21health2யாழ்ப்பாண மாவட்ட சுகாதார மேம்பாட்டுக் குழுக்கூட்டம் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 21.01.2022 அன்று பிற்பகல் மாவட்ட செயலக கேட்போர் கூடத்தில் நடைபெற்றது. இக் கலந்துரையாடலில் கொவிட் 19 தடுப்பூசி ஏற்றல்,டெங்கு நோய் தடுப்பு மற்றும் மலேரியா தடுப்பு ஆகிய மூன்றுவிடயங்கள் தொடர்பாக விரிவாக கலந்துரையாடப்பட்டது.
வடமாகாண சுகாதார சேவைகள் பணிப்பாளர் வைத்திய கலாநிதி ஆ.கேதீஸ்வரன் அவர்கள் கருத்துத் தெரிவிக்கையில் ,2022 ஆம் ஆண்டு யாழ்.மாவட்டத்தில் 122 டெங்கு தொற்று நோயாளிகள் இனங்காணப்பட்டுள்ளதாகவும் டெங்கு கட்டுப்பாட்டுக் குழுவானது எதிர்வரும் திங்கட்கிழமை நேரடியா களங்களுக்கு செல்லவுள்ளதாகவும் தெரிவிக்கப்பட்டது.

யாழ்ப்பாண மாவட்ட விலை நிர்ணய குழுக்கூட்டம் மாவட்ட அரசாங்க அதிபர் கணபதிப்பிள்ளை மகேசன் அவர்களின் தலைமையில் 2022.01.20 அன்று காலை 9.30 மணிக்கு மாவட்டச் செயலக மாநாட்டு மண்டபத்தில்நடைபெற்றது.இக் கூட்டத்தில் கட்டட நிர்மாணப் பொருட்கள், போக்குவரத்து, ஏற்றுமதி மற்றும் இறக்குமதி மற்றும் ஏனைய பொருட்கள், சேவைகளின் விலை தொடர்பாகவும் ஆராயப்பட்டது.

13homegard3சேதன உள்ளீடுகளை ஊக்குவிக்கும் பசுமை விவசாய மாதிரி வீட்டுத் தோட்டம் 13.01.2022 அன்று வைபவ ரீதியாக ஆரம்பித்து வைக்கப்பட்டுள்ளது.வடமராட்சி - பருத்தித்துறையில் இராணுவத்தினர் மற்றும் வடமராட்சி வலய கல்வி பணிமனை இணைந்து இந்த திட்டத்தினை முன்னெடுத்துள்ளனர்.
அரசாங்கத்தின் சுபீட்சத்தின் நோக்கு கொள்ளைப் பிரகடனத்திற்கமைவாக நச்சுத் தன்மையற்ற உணவு மற்றும் ஆரோக்கியமான தேசத்தை உருவாக்கும் வகையில் விழிப்புணர்வை ஏற்படுத்தி, வீட்டுத் தோட்டத்தில் நச்சுத் தன்மையற்ற சேதனப்பசளையை பயன்படுத்துவதை ஊக்கிவித்து, பசுமை விவசாயத்தின் தேசிய கொள்கைக்கு ஆதரவளித்து இப் பசுமை வீட்டுத் தோட்டத்தின் மூலம் அனைத்து சமூகங்களுக்கிடையிலும் ஐக்கியம் மற்றும் நல்லிணக்கத்தை ஏற்படுத்தும் நோக்கத்துடன் இந்த திட்டம் ஆரம்பிக்கப்பட்டுள்ளது.

19lang2தேசிய மொழிக் கல்வி மற்றும் பயிற்சி நிறுவனம் மற்றும் யாழ்ப்பாண மாவட்டச் செயலகம் இணைந்து சிங்கள டிப்ளோமா கற்கைநெறியை கற்பிப்பதற்கான ஆரம்ப நிகழ்வு உதவி மாவட்டச் செயலாளர் திருமதி எஸ்.சி.என்.கமலராஜன் அவர்களின் தலைமையில் 19.01.2022 அன்று பிற்பகல் இரண்டு மணிக்கு மாவட்டச் செயலகத்தில் நடைபெற்றது.
இந் நிகழ்வில் பிரதம விருந்தினர்களாக மாவட்ட அரசாங்க அதிபர் கணபதிப்பிள்ளை மகேசன் மற்றும் தேசிய மொழிக் கல்வி மற்றும் பயிற்சி நிறுவன பணிப்பாளர் நாயகம் கலாநிதி பிரசாத் ஆர் ஹேரத் ஆகியோரும் கலந்துகொண்டதோடு,கற்கை மற்றும் ஆராய்ச்சி உத்தியோகத்தர்கள் திருமதி ஜே.பாலரஞ்சனி மற்றும் நில்மா லிசாந்தினி ரஞ்சனி, வட மாகாண இணைப்பாளர் பாலகிருஸ்ணா சிவ அஸ்வின், மாவட்டச் செயலக இணைப்பாளர் ந. உமாநாத், வளவாளர்கள் மற்றும் பயிலுநர் ஆகியோரும் கலந்து கொண்டிருந்தனர்.

நீதியமைச்சினால் மேற்கொள்ளப்படும் “ நீதிக்கான அணுகுவழி ” நடமாடும் சேவை.

 banner

நீதியமைச்சினால் ஏற்பாடு செய்யப்பட்டுள்ள நடமாடும் சேவை இம்மாதம் 29, 30 ஆம் திகதிகளில் காலை 9.30 மணிதொடக்கம் 4 மணிவரை யாழ். மத்திய கல்லூரியில் நடைபெறவுள்ளது. இந் நடமாடும் சேவையில் பல திணைக்களங்கள் கலந்துகொள்ளவுள்ளமையினால் பொதுமக்கள் இந் நடமாடும் சேவையை பயனுள்ளவகையில் பயன்படுத்தி தீர்வுகளைப் பெற்றுக்கொள்ள முடியுமென யாழ்.மாவட்ட அரசாங்க அதிபர் கணபதிப்பிள்ளை மகேசன் அவர்கள் தெரிவித்தார்.