யாழ்ப்பாண வணிகர் கழகத்தின் பிரதிநிதிகளுடன் அரசாங்க அதிபர் திரு மருதலிங்கம் பிரதீபன் அவர்கள் இன்றைய தினம் (03.03.2026) பி. ப 03.30 மணிக்கு அரசாங்க அதிபர் அலுவலகத்தில் சந்தித்து கலந்துரையாடினர். இக் கலந்துரையாடலில் பொருட்களைக் கட்டுப்பாட்டு விலையில் விற்பனை செய்வது தொடர்பாக, குறிப்பாக அரிசி விலையினை கட்டுப்பாட்டு விலையில் விற்பனை செய்வதனை உறுதிப்படுத்துவது தொடர்பாக அரசாங்க அதிபரால் கலந்துரையப்பட்டது. மேலும் வர்த்தக சங்கங்களின் கருத்துக்களை அரசாங்க அதிபர் கேட்டறிந்து கொண்டதுடன், பொதுமக்கள் பாதிக்காதவகையில் செயற்பட வேண்டிய அவசியத்தினை வலியுறுத்தினார். இக் கலந்துரையாடலில் மேலதிக அரசாங்க அதிபர் திரு கே. சிவகரன், உதவி மாவட்டச் செயலாளர் செல்வி உ.தா்சினி, பாவனையாளர்கள் அதிகார சபையின் மாவட்ட இணைப்பதிகாரி திரு. எஸ். நிலாந்தன், புலனாய்வு உத்தியோகத்தர்கள் திரு. வை. பிரமிளன், மாவட்ட நிறுவைகள் அளவைகள் உதவி அத்தியட்சகர் திரு. பா. இராஜேஸ்வரன், யாழ்ப்பாண வணிகர் கழகத்தின் தலைவர் திரு. இ. ஜனத்குமார், செயலாளர் திரு. சிவகுமாரன் மற்றும் உறுப்பினர்களும் கலந்து கொண்டனர்.

தேசிய சுற்றாடல் சட்ட திருத்தம் தொடர்பாக அரசாங்க உத்தியோகத்தர்களுக்கான தெளிவுபடுத்தல் மற்றும் கருத்தாய்வு சுற்றாடல் அமைச்சர் கெளரவ கலாநிதி தம்மிக்க பட்டபெந்தி தலைமையில், கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர், வடமாகாண ஆளுநர் கெளரவ நாகலிங்கம் வேதநாயகன் அவர்களின் பங்குபற்றுதலுடன் இன்றைய தினம் (01.03.2026) காலை 10.30 மணிக்கு மாவட்டச் செயலக கேட்போர் கூடத்தில் நடைபெற்றது. இக் கலந்தாய்வில் பாராளுமன்ற உறுப்பினர் கெளரவ சண்முகநாதன் சிறிபவானந்தராஜா, யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன், சுற்றாடல் அமைச்சின் ஆலோசகர் கலாநிதி ரவீந்திர காரியவசம் ஆகியோர் பங்குபற்றினார்கள். இவ் கலந்தாய்வில் வரவேற்புரையாற்றிய அரசாங்க அதிபர் அவர்கள், 1980 ஆம் ஆண்டின் 47 ஆம்இலக்க தேசிய சுற்றாடல் சட்டத்தினுடைய திருத்தம் தொடர்பான இன்றைய கலந்துரையாடலுக்கு வருகை தந்துள்ள கெளரவ சுற்றாடல் அமைச்சர், கெளரவ கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவர், கெளரவ பாராளுமன்ற உறுப்பினர் உள்ளிட்டவர்களை வரவேற்றுக்கொண்டு, தேசிய ரீதியான சுற்றாடல் பாதுகாப்பு