சௌபாக்கியா பற்றிக் உள்ளூர் உற்பத்தி விற்பனை நிலையம் இராஜாங்க அமைச்சர்‌ கௌரவ தயாசிறி ஜயசேகரவினால் 2022.02.21 அன்று யாழ்ப்பாணத்தில் திறந்து வைக்கபட்டுள்ளது.
மேலும், திறப்பு விழா நிகழ்வில் பற்றிக்‌, கைத்தறி துணிகள்‌ மற்றும்‌ உள்நாட்டு ஆடை உற்பத்தி இராஜாங்க அமைச்சர்‌ கௌரவ தயாசிறி ஜயசேகர அவர்கள் பிரதம விருந்தினராக கலந்துகொண்டு விற்பனை நிலையத்தினை திறந்து வைத்துள்ளார்.
நிகழ்வில் நாடாளுமன்ற குழுக்களின் பிரதித் தவிசாளர் கௌரவ அங்கஜன் இராமநாதன், யாழ். மாவட்ட அரசாங்க அதிபர் க.மகேசன், பிரதேச செயலாளர் எஸ்.சுதர்சன் உள்ளிட்ட பலர் கலந்து கொண்டிருந்தமை குறிப்பிடத்தக்கது.
 

அரசாங்க தகவல் திணைக்களத்தின் ஏற்பாட்டில் யாழ்ப்பாண மாவட்ட வெளியீட்டுப் பணியகத்தின் அங்குரார்ப்பண நிகழ்வும், யாழ்ப்பாண மாவட்ட பிரதேச ஊடகவியலாளர்களுடனான சினேகபூர்வ சந்திப்பும் வெகுசன ஊடக அமைச்சர் கௌரவ டலஸ் அழகப்பெரும அவர்களின் தலைமையில் 18.02.2022 காலை 9.45 மணிக்கு யாழ்ப்பாண மாவட்டச் செயலகத்தில் நடைபெற்றது.
குறித்த யாழ்ப்பாண மாவட்ட பிரதேச ஊடகவியலாளர்களுடனான சினேகபூர்வ சந்திப்பில் யாழ் மாவட்டத்தில் இருக்கும் ஊடகவியலாளர்கள் எதிர்நோக்கும் சவால்கள் மற்றும் ஊடகவியலாளர்களின் தேவைகள் குறித்து கேட்டறிந்து கொண்ட வெகுசன ஊடக அமைச்சர் கௌரவ டலஸ் அழகப்பெரும அவர்கள், அதனைத் தொடர்ந்து அரசாங்க தகவல் திணைக்களத்தின் யாழ்ப்பாண மாவட்ட ஊடகப்பிரிவிற்கான தொலைக்காட்சிப் பெட்டி ஒன்றையும் கையளித்தமை குறிப்பிடத்தக்கது.

இலங்கையைப் பசுமை நாடாக உருவாக்குவதற்கு அவசியமான முக்கிய விடயங்கள் அடையாளம் காணப்பட்டுள்ள நிலையில், அவ்விடயங்களை முறைமையாகவும், நிலையானதாகவும் செயற்படுத்துவதற்கு, ‘பசுமை விவசாயச் செயற்பாட்டு மையம்’ ஒன்றை பாதுகாப்புப் படைகளின் பிரதானியும் இராணுவத் தளபதியுமான ஜெனரல் ஷவேந்திர சில்வா அவர்களின் வழிகாட்டலின் கீழ் அதிமேதகு ஜனாதிபதி கோட்டாபய ராஜபக்ஷ அவர்கள் ஸ்தாபித்திருந்தார்.
அதனடிப்படையில், சிறிய அளவிலான உர உற்பத்தியாளர்களின் உற்பத்திகளை கொள்வனவு செய்தல், தரத்தினை உயர்த்துதல் மற்றும் ஒருங்கமைத்தல் வேலைத்திட்டம் தொடர்பான உயர்மட்டக் கலந்துரையாடலானது அனைத்து மாவட்டங்களையும் ஒரே நேரத்தில் உள்ளடக்கியதாக கடந்த வெள்ளிக்கிழமை (11.02.2022) காலை 10.30மணியளவில் Zoom செயலி ஊடாக இடம்பெற்றது.

அதிமேதகு ஜனாதிபதி கோட்டாபய ராஜபக்சவின் “சுபீட்சத்தின் நோக்கு” எனும் எண்ணக்கருவிற்கு அமைய சமுர்த்தி பயனாளிகளுக்காக அரசினால் அதிகரிக்கப்பட்ட சமுர்த்தி மானியத்தொகை, குறைந்த வட்டியிலான கடன் வழங்கும் ஆரம்பநிகழ்வு மாவட்ட சமுர்த்திப் பணிப்பாளர் திரு.தி.விஸ்வரூபன் அவர்களின் தலைமையில் நேற்றையதினம் (2022.02.14) காலை பத்து மணிக்கு யாழ்ப்பாண பிரதேச செயலர் பிரிவுக்குட்பட்ட யாழ்.நகர் கிழக்கு சமுர்த்தி வங்கியில் இடம்பெற்றது.
இந் நிகழ்வில் பிரதம விருந்தினராக மாவட்ட அரசாங்க அதிபர் கணபதிப்பிள்ளை மகேசன் அவர்கள் கலந்துகொண்டதுடன், மேலதிக அரசாங்க அதிபர், மேலதிக அரசாங்க அதிபர் (காணி), யாழ்ப்பாண பிரதேச செயலர், மாவட்ட சமுர்த்திக் கணக்காளர், சமுர்த்தி உத்தியோகத்தர்கள் மற்றும் சமுர்த்திப் பயனாளிகள் ஆகியோரும் கலந்து கொண்டிருந்தார்கள்.

பாரம்பரியமற்ற தொழிற்பயிற்சி சான்றிதழ்தாரர்களுக்கு தொழிலினை ஆரம்பிப்பதற்கான காசோலை வழங்கும் நிகழ்வு மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் கடந்த வெள்ளிக்கிழமை (11) மாவட்டச் செயலகத்தில் நடைபெற்றது.இந்நிகழ்வில் தொழிற் பயிற்சித்துறையில் பாரம்பரியமற்ற கற்கை நெறிகளை பயின்ற தேசிய தராதர தகைமை (NVQ)சான்றிதழ்களை பெற்றவர்களுக்கு திறன் அபிவிருத்தி, தொழிற்கல்வி ஆராய்ச்சி மற்றும் அரசசார்பற்ற நிறுவனமான OXFAM ம் இணைந்து 11 பயனாளிகளுக்கு அவர்களின் தொழிலை ஆரம்பிப்பதற்கான காசோலைகள் வழங்கி வைக்கப்பட்டன.