நெடுந்தீவில் முதலாவது எரிபொருள் நிரப்பு நிலையத்தினை 40 மில்லியன் ரூபாவில் கட்டுமானம் செய்வதற்கான அடிக்கல் நாட்டும் நிகழ்வு இன்றைய தினம் (05.07.2026) மு. ப 11.30 மணிக்கு நெடுந்தீவில் போக்குவரத்து நெடுஞ்சாலைகள் மற்றும் நகர அபிவிருத்தி அமைச்சர் அமைச்சர் கௌரவ பிமல் ரத்நாயக்க அவர்கள் மற்றும் கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களின் பங்குபற்றுதல்களுடன் சிறப்பாக நடைபெற்றது. இந் நிகழ்வில் பாராளுமன்ற உறுப்பினர் கெளரவ கருணநாதன் இளங்குமரன், யாழ்ப்பாண மாவட்ட அதிபர் திரு.மருதலிங்கம் பிரதீபன், நெடுந்தீவு பிரதேச செயலாளர் திரு. என் பிரபாகரன், இலங்கை பெற்றோலியக் கூட்டுத் தாபனத்தின் அதிகாரிகள் பொதுமக்கள் உள்ளிட்டவர்கள் கலந்து கொண்டனர். மேலும், இந் நிகழ்வில் 20 இலட்சம் ரூபா வீட்டுத் திட்டத்திற்கு தெரிவு செய்யப்பட்ட பயனாளிகளுக்கான முதற்கட்ட காசோலைகள் கெளரவ அமைச்சர்களால் வழங்கப்பட்டதுடன், மாணவர்களுக்கான புத்தக பைகளும் வழங்கிவைக்கப்பட்டமை குறிப்பிடத்தக்கது.
 
 
1 2 3 4 5 6 7 8 9 10 12 15 16 143
நெடுந்தீவு மாவலி பெரியதுறை வீதிப் மேம்படுத்தல் 135.90 மில்லியன் ரூபாவில் - பெருந் திட்டத்திற்கு அமைய அபிவிருத்தி செய்வதற்கான அங்குரார்ப்பண நிகழ்வு இன்றைய தினம் (05.07.2026) காலை 10.00 மணிக்கு நெடுந்தீவில் போக்குவரத்து நெடுஞ்சாலைகள் மற்றும் நகர அபிவிருத்தி அமைச்சர் அமைச்சர் கௌரவ பிமல் ரத்நாயக்க அவர்கள் மற்றும் கடற்றொழி்ல் நீரியல் மற்றும் கடல் வளங்கள் அமைச்சரும் யாழ்ப்பாண மாவட்ட ஒருங்கிணைப்புக் குழுவின் தலைவருமான கௌரவ இராமலிங்கம் சந்திரசேகர் அவர்களின் பங்குபற்றுதல்களுடன் சிறப்பாக நடைபெற்றது. இந் நிகழ்வில் பாராளுமன்ற உறுப்பினர் கெளரவ கருணநாதன் இளங்குமரன், யாழ்ப்பாண மாவட்ட அதிபர் திரு.மருதலிங்கம் பிரதீபன், நெடுந்தீவு பிரதேச செயலாளர் திரு. என் பிரபாகரன், பொதுமக்கள் உள்ளிட்டவர்கள் கலந்து கொண்டனர்.
 
 
1 2 3 5 6
2026ஆம் ஆண்டிற்கான 13ஆவது யாழ். மாவட்ட அரச அதிபர் வெற்றிக் கிண்ண இறுதிப் போட்டிகள் யாழ். மாவட்டச் செயலக நலன்புரிக் கழகத்தின் தலைவரும், புள்ளிவிபர பிரதிப் பணிப்பாளரும் திரு. எம். வித்தியானந்தநேசன் அவர்களின் தலைமையில் இன்றைய தினம் (04.07.2026) காலை 09.00 மணிக்கு வடமராட்சி கிழக்கு பொது விளையாட்டு மைதானத்தில் கோலாகலமாக ஆரம்பமாகி நடைபெற்றது.
இந் நிகழ்வில் பிரதம விருந்தினராக யாழ்ப்பாண மாவட்ட அரசாங்க அதிபர் திரு மருதலிங்கம் பிரதீபன் அவர்கள் கலந்துகொண்டார்.