திருத்தமானது முக்கியமான ஒன்றாக காணப்படுவதாகவும், நாட்டினுடைய அல்லது மாவட்டத்தினுடைய அபிவிருத்தியில் சுற்றாடல் சார்ந்த விடயங்களை ஒருங்கிணைந்த வகையிலே அபிவிருத்தி செய்ய வேண்டிய தேவைப்பாடு இருப்பதாகவும், சுற்றாடல் சார்ந்த செயற்பாடுகள் முக்கியமானதாக முதன்மையானதாக காணப்படுகின்றதாகவும், எவ்வாறான அபிவிருத்தியை மேற்கொள்ள வேண்டும் என்று நோக்கும்போது சூழலியல் சார்ந்த செயற்பாடுகள் அதிக கவனம் செலுத்த வேண்டிய தேவைப்பாடு காணப்படுவதாகவும் தெரிவித்தார். மேலும், தேசிய சுற்றாடல் சட்டம் திருத்தம் தொடர்பான முன்மொழிகள் பாராளுமன்றத்திலே சமர்ப்பிக்கப்பட வேண்டி இருப்பதாகவும் அதில் ஓர் அங்கமாக சட்டமூலத்திலே காணப்படும் 1980 ஆண்டு 41 ஆம் இலக்க சுற்றாடல் செயற்பாடு சட்டமானது மீண்டும் திருத்துவதற்கான செயற்பாடுகளை மேற்கொண்டிருப்பதாகவும் சுற்றாடல் சார்ந்த செயற்பாடுகளை முன்னெடுப்பதிலே திணைக்களம் சார்ந்த அதிகாரிகள் மற்றும் பிரதேச செயலாளர்கள் முதன்மை வாய்ந்தவர்களாக இருக்கின்ற காரணத்தினால் அவர்களின் கருத்துக்களை பெற்றுக் கொள்ள வேண்டிய தேவைப்பாடு காணப்படுவதாகவும், கௌரவ அமைச்சர் அவர்கள் சுற்றாடல் திட்டம் தொடர்பாக கருத்துக்களை வழங்குவதற்காக கலந்துரையாடலில் கலந்து கொண்டுள்ளதாகவும், மாவட்டத்திலே சுற்றாடல் சார்ந்த திட்டங்களை நடைமுறைப்படுத்துகின்ற போது சுற்றாடல் சார்ந்த விடயங்களை கவனத்தில் எடுத்து மேற்கொள் கொள்ளுகின்ற போது சட்டத்தில் காணப்படுகின்ற பிரச்சினைக்குள்ள விடயங்களை திருத்துகின்ற சந்தர்ப்பங்கள் காணப்படுகின்றதாகவும், ஆகவே சந்தர்ப்பத்தை சரியான முறையில் பயன்படுத்தி சட்டத்தில் அவ்வாறான திருத்தங்களை மேற்கொள்ள வேண்டும் என்று ஆலோசனை வழங்குமாறும் மாகாண மாவட்ட தேசிய ரீதியாக சுற்றாடல் சார்ந்த பிரச்சனைகளுக்கு இது ஒரு தீர்வாக அமையுமெனம் என்றும் அரசாங்க அதிபர் தெரிவித்தார். இக் கலந்தாய்வில் கருத்து தெரிவித்த கெளரவ ஆளுநர் அவர்கள், வடக்கு மாகாணத்தை நோக்கிப் பல முதலீட்டாளர்கள் வருகை தருவதாகவும், அவர்களுக்கான முதலீட்டு அனுமதிகளைப் பெற்றுக்கொள்வதில் காலதாமதம் ஏற்படுவதாகவும், சுற்றாடல் அமைச்சின் கீழான நிறுவனங்கள் ஏற்படுத்தும் தாமதங்கள் மற்றும் தடைகள் இயலுமானவரை நிவர்த்தி செய்யப்பட வேண்டும் எனவும் தெரிவித்தார். மேலும், சுற்றாடல் அமைச்சின் கீழான