தற்போது நாட்டில் ஏற்பட்டுள்ள அசாதாரண நிலைமை மற்றும் அத்தியாவசிய பொருட்கள், சேவைகள் விநியோகம் தொடர்பான கலந்துரையாடல் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் 21.04.2022 பிற்பகல் 2.30 மணிக்கு யாழ்ப்பாண மாவட்டச் செயலகத்தில் நடைபெற்றது.
இக் கலந்துரையாடலில் எரிபொருள் பாவனை, சிறுபோகத்திற்கான பசளையின் தேவைப்பாடு, சமூக அமைதியின்மை தொடர்பான அறிக்கையிடல், மாவட்டத்தின் உணவு தேவைப்பாடு போன்ற விடயங்கள் தொடர்பாக கலந்துரையாடப்பட்டன.

யாழ்ப்பாண மாவட்ட பண்பாட்டு பேரவையின் பொதுக்கூட்டம் மாவட்ட அரசாங்க அதிபரும், பண்பாட்டு பேரவையின் தலைவருமான திரு.கணபதிப்பிள்ளை மகேசன் அவர்களின் தலைமையில் 2022.04.19 பிற்பகல் 2.30 மணிக்கு மாவட்டச் செயலக கேட்போர்கூடத்தில் நடைபெற்றது.
இதில், மாவட்ட அரசாங்க அதிபர் கருத்துத் தெரிவிக்கும் போது யாழ்ப்பாண மாவட்ட பண்பாட்டு பேரவையின் மூலம் பல்வேறுபட்ட திறமைகளை கொண்டவர்களை முன்னேற்ற வேண்டும். அத்தோடு இப் பேரவையானது கலைஞர்களின் பங்களிப்பின் ஊடாகவே உயிர்ப்புடன் இயங்க வேண்டும். மேலும் கலைஞர்களின் படைப்புக்களை ஆவணப்படுத்தல்களாக மேற்கொள்ள வேண்டுமெனவும் தெரிவித்தார்.
மேலும், இக் கலந்துரையாடலில் மேலதிக அரசாங்க அதிபர் திரு.ம.பிரதீபன், உதவி மாவட்டச் செயலாளர் திருமதி. எஸ். சி. என். கமலராஜன், பண்பாட்டு பேரவையின் உப தலைவர் திரு.சோ.பத்மநாதன், மாவட்ட கலாசார உத்தியோகத்தர் திருமதி.சுகுணலினி விஜயரத்தினம் மற்றும் பிரதேச செயலாளர்கள், உதவி பிரதேச செயலாளர்கள், கலாசார அபிவிருத்தி உத்தியோகத்தர்கள், கலைஞர்கள் ஆகியோரும் கலந்துகொண்டிருந்தார்கள்.

யாழ்ப்பாண மாவட்ட செயலகத்தில் யாழ்.மாவட்ட பதிவாளர் நாயக திணைக்களத்தின் ஏற்பாட்டில் மாவட்ட அரசாங்க அதிபர் திரு.கணபதிப்பிள்ளை மகேசன் அவர்களின் தலைமையில் பிறப்பு, இறப்பு மற்றும் விவாகப் பதிவாளர்களுக்கான நியமனம் இன்றையதினம் (2022.04.18) வழங்கிவைக்கப்பட்டது.
இந் நியமனம் வழங்கும் நிகழ்வில் மேலதிக அரசாங்க அதிபர் திரு.ம.பிரதீபன், மேலதிக அரசாங்க அதிபர் (காணி) திரு.எஸ்.முரளிதரன், பிரதம கணக்காளர் திரு.என். சிவரூபன், உதவி மாவட்டச் செயலாளர் திருமதி.எஸ்.சி.என். கமலராஜன், பிரதி பதிவாளர் நாயகம் திரு.கே.நடராஜா, காணிப்பதிவாளர் திருமதி.எஸ்.குணாஜினி, மாவட்ட பதிவாளர் திருமதி.த.ஆர்த்தி ஆகியோரும் கலந்துகொண்டிருந்தார்கள்.

யாழ்ப்பாண மாவட்டத்தில் Fair Med நிறுவனத்தின் அனுசரணையில் "மாற்றுத்திறனாளிகள் மற்றும் பெண்தலைமைத்துவ குடும்பங்களை வலுப்படுத்துதல் தொடர்பான வைகறை நிகழ்ச்சித்திட்டத்தினை யாழ்.மாவட்டத்தில் ஆரம்பிப்பதற்கான ஆரம்பக்கட்ட கலந்துரையாடல் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 19.04.2022 காலை ஒன்பது மணிக்கு மாவட்டச் செயலக கேட்போர்கூடத்தில் நடைபெற்றது.
இக் கலந்துரையாடலில் மாற்றுத் திறனாளிகள் மற்றும் பெண்தலைமைத்துவ குடும்பங்களை இனங்கண்டு வாழ்வாதாரத்தை வலுப்படுத்துவதை நோக்கமாகக் கொண்ட இத்திட்டத்தை ஆறு வருடங்களுக்கு யாழ். மாவட்டத்தில் செயற்படுத்தவுள்ளதோடு, இச் செயற்திட்டம் தொடர்பான கருத்துக்கள், ஆலோசனைகள், முன்மொழிவுகள் தொடர்பாகவும் கலந்துரையாடப்பட்டன.

யாழ்ப்பாண மாவட்ட மகளிர் விவகாரக் குழுக்களின் சம்மேளனத்தின் பொதுக்கூட்டமும், புதிய நிர்வாகத்தெரிவும் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் இன்றையதினம் 08.04.2022 காலை பத்து மணிக்கு மாவட்டச் செயலக கேட்போர்கூடத்தில் நடைபெற்றது.
இக் கலந்துரையாடலில் உதவி மாவட்டச் செயலாளர், மாவட்டச் செயலக பெண்கள் அபிவிருத்தி இணைப்பாளர், பிரதேச செயலக பெண்கள் அபிவிருத்தி உத்தியோகத்தர்கள் மற்றும் பிரதேச மட்ட மகளிர் விவகார சங்க பிரதிநிதிகள் ஆகியோரும் கலந்து கொண்டிருந்தார்கள்