போதை ஒழிப்பு தடுப்பு செயற்திட்டம் தொடர்பான மாவட்ட செயலக உத்தியோகத்தர்களுக்கான விழிப்புணர்வு நிகழ்வு மாவட்ட மேலதிக அரசாங்க அதிபர் திரு. கே. சிவகரன் அவர்களின் தலைமையில் இன்றைய தினம் (5.3.2026) பி.ப 3.00 மணிக்கு மாவட்ட செயலக கேட்போர் கூடத்தில் நடைபெற்றது "முழு நாடுமே ஒன்றாக" விஷ போதைப் பொருட்களை தடுப்பதற்கான வாரமாக அதிமேதகு சனாதிபதி அவர்களினால் பிரகடனப்படுத்தப்பட்டு பல்வேறு செயற்றிட்டங்கள் மேற்கொள்ளப்பட்டு வருகின்றன. அதன் ஒரு அங்கமாக, மாவட்ட செயலக உத்தியோகத்தர்களுக்கு விழிப்புணர்வு இடம்பெற்றது. இந் நிகழ்வில் மதுசார மற்றும் போதைப் பொருள் தடுப்பு நிலையத்தின் இணைப்பாளர் எஸ். மோகன்தாஸ் மற்றும் உத்தியோகத்தர்கள் வளவாளர்களாக கலந்து கொண்டு போதை ஒழிப்பு செயற்றிட்டம் தொடர்பான விளக்கம் அளித்தனர இந் நிகழ்வில் மாவட்ட மேலதிக அரசாங்க அதிபர் கலந்து கொண்டு கருத்து தெரிவிக்கையில், போதைப் பொருட்களின் செயற்பாட்டினால் ஏற்படும் பாதிப்புகளை அனைவரும் அனுபவித்துக் கொண்டிருப்பதாகவும், அரசாங்கத்தினுடைய கொள்கையின் அடிப்படையில் பல்வேறுபட்ட செயற்றிட்டங்கள் நடைமுறைப்படுத்தப்பட்டு வருவதாகவும், விஷ போதைப் பொருட்களுடைய ஆபத்து அனைவரையும் பாதிக்கும் நிலை ஏற்படலாம் என்பதால், அதனை முற்றாக நமது நாட்டிலிருந்து ஒழிக்க வேண்டும் எனவும், அதற்கு எல்லோரும் பங்கெடுக்க வேண்டும் என்பதே அரசின் நோக்கமாகும் எனவும், அதனை ஒழிக்க எல்லோரும் ஒன்றிணைத்து செயற்பட வேண்டும் என தெரிவித்தார். இவ் விழிப்புணர்வு நிகழ்வில் யாழ்ப்பாண மாவட்ட பிரதம கணக்காளர் திரு. எஸ். கிருபாகரன் உதவி மாவட்ட செயலாளர் செல்வி உ.தர்சினி மற்றும் பதவி நிலை உத்யோகத்தர்கள் மாவட்ட செயலக உத்தியோகத்தர்கள் கலந்து கொண்டனர்.

