யாழ்ப்பாணம் தபால் திணைக்களத்திற்கு வருடாந்த இடமாற்றம் மூலம் இடமாற்றம் பெற்றுச் செல்லும் யாழ். மாவட்ட செயலக கணக்காளர் திரு. அழகராஜா நிர்மல் அவர்களுக்கான சேவைநலன் பாராட்டு விழா மற்றும் பிரியாவிடை நிகழ்வு மேலதிக அரசாங்க அதிபர் திரு கே.சிவகரன் அவர்கள் தலைமையில் இன்றைய தினம் (17.04.2026) பி.ப 2.30 மணிக்கு மாவட்ட செயலக கேட்போர் கூடத்தில் நடைபெற்றது. திரு. அ. நிர்மல் அவர்கள், 2014 ஆம் ஆண்டு கணக்காளர் சேவையில் இணைந்துடன் அதன் தொடர்ச்சியாக 04.09.2019 ஆம் திகதி தொடக்கம் 17.04.2026 வரை யாழ். மாவட்டச் செயலகத்தில் கணக்காளராக கடமையாற்றிவந்தவர் என்பது குறிப்பிடத்தக்கது. இந் நிகழ்வில் வரவேற்புரையினை பிரதம கணக்காளர் திரு.எஸ் கிருபாகரன் அவர்களால் ஆற்றப்பட்டதுடன், தலைமையுரை மேலதிக அரசாங்க அதிபர் திரு கே. சிவகரன் அவர்களால் ஆற்றப்பட்டது. இந் நிகழ்வில் வாழ்த்துரை வழங்கிய அரசாங்க அதிபர் அவர்கள், மாவட்டச் செயலக நிதி செயற்பாடுகளில் மிகவும் சிறப்பாக தேர்ச்சி பெற்றவராக வினைத்திறனாக செயற்பட்டவர் என்பதுடன், சகல உத்தியோகத்தர்களுடன் சகஜமாக பழகும் உத்தியோகத்தராகவும் கணக்காளர் திரு. நிர்மல் அவர்கள் விளங்கினார்.
மேலும், இதற்கு மேலதிகமாக மாவட்ட செயலகத்தில் நடைபெறும் நிகழ்வுகளில் குறிப்பாக நலன்புரி சங்கத்தின் தலைவராக இருந்து சிறப்பாக செயற்பட்டவர் எனவும் குறிப்பிட்டார். மேலும், மாவட்டச் செயலகத்தின் அவசர அவசிய செயற்பாடுகளுக்கான நிதி ஏற்பாடுகள் விடயத்தில் பூரண ஒத்துழைப்புக்களை வழங்கிவந்தவர் என்பதுடன், நிதியாண்டிற்குரிய கொடுப்பனவுகளை சரியான உறுதிப்பாடுகளுடன் காலதாமதமின்றி வழங்கி மாவட்டச் செயலகத்தின் விரைவான செயற்பாடுகளுக்கு காத்திரமான பங்களிப்பினை வழங்கியவர் எனத் தெரிவித்தார். மேலும், வெலிஓயா, காரைநகர் மற்றும் நெடுந்தீவு ஆகிய பிரதேச செயலகங்களில் கணக்காளராக கடமையாற்றியதுடன், மாவட்டச் செயலகத்தில் 07 ஆண்டுகள் சிறப்பாக கடமையாற்றியவர் எனவும், தாம் கடமையாற்றிய திணைக்களங்களில் நட்பு ரீதியாக எல்லோரோடும் பழகி தமது செயற்பாடுகளுக்கு வலுச்சேர்த்தார் என பாராட்டு வழங்கிய அரசாங்க அதிபர் அவர்கள், விரைவில் கணக்காளர் சேவையின் தரம் ஒன்றிற்கு பதவியுயர்வு பெறவுள்ளதாகவும் இவரின் பணி மென்மேலும் சிறக்க
வாழ்த்துக்களையும் தெரிவித்தார்.
