யாழ்ப்பாணம் மாவட்ட செயலகத்தில் புனரமைக்கப்பட்ட சிற்றுண்டிச்சாலையில் ஆரோக்கிய உணவகம் யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களினால் இன்றைய தினம் (09.04.2026) திறந்து வைக்கப்பட்டது. இந் நிகழ்வில் மேலதிக அரசாங்க அதிபர், மேலதிக அரசாங்க அதிபர் (காணி), இலங்கை வங்கி பிராந்திய முகாமையாளர் உட்பட பதவி நிலை உத்தியோகத்தர்கள், மாவட்டச் செயலக உத்தியோகத்தர்கள் மற்றும் ஆரோக்கிய உணவக ஊழியர்களும் கலந்து கொண்டனர்.

யாழ்.மாவட்ட செயலகத்தில் நடைபெற்ற ஊராட்சி முற்றக் கலந்துரையாடல்! யாழ்ப்பாண மாவட்ட செயலகமும் வடமாகாண மகளிர் விவகார அமைச்சின் ஏற்பாட்டில், கிறிசலிஸ் நிறுவனத்தின் அனுசரணையுடன் ஊராட்சி முற்றக் கலந்துரையாடல் இன்றைய தினம் (0704.2026) பி. ப. 02.00 மணிக்கு மாவட்டச் செயலக மாநாட்டு மண்டபத்தில் நடைபெற்றது. குறித்த கலந்துரையாடல் மேலதிக அரசாங்க அதிபர் திரு. க. சிவகரன் மற்றும் வடமாகாண மகளிர் விவகார அமைச்சின் உதவிச் செயலாளர் திருமதி தாரணி கஜரூபன் ஆகியோரது இணைத் தலைமையில் நடைபெற்றது. இக் கலந்துரையாடலில் தொடக்கவுரையாற்றிய மேலதிக அரசாங்க அதிபர், யாழ்ப்பாண மாவட்டத்தின் 15 பிரிவுகளையும் உள்ளதாகியதான அங்கத்தவர்களையும் உள்ளதாக்கியதாக பிரதேசத்தின் முக்கிய பிரச்சினைகள் மற்றும் தேவைப்பாடுகளை தீர்த்து வைக்கும் நோக்கில் இக் கலந்துரையாடல் கூட்டப்படுகிறது. இங்கு முன்வைக்கப்படும் விடயங்களுடன் தொடர்புடைய திணைக்களங்கள் அழைக்கப்பட்டு கலந்துரையாடப்படுகிறது. இதன் ஊடாக கடந்த காலங்களில் பல விடையங்களுக்கு தீர்வுகள் எட்டப்பட்டன எனவும், சில பிரச்சினைக்கள் தொடர் நடவடிக்கைகளுக்கு உட்படுத்தப்பட்டுள்ளதுடன், எங்களது விடயங்களுக்கு அப்பாற்பட்ட கடினமான விடயங்கள் அடுத்த கட்டத்திற்கு நகர்த்தப்பட்டுள்ளன எனவும், ஒட்டுமொத்ததித்தில் இனங்காணபட்ட பிரச்சினைகளுக்கு தீர்வுகண்டு சிறந்த செய்யற்றிட்டமாக அமைய அனைவரும் ஒத்துழைக்க வேண்டும். எனவும் கேட்டுக் கொண்டார். மேலும், இங்கு பிரச்சினைகளுடன் தொடர்புடைய திணைக்களங்கள் அழைக்கப்படும் போது அதற்கு பதில் வழங்கக்கூடிய வகையில் தொடர்புடைய திணைக்களத் தலைவர்கள் தீர்வுகளை அறிந்து வரவேண்டும் எனவும் அல்லது தகவல்கள் உரியவாறு சென்றடைய வேண்டும் எனவும், இவற்றின் ஊடாக தீர்மானங்கள் எட்டப்பட வேண்டும் எனவும், இவை தொடர்பில் அதிக கவனம் செலுத்துவதன் ஊடாக இக் கலந்துரையாடல்களின் உண்மையான நோக்கம் நிறைவேறும், என தெரிவித்தார்.