"ஓய்விற்கு முன்னர் ஆயத்தமாதல் வெற்றிகரமான முதியோர் வாழ்க்கை" எனும் தொனிப்பொருளின் கீழ் ஓய்வூதியத்திற்கு முந்தைய திட்டம் தொடர்பான செயலமர்வு யாழ்ப்பாண மாவட்ட மேலதிக அரசாங்க அதிபர் திரு. க.சிவகரன் அவர்களின் தலைமையில் இன்றைய தினம் (05.03.2026) காலை 9.00 மணிக்கு மாவட்ட செயலக கேட்போர் கூடத்தில் நடைபெற்றது இந் நிகழ்ச்சித்திட்டமானது அரச மற்றும் தனியார் துறைகளில் கடமையாற்றும் உத்தியோகத்தர்கள் ஓய்விற்கு தயாராகும்போது எதிர்கொள்ளும் பிரச்சினைகளை குறைப்பதற்கு சமூகமயமாதலுக்கு மற்றும் முதுமை பருவத்தினை செயற்திறனாக எதிர்கொள்வதனை இலக்காகக் கொண்டு இச்செயலமர்வு நடாத்தப்பட்டது இதில் ஊழியர் நம்பிக்கைப் பொறுப்பு நிதியம் (ETF), ஊழியர் சேம நிதியம் (EPF) ,ஓய்வூதியம் பெற்றுக்கொள்ளல் தொடர்பான சுய கோவை தயார்படுத்தல், ஓய்வு காலத்தில் உடலியல் உளவியல் நலம்" திட்டமிடப்பட்ட முதுமைப் பருவம்" ஓய்வினை கழிப்பதில் முதியோர் சமூகமயமாதலுக்கு முகம் கொடுக்க வழிகாட்டல் என்பன தொடர்பாக வளவாளர்களால் கருத்துரை இடம் பெற்றது இச் செயலமர்வின் வளவாளர்களாக ஊழியர் நம்பிக்கை பொறுப்பு நிதிய சபையின் பிராந்திய முகாமையாளர் திரு.ஜெ. தமிழழகன், தொழிற் திணைக்கள சிரேஷ்ட உத்தியோகத்தர் திரு. பற்குணராசா பிரதீபன், யாழ்ப்பாண பிரதேச செயலக கணக்காளர் திரு.க.ஸ்ரீதரன் யாழ் பல்கலைக்கழக மருத்துவபீட உத்தியோகத்தர் திரு. ஜி. றஜீவ் ஆகியோர் பங்குபற்றினார்கள். இச் செயலமர்வில் மாவட்ட செயலக முதியோர் உரிமைகள் மேம்பாட்டு உத்தியோகத்தர் திருமதி ஸபெல்மன் பாலகுமாரி 15 பிரதேச செயலக பிரிவுகளிலிருந்து உத்தியோகத்தர்கள் மற்றும் பாடசாலை ஆசிரியர்கள் மற்றும் திணைக்கள உத்தியோகத்தர்கள் கலந்து கொண்டனர்.

கச்சதீவு புனித அந்தோனியார் ஆலய வருடாந்த திருவிழாவிற்குப் பின்னரான கலந்துரையாடல்யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்களின் தலைமையில் இன்றைய தினம் (04.03.2026) பி. ப 03.00 மணிக்கு மாவட்ட செயலக அரசாங்க அதிபர் அலுவலகத்தில் நடைபெற்றது. இக் கலந்துரையாடலில் யாழ்ப்பாண மறை மாவட்ட குரு முதல்வர் ஆயர் வணக்கத்துக்குரிய அருட்தந்தை P.J. ஜெபரட்ணம், வடமாகாண கடற்படைத் தளபதி ரியல் அட்மிரல் புடிக்ஹ லியனகமகே ஆகியோர் பங்குபற்றினார்கள்.இக் கலந்துரையாடலில் தலைமையுரையாற்றிய அரசாங்க அதிபர் அவர்கள், கச்சதீவு புனித அந்தோனியார் ஆலய உயர்த்திருவிழா சிறப்பான முறையிலே பெப்ரவரி 27, 28ஆம் திகதிகளில் நடைபெற்றது எனவும், கச்சதீவு திருவிழாவிற்கு எதிர்பார்த்த பக்தர்களின் எண்ணிக்கையினைவிட எதிர்பாராத விதமாக அதிகமாக காணப்பட்டதனால் பல்வேறு நெருக்கடிகளை எதிர் கொண்டதாகவும், எனினும் திருவிழாவிற்கு செல்ல வருகை தந்த அனைத்து பக்தர்களையும் அங்கு சென்றடைய கூடிய சந்தர்ப்பம் அமைந்திருந்ததாகவும் தெரிவித்தார் மேலும், எமது ஒழுங்கமைப்பிற்கு ஒத்துழைப்பு நல்கிய நெடுந்தீவு மற்றும் வேலணை பிரதேச செயலாளர், உதவி பிரதேச செயலாளர்கள், நிர்வாக உத்தியோகத்தர்கள் மற்றும் உத்தியோகத்தர்கள், மாவட்ட செயலக உத்தியோகத்தர்கள், பிரதேச சபையின் உத்தியோகத்தர்கள் உள்ளடங்கலான சகல திணைக்கள உத்தியோகத்தர்கள் அனைவருக்கும் நன்றிகளை தெரிவித்துக் கொண்டதுடன், மேலும் கடற்போக்குவரத்து ஒழுங்குகளை சிறப்பாக ஏற்பாடு செய்த வடபிராந்திய கடற்படை தளபதி அவர்களுக்கும், கடற்படையினருக்கும் நன்றிகளை தெரிவித்துக் கொண்டார்.
