31Un1யாழ்ப்பாண மாவட்ட செயலகத்திற்கு 31.01.2021 காலை விஜயம் செய்த இலங்கைக்கான ஐக்கிய நாடுகளின் அபிவிருத்தி திட்ட பணிப்பாளர் Mr.Robert Juham அவர்கள் மாவட்டச் செயலாளர் திரு. கணபதிப்பிள்ளை மகேசன் அவர்களை மாவட்டச் செயலகத்தில் சந்தித்து கலந்துரையாடினார்.இக்கலந்துரையாடலில் யாழ். மாவட்டத்தின் சமகால அபிவிருத்தி , சமூக பொருளாதார நிலைமைகள் பற்றி கேட்டறிந்ததுடன்,மீள்குடியேற்ற நடவடிக்கைகளின் தற்போதுள்ள நிலைமைகள் மற்றும் எதிர்நோக்கியுள்ள சவால்கள் தொடர்பாகவும் விரிவாக கலந்துரையாடப்பட்டமை குறிப்பிடத்தக்கது.
roadaccident2யாழ்ப்பாண மாவட்டத்தில் அதிகரித்து செல்லும் வீதி விபத்துக்களை கட்டுப்படுத்தல் மற்றும் சிறந்த போக்குவரத்து கலாசாரத்தை கட்டியெழுப்புவதற்கான பொறிமுறை பற்றிய கலந்துரையாடல் பாராளுமன்ற உறுப்பினரும், பாராளுமன்ற குழுக்களின் பிரதித் தவிசாளரும், மாவட்ட ஒருங்கிணைப்பு குழுத் தலைவருமான கௌரவ அங்கஜன் இராமநாதன் அவர்களின் தலைமையிலும் அரசாங்க அதிபர், வடக்கு மாகாண சிரேஷ்ட பொலிஸ்மா அதிபர் ஆகியோரின் இணைத்தலைமையிலும் மாவட்டச் செயலக மாநாட்டு மண்டபத்தில் இடம்பெற்றது.

kachathevu3
எதிர்வரும் மார்ச் மாதம் நடைபெறவுள்ள கச்சதீவு புனித அந்தோனியார் ஆலய உயர் திருவிழா முன்னேற்பாட்டுக் கலந்துரையாடல் யாழ்.மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் மாவட்ட செயலக கேட்போர் கூடத்தில் இடம்பெற்றது.
இக்கலந்துரையாடலில் உற்சவத்தில் அனுமதிக்கப்படும் பக்தர்களின் எண்ணிக்கை, நீர் வழங்கல் , சுகாதார ஏற்பாடுகள், தங்குமிட வசதிகள் , உணவு ஏற்பாடுகள், உள்ளக பாதுகாப்பு ஏற்பாடு ,ஒளி ஒலி வழங்கல் ஏற்பாடுகள், போக்குவரத்து வசதி ஏற்பாடுகள்,படகு வசதிகள், தனியார் விற்பனை நிலையங்களின் அனுமதி உள்ளிட்ட பல விடயங்கள் விரிவாக கலந்துரையாடப்பட்டது.

towndev4யாழ். மாவட்டத்தில் நகர அபிவிருத்தி அதிகார சபையால் முன்னெடுக்கப்படுகின்ற செயற்றிட்டங்களின் தற்போதையநிலை தொடர்பாக ஆராயும் கலந்துரையாடல் யாழ்ப்பாணம் மாவட்ட செயலக மாநாட்டு மண்டபத்தில் இடம்பெற்றது.இக்கலந்துரையாடலில் 100 நகர அபிவிருத்தி திட்டம், வல்லைவெளி அழகுபடுத்தும் செயற்றிட்டம், பருத்தித்துறை முனை அழகுபடுத்தும் செயற்றிட்டம், திருவிழா முனையம் ஊறணி வல்வெட்டித்துறை,யாழ்ப்பாண நகர வாகன தரிப்பிட நிர்மாணம், நகர மண்டப நிர்மாணம் உள்ளிட்ட செயற்றிட்டங்களின் தற்போதைய நிலை தொடர்பில் ஆராயப்பட்டது.

நீதிக்கான அணுகல் எனும் தொனிப் பொருளில் நீதி அமைச்சினால் ஏற்பாடு செய்யப்பட்டுள்ள யாழ் மக்களுக்கான நடமாடும் சேவை மற்றும் விழிப்புணர்வு நிகழ்ச்சிகள் ஆரம்ப நிகழ்வு
  
நீதிக்கான அணுகல் எனும் தொனிப் பொருளில் நீதி அமைச்சினால் ஏற்பாடு செய்யப்பட்டுள்ள யாழ் மக்களுக்கான நடமாடும் சேவை மற்றும் விழிப்புணர்வு நிகழ்ச்சிகள் நேற்றைய தினம் (29.01.2022) காலை 9.30 மணிக்கு யாழ்ப்பாணம் மத்திய கல்லூரியில் நீதி அமைச்சரும் அதிமேதகு ஜனாதிபதி அவர்களின் சட்டத்தரணியுமான கௌரவ M.U.M.அலி சப்ரி அவர்கள் தலைமையில் நடைபெற்றதோடு, இதில் கௌரவ பாராளுமன்ற உறுப்பினரும் வெளிவிவகார அமைச்சர் பேராசிரியர் ஜீ.எல்.பீரிஸ், கௌரவ பாராளுமன்ற உறுப்பினரும் கடற்தொழில் அமைச்சருமான கே.என்.டக்ளஸ் தேவானந்தா, கௌரவ பாராளுமன்ற உறுப்பினரும் தோட்ட வீடமைப்பு சமுதாய உட்கட்டமைப்பு அமைச்சின் இராஜாங்க அமைச்சர் ஜீவன் தொண்டமான், கௌரவ பாராளுமன்ற உறுப்பினரும் பாராளுமன்ற குழுக்களின் பிரதித் தவிசாளரும் யாழ்ப்பாண மாவட்ட ஒருங்கிணைப்பு குழு இணைத்தலைவருமான அங்கஜன் இராமநாதன், வட மாகாண ஆளுநர் கௌரவ ஜீவன் தியாகராஜா மற்றும் நீதியமைச்சின் செயலாளர், வட மாகாண பிரதம செயலாளர், அரசாங்க அதிபர், வடமாகாண சிரேஷ்ர பொலிஸ் அத்தியட்சகர் திணைக்கள தலைவர்கள், மாகாண அமைச்சின் செயலாளர்கள், மற்றும் பொதுமக்கள் கலந்து கொண்டு அங்குரார்ப்பணம் செய்து வைத்தனர்.