை பாதுகாக்க நடவடிக்கை எடுக்க வேண்டும் எனவும் குறிப்பிட்டதுடன், குழாய் கிணறுகள் அனுமதியின்றி அமைக்கப்பட்டுவருவதாகவும் அரசாங்க அதிபரால் தேசிய நீர் வளங்கள் சபையின் தலைவரின் கவனத்திற்கு கொண்டு வரப்பட்டது. இதன்போது தற்போது யாழ்ப்பாணத்தில் கிணற்று நீரை பரிசோதிப்பது அதிகரித்துள்ளதாகவும், மக்களிடம் விழிப்புணர்வு அதிகரித்துள்ளதாகவும் தலைவரால் தெரிவிக்கப்பட்டதுடன், நிலத்தடி நீரை பாதுகாக்க வேண்டிய அவசியம் தொடர்பாகவும் கலந்துரையாடப்பட்டது. இக் கலந்துரையாடலில் நீர் வளங்கள் சபையின் பொது முகாமையாளர் திரு.மகேஷ் சோமரத்ன, நீர் வளங்கள் சபையின் மாகாண பணிப்பாளர் திரு எம்.எஸ். விமலரத்தின, மாவட்ட மேலதிக அரசாங்க அதிபர் திரு. க.சிவகரன், திட்டமிடல் பணிப்பாளர் திரு. இ. சுரேந்திரநாதன் ஆகியோரும் கலந்து கொண்டனர்.

யாழ்ப்பாண மாவட்டத்தில் அரசசார்பற்ற நிறுவனங்களினால் மேற்கொள்ளப்பட்டு வரும் வேலைத் திட்டங்களின் முதலாம் காலாண்டுக்கான முன்னேற்ற மீளாய்வுக் கூட்டமானது யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்றைய தினம் (30.04.2026) பி.ப 2.00 மணிக்கு மாவட்ட செயலக கேட்போர் கூடத்தில் நடைபெற்றது. இக் கூட்டத்தில் கலந்து கொண்டு தலைமையுரையாற்றிய அரசாங்க அதிபர், அரச சார்பற்ற நிறுவனங்களின் செயற்திட்டங்கள் தொடர்பில் காலாண்டுக்கு ஒரு முறை கலந்துரையாடுவது வழமையானதாகும் எனவும், அந்த வகையில் நடப்பாண்டில் முதலாம் காலாண்டுக்கான கலந்துரையாடலாக இது அமைந்துள்ளது எனவும் தெரிவித்தார். மேலும், மாவட்ட செயலகம் மற்றும் பிரதேச செயலகங்களுடன் இணைந்த வகையில் மக்களை வலுப்படுத்தும் நோக்கில் பல்வேறுபட்ட வாழ்வாதார, உட்கட்டுமான செயற்றிட்டங்களை மேற்கொண்டு வருகின்ற அரசசார்பற்ற நிறுவனங்களிற்கு மனமார்ந்த நன்றிகளைத் தெரிவித்துக் கொண்ட அரசாங்க அதிபர், அரச சார்பற்ற நிறுவனங்கள் பிரதேச செயலாளர் பிரிவுகளில் செயற்றிட்டங்களை நடைமுறைப்படுத்துகின்றபோது பிரதேச செயலாளர்களுடன் சரியான தொடர்பாடலை மேற்கொள்ள வேண்டும் எனவும், இதன் மூலம் சரியான ஆலோசனைகள் அறிவுறுத்தல்களை பெற்று செயற்படுவதன் மூலம் மேன்மேலும் வினைத்திறனாக செயற்பட முடியும் எனவும், இவ் வருடம் அரச சார்பற்ற நிறுவனங்களின் செயற்றிட்டங்களிற்காக 760 மில்லியன் ரூபா செலவிடப்படவுள்ள நிலையில், இதுவரை 212 மில்லியன் ரூபா பெறுமதியான செயற்றிட்டங்கள் நடைமுறைப்படுத்தப்பட்டுள்ளன எனவும் தெரிவித்தார்.
இதன்போது, யாழ். மாவட்டத்தில் செயற்பட்டுவரும்அரச சார்பற்ற நிறுவனங்களின் பிரதிநிதிகள் இக் கலந்துரையாடலில் கலந்துகொண்டு தமது நிறுவனங்களின் செயற்பாடுகள் அவற்றின் முன்னேற்றங்கள் தொடர்பில் கருத்துக்களை பகிர்ந்து கொண்டனர். அதற்கான உரிய அறிவுறுத்தல்களையும் அரசாங்க அதிபர் வழங்கினார். மேலும் இக் கலந்துரையாடலில் அரச சார்பற்ற நிறுவனங்களால் முன்னெடுக்கப்படும் திட்டங்கள் மற்றும் எதிர்காலங்களில் முன்னெடுக்கப்படவுள்ள திட்டங்கள் மற்றும் தேவைப்பாடுகள் தொடர்பில் விரிவாக கலந்துரையாடப்பட்டன. இக் கலந்துரையாடலில் மேலதிக அரசாங்க அதிபர் திரு. கே.சிவகரன், மேலதிக அரசாங்க அதிபர் (காணி) திரு பா.ஜெயகரன், திட்டமிடல் பணிப்பாளர் திரு.இ.சுரேந்திரநாதன், உதவி மாவட்டச் செயலாளர் செல்வி உ.தா்சினி அரச சார்பற்ற, நிறுவனங்களின் இணைப்பாளர் திரு ந. தயாபரன், பிரதேச செயலாளர்கள், திட்டங்களுடன் தொடர்புடைய திணைக்கள தலைவர்கள் மற்றும் உத்தியோகத்தர்கள், சர்வதேச மற்றும் உள்ளூர் அரச சார்பற்ற நிறுவன பிரதிநிதிகள் மற்றும் விடைய உத்தியோகத்தர்கள் என பல்வேறு தரப்பினரும் கலந்து கொண்டிருந்தார்கள்.