இவ் இறுதிப் போட்டிகளின் முடிவுகள் :
01.துடுப்பாட்டம் (பெண்கள்) மாவட்டச் செயலகம் எதிர் மருதங்கேணி பிரதேச செயலகம். வெற்றி அணி : மாவட்டச் செயலகம்
02. கயிறிழுத்தல் (ஆண்கள்) காரைநகர் பிரதேச செயலகம் எதிர் உடுவில் பிரதேச செயலகம். வெற்றி அணி : காரைநகர் பிரதேச செயலகம்
03. கயிறிழுத்தல் (பெண்கள்) பருத்தித்துறை பிரதேச செயலகம் எதிர் உடுவில் பிரதேச செயலகம். வெற்றி அணி : உடுவில் பிரதேச செயலகம்
மேலும், பதவிநிலை உத்தியோகத்தர்கள் மற்றும் உத்தியோகத்தர்களுக்கு இடையிலான மகிழ்வூட்டும் போட்டிகளும் இடம்பெற்றமை குறிப்பிடத்தக்கது.
 
6 7 8 9 10 11 12 13 14 15 16 17 18 19 20 21 22 23 24 25
2026ஆம் ஆண்டிற்கான 13ஆவது யாழ். மாவட்ட அரச அதிபர் வெற்றிக் கிண்ண பரிசளிப்பு நிகழ்வு இன்றைய தினம் (04.07.2026) வடமராட்சி கிழக்கு பொது விளையாட்டு மைதானத்தில் நடைபெற்ற போது நிகழ்வில் பிரதம விருந்தினராக கலந்து கொண்டு உரையாற்றிய யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் மேற்கண்டவாறு தெரிவித்தார்.
அரசாங்க அதிபர் மேலும் தெரிவிக்கையில், கடமை நேரங்களை பாதிக்காத வகையில் விடுமுறை தினங்களில் அரசாங்க அதிபர் வெற்றிக் கிண்ண சுற்றுப் போட்டிகள் நடைபெற்றதாகவும், உத்தியோகத்தர்களிடையே பரஸ்பர நல்லுறவு மற்றும் உடல் உள ஆரோக்கியத்திற்கும் இவ்வாறான போட்டிகள் பக்கபலமாக அமைவதாகவும் தெரிவித்தார். மேலும், மாவட்டச் செயலகம் மற்றும் 15 பிரதேச செயலகங்கள் முழுமையாக இப் போட்டியில் பங்குபற்றியது மகிழ்ச்சியான விடயம் எனவும், இறுதிப் போட்டி நிகழ்வினை பார்க்கும் போது உத்தியோகத்தர்கள் அர்பணிப்புடனும், உற்சாகத்துடனும், வினைத்திறனாகவும் பலம்பொருந்திய நிலையில் பங்குபற்றியுள்ளார்கள் எனவும், இது ஆரோக்கியமான சமுதாயம் உருவாக்குவதற்கு வலுச் சேர்ப்பதாகவுள்ளதாகவும் தெரிவித்தார். மேலும், இன்றைய அரச அதிபர் வெற்றிக் கிண்ண இறுதிப் போட்டிகள் வடமராட்சி கிழக்கில் நடைபெறுவது சிறப்பான விடயம் என்றும், எமது மாவட்டத்திலேயே இயற்கைச் சூழல் கடினமாகவுள்ள பிரதேசங்களாக வடமராட்சி கிழக்கும் மற்றும் நெடுந்தீவும் காணப்படுவதாகவும், அந்த வகையில் இவ்விரண்டு பிரதேச செயலகங்களில் கடமையாற்றும் உத்தியோகத்தர்களை மிகவும் பாராட்டுவதாகவும் தெரிவித்தார். மேலும், இவ்வாறான சூழலில் இன்றைய போட்டிகளை மிகவும் சிறப்பாக ஒழுங்குபடுத்திய வடமராட்சி கிழக்கு பிரதேச செயலாளர் மற்றும் உத்தியோகத்தர்களுக்கு பாராட்டுக்களையும் நன்றியினையும் விசேடமாகத் தெரிவித்தார். மேலும், அரச அதிபர் வெற்றிக் கிண்ண சுற்றுப் போட்டியினை சிறப்பாக நடாத்திய நலன்புரிக் கழகத்தின் தலைவர் மற்றும் உறுப்பினர்களுக்கும் தமது பாராட்டுக்களை அரசாங்க அதிபர் தெரிவித்து, உத்தியோகத்தர்களுக்கு பாராட்டுக்களையும் வாழ்த்துக்களையும் தெரிவித்ததுடன், 2027 ஆம் ஆண்டுக்கான அரச அதிபர் வெற்றிக் கிண்ண இறுதிப் போட்டி காரைநகர் பிரதேசத்தில் நடைபெறும் என்ற அறிவித்தலை வெளியிட்டார்.