இக் கலந்துரையாடலில் பக்த்தர்களுக்கான கடற்போக்குவரத்திற்கு சிறப்பான ஒத்துழைப்பினை வழங்கிய வடமாகாண கடற்படைத் தளபதி அரசாங்க அதிபராலும், மேலதிக அரசாங்க அதிபராலும்கெளரவிக்கப்பட்டார். மேலும், எதுவித அடிப்படை வசதிகளும் அற்ற ஒரு பின்தங்கிய தீவில், ஒரு பக்த்தர் ஏனும் தவறாமல் கச்சதீவு அழைத்து வந்து திருவிழாவில் பங்குபெற சிறப்பான ஏற்பாடுகளைச் செய்த அரசாங்க அதிபர் மற்றும் வடக்கு மாகாண கடற்படைத் தளபதி ஆகியோரையும் அவர்களின் உத்தியோகத்தர்களையும் பாராட்டுவதாக அருட்தந்தை அவர்களால் குறிப்பிடப்பட்டு, யாழ்ப்பாண மறை மாவட்ட ஆயர் சார்பில் அருட்தந்தை அவர்களால் நினைவுச் சின்னம் அரசாங்க அதிபருக்கும், வடமாகாண கடற்படைத் தளபதிக்கும் வழங்கப்பட்டது குறிப்பிடத்தக்கது. இக் கலந்துரையாடலில் மேலதிக அரசாங்க அதிபர் திரு கே சிவகரன், , பிரதம கணக்காளர் திரு.எஸ் கிருபாகரன், உதவி மாவட்டச் செயலாளர் செல்வி உ.தா்சினி, திட்டமிடல் பணிப்பாளர் திரு.இ சுரேந்திரநாதன், பிரதேச செயலாளர்கள் (நெடுந்தீவு, வேலணை), கடற்படை அதிகாரிகள் உள்ளிட்டவர்கள் கலந்து கொண்டனர்.

"முழு நாடும் ஒன்றாக" தேசிய செயற்பாடு - போதைப் பொருளுக்கு எதிராக "அகன்று செல்" எனும் தொனிப் பொருளினையும், முறைப்பாட்டு தொலைபேசி இலக்கம் 1818 இனையும் உள்ளடக்கிய வகையில் போதைக்கு எதிரான விழிப்புணர்வு ஸ்ரிக்கர்கள் (Sticker) முச்சக்கர வண்டிகளில் ஒட்டும் நிகழ்வு உதவி பொலிஸ் அத்தியகட்சகர் திரு. நளிந்த திலிரூத் தலைமையில் இன்றைய தினம் (04.03.2026)மாவட்டச் செயலகத்திற்கு முன்பாக நடைபெற்றது. யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் விழிப்புணர்வு ஸ்ரிக்கர்களை (Sticker) முச்சக்கர வண்டிகளில் ஒட்டி நிகழ்வினை ஆரம்பித்து வைத்துடன்,விழிப்புணர்வு துண்டு பிரசுரத்தினையும் பொதுமக்களுக்கு வழங்கிவைத்தார். இவ் நிகழ்வில் மேலதிக அரசாங்க அதிபர் திரு. கே. சிவகரன், பிரதம கணக்காளர் திரு.எஸ் கிருபாகரன், பிரதம பொறியியலாளர் திரு க. திருக்குமார், உதவி மாவட்டச் செயலாளர் செல்வி உ.தா்சினி உள்ளிட்ட மாவட்டச் செயலக பதவிநிலை உத்தியோகத்தர்கள் மற்றும் போக்குவரத்து பொலிஸ் பொறுப்பதிகாரி திரு. சுரேக்க பிறேமரட்ண, யாழ்ப்பாண பொலீஸ் பொறுப்பதிகாரி திரு. கருணாரட்ன ஆகியோரும் பங்குபற்றி விழிப்புணர்வு ஸ்ரிக்கர்களை (Sticker) முச்சக்கர வண்டிகளில் ஒட்டினார்கள்.