வனவளத் திணைக்களம் மற்றும் வன ஜீவராசிகள் திணைக்களத்தின் காணிகள் தொடர்பாகவும் கவனம் எடுக்க வேண்டும் எனவும் தெரிவித்தார். மேலும், எமக்கு அபிவிருத்தி அவசியம் எனவும், அதற்காகச் சுற்றாடல் சார்ந்த அபிவிருத்தி தேவை எனவும், தன்னார்வலர்கள் மற்றும் தனியார் நிறுவனங்கள் மர நடுகைத் திட்டங்களை இங்கு சிறப்பாக முன்னெடுத்து வருவதாகவும், தெரிவித்ததுடன், யாழ்ப்பாண மாவட்டத்தில் திண்மக் கழிவகற்றல் தொடர்பாகவும் கெளரவ ஆளுநரால் கருத்துக்கள் தெரிவிக்கப்பட்டது. இக் கலந்தாய்வில் கருத்து தெரிவித்த கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்கள், எமது மாகாணத்தின் சுற்றாடல் பிரச்சினை முக்கியத்துவமானது எனவும், தீர்க்கப்படாத பிரச்சனைகள் உள்ளன எனவும், சட்டவரைவு திருத்தம் தொடர்பான உங்களின் ஆக்கபூர்வமான கருத்துக்களை முன்வைக்குமாறும் கேட்டுக் கொண்டார்.
மேலும், சுற்றாடல் அமைச்சின் கீழான வனவளத் திணைக்களம், வன ஜீவராசிகள் திணைக்களம் மற்றும் கரையோரம் பேணல் திணைக்களம் ஆகியவற்றின் செயற்பாடுகள் தொடர்பில் மக்களிடத்தில் அதிருப்தி இருப்பதாகவும், தீர்க்கப்பட வேண்டிய பிரச்சினை இருப்பதாகவும், இத்திணைகள அதிகாரிகளின் ஒத்துழைப்பு உரிய வகையில் இல்லை எனவும் தெரிவித்தார் . இங்குவரும் முதலீட்டாளர்கள் தமக்கான அனுமதியைப் பெற்றுக்கொள்வதில் காலதாமதம் ஏற்படுவதாகவும், ஒரு முதலீட்டாளர்களுக்கான அனுமதிகள் தொடர்பில் கூடிய கவனம் எடுக்க வேண்டும் எனவும், எந்த பிரதேசத்தில் முதலீடு செய்யவிருக்கிறார்களோ அப் பிரதேச செயலகத்தின் பிரதேச செயலாளர் இது தொடர்பில் கூடிய கவனம் செலுத்தி முதலீட்டாளர்களுக்கான ஒருங்கிணைப்பினை மேற்கொண்டு பொறுப்பேற்குமாறும் கேட்டுக் கொண்டார். சுற்றாடல் அமைச்சர் கௌரவ கலாநிதி தம்மிக படபெந்தி அவர்கள் தமதுரையில், யாழ்ப்பாண மாவட்டத்திற்கு முதற்தடவையாக வருகைதந்துள்ளதாகவும், கடற்றொழி்ல் அமைச்சர், வடமாகாண ஆளுநர், அரசாங்க அதிபர் ஆகியோருடன் சூழல் பிரச்சினைகளை விரிவாக ஆராய்ந்ததாகவும், காணிப் பிரச்சினை உள்ளன எனவும், இன்றைய கூட்டத்தில் உடனடியாக தீர்க்க முடியாது விட்டாலும், அணுகக் கூடியதாகவிருக்கும் எனவும், மாகாணத்தின் போரின் பின்னர் குறித்த இரண்டு திணைக்களங்களுக்கும் ஒதுக்கப்பட்ட பிரதேசங்களில் எல்லைப்படுத்தலில் காணப்படும் தவறுகள் திணைக்களங்களுக்கிடையில் இணைந்த