இதன்போது கடந்த கூட்டத்தில் முன்வைக்கப்பட்ட பிரச்சினைகளின் முன்னேற்றங்கள் தொடர்பில் ஆராயப்பட்டன. தொடர்ந்து சமூகத்தில் அடையாளம் காணப்பட்டு இதுவரை தீர்க்கப்படாத பிரச்சனைகள் குறித்து குடிசார் அமைப்புகளின் பிரதிநிதிகள் இன்றைய ஊராட்சி முற்றத்திற்கு முன்வைத்த கோரிக்கைகளின் அடிப்படையில், அவற்றிற்கான தீர்வுகள் மற்றும் ஆலோசனைகள் துறைசார்ந்த திணைக்களத் தலைவர்களால் வழங்கப்பட்டன. இக் கூட்டத்தில் உதவி மாவட்டச் செயலாளர் செல்வி உ.தா்சினி, மாவட்ட பெண்கள் அபிவிருத்தி இணைப்பாளர் திருமதி கி தயாபரி, பிரதேச செயலாளர்கள், தொடர்புடைய திணைக்களங்களின் அதிகாரிகள், கிறிசலிஸ் நிறுவனத்தின் திட்ட இணைப்பாளர் உள்ளிட்ட உத்தியோகத்தர்கள், விடைய உத்தியோகத்தர்கள் யாழ்ப்பாண குடிசார் அமைப்புகளின் சம்மேளனத்தின் அங்கத்தவர்கள் உள்ளிட்ட பல்வேறு தரப்பினரும் கலந்து கொண்டிருந்தனர்.

யாழ்ப்பாண மாவட்ட காணிப் பயன்பாட்டுக் குழுக் கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம் (07.04.2026) மு. ப. 11.00 மணிக்கு மாவட்ட செயலக மாநாட்டு மண்டபத்தில் நடைபெற்றது. இக் கூட்டத்தில் அரச காணிச் சட்டத்தின் கீழ் நீண்டகால குத்தகையில் காணி வழங்குவதற்கான அனுமதி வழங்குவது தொடர்பாக சமர்ப்பிக்கப்பட்ட விண்ணப்பங்கள் விரிவாக ஆராயப்பட்டு, சில காணிகளுக்கான அனுமதி வழங்கப்பட்டதுடன், ஏனைய காணிகளுக்கான சாத்தியப்பாட்டு அறிக்கைகளை சமர்ப்பிக்குமாறு அரசாங்க அதிபரால் அறிவுறுத்தப்பட்டது. இக் கலந்துரையாடலில் மேலதிக அரசாங்க அதிபர், மேலதிக அரசாங்க அதிபர் (காணி), பிரதேச செயலாளர்கள், மாவட்ட காணி பயன்பாட்டு திட்டமிடல் உதவிப்பணிப்பாளர், கடற்றொழில் திணைக்கள அதிகாரி, கமநல சேவைகள் அபிவிருத்தி திணைக்கள அதிகாரிகள், நீர்ப்பாசன பொறியியலாளர், தேசிய நீர் வழங்கல் மற்றும் வடிகாலமைப்பு சபை பொறியியலாளர், மாகாண காணி ஆணையாளர் திணைக்கள அதிகாரிகள், நகர அபிவிருத்தி அதிகார சபை உத்தியோகத்தர்கள், மத்திய சுற்றாடல் அபிவிருத்தி திணைக்கள அதிகாரிகள், விவசாயத்ததிணைக்கள அதிகாரிகள், நில அளவைகள் திணைக்கள அதிகாரிகள், கால்நடை அபிவிருத்தி சுகாதார திணைக்கள அதிகாரிகள், பிரதேச செயலகங்களில் கடமையாற்றும் காணிப் பயன்பாட்டு உத்தியோகத்தர்கள் உள்ளிட்ட பலர் கலந்து கொண்டனர்.