பிரதம விருந்தினர் உரைக்கு முன்பதாக, வடமராட்சி கிழக்கு பதில் பிரதேச செயலாளர் திரு. F.C சத்தியசோதி அவர்களின் வரவேற்புரையும், ஊழியர் நலன்புரிச் சங்கத்தின் தலைவரும் புள்ளிவிபர பிரதிப் பணிப்பாளருமான திரு. எம். வித்தியானந்தநேசன் அவர்களின் தலைமையுரையும் இடம்பெற்றது. மேலும், அரசாங்க அதிபர் வெற்றிக் கிண்ண மடலின் முதற்பிரதியினை அனுசரணையாளரான கிருபா லேணர்ஸ் முகாமைத்துவ பணிப்பாளர் திருமதி. தனித்தா கிருபாகரன் அவர்களுக்கு அரசாங்க அதிபர் வழங்கினார். அதனைத் தொடர்ந்து அனுசரணையாளரான இலங்கை வங்கியின் உதவி பொதுமுகாமையாளர் திரு. சிவானந்தன் அவர்களுக்கும் ஏனைய மாவட்டச் செயலக மற்றும் பிரதேச செயலக பதவிநிலை உத்தியோகத்தர்களுக்கும் வழங்கினார். இன்றைய நிகழ்வில் அரசாங்க அதிபர் சுற்றுப் போட்டிகளான - துடுப்பாட்டம் (ஆண்/பெண்), உதைப்பதாட்டம், கரம், சதுரங்கம், பூப்பந்தாட்டம், வலைப்பந்தாட்டம், கரப்பந்தாட்டம், தாச்சி (ஆண்/பெண்), கயிறிழுத்தல்(ஆண்/பெண்) ஆகிய போட்டிகளில் வெற்றியீட்டிய அணிகளுக்கு அரசாங்க அதிபர் வெற்றிக்கிண்ணங்கள், சான்றிதழ்கள் மற்றும் பதக்கங்களை அணிவித்து கெளரவித்தார். 2026 ஆம் ஆண்டுக்கான அரசாங்க அதிபர் வெற்றிக் கிண்ணத்தினை தெல்லிப்பளை மற்றும் உடுவில் பிரதேச செயலகங்கள் சம புள்ளிகள் பெற்று தனதாக்கிக் கொண்டமை குறிப்பிடத்தக்கது. நிகழ்வின் இறுதியில் நலன்புரிக் கழகத்தின் விளையாட்டுச் செயலாளர் திரு. ம.நிமலன் அவர்களால் நன்றியுரையாற்றப்பட்டது. இந் நிகழ்வில் வடமராட்சி கிழக்கு பொலிஸ் பொறுப்பதிகாரி, மாவட்டச் செயலக மற்றும் பிரதேச செயலக அனைத்துத் தர உத்தியோகத்தர்கள் அனுசரணையாளர்கள், பொதுமக்கள் என ஏராளமானவர்கள் கலந்து கொண்டிருந்தனர்.
 
 
1 2 3 4 5 6 7 8 9 10 11 12 13 14 15 16 17 18
2026 ஆம் ஆண்டிற்கான 13 ஆவது அரச அதிபர் வெற்றிக் கிண்ண இறுதிப் போட்டிகள் யாழ். மாவட்டச் செயலக நலன்புரிக் கழகத்தின் தலைவரும், புள்ளிவிபர பிரதிப் பணிப்பாளரும் திரு. எம். வித்தியானந்தநேசன் அவர்களின் தலைமையில் இன்றைய தினம் (04.07.2026) காலை 09.00 மணிக்கு வடமராட்சி கிழக்கு பொது விளையாட்டு மைதானத்தில் ஆரம்பமாகி நடைபெற்றுவருகின்றது. இந் நிகழ்வில் பிரதம விருந்தினராக யாழ்ப்பாண மாவட்ட அரசாங்க அதிபர் திரு. மருதலிங்கம் பிரதீபன் அவர்கள் கலந்துகொண்டுள்ளார். நிகழ்வில் பிரதம விருந்தினர் உள்ளிட்ட விருந்தினர்கள் மருதங்கேணி பிரதேச செயலகத்திலிருந்து உடுத்துறை மகா வித்தியாலய மாணவர்களