1IOM1IOM அரசசார்பற்ற நிறுவனத்தின் நிதி அனுசரணையில் OFERR(CEYLON) நிறுவனமும் இணைந்து இந்தியாவிலிருந்து 2017ம் ஆண்டுக்குப் பின் மீளக்குடியமர்ந்த மக்களிற்கான வாழ்வாதார உதவிகள் நேற்றைய தினம் (2022.02.01) மாவட்ட அரசாங்க அதிபர் கணபதிப்பிள்ளை மகேசன் அவர்களின் மூலம் கையளிக்கப்பட்டது.

இந்தியாவிலிருந்து 2017ம் ஆண்டுக்குப் பின் மீளக்குடியமர்ந்த மக்களின் வாழ்வாதாரக் கோரிக்கைகளுக்கு அமைவாக ஒரு இலட்சத்து ஐம்பதாயிரம் ரூபா பெறுமதியான தொழில் உபகரணங்கள் தெரிவு செய்யப்பட்ட ஒன்பது பயனாளிகளுக்கு முதற்கட்டமாக வழங்கிவைக்கப்பட்டுள்ளது.

1agrimeet4மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 2022.02.01 காலை 9.30 மணிக்கு மாவட்டச் செயலக கேட்போர் கூடத்தில் நடைபெற்றது.
இக் கலந்துரையாடலில், மாவட்ட அரசாங்க அதிபர் அவர்கள் கருத்துத் தெரிவிக்கையில் "மக்கள் விவசாய நிலங்களினை முழுமையாக பயன்படுத்த வேண்டுமெனவும், விவசாய நிலங்களில் கட்டிடங்கள் அமைப்பதற்கான அனுமதி கோரும் பட்சத்தில் அதற்கான அனுமதியை வழங்கும் திணைக்களங்கள் உரியவகையில் ஆராய்ந்து தோட்டக் காணிகளினை பாதுகாத்தலிற்கு முன்னுரிமை வழங்கி தீர்மானங்களை மேற்கொள்ள வேண்டுமெனவும் தெரிவித்தார்.
மேலும், விவசாயிகளுக்கான காப்புறுதித் திட்டங்கள் முறையாக செயற்படுத்தப்படுவதோடு, வங்கிகள் விவசாயிகளிற்கு கடன் வழங்கும் போது அதுபற்றிய பொதுவான விழிப்புணர்வுகளை அவர்களுக்கு வழங்க வேண்டுமெனவும் தெரிவித்தார்.

நிதியமைச்சினால் முன்னெடுக்கப்படும் 2022ஆம் ஆண்டு வரவு செலவுத்திட்ட ஒரு இலட்சம் வேலைத்திட்டத்தின் யாழ்ப்பாண மாவட்ட பணிகள் யாழ். மாவட்ட நாடாளுமன்ற உறுப்பினரும், நாடாளுமன்ற குழுக்களின் பிரதித் தவிசாளரும், யாழ். மாவட்ட ஒருங்கிணைப்புக் குழுவின் தலைவருமான கௌரவ அங்கஜன் இராமநாதன் அவர்களினால்  03.02.2022 அன்று உத்தியோகபூர்வமாக ஆரம்பித்து வைக்கப்பட்டது.

சமுர்த்தி அபிவிருத்தி திணைக்களத்தினால் நடாத்தப்பட்ட, சமுர்த்தி குடும்ப வாழ்வாதார மேம்பாட்டு நிகழ்ச்சிதிட்டத்தின் சுற்றுலாத்துறை கற்கைநெறிகளை பூர்த்தி செய்த இளைஞர் யுவதிகளுக்கான சான்றிதழ் வழங்கும் நிகழ்வு யாழ். மாவட்ட செயலகத்தில் இடம்பெற்றது.
இந்நிகழ்வில் பிரதம விருந்தினராக யாழ். மாவட்ட பாராளுமன்ற உறுப்பினரும், பாராளுமன்ற குழுக்களின் பிரதித் தவிசாளரும், யாழ். மாவட்ட ஒருங்கிணைப்புக் குழுவின் இணைத்தலைவருமான கௌரவ அங்கஜன் இராமநாதன் அவர்கள் கலந்துகொண்டு சான்றிதழ்களை வழங்கி வைத்தார்.

ngodiss3யாழ்ப்பாண மாவட்ட அரசசார்பற்ற நிறுவனங்களுடனான விஷேட கலந்துரையாடல் 31.01.2022 காலை பத்து மணிக்கு மாவட்டச் செயலக கேட்போர்கூடத்தில் நடைபெற்றது.
இக் கலந்துரையாடலில் கௌரவ பாராளுமன்ற உறுப்பினரும் வெளிவிவகார அமைச்சருமான பேராசிரியர் ஜீ.எல்.பீரிஸ் அவர்களும், கௌரவ பாராளுமன்ற உறுப்பினரும் பாராளுமன்ற குழுக்களின் பிரதித் தவிசாளரும் யாழ்ப்பாண மாவட்ட ஒருங்கிணைப்புக் குழு இணைத்தலைவருமான அங்கஜன் இராமநாதன் அவர்களும் கலந்துகொண்டதோடு, மாவட்ட அரசாங்க அதிபர் கணபதிப்பிள்ளை மகேசன், மேலதிக அரசாங்க அதிபர் மருதலிங்கம் பிரதீபன், மேலதிக அரசாங்க அதிபர் (காணி) எஸ்.முரளிதரன் மற்றும் அரசசார்பற்ற நிறுவன பிரதிநிதிகள், மாவட்டச் செயலக உத்தியோகத்தர்கள் ஆகியோரும் கலந்துகொண்டிருந்தனர்.