அகில இலங்கை சமுர்த்தி அபிவிருத்தி உத்தியோகத்தர்கள் சங்கம் மற்றும் யாழ்ப்பாண மாவட்ட சமுர்த்தி அபிவிருத்தி உத்தியோகத்தர் சங்கத்தின் பிரதிநிதிகள் இன்றைய தினம் (07.04.2026) அரசாங்க அதிபர் திரு. மருதலிங்கம் பிரதீபன் அவர்களை அரசாங்க அதிபர் அலுவலகத்தில் சந்தித்து கலந்துரையாடினர். சமுர்த்தி அபிவிருத்தி உத்தியோகத்தர்கள் எதிர்நோக்கும் பிரச்சினைகள் மற்றும் இடமாற்றம் உள்ளடங்கிலான நிர்வாகப் பிரச்சனைகள் தொடர்பாக அரசாங்க அதிபருடன் விரிவாக கலந்துரையாடியதுடன், பல்வேறு பிரச்சினைகளுக்கு தீர்வுகளையும் அரசாங்க அதிபரிடமிருந்து பெற்றுக்கொண்டார்கள். இக் கலந்துரையாடலில் மாவட்ட சமுர்த்தி பணிப்பாளர் திரு. பொ. ஸ்ரீவர்ணன், சகல பிரதேச செயலக சமுர்த்தி தலமையக முகாமையாளர்கள், மாவட்டச் செயலக சமுர்த்தி விடய முகாமையாளர்கள், சமுர்த்தி அபிவிருத்திச் சங்க பிரதிநிதிகள் கலந்து கொண்டனர்.

யாழ்ப்பாண மாவட்ட விவசாயக் குழுக் கூட்டம் யாழ்ப்பாண மாவட்ட அரசாங்க அதிபர் திரு.மருதலிங்கம் பிரதீபன் அவர்களின் தலைமையில் இன்றைய தினம்(07.04.2026) காலை 9.00 மணிக்கு யாழ்ப்பாண மாவட்ட செயலக கேட்போர் கூடத்தில் நடைபெற்றது. இக் கூட்டத்தில் தலைமையுரையாற்றிய அரசாங்க அதிபர் அவர்கள், கடந்த 13.11.2025 நடைபெற்ற விவசாய குழுக் கூட்டம், உணவுப்பாதுகாப்பு கூட்டம் ஆகியவற்றின் முன்னேற்றங்கள் தொடர்பாக ஆராய்வதை நோக்காக கொண்டு இக் கூட்டம் ஒழுங்குபடுத்தப்பட்டுள்ளதாகவும், மாவட்டத்தில் விவசாயம் சார்ந்த செயற்பாடுகளில் எவ்வாறான விடயங்களை கையாள வேண்டும் என்ற கருத்துக்களை முன்வைக்குமாறும் கேட்டுக் கொண்டார். மேலும், யாழ்ப்பாண மாவட்டத்தில் விவசாய மற்றும் கடற்றொழில் சார்ந்த பிரச்சினைகளையும் தேவைப்பாடுகளையும் இக் கூட்டத்தில் ஆராய்வதுடன், மாவட்ட விவசாய அபிவிருத்தியில் மாவட்ட உத்தியோகத்தர்கள் என்ற ரீதியில் எவ்வாறான சேவைகளை மேற்கொள்ள வேண்டும் எனவும் ஆராய்வதுடன், விவசாயிகள் விவசாயத்தில் காத்திரமான பங்களிப்பை வழங்கியதன் மூலம் யாழ்ப்பாண மாவட்டத்தின் விவசாய தேவைகளை தன்னிறைவு எட்டக்கூடியதாக உள்ளமையும் மாவட்டத்திற்கு வெளியே ஏற்றுமதி செய்யக்கூடியதாக இருப்பதும் மகிழ்ச்சிக்குரிய விடயமாகவும் காணப்படுவதாகவும் அரசாங்க அதிபர் தெரிவித்து, மாவட்ட விவசாயிகளுக்கான பிரச்சினைகளை ஆராய்ந்து அதற்குரிய ஆலோசனைகளையும், விவசாயிகளை தமது கருத்துக்களையும் முன்வைக்குமாறும் கேட்டுக்கொண்டார்.