இந் நிகழ்வில் மாவட்ட செயலக மேலதிக அரசாங்க அதிபர் (காணி) திரு பா.ஜெயகரன், திட்டமிடல் பணிப்பாளர் திரு.இ சுரேந்திரநாதன், புள்ளிவிபர பிரதிப் பணிப்பாளரும் நலன்புரிக் கழகத்தின் தலைவருமான திரு. எம். வித்தியானந்தநேசன், உதவி மாவட்டச் செயலாளர் செல்வி உ.தா்சினி, சமுர்த்தி கணக்காளர் திரு. இ. முருகதாஸ், பிரதி பதிவாளர் நாயகம் திரு. பிரபாகர், பிரதி திட்டமிடல் பணிப்பாளர் திரு எஸ். சிவகுமாரன், மொழிபெயர்ப்பாளர் திருமதி பி. நித்தியகலா, நிர்வாக உத்தியோகத்தர் திரு. கி. பொ. தனபால உள்ளிட்ட பதவிநிலை உத்தியோகத்தர்களாலும், மாவட்டச் செயலக உத்தியோகத்தர்களாலும் வாழ்த்துரைகள் நிகழ்த்தப்பட்டது. கணக்காளர் திரு. அ. நிர்மல் அவர்களின் மாவட்டச் செயலகத்தில் கடமையாற்றிய காலப்பகுதிக்கான ஒளிப்படம் காட்சிப்படுத்தப்பட்டது. அதனைத் தொடர்ந்து அரசாங்க அதிபர் அவர்களினால் கணக்காளர் திரு. அ. நிர்மல் அவர்கள் பொன்னாடை அணிவித்து
கௌரவிக்கப்பட்டதுடன், நினைவுச் சின்னமும் வழங்கப்பட்டது. மேலும் கிளைகள் ரீதியாக பதவிநிலை உத்தியோகத்தர்கள் மற்றும் உத்தியோகத்தர்களாலும் கெளரவிக்கப்பட்டார்கள். இறுதியாக கணக்காளர் தமது ஏற்புரையில், மாவட்டச் செயலகத்தில் கடமையாற்றுவது ஒரு பொன்னான அரிய வாய்ப்பு எனவும், மாவட்டச் செயலகம் தமது உயர்விற்கும், அனுபவத்திற்கும் பல நல்ல தொடர்புகளுக்கும் வழிவகுத்தது எனவும், எமது அரசாங்கம் அதிபர் அவர்கள் உத்தியோகத்தர்களை சிறப்பாக ஒன்றிணைத்து நல்ல பொறிமுறையினை உருவாக்கி செயற்படுகின்றார் எனவும், நிகழ்வுகளை நடாத்துவதில் அரசாங்க அதிபர் தனிக் கலையினை பெற்றுள்ளார் எனவும் குறிப்பிட்டதுடன், அண்மையில் அதிமேதகு சனாதிபதி அவர்கள் பங்குபற்றிய "முழு நாடுமே ஒன்றாக தேசிய செயற்பாட்டு யாழ்ப்பாண மாவட்ட அங்குரார்ப்பண நிகழ்வு" அரசாங்க அதிபரால் சிறப்பாக ஒருங்கிணைப்புச் செய்யப்பட்டதாகவும் - தாம் அரசாங்க அதிபருடன் பணியாற்றியதன் மூலம் சிறப்பான வழிகாட்டுதல்களையும், அனுபவங்களையும் பெற்றுள்ளதாகவும் குறிப்பிட்டார். மேலும், தேர்தல் நடவடிக்கைகள், வெள்ள, அனர்த்த நிலைமைகள்நலன்புரிக் கழகத்தின் செயற்பாடுகள் போன்றவற்றில் தமக்கு ஒதுக்கப்பட்ட கடமைகளுக்கு பக்கபலமாகவிருந்து வழிகாட்டிய அரசாங்க அதிபர் மற்றும் ஒத்துழைப்பு நல்கிய சகல உத்தியோகத்தர்களுக்கும் தமது நன்றியினைத் தெரிவித்ததுடன், இன்றைய நிகழ்விற்கு வாழ்த்துரைகள் வழங்கிய உத்தியோகத்தர்களுக்கும் நிகழ்வில் பங்குபற்றிய உத்தியோகத்தர்களுக்கும் தமது நன்றியினையும் கணக்காளர் தெரிவித்தார். இந் நிகழ்வில் மாவட்டச் செயலக பதவிநிலை உத்தியோகத்தர்கள் மற்றும் உத்தியோகத்தர்கள் கலந்துகொண்டனர்.

