யாழ்ப்பாண மாவட்டச் செயலகமும் SIYB நிறுவனமும் இணைந்து பயிற்றுவிப்பாளர்களுக்கான பயிற்சி பட்டறையில் "தொழில் ஆரம்பித்தலும் மேம்படுத்தலும்" தொடர்பான பயிற்சி நெறியின் சான்றிதழ் வழங்கும் நிகழ்வு திரு.ஆர்.ஜெயல்ட் அந்தோனி (SIYB) அவர்களின் தலைமையில் (30.04.2022) மாவட்டச் செயலக கேட்போர்கூடத்தில் நடைபெற்றது.
இந் நிகழ்வில் பிரதம விருந்தினராக மேலதிக அரசாங்க அதிபர் திரு.ம.பிரதீபன் அவர்களும், சிறப்பு விருந்தினராக மாவட்டச் செயலக பிரதம கணக்காளர் திரு.என்.சிவரூபன் அவர்களும், சிரேஷ்ட விரிவுரையாளர் திரு.வ.குமாரதீபன் (யாழ்.பல்கலைக்கழகம்) அவர்களும், மற்றும் கௌரவ விருந்தினராக திரு.கு.கௌதமன்( யாழ்.பல்கலைக்கழகம்) அவர்களும் திரு.A.ஆரியசுதன் (SIYB), திரு.கே.கருணாகரன் (மனித வலு வேலைவாய்ப்பு திணைக்களம், யாழ்.மாவட்டச் செயலகம்), மற்றும் உறுப்பினர்கள் (SIYB) ஆகியோரும் கலந்துகொண்டிருந்தார்கள்
சிறுவர் தங்குமிட விடுதிகள் மற்றும் சிறுவர் இல்ல பணியாளர்களுக்கான திறன் விருத்தி செயலமர்வு மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் 29.04.2022 காலை ஒன்பது மணிக்கு மாவட்டச்செயலக மாநாட்டு மண்டபத்தில் நடைபெற்றது.
இச் செயலமர்வில் யாழ்ப்பாண மாவட்டத்தில் உள்ள பத்து சிறுவர் அபிவிருத்தி நிலையங்கள் மற்றும் நான்கு சிறுவர் தங்குமிட விடுதிகள் கலந்துகொண்டன. இதில் சிறுவர் தங்குமிட விடுதிகள் மற்றும் சிறுவர் இல்ல பணியாளர்கள் அர்ப்பணிப்பான செயற்திறன்மிக்க சேவைகளை வழங்கவேண்டுமென குறிப்பிடப்பட்டது.
மேலும், இச் செயலமர்வில் உதவி மாவட்டச் செயலாளர் திருமதி.எஸ்.சி.என்.கமலராஜன், உளவளத்துணை நிபுணர் Dr.திரு.எஸ்.சிவதாஸ், உள சமூக பணியாளர் திரு.வாகீசன், மாவட்ட உள சமூக உத்தியோகத்தர் திரு.பா.கோபி, மாவட்ட சிறுவர் பாதுகாப்பு உத்தியோகத்தர் திரு.இ.செந்தூரன், சிறுவர் நன்நடத்தை திணைக்களம் (தலைமைப்பீடம்)திரு.ஆர்.ராஜன் ஆகியோரும் கலந்துகொண்டிருந்தார்கள்.
யாழ்ப்பாண மாவட்டச் செயலகத்தில் புவி தினம் தொடர்பான விழிப்புணர்வு நிகழ்வானது " நிலையான வாழ்வியலுக்கு பொருத்தமான முதலீட்டை செய்வதில் விழிப்படையச் செய்தல்" எனும் நோக்கத்தில் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் 25.04.2022 காலை 9.30 மணிக்கு மாவட்டச் செயலக கேட்போர்கூடத்தில் நடைபெற்றது.
இந் நிகழ்வில் இலங்கையில் வாழ்வியலுக்கான மூலதனங்களில் முதலீடு நேர்த்தியான தாக்கத்தை ஏற்படுத்தியுள்ளதா? அல்லது எதிர்மறையான தாக்கத்தை ஏற்படுத்தியுள்ளதா? எனும் தலைப்பில் யாழ்ப்பாண பல்கலைக்கழக மாணவர்களினால் கருத்தாடல் மேற்கொள்ளப்பட்டமையும் குறிப்பிடத்தக்கது.
நல்லூர் பிரதேச சபை உள்ளூர் அபிவிருத்தி ஆதரவுத்திட்டத்தின் கீழ் (LDSP) கைத்தொழில் அபிவிருத்தி சபை இணைந்து நடாத்தும் " அடிப்படை கணனிப் பயிற்சி" ஆரம்ப நிகழ்வு யாழ்ப்பாண மாவட்ட மேலதிக அரசாங்க அதிபர் திரு.மருதலிங்கம் பிரதீபன் அவர்களால் மாவட்ட முகாமைத்துவ பயிற்சி நிலையத்தில் ஆரம்பித்துவைக்கப்பட்டது. இந் நிகழ்வில் கைத்தொழில் அபிவிருத்தி சபையின் உதவிப் பணிப்பாளர் திரு.சசிகரன், தொழில்முயற்சி ஊக்குவிப்பு முகாமையாளர் திருமதி. ர.சிவராணி மற்றும் கௌரவ தவிசாளர் (நல்லூர் பிரதேசசபை), வளவாளர்களாக தகவல் தொடர்பாடல் தொழில்நுட்ப உத்தியோகத்தர்களும் பங்குபற்றியிருந்தார்கள்.மேலும், இப் பயிற்சிநெறி 22.03.2022 ஆம் திகதியிலிருந்து 25.04.2022 வரை பதினைந்துநாட்கள் நடைபெற்றமை குறிப்பிடத்தக்கது.
யாழ்ப்பாணம் மாவட்ட செயலக தேசிய அபாயகர ஔடதங்கள் கட்டுப்பாட்டுச்சபையினால் பாடசாலை மாணவர்கள் மத்தியில் எவ்வாறு தடுப்பு முயற்சிகள் மேற்கொள்ளல் தொடர்பான செயலமர்வு மேலதிக அரசாங்க அதிபர் திரு.மருதலிங்கம் பிரதீபன் தலைமையில் 22.4.2022 காலை 9.00 மணிக்கு மாவட்ட செயலக கேட்போர் கூடத்தில் நடைபெற்றது.
மேலும், வளவாளர்களாக வைத்திய கலாநிதி DR.S.சிவதாஸ் , DR.A.வினோதா ஆகியோரினால் மாணவர்களுக்கு எவ்வாறு விழிப்புணர்வு மேற்கொள்ள வேண்டும் என்பது பற்றிய கருத்தமர்வு இடம்பெற்றது. அத்தோடு எதிர்காலச்செயற்பாடுகள் பற்றியும் கலந்துரையாடப்பட்டது.