வகையில் தீர்க்க முடியும் எனவும் தெரிவித்தார். மேலும், வடக்கு மற்றும் கிழக்கு மாகாணங்களில் நிலவும் இக்காணிப் பிரச்சினைகளுக்கு நிரந்தர தீர்வு காண்பதற்காக, கடந்த ஓகஸ்ட் மாதம் விசேட அமைச்சரவை உப குழுவொன்று நியமிக்கப்பட்டது எனவும், இந்த உபகுழு தற்போது மாவட்ட ரீதியாகத் தரவுகளைச் சேகரித்து வருவதுடன், எதிர்வரும் ஆறு மாதங்களுக்குள் இது தொடர்பான தனது இறுதி அறிக்கையைச் சமர்ப்பிக்கவுள்ளதாகவும் தெரிவித்தார். மேலும், எமது அமைச்சின் கீழான நிறுவனங்களில் நிலவும் ஆளணி வெற்றிடங்கள் காரணமாகவே முதலீட்டாளர்களுக்கான அனுமதிகளை வழங்குவதில் காலதாமதங்கள் ஏற்பட்டுள்ளன எனவும், தற்போது இந்த வெற்றிடங்களை நிரப்புவதற்காக 1,685 புதிய உத்தியோகத்தர்களை இணைத்துக்கொள்வதற்கான அனுமதி கிடைக்கப்பெற்றுள்ளது எனவும், இந்த ஆட்சேர்ப்பு நடவடிக்கைகளில் இப் பிரதேசத்தைச் சேர்ந்தவர்களையும் அதிகளவில் விண்ணப்பிக்க ஊக்குவிக்குமாறு கேட்டுக்கொள்வதாகவும், எதிர்காலத்தில் அனுமதிகள் வழங்குவதில் ஏற்படும் தாமதங்கள் முற்றாகச் சீராகும் எனவும், கடந்த காலங்களில் எமது அமைச்சின் கீழான நிறுவனங்களில் பணியாற்றும் அதிகாரிகள் சரியான முறையில் வழிநடத்தப்படவில்லை என்ற குறைபாட்டை அவதானித்ததாகவும், பிரதேச உத்தியோகத்தர்கள் அமைச்சுடன் இணைந்து கடமையாற்ற நடவடிக்கை எடுக்கப்படும் எனவும், வினைத்திறனாக சேவைக்கு துரித நடவடிக்கைகள் எடுக்கப்படுவதாகவும் கெளரவ அமைச்சர் தெரிவித்தார்.
தேசிய சுற்றாடல் சட்டத்திருத்தம் தொடர்பில் சுற்றாடல் அமைச்சின் ஆலோசகர் கலாநிதி ரவீந்திர காரியவசம் அவர்களால் முன்வைப்பின் ஊடக விரிவாக விளக்கமளிக்கப்பட்டது. நிகழ்வின் இறுதியாக பழைய பூங்காவில் கெளரவ சுற்றாடல் அமைச்சர் அவர்களினால் மரம் நாட்டப்பட்டது. இவ் கலந்தாய்வில், மேலதிக அரசாங்க அதிபர், மேலதிக அரசாங்க அதிபர் (காணி), பிரதம பொறியியலாளர், உதவி மாவட்டச் செயலாளர், பிரதேச செயலாளர்கள், கடற்கரை பாதுகாப்பு முகாமைத்துவ வளங்களின் பொறியியலாளர் , அரச மர கூட்டுத்தாபன பிராந்திய முகாமையாளர், நீர் வளங்கள் சபையினுடைய மாகாண முகாமையாளர், மாவட்ட வன வள ஜீவராசிகள் திணைக்களத்தின் பிராந்திய முகாமையாளர், அரச திணைக்களங்களின் சுற்றாடல் சார் அதிகாரிகள், மாகாண மட்ட அதிகாரிகள் உள்ளிட்டவர்கள் கலந்துகொண்டனர்.