சிறுவர்களை உடல் ரீதியான தண்டனையிலிருந்து தடுப்பது மற்றும் அவர்களிடத்து நேர்மறையான ஒழுக்க அணுகுமுறைகளை ஊக்குவித்தல் தொடர்பான விழிப்புணர்வு கருத்தரங்கு யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்களின் தலைமையில் இன்றைய(04.03.2026) யாழ். வீரசிங்கம் மண்டபத்தில் நடைபெற்றது. இச் செயலமர்வில் தலைமையுரையாற்றிய அரசாங்க அதிபர் அவர்கள், யாழ்ப்பாண மாவட்டத்தில் உள்ள அனைத்து அதிபர்களையும் ஒருங்கிணைக்கின்ற சந்தர்ப்பம் இச் செயலமர்வின் மூலம் கிடைத்துள்ளதுடன், பாடசாலை காலங்களை நினைவுபடுத்துவதற்கான சந்தர்ப்பமாக அமைந்திருப்பதனால் அனைவரும் பாடசாலை காலங்களில் மகிழ்ச்சியாகவும் சந்தோசமாகவும் இருந்த நினைவுகளை ஞாபகப்படுத்துவதாகவும் தெரிவித்தார். பாடசாலையில் அதிபரின் பங்கு முதன்மையானது முக்கியத்துவமானதாக காணப்படுவதாகவும், சமூகத்தின் முழுமையான கட்டமைப்பை உருவாக்கும் பொறுப்பு அதிபரிடமே உள்ளதாகவும், ஒவ்வொரு பிள்ளையின் கல்வி மேம்பாட்டினை ஏற்படுத்தும் பொறுப்பு பாடசாலையை வழிப்படுத்தும் தலைமை பொறுப்பும் அதிபரிடமே காணப்படுவதாகவும், பாடசாலை மாணவர்களை மட்டும் அல்லாமல் அனைத்து ஆசிரியர்களையும் ஒருங்கிணைத்து ஒரு கட்டுப்பாட்டின் கீழ் வைத்து நடாத்தும் பொறுப்பும் அதிபரிடமே காணப்படுவதாகவும் அரசாங்க அதிபர் தெரிவித்தார். மேலும் ஒரு சமூக கட்டமைப்பை ஆற்றுப்படுத்தி நல்வழிப்படுத்தும் தலையாய பொறுப்பு அதிபரிடமே காணப்படுவதாகவும், குறிப்பாக பாடசாலை கல்வியானது அந்த காலத்தில் இருந்த நிலையும், இன்று இருக்கின்ற நிலையும் பாடசாலை உட்புற சூழல் நிலையும், சற்று வேறுபட்டதாக காணப்படுவதனை பல இடங்களில் அவதானிக்க கூடியதாக இருப்பதாகவும், பெற்றோரின் பங்களிப்பு என்பது பாடசாலை நிர்வாகத்துக்கு ஒரு பெரும் சவாலாக உள்ளதாகவும் தெரிவித்தார். மேலும், பிள்ளைகளின் வளர்ச்சி மேம்பாடு அல்லது அவர்களின் குறைபாடு தொடர்பாக பெற்றோரை அழைத்து அது தொடர்பாக தெளிவுபடுத்துவது பெரும் சவாலாக உள்ளதாகவும், பாடசாலைப் பிள்ளைகள் சமூக பொருளாதார - பின்புல கட்டமைப்புகளோடு வருகின்ற பிள்ளைகளை ஆற்றுப்படுத்த வேண்டிய தலையாய பொறுப்பு அதிபர்களிடத்தே காணப்படுவதாகவும், அன்று ஆசிரியர்களால் மாணவர்களுக்கு உபயோகித்த தண்டனைகளை இன்று பயன்படுத்த முடியாத நிலை காணப்படுவதாகவும், அவ்வாறான நிலையில் பிள்ளைகளை கட்டுப்படுத்துவது பெரும் சவாலாக காணப்படுவதாகவும், அரசாங்கத்தாலும் சட்டத்தாலும் கடமைக் கூறுகள் பணிக்கப்பட்டுள்ளதாகவும், பல்வேறு விடயங்களை உள்வாங்கி ஆசிரியர்கள், பிள்ளைகளை ஆற்றுப்படுத்தக்கூடிய ஆரோக்கியமான அதிபராக வளர்வது என்பது கேள்விக்குறியாக உள்ளதாகவும் தெரிவித்ததுடன், அது தொடர்பாக கலந்துரையாடல் ஏற்பாடு செய்யப்பட்டுள்ளதாகவும், இவ்வாறு பாடசாலை நிர்வாக கட்டமைப்பை அரவணைத்து மனிதநேய, பிள்ளைநேய ஆசிரியர் நேய எல்லோரும் நேசிக்க தக்க வகையிலே பாடசாலை கட்டமைப்பை எவ்வாறு கொண்டு செல்ல முடியும் என்பது தொடர்பாக செயலமர்வு ஏற்பாடு செய்யப்பட்டுள்ளதாகவும், கல்வி மேம்பாட்டு நிலைமைக்கு காரணகர்த்தாவாகவும் கல்வி மற்றும் இணைப்பாடவிதான செயற்பாடுகள் முன் நின்று செயற்பட்டு ஒத்துழைப்பு வழங்கும் அதிபர்களுக்கும் ஆசிரியர்களுக்கும் நன்றிகளையும் தெரிவித்தார்.
யாழ்ப்பாண மாவட்ட செயலக தேசிய சிறுவர் பாதுகாப்பு அதிகார சபை மற்றும் கல்வித்திணைக்களம் ஆகியன இணைந்து அதிபர்களுக்கான இச் செயலமர்வு இதனை ஏற்பாடு செய்யப்பட்டிருந்தது. யாழ் மாவட்ட பாடசாலைகளின் அதிபர்கள் மற்றும் ஆசிரியர்கள் கலந்து கொண்ட இந்நிகழ்வில் சிறுவர்களின் உரிமைகள் அவர்களின் பாதுகாப்பின் முக்கியத்துவம், உடல் ரீதியான தண்டனையின் உடல், மன மற்றும் சமூக விளைவுகள் குறித்து விரிவான விளக்கங்கள் வழங்கப்பட்டதுடன் அதற்குப் பதிலாக நேர்மறை ஒழுக்க முறைமைகள் தொடர்பிலும், பிள்ளைகளை ஆற்றுப்படுத்துதல் தொடர்பிலும் விளக்கமாளிக்கப்பட்டதுடன், சிறுவர்களின் உறவை வலுப்படுத்தும் தொடர்பு திறன்கள், மனஅழுத்தக் கட்டுப்பாட்டு முறைகள் குறித்த விளக்கங்களும் வழங்கப்பட்டன. மேலும் உடல் ரீதியான தண்டனை தொடர்பான தண்டனைச் சட்ட திருத்தங்கள் தொடர்பிலான சட்டக் கண்ணோட்டம் தொடர்பிலும் விளக்கமளிக்கப்பட்டன. இச் செயலமர்வில் சட்டத்தரணி திரு. ஜெ.தற்பரன், மாவட்ட உளநல வைத்திய நிபுணர் கனகரத்தினம் சிவதாஷ் ஆகியோர் வளவாளர்களாக கலந்து சிறப்பித்துக் கொண்டனர். இந் நிகழ்வில் உதவி மாவட்ட செயலாளர், கல்வித்திணைக்கள அதிகாரிகள், வலையக் கல்விப் பணிப்பாளர்கள், தேசிய சிறுவர் பாதுகாப்பு அதிகார சபையின் தலைமைப்பீடத்தின் உத்தியோகத்தர்கள், மாவட்ட செயலக மற்றும் பிரதேச செயலகங்களின் உத்தியோகத்தர்கள் என பல்வேறு தரப்பினரும் கலந்து கொண்டிருந்தனர்.








