நல்லூர் திருஞானசம்பந்தர் ஆதீனத்தின் இரண்டாவது குரு மகா சந்நிதானம் ஸ்ரீலஸ்ரீ சோமசுந்தர தேசிக ஞானசம்பந்த பரமாசார்ய சுவாமிகளின் முதலாவது குருபூசை வைபவம், சித்திரைத் திருவாதிரை நாளான இன்றைய தினம் (22.04.2026) சிவபூமி அறக்கட்டளையின் தலைவர் கலாநிதி ஆறு. திருமுருகன் அவர்கள் தலைமையில் நல்லை ஆதீனத்தில் மிகச் சிறப்பாக நடைபெற்றது. நிகழ்வின் முக்கிய அம்சமாக மறைந்த குரு மகா சந்நிதானத்தின் திருவுருவச் சிலை கம்பவாரிதி இ.ஜெயராஜ் அவர்களால் திறந்து வைக்கப்பட்டது. மேலும் குரு மகா சந்நிதானத்தின் நினைவைப் போற்றும் வகையிலான 'சிறப்பு மலர்' உத்தியோகபூர்வமாக வெளியிட்டு வைக்கப்பட்டது. இந் நிகழ்வில் வடக்கு மாகாண கௌரவ ஆளுநர் நாகலிங்கம் வேதநாயகன், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன், யாழ்ப்பாணப் பல்கலைக்கழகத்தின் துணைவேந்தர் பேராசிரியர் திவேல்நம்பி, வலம்புரி நாளிதழ் பிரதம ஆசிரியர் திரு. ந. விஜயசுந்தரம் உள்ளிட்டவர்களால் சிறப்புரைகள் வழங்கப்பட்டன. இந் நிகழ்வில் சிறப்புரை ஆற்றிய யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள்,
தமிழும் சைவமும் தழைத்தோங்குகின்ற நல்லூர் பிரதேசத்தினுடைய அடையாளமாக நல்லை ஆதீனமும் விளங்கிக் கொண்டிருக்கின்றது என்பதற்கு மாற்று கருத்துக்கு இடமில்லை எனவும், யாழ் மாவட்ட செயலக நிகழ்வுகளில் சமயத் தலைவராக மறைந்த ஆதீன சுவாமி அவர்கள் கலந்து கொண்டுள்ளதாகவும், மாவட்டத்தின் அபிவிருத்தி தொடர்பாக பல்வேறு கருத்துக்களையும் வழங்குவதுடன் மாவட்டத்திற்கு என்ன செய்ய வேண்டும் என்ற ஆலோசனைகளையும் கூறுபவராகவும் விளங்கியவர் எனத் தெரிவித்தார். மேலும், யாழ்ப்பாண மாவட்டத்தில் ஆன்மீகம் சார்ந்து பிரதேசத்தை பொருளாதார ரீதியாக அபிவிருத்தி நோக்கி கொண்டு செல்லலாம் என்ற பல்வேறுபட்ட கருத்துக்களை வெளிப்படுத்துபவராகவும் விளங்கியவர் என அரசாங்க அதிபர் தெரிவித்தார். மேலும், சுவாமிகளின் மறைவு இடைவெளியை ஏற்படுத்தியிருப்பதாகவும், அவருடைய வெற்றிடம் நிரப்பப்படாமல் உள்ளதாகவும் அவ் இடைவெளியினை நிரப்ப வேண்டிய கடப்பாடு அனைவருக்கும் இருப்பதாகவும், யாழ்ப்பாண மாவட்டத்தின் பெருமைகள்மற்றும் மரபுகள் நிலைத்து நிற்க மாவட்டச் செயலகம் அதற்கு துணையாக நிற்கும் எனவும் தெரிவித்தார். மேலும், இந் நிகழ்வில் சமயப் பெரியோர்கள், கல்விமான்கள் மற்றும் பெருமளவான அடியவர்கள் என பலரும் கலந்து கொண்டனர்.