சமுர்த்தி அபிவிருத்தி திணைக்களமானது அஸ்வெசும மற்றும் குறைந்த வருமானம் பெறும் சமுர்த்திப் பயனாளிகளை பொருளாதார ரீதியாக வலுவூட்டும் நோக்கில் தொழிற் பயிற்சி மற்றும் திறன் மேம்பாட்டுத் திட்டங்களை நடைமுறைப்படுத்தி வருகின்றது. அந்த வகையில், இவ் வேலைத்திட்டத்தை யாழ்ப்பாண மாவட்டத்தில் நடைமுறைப்படுத்துவது தொடர்பான முன்னாயத்த கலந்துரையாடல் இன்றைய தினம் (26.02.2026) மேலதில அரசாங்க அதிபர் திரு. க.சிவகரன் அவர்களின் தலைமையில் மாவட்டச் செயலக கேட்போர் கூடத்தில் நடைபெற்றது. இக் கலந்துரையாடலில் யாழ் மாவட்ட சமுர்த்திப் பணிப்பாளர் பொ.ஸ்ரீவர்ணன், மூன்றாம் நிலை மற்றும் தொழில் கற்கைகள் ஆணைக்குழுவின் (TVEC) உதவிப் பணிப்பாளர் திரு. W.B விஜயசிங்ஹ ஆகியோரின் பங்குபற்றினார்கள். வறுமைக்கோட்டின் கீழ் உள்ள குறைந்த வருமானம் பெறும் மற்றும் அஸ்வெஸ் மபயனாளிகளை பலப்படுத்தி அவர்களது தொழிற்திறனை மேம்படுத்தி, சுயதொழில் மற்றும் வேலை வாய்ப்புகளை உருவாக்குவதே இத் திட்டத்தின் குறிக்கோளாகும். இதன் போது குறித்த திட்டத்தினை முன்னெடுத்துச் செல்லும் நடைமுறைகள், வேலை வாய்ப்புக்கள், மூன்றாம் நிலை மற்றும் தொழில் கற்கைகள் ஆணைக்குழுவில் (TVEC) நிறுவனங்களை பதிவு செய்வதில் உள்ள பிரச்சினைகள் பல்வேறு விடயங்கள் தொடர்பில் கலந்துரையாடப்பட்டன. இக் கலந்துரையாடலில் தொழிற்பயிற்சி வழங்கும் நிறுவனங்கள் மற்றும் தொழில் வாய்ப்புக்களை வழங்குகின்ற நிறுவனங்களின் உத்தியோகத்தர்கள் கலந்து கொண்டிருந்தனர்.

வரலாற்று சிறப்புமிக்க கச்சதீவு புனித அந்தோனியார் ஆலய வருடாந்த திருவிழாவானது நேற்றைய தினம் (27.02.2026) கொடியேற்றத்துடன் ஆரம்பமானது. நெடுந்தீவு பங்குத்தந்தை அருட்தந்தை பத்திநாதன் அடிகளால் திருவிழாக் கொடி ஏற்றிவைக்கப்பட்டு உற்சவ நடவடிக்கைகள் ஆரம்பித்து வைக்கப்பட்டன. கொடியேற்றத்தைத் தொடர்ந்து, சிலுவைப் பாதை, நற்கருணை ஆராதனை மற்றும் திருச்சொரூப பவனி என்பன இடம்பெற்றிருந்ததுடன் யாழ். மறை மாவட்ட குரு முதல்வர் அருட்தந்தை ஜோசப்தாஸ் ஜெயரட்ணம் தலைமையில், பல பங்குத்தந்தையர்களின் பங்குபற்றலுடன் விசேட ஆராதனைகள் இடம்பெற்றன. தொடர்ந்து இன்றைய தினம் காலை திருப்பலி ஒப்புக்கொடுக்கப்பட்டது. யாழ். மறை மாவட்ட குரு முதல்வர் அருட்தந்தை ஜோசப்தாஸ் ஜெயரட்ணம் தலைமையில், இலங்கை மற்றும் இந்திய அருட்தந்தையர்கள் இணைந்து, திருப்பலி ஒப்புக்கொடுத்தனர்
கச்சத்தீவு புனித அந்தோனியார் ஆலயத்தின் வருடாந்த திருவிழா இன்றைய தினம் (28.02.2026)காலை திருப்பலி ஒப்புக்கொடுத்தலுடன் நிறைவடைந்தது. இலங்கை இந்திய பக்தர்களின் உறவுப் பாலமாகவுள்ள கச்சதீவு புனித அந்தோனியார் ஆலய திருவிழாவில் இந்த ஆண்டு 13500ற்கு மேற்பட்ட பக்தர்கள் கலந்து கொண்டதாக தெரிவிக்கப்படுகின்றது. வரலாற்று சிறப்புமிக்க கச்சதீவு புனித அந்தோனியார் ஆலய வருடாந்த திருவிழாவில் இலங்கை மற்றும் இந்திய அருட்தந்தையர்கள், பிரதம நீதியரசர் கொளரவ பிரிதீ பத்மன் சூரசேனன், கெளரவ கடற்றொழில் நீரியல் கடல் வளங்கள் அமைச்சரும், யாழ்ப்பாண மாவட்ட ஒருங்கிணைப்பு குழுவின் தலைவருமான கௌரவ இராமலிங்கம் சந்திரசேகர், யாழ் இந்திய துணைத்தூதுவர் கெளரவ சாய் முரளி, கடற்படைத் தளபதி வைஸ் அட்மிரல் காஞ்ச ன பனாகொட, வடமாகாண கடற்படைத் தளபதி ரியல் அட்மிரல் புடிக்ஹ லியனகமகே, வடக்கு மாகாண பிரதம செயலாளர் திருமதி தனுஜா முருகேசன், யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன், கடற்படை உயரதிகாரிகள், நெடுந்தீவு பிரதேச செயலாளர் மற்றும் பிரதேச சபை கெளரவ தவிசாளர், பல்வேறு திணைக்களங்களின் அதிகாரிகள், அருட்தந்தையர்கள், அருட்சகோதரிகள், கடற்படையினர், பிரதேச செயலக மற்றும் பிரதேச சபை உத்தியோகத்தர்கள் மற்றும் இலங்கை மற்றும் இந்திய நாட்டு பக்தர்கள் என பல்வேறு தரப்பினரும் கலந்து கொண்டனர்.

மாற்றுத்திறன் நபர்களுக்கான மாவட்டம் மட்ட வழிகாட்டல் குழுக் கூட்டம் யாழ்ப்பாண மாவட்ட மேலதிக அரசாங்க அதிபர் திரு க.சிவகரன் அவர்களின் தலைமையில் இன்றைய தினம் (26.02.2026) காலை 09:30 மணிக்கு மாவட்ட செயலக மாநாட்டு மண்டபத்தில் நடைபெற்றது. இக் கூட்டத்தில் மாவட்ட மேலதிக அரசாங்க அதிபர் தலைமையுரையாற்றுகையில் நிகழ்வில் கலந்து கொண்ட அனைவரையும் வரவேற்றுக் கொண்டதுடன், யாழ்ப்பாணம் மாவட்டத்தில் மாற்று ஆற்றல் உள்ளவர்கள் 10,395 பேர் காணப்படுவதாக பதிவில் இருப்பதாகவும், அவர்களுக்கான தேவைகள் மற்றும் வசதிகளை மேற்கொள்ள வேண்டிய தேவைப்பாடு காணப்படுவதாகவும், பிரதேச மட்டத்தில் இது தொடர்பாக பல திட்டங்கள் நடைமுறைப்படுத்தப்பட்டு வருவதாகவும், பிரதேச மட்டத்தில் நடாத்தப்படும் வழிகாட்டல் கூட்டங்களில் இனங்காணப்படும் சில பிரச்சினைகளுக்கான தீர்வுகளை மாவட்ட மட்டத்தில் துறை சார் அதிகாரிகள் முன்னிலையில் சமர்ப்பித்து அதற்கான தீர்வுகள் வழங்கப்படுவதற்காக இக் கூட்டம் ஒழுங்குபடுத்தப்பட்டுள்ளதாகவும் மாற்றுத்திறன் நபர்களுக்கான வாக்குரிமை தொடர்பாகவும் விழிப்புணர்வு நடைபெற இருப்பதாகவும் இவர்கள் உரிமைகளை பாதுகாப்பதற்காக செயற்பாடுகள் நடைபெற்று வருவதாகவும் தெரிவித்தார். மேலும், இது தொடர்பான கொள்கைகளை உருவாக்கும் போது அதனை நடைமுறைப்படுத்துவதில் பல சவால்கள் காணப்படுவதாகவும், மாற்று ஆற்றல் உடையவர்களின் உரிமைகளை பாதுகாப்பது அவசியமாக காணப்படுவதாகவும், அதன் வகிபாகம் சரியாக மேற்கொள்ளப்படும் போது அதன் செயற்பாடுகள் சிறப்பாக அமையும் எனவும், உரிமைகளை பாதுகாக்க அனைவரும் முன் நின்று செயற்பட வேண்டும் எனவும் கேட்டுக் கொண்டார்.
இக் கூட்டத்தில் மாற்றுத்திறன் நபர்களுக்கான மாவட்ட மட்ட வழிகாட்டல் குழுவின் கட்டமைப்புகள், மாற்றுத்திறன் நபர்களின் வாக்குரிமையை உறுதிப்படுத்துவதில் "PAVE யாழ்ப்பாண இளைஞர்கள் அமைப்பு" முன்னெடுத்த செயற்பாடுகள் மற்றும் தந்திரோபாய பரிந்துரைகள், மாற்றுத்திறன் நபர்களின் வாக்குரிமையை பாதுகாப்பதில் தேர்தல் ஆணைக்குழுவின் வகிபாகம், பிரதேச மட்டத்தில் மாற்றுத்திறன் நபர்களால் முன்வைக்கப்பட்ட பிரச்சனைகள் மற்றும் அதற்குரிய தீர்வுகள் என்பன தொடர்பாக கலந்துரையாடப்பட்டன இக் கூட்டத்தில் யாழ்ப்பாண மாவட்ட பிரதி தேர்தல் ஆணையாளர் திரு. இ.சசீலன் வடக்கு மாகாண சமூக சேவைகள் திணைக்களத்தின் மாகாண பணிப்பாளர் திருமதி தனுஜா லுக்சாந்தன் ,வடமாகண சமூக சேவைகள் திணைக்களத்தின் உதவி பணிப்பாளர் திருமதி ஹி.நித்தியா, இலங்கை தேர்தல் முறைகளுக்கான சர்வதேச ஒன்றியத்தின் நிகழ்ச்சி திட்ட அலுவலர் செல்வி அனோஜிதா சிவாஸ்கரன், மற்றும் மாவட்ட சமூக சேவைகள் அபிவிருத்தி உத்தியோகத்தர் திரு.தி.உமாசங்கர் மற்றும் மாவட்ட சமூக சேவைகள் திணைக்களத்தின் ச சிரேஷ்ட சமூக சேவை உத்தியோகத்தர் திரு. சு.வரதபாஸ்கரன் மாவட்ட உதவி கல்வி பணிப்பாளர்கள் மாவட்ட பிரதேச செயலக சமூக சேவைகள் உத்தியோகத்தர்கள், அரச நிறுவனங்களின் பிரதிநிதிகள் மாற்றுத்திறன் நபர்களுக்கான சுய உதவி குழுக்களின் பிரதிநிதிகள் இளைஞர் அமைப்புக்களின் பிரதிநிதிகள் மற்றும் துறை சார்ந்த அரச சார்பற்ற நிறுவன பிரதிநிதிகள் கலந்து கொண்டனர்.








