இலங்கை மனிதவலு வேலைவாய்ப்புத் திணைக்களத்தின் ஏற்பாட்டில் ILO நிறுவனத்தின் நிதி பங்களிப்புடனும் மாற்றுத்திறனாளிகளுக்கான வேலைவாய்ப்பு வழங்கும் பயிற்சிப் பட்டறை நிகழ்வு யாழ்ப்பாண மாவட்ட மேலதிக அரசாங்க அதிபர் மருதலிங்கம் பிரதீபன் அவர்களின் தலைமையில் மாவட்டச் செயலக மாநாட்டு மண்டபத்தில் 10.01.2022 காலை 9 மணிக்கு நடைபெற்றது.
இந் நிகழ்வில் பிரதம அதிதியாக கலந்து கொண்ட யாழ்.மாவட்ட அரசாங்க அதிபர் கணபதிப்பிள்ளை மகேசன் அவர்கள் கருத்துத் தெரிவிக்கையில் "வட மாகாணத்திலுள்ள மாற்றுத்திறனாளிகளுக்கான வேலைவாய்ப்பு வழங்குகின்ற இறுதிகட்ட அறிக்கை தயாரிக்கும் போது அவர்களுக்கான எதிர்கால வேலை வாய்ப்பை மேம்படுத்தும் வகையில், அத்துடன் பாரம்பரிய கடப்பாடுகளை கடைப்பிடிக்கின்ற அதேவேளை நவீன மாற்றங்களுடனான மொழி, தொழில்நுட்ப அறிவை மேம்படுத்தும் வகையில் வேலைவாய்ப்பு வழங்கும் திட்டங்களை தயாரிக்க வேண்டும்.
மேலும், தரப்பட்ட சந்தர்ப்பத்தையும், முயற்சியையும் பயன்படுத்தி தொழில் வழங்குநர்களை உருவாக்கும் திட்டங்களை வட மாகாணத்துக்கு முன்னோடி திட்டமாக தயாரிக்க வேண்டும்" என தெரிவித்தார்.

10blooddonate1
யாழ்ப்பாண மாவட்டச் செயலகத்தில், மாவட்டச் செயலக நலன்புரி சங்கத்தினால் வருடாந்தம் நடாத்தப்படும் "உதிரம் கொடுப்போம் உயிர்களை காப்போம்" எனும் தொனிப்பொருளிலான இரத்ததான நிகழ்வானது நலன்புரி சங்க தலைவரும் கணக்காளருமான ஏ.நிர்மல் அவர்களின் தலைமையில் யாழ். போதனாவைத்தியசாலையின் இரத்த வங்கி பிரிவின் பங்குபற்றுதலுடம் 2022.01.10 அன்று காலை பத்துமணிக்கு மாவட்டச் செயலக கேட்போர் கூடத்தில் நடைபெற்றது.
இவ் இரத்ததான நிகழ்வில் மாவட்ட அரசாங்க அதிபர் க.மகேசன் , வைத்தியகலாநிதி பவித்ரா, பொது சுகாதார பரிசோதகர் த.ரவினதாஸ் மற்றும் மாவட்ட செயலக பதவிநிலை உத்தியோகத்தர்கள், உத்தியோகத்தர்கள் மற்றும் தாதிய உத்தியோகத்தர்கள் ஆகியோரும் பங்குபற்றியிருந்தார்கள்.மேலும், இரத்ததான நிகழ்வில் முப்பத்துநான்கு உத்தியோகத்தர்கள் குருதிக் கொடை வழங்கியமையும் குறிப்பிடத்தக்கது.
 

வடக்கு மாகாண ஆளுநர் செயலகம் மற்றும் புத்தசாசன,மதவிவகார கலாச்சார அலுவல்கள் அமைச்சின் ஏற்பாட்டில் , Covid-19 பெருந்தொற்று காலத்தில் செய்தி பரம்பல், ஊடக தர்மம் மற்றும் 2022ஆம் ஆண்டிற்கான ஆண்டுக்கான வரவு செலவுத் திட்டதின் சிறப்பான விடயங்களைத் தெளிவுபடுத்தல் தொடர்பான ஊடக சந்திப்பு மற்றும் கலந்துரையாடல் யாழ் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 05.01.2021 அன்று யாழ்மாவட்ட செயலக கேட்போர் கூடத்தில் நடைபெற்றது.
இச்செயலமர்வில் வளவாளராக புத்தசாசன, மதவிவகார கலாச்சார அலுவல்கள் அமைச்சின் சிரேஸ்ட ஊடகச்செயலாளர் ஜெ.யோகராஜ் அவர்கள் கலந்துகொண்டு Covid-19 பெருந்தொற்று காலத்தில் செய்தி பரம்பல், ஊடக தர்மம் மற்றும் 2022ஆம் ஆண்டிற்கான ஆண்டுக்கான வரவு செலவுத் திட்டதின் சிறப்பான விடயங்களைத் தொடர்பாக ஊடகப் பண்புகள், செய்தி அறிக்கையிடல், செய்தி திருத்தங்கள்,ஊடகத்துறையிலுள்ள சட்ட ஏற்பாடுகள் ,ஊடகங்களின் சமூக பொறுப்புக்கள் உள்ளிட்ட பல விடயங்கள் விரிவாக தெளிவூட்டப்பட்டதுடன், ஊடகத்துறையில் நடைமுறையில் எதிர்கொள்ளும் பிரச்சினைகளை எவ்வாறு தீர்வு காணப்பட வேண்டும் என்பது தொடர்பாக விளக்கமளிக்கப்பட்டமை குறிப்பிடத்தக்கது.

7MajorGen1யாழ்ப்பாண மாவட்ட அரசாங்க அதிபர் திரு. கணபதிப்பிள்ளை மகேசன் அவர்களுக்கும் யாழ்ப்பாண மாவட்ட இராணுவக் கட்டளைத்தளபதி மேஜர் ஜெனரல் DGS Senarath Yapu RWP RSP ndu அவர்களுக்கும் இடையிலான மரியாதை நிமித்தமான சந்திப்பு இன்றைய தினம் (07.01.2022) மாவட்ட செயலகத்தில் இடம்பெற்றது.குறித்த சந்திப்பில், யாழ். மாவட்ட மேலதிக அரசாங்க அதிபர் (காணி)திரு.எஸ்.முரளிதரன் மற்றும் உதவி மாவட்டச் செயலாளர் திருமதி எஸ்.சி.என்.கமலராஜன் அவர்களும் கலந்து கொண்டிருந்தனர்.

சமுர்த்தி, வதிவிடப் பொருளாதார, நுண்நிதிய, சுய தொழில் மற்றும் வியாபார அபிவிருத்தி இராஜாங்க அமைச்சு ஆகிய நிதியமைச்சின் ஏற்பாட்டின் கீழ் 2021ம் ஆண்டிற்கான இலங்கை சமூக பாதுகாப்பு சபையின் ஓய்வூதிய திட்ட நடைமுறைப்படுத்தல் தொடர்பான மாவட்ட மட்ட மதிப்பீட்டில், வடக்கு மற்றும் கிழக்குப் பிராந்தியங்களில் தேசிய மட்டத்தில் பயனாளிகள் இணைப்பு அடிப்படை மற்றும் நிதி சேகரிப்பு அடிப்படையில் யாழ்ப்பாண மாவட்ட செயலகம் முதலாவதாக தெரிவு செய்யப்பட்டுள்ளது.