குறிகட்டுவான் இறங்கு துறையின் இரண்டாவது கட்ட புனரமைப்பிற்கான ஆரம்ப நிகழ்வு இன்றைய தினம் (22.04.2026) காலை 09.00 மணிக்கு போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சர் கௌரவ பிமல் ரத்நாயக்கா அவர்களின் பங்கேற்புடன் நடைபெற்றது. கடந்த ஒக்டோபர் மாதம் 05 ஆம் திகதி குறிகட்டுவான் இறங்குதுறைக்கு முன்னரான நடைபாதையுடன் கூடிய வீதிப் புனரமைப்பு 299.80 மில்லியன் ரூபாவில் - பெருந் திட்டத்திற்கமைய (Master Plan) அபிவிருத்தி செய்வதற்கான பணிகள் ஆரம்பிக்கப்பட்டு துரிதகதியில் முன்னெடுக்கப்பட்டு வருகின்ற நிலையில், தற்போது இரண்டாம் கட்ட புனரமைப்பு பணிகள் இன்றைய உத்தியோகபூர்வமாக ஆரம்பித்து வைக்கப்பட்டுள்ளது குறிப்பிடத்தக்கது. போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சின் ஊடாக குறித்த இறங்குதுறை புதிய தோற்றத்துடன் நீண்ட காலத்திற்கு பின் இரண்டாம் 984 மில்லியன் ரூபா செலவில் நிர்மானிக்கப்படவுள்ளது. மேலும் குறிகாட்டுவான் இறங்குதுறையின் புனரமைப்புப் பணிகள் அடுத்த ஆண்டு (2027) ஒக்ரோபர் மாதம் 26 ஆம் திகதிக்குள் முழுமையாக நிறைவு செய்யப்படவுள்ளமை குறிப்பிடத்தக்கது.
நிகழ்வின் இறுதியில் கெளரவ அமைச்சர் மற்றும் பாராளுமன்ற உறுப்பினர்கள் உள்ளிட்ட அதிகாரிகள் முதலாம் கட்ட புனரமைப்பு பணிகளை பார்வையிட்டு ஆராய்ந்தனர். இந் நிகழ்வில் வடக்கு மாகாண ஆளுநர் கெளரவ நாகலிங்கம் வேதநாயகன், பாராளுமன்ற உறுப்பினர்களான கௌரவ சண்முகநாதன் ஸ்ரீபவானந்தராஜா, கெளரவ கருணநாதன் இளங்குமரன், கௌரவ ஜெயச்சந்திரமூர்த்தி ரஜீவன், யாழ்ப்பாண மாவட்ட அதிபர் திரு.மருதலிங்கம் பிரதீபன், வடக்கு மாகாண சபையின் பிரதம செயலாளர் தனுஜா முருகேசன், யாழ். மாவட்ட ஒருங்கிணைப்புக் குழுத் தலைவரின் இணைப்பாளரும்யாழ் மாநகர சபையின் உறுப்பினருமான கெளரவ எஸ். கபிலன், நெடுந்தீவு மற்றும் வேலணை பிரதேச சபையின் கௌரவ தவிசாளர்கள், வீதி அபிவிருத்தி அதிகார சபையின் பணிப்பாளர் நாயகம், வடக்கு மாகாணக் கடற்படைத் தளபதி, வடக்கு மாகாண வீதி அபிவிருத்தி அதிகார சபையின் பணிப்பாளர், வேலணை மற்றும் நெடுந்தீவு பிரதேச செயலாளர்கள், துறை சார்ந்த அதிகாரிகள், உத்தியோகத்தர்கள், பிரதேச மக்கள் உள்ளிட்ட பல்வேறு தரப்பினரும் கலந்து கொண்டனர்.