காணி நிர்ணயத் திணைக்களத்தினுடைய கோரிக்கைக்கமைவாக நில அளவைத் திணைக்களத்தினால் தையிட்டி பகுதியில் காணியை அளவீடு செய்யும் பணிகள் இன்றைய தினம் (17.04.2026) மேற்கொள்ள தீர்மானிக்கப்பட்டிருந்த நிலையில் அனைத்து தரப்பினரையும் ஒருங்கிணைத்த வகையில் காணி அளவீடு செய்ய வேண்டுமென புத்தசாசன அமைச்சின் செயலாளரினால் விடுக்கப்பட்ட கோரிக்கைக்கு அமைவாக, மே மாதம் 15 ஆம் திகதிக்கு இடையில் அனைத்து பங்குதாரர்களையும் இணைந்த வகையில் தையிட்டி காணி அளவீடு செய்வதற்கான நடவடிக்கை முன்னெடுக்கப்படும் என யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களால் பொதுமக்களுக்கு தெரிவிக்கப்பட்டது. இதன் போது மேலதிக அரசாங்க அதிபர் (காணி) ,தெல்லிப்பளை பிரதேச செயலாளர், சிரேஸ்டநில அளவைத் திணைக்கள அத்தியட்சகர், பொலிஸ் உத்தியோகத்தர்கள் ,காணி நிர்ணயத் திணைக்கள உத்தியோகத்தர்கள் மற்றும் பொதுமக்கள் பிரசன்னமாக இருந்தார்கள்.

யாழ் மாவட்ட சமூக வலுவூட்டல் உத்தியோகத்தர்களுக்கான இரண்டாம் கட்ட தெளிவூட்டல் நிகழ்வு இன்றைய தினம் (15.04.2026) யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் பி.ப 2.00 மணிக்கு மாவட்ட செயலக கேட்போர் கூடத்தில் நடைபெற்றது. இக் கலந்துரையாடலில் யாழ்ப்பாண மாவட்ட அரசாங்க அதிபர் அவர்கள் தலைமை உரையாற்றிகையில், பொருளாதார அபிவிருத்தி உத்தியோகத்தர்கள் கிராம மட்டத்தில் நீண்ட காலமாக அனுபவமிக்க உத்தியோகத்தர்களாக காணப்படுகின்றார்கள் எனவும், காலத்திற்கு காலம் அரசாங்கத்தினால் நடைமுறைப்படுத்துகின்ற செயற்பாடுகளை சிறப்பாக முன்னெடுப்பதன் மூலம் தங்களது செயற்பாடுகளை கடந்த காலத்திலும் சிறப்பாக முன்னெடுத்திருந்தார்கள். உதாரணமாக கடந்த காலத்தில் டித்வா புயல் ஏற்பட்ட காலத்தில் கூட மக்களுக்கான உதவித்திட்டங்களை வழங்குவதில் கிராம அலுவலர்கள், சமூக அபிவிருத்தி உத்தியோகத்தர்கள் மற்றும் சமூர்த்தி அபிவிருத்தி உத்தியோகத்தர்கள் இணைந்த வகையில் சிறப்பாக செயற்பட்டிருந்தமை பராட்டுக்குரியதாகும். மேலும், அரசாங்கத்தின் கொள்கைகளை நடைமுறைப்படுத்தும் கடப்பாடு அரசாங்க உத்தியோகத்தர்களுக்கு இருக்கிறது எனவும் தற்போதைய அரசாங்கத்தினுடைய பிரதான கொள்கைகளாக கிளீன் ஸ்ரீலங்கா, டிஜிட்டல் மயமாக்கல், சமூக சக்தி ஆகிய செயற்பாடுகள் காணப்படுகின்றன. எனவும், ஆகவே அரசாங்கத்தின் கொள்கைகளை நடைமுறைப்படுத்துபவர்களாக அரசாங்க உத்தியோகத்தர்கள் ஆகிய நாம் காணப்படுகிறோம் எனவும் தெரிவித்தார். மேலும்,