யாழ்ப்பாண மாவட்டத்தின் விவசாய துறைசார்ந்த பல்வேறு விடயங்கள் இக் கூட்டத்தில் முன்கொண்டுவரப்பட்டு விரிவாக ஆராயப்பட்டன. குறிப்பாக மாவட்ட விவசாயிகள் எதிர்நோக்கி வரும் பல்வேறுபட்ட பிரச்சினைகள் தொடர்பில் விவசாயிகளால் முன்வைக்கப்பட்ட பிரச்சினைகள் தொடர்பில் விரிவாக கலந்துரையாடப்பட்டன. தொடர்ந்து விவசாய அபிவிருத்திகளை மேற்கொள்வதற்காக வங்கிகளினால் மேற்கொள்ளப்படவுள்ள ஊக்குவிப்பு நடைமுறைகள் தொடர்பில் கலந்து கொண்டிருந்த வங்கி முகாமையாளர்களினால் விளக்கமளிக்கப்பட்டன.மேலும் பாதீனிய ஒழிப்பு செயற்றிட்டத்தினை பிரதேச செயலாளர் மட்டத்தில் தொடர்ச்சியாக முன்னெடுக்குமாறு மாவட்ட அரசாங்க அதிபர் கேட்டுக் கொண்டார். மேலும் நீரிழிவு நோயாளர்களுக்கு சிறுகுறிஞ்சா செடியினை மருந்தாக பயன்படுத்துவது தொடர்பில் ஆய்வினை மேற்கொண்டு அதனை நடைமுறைப்படுத்தி வருகின்ற யாழ்.போதனா வைத்தியசாலையின் வைத்தியர் கார்த்திகேசு குலநாயகம் அவர்களால் சிறுகுறிஞ்சாவினை எவ்வாறு நீரிழிவு நோயாளர்களுக்கு மருந்தாக பயன்படுத்துவது, அதன் பயன்பாடுகள் தொடர்பிலும் Natura(Pvt) Ltd நிறுவனத்தின்
சிறுகுறிஞ்சா செடியின் கொள்வனவு திட்டம் தொடர்பில் விளக்கமளிக்கப்பட்டது. இக் கலந்துரையாடலில் மாவட்ட ஒருங்கிணைப்பு குழுவின் இணைப்பாளரும் யாழ்ப்பாண மாநகர சபையின் உறுப்பினருமான கெளரவ திரு. எஸ்.கபிலன் ,மேலதிக அரசாங்க அதிபர், மேலதிக அரசாங்க அதிபர்(காணி), மாவட்ட விவசாயப் பணிப்பாளர், யாழ்ப்பாண பல்கலைக்கழகத்தின் விவசாய துறையின் சிரேஸ்ட விரிவுரையாளர் கலாநிதி திரு.எஸ்.ஜே.அரசகேசரி, திட்டமிடல் பணிப்பாளர், பிரதேச செயலாளர்கள், கமநல அபிவிருத்தி திணைக்கள அதிகாரிகள், மாகாண விவசாயத் திணைக்களம், கால்நடை உற்பத்தி சுகாதாரத் திணைக்களம், நீர்ப்பாசனத் திணைக்கள அதிகாரிகள், நீர்ப்பாசன பொறியியலாளர்கள், வங்கிகளின் முகாமையாளர்கள், துறைசார் திணைக்களங்களின் உத்தியோகத்தர்கள் மற்றும் கமக்கார அமைப்புக்களின் பிரதிநிதிகள் உள்ளிட்ட பல்வேறு தரப்பினரும் கலந்து கொண்டனர்.