யாழ்ப்பாண மாவட்டச் செயலகத்தின் கணக்காளராக திரு. வல்லவராஜன் ரதீஸ் இன்றைய தினம் (20.04.2026) காலை 09.00 மணிக்கு அரசாங்க அதிபர் முன்னிலையில் தமது கடமைகளைப் பொறுப்பேற்றுக் கொண்டார். கடமையேற்பதற்கு முன்னராக சம்பிரதாயபூர்வமாக கணக்காளர் வரவேற்க்கப்பட்டார் என்பதுடன், அரசாங்க அதிபர் தலைமையில் பதவிநிலை உத்தியோகத்தர்களுடனான கலந்துரையாடலும் இடம் பெற்றது. இவ் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர் (காணி), பிரதம பொறியியலாளர், பிரதம கணக்காளர், திட்டமிடல் பணிப்பாளர், உதவி மாவட்டச் செயலாளர், உள்ளடங்கலான பதவிநிலை உத்தியோகத்தர்கள் மற்றும் உத்தியோகத்தர்கள் கலந்துகொண்டார்கள். கணக்காளராக கடமையேற்ற திரு. வ. ரதீஸ் அவர்கள், முன்னர் யாழ்ப்பாணம் தபால் திணைக்களத்தின் - பிராந்திய கணக்கு அலுவலகத்தின் கணக்காளராக கடமையாற்றியவர் என்பது குறிப்பிடத்தக்கது.


யாழ்ப்பாண மாவட்டத்தின் பாதுகாப்பு படைகளின் கட்டளைத் தளபதியாக 04.04.2026 அன்று புதிதாக பொறுப்பேற்ற மேஜர் ஜெனரல் K.J.N.M.P.K பிரியந்த நவரத்ன அவர்கள், யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களை இன்றைய தினம் (20.04.2026) காலை 10.00 மணிக்கு மரியாதை நிமித்தம் அரசாங்க அதிபர் அலுவலகத்தில் சந்தித்து பல்வேறு விடயங்கள் தொடர்பாக கலந்துரையாடினார். இக் கலந்துரையாடலில் 51 ஆவது பிரிவின் கட்டளைத் தளபதி மேஜர் ஜெனரல் M.R. ராசிக், பலாலி பாதுகாப்பு படைகளின் தலைமைப்பீடத்தினைச் சேர்ந்த பிரிகேடியர் ரூவான் பெர்ணாண்டோ, லெப்டினன்ட் கேணல் சமிந்த கருணாதிலக ஆகியோர் உடனிருந்தார்கள்.

இலங்கை இராணுவத்தின் 51வது காலால் படை பிரிவினால் ஏற்பாடு செய்யப்பட்ட தமிழ் சிங்கள புத்தாண்டு கொண்டாட்டம் 18.04.2026ஆம் திகதி அன்று யாழ்ப்பாணம் துரையப்பா விளையாட்டு அரங்கில் நடைபெற்றது . இந்த விழாவில் பிரதம விருந்தினராக இராணுவத் தளபதி லெப்டினன் ஜெனரல் லசந்த ரொட்ரிகோ அவர்களும், சிறப்பு விருந்தினராக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களும் கலந்து கொண்டு சிறப்பித்தார்கள். தேசிய கொடி ஏற்றத்துடன் ஆரம்பமான இந் நிகழ்வில் பாரம்பரிய மங்கள விளக்கேற்றப்பட்டு நிகழ்வு ஆரம்பமானது. இதன் போது பாரம்பரிய விளையாட்டுக்களான வழுக்கு மரம் ஏறுதல், முட்டி உடைத்தல், கயிறு இழுத்தல் உள்ளிட்ட பல்வேறு பல்வேறு நிகழ்வுகள் இடம்பெற்றன என்பது குறிப்பிடத்தக்கது. இந் நிகழ்வில் வட மாகாண கடற்படைத் தளபதி அட்மிரல் புடிக்ஹ லியனகமகேஅவர்கள், யாழ்ப்பாண மாவட்ட மேலதிக அரசாங்க அதிபர் க.சிவகரன், யாழ். போதனா வைத்தியசாலை பணிப்பாளர் த.சத்தியமூர்த்தி, உதவி மாவட்டச் செயலாளர் செல்வி உ.தா்சினி, சண்டிலிப்பாய் மற்றும் தெல்லிப்பளை பிரதேச செயலாளர்கள், இராணுவ பொலிஸ் உயர் அதிகாரிகள் உள்ளிட்ட பல்வேறு தரப்பினருடன் ஏராளமான பொது மக்கள் கலந்து கொண்டிருந்தனர். மேலும், போட்டிகளில் வெற்றி பெற்றவர்களுக்கான பரிசில்களும் விருந்தினர்களால் வழங்கி வைக்கப்பட்டன.