கொழும்பிற்கு இடமாற்றலாகிச் செல்லும் யாழ்ப்பாண மாவட்டத்தின் 512 ஆவது பிரிவின் கட்டளைத் தளபதி பிரிகேட் கொமாண்டர் ருவான் குணரத்ன அவர்கள் யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களை இன்றைய தினம்(04.05.2026) காலை 11.00மணிக்கு மரியாதை நிமித்தம் அரசாங்க அதிபர் அலுவலகத்தில் சந்தித்து கலந்துரையாடினார். இக் கலந்தரையாடலில் மாவட்ட மேலதிக அரசாங்க அதிபர் திரு. க.சிவகரன், மாவட்ட மேலதிக அரசாங்க அதிபர்(காணி) திரு. பா.ஜெயகரன், மாவட்ட பிரதம கணக்காளர் திரு. எஸ். கிருபாகரன், மாவட்ட திட்டமிடல் பணிப்பாளர் திரு. இ. சுரேந்திரநாதன், உதவி மாவட்ட செயலாளர் செல்வி.உ.தர்ஷினி ஆகியோர் உடனிருந்தார்கள்.

சிறிய மற்றும் நடுத்தர, பாரியளவிலான தொழில் முயற்சியாளர்களை ஊக்குவிக்கும் நோக்கில் நடத்தப்படும் SLCBC 2nd Consecutive Regional Excellence Awards விருதுகளுக்காக யாழ் மாவட்டத்திலிருந்து 209 விண்ணப்பப் படிவங்கள் அதிகாரப்பூர்வமாக இன்றைய தினம் (29.04.2026) கையளிக்கப்பட்டன. பிரதேச செயலகங்களிலிருந்து SLCBC 2nd Consecutive Regional Excellence Awards இற்காக விண்ணப்பித்த தொழில்முயற்சியாளர்களின் 155 விண்ணப்பப் படிவங்கள் ஏற்கனவே அனுப்பிவைக்கப்பட்டதைத் தொடர்ந்து இன்றைய தினம் 209 விண்ணப்ப படிவங்கள் கையளிக்கப்பட்டன. யாழ் மாவட்டத்தின் பிரதேச செயலாளர் ரீதியாக கிடைக்கப்பெற்ற விண்ணப்பப் படிவங்களை யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் Sri Lanka Canada Businesses Council நிர்வாகப் பணிப்பாளர் திரு. இளங்கோ இரத்னசபாபதி அவர்களிடம் கையளித்தார். இதன் போது மேலதிக அரசாங்க அதிபர் திரு கை.சிவகரன், மாவட்ட திட்டமிடல் பணிப்பாளர் திரு. இ.சுரேந்திரநாதன், Sri Lanka - Canada Businesses council உறுப்பினர்கள் கலந்து கொண்டிருந்தனர்.