இந்தத் திட்டங்களை சமூக சக்தி (பிரஜாசக்தி) செயற்பாட்டை பிரதேச மட்டத்தில் செயற்படுத்துவதில் இந்த சமூக வலுவூட்டல் உத்தியோகத்தர்கள் மிக முக்கியமான பங்கை வகிக்கின்றார்கள். குழுவின் செயலாளர்களாக இருந்து அந்தக் குழுவை கொண்டு நடாத்துகின்ற பொறுப்பு அவர்களைச் சார்ந்ததாக இருக்கிறது எனவும், இதனால் உங்களுக்கு ஏற்பட்ட சந்தேகங்களுக்கான தெளிவூட்டல்களை பெற்றுக்கொள்வதற்காகவே இக் கூட்டத்தை பகுதி பகுதியாக நடைபெற்றுவருகிறது எனவும், தொடர்ந்து தலைவர்களுக்கான கலந்துரையாடலும் நடாத்துவதற்கு திட்டமிடப்பட்டுள்ளது எனவும், ஆகவே, சமூக சக்தி செயற்பாட்டை நடைமுறைப்படுத்துகின்ற செயற்பாட்டினை மேற்கொள்கின்றபோது உங்களுக்கு ஏதாவது இடர்பாடுகள் காணப்படுமாக இருந்தால் அந்த விடயங்களை இங்கு தெரிவிப்பதன் மூலம் தெளிவான அறிவைப் பெற்றுக் கொள்ளக் கூடியதாக இருக்கும் எனவும் தெரிவித்தார். மேலும், உங்களது கிராமம் சார்ந்த விடயங்களில் தேர்ச்சி பெற்றவர்களாக இருக்கின்ற நீங்கள் ஒருங்கிணைந்து செயற்படுவதன் மூலம் சிறப்பாக கொண்டு செல்ல முடிவதுடன் மிகச் சரியான முறையில் இந்த செயற்பாடுகளை முன்னெடுக்க வேண்டும் எனவும் அரசாங்க அதிபர் கேட்டுக்கொண்டார்.
அரசாங்கத்தினால் தற்போது அறிமுகப்படுத்துகின்ற புதிய திட்டங்கள் தொடர்பில் தெளிவூட்டல்களை வழங்கும் நோக்கில் குறித்த நிகழ்வு இன்றைய தினம் இவ்வாறு ஏற்பாடு செய்யப்பட்டிருந்தது. அதனடிப்படையில் இரண்டாம் கட்டமாக சாவகச்சேரி, கோப்பாய், ஊர்காவற்துறை, வேலனை ஆகிய பிரதேச செயலர் பிரிவிற்குட்பட்ட சமூக வலுவூட்டல் உத்தியோகத்தர்களுக்கு குறித்த தெளிவூட்டல் நிகழ்வு ஏற்பாடு செய்யப்பட்டிருந்தது. இதன் போது மாவட்ட செயலக திட்டமிடல் பணிப்பாளர் திரு. சுரேந்திரநாதன் சமூக சக்தி (பிரஜாசக்தி) குழுவின் வகிபாகங்கள் தொடர்பில், நிகழ்வில் கலந்து கொண்டிருந்த சமூக அபிவிருத்தி சபையின் செயலாளர்களான சமூக வலுவூட்டல் உத்தியோகத்தர்களுக்கு விளக்கமளித்தார்.
தொடர்ந்து, சமூக வலுவூட்டல் உத்தியோகத்தர்கள் தங்களுக்கு ஏற்பட்ட சந்தேகங்களுக்குரிய தெளிவூட்டல்களை இக் கூட்டத்தில் பெற்றுக் கொண்டார்கள். இந் நிகழ்வில் மாவட்ட ஒருங்கிணைப்பு குழுத் தலைவர் சார்பில் மாவட்ட ஒருங்கிணைப்பு குழுவின் இணைப்பாளரும், யாழ் மாநகர சபையின் உறுப்பினருமான கெளரவ எஸ்.கபிலன், சாவகச்சேரி கோப்பாய், ஊர்காவற்துறை, வேலனை பிரதேச செயலாளர்கள், மாவட்ட செயலக பிரதித் திட்டமிடல் பணிப்பாளர், குறித்த பிரதேச செயலகங்களின் உதவித் திட்டமிடல் பணிப்பாளர்கள், விடைய உத்தியோகத்தர்கள், சமூக வலுவூட்டல் உத்தியோகத்தர்கள் கலந்து கொண்டிருந்தனர்.

யாழ். மாவட்ட சமூக வலுவூட்டல் உத்தியோகத்தர்களுக்கான நான்காம் கட்ட தெளிவூட்டல் நிகழ்வு மேலதிக அரசாங்க அதிபர் திரு. க. சிவகரன் அவர்களின் தலைமையில் அரசாங்க அதிபர் திரு மருதலிங்கம் பிரதீபன் அவர்களின் பங்குபற்றுதலுடன் இன்றைய தினம் (16.04.2026) பி.ப 2.00 மணிக்கு மாவட்ட செயலக கேட்போர் கூடத்தில் நடைபெற்றது. அரசாங்கத்தினால் தற்போது அறிமுகப்படுத்துகின்ற புதிய திட்டங்கள் தொடர்பில் தெளிவூட்டல்களை வழங்கும் நோக்கில் குறித்த நிகழ்வு இன்றைய தினம் இவ்வாறு ஏற்பாடு செய்யப்பட்டிருந்தது. அதனடிப்படையில் நான்காம் கட்டமாக உடுவில், சங்கானை, சண்டிலிப்பாய், தெல்லிப்பளை, காரைநகர் மற்றும் நெடுந்தீவு ஆகிய பிரதேச செயலர் பிரிவிற்குட்பட்ட சமூக வலுவூட்டல் உத்தியோகத்தர்களுக்கு குறித்த தெளிவூட்டல் நிகழ்வு ஏற்பாடு செய்யப்பட்டிருந்தது. இதன் போது மாவட்ட செயலக திட்டமிடல் பணிப்பாளர் திரு. இ சுரேந்திரநாதன் அவர்களால் சமூக சக்தி குழுவின் வகிபாகங்கள் தொடர்பில், நிகழ்வில் கலந்து கொண்டிருந்த சமூக அபிவிருத்தி சபையின் செயலாளர்களான சமூக வலுவூட்டல் உத்தியோகத்தர்களுக்கு விளக்கமளித்தார். இக் கூட்டத்தில் யாழ். மாவட்ட ஒருங்கிணைப்பு குழுத் தலைவர் சார்பில் மாவட்ட ஒருங்கிணைப்பு குழு இணைப்பாளரும், யாழ் மாநகர சபையின் உறுப்பினருமான கெளரவ எஸ்.கபிலன், உடுவில், சங்கானை, சண்டிலிப்பாய், தெல்லிப்பளை, காரைநகர் மற்றும் நெடுந்தீவு பிரதேச செயலாளர்கள், மாவட்ட செயலக பிரதித் திட்டமிடல் பணிப்பாளர், குறித்த பிரதேச செயலகங்களின் பிரதி மற்றும் உதவித் திட்டமிடல் பணிப்பாளர்கள், விடய உத்தியோகத்தர்கள், சமூக வலுவூட்டல் உத்தியோகத்தர்கள் கலந்து கொண்டிருந்தனர்.

யாழ்ப்பாண மாவட்ட செயலக நலன்புரிச் சங்கத்தின் ஏற்பாட்டில் சித்திரை புதுவருட தினத்தினை முன்னிட்டு கைவிசேடம் வழங்கும் நிகழ்வு இன்றையதினம் (15.04.2026) காலை 9.05 மணிக்கு யாழ். மாவட்ட செயலகத்தில் நடைபெற்றது. இந் நிகழ்வில் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்கள் மாவட்ட செயலக பதவிநிலை உத்தியோகத்தர்கள் மற்றும் உத்தியோகத்தர்கள் அனைவருக்கும் கைவிசேடத்தினையும் வழங்கிவைத்தார். இந் நிகழ்வில் பதவிநிலை உத்தியோகத்தர்கள், உத்தியோகத்தர்கள் ஆகியோர் கலந்து கொண்டிருந்தார்கள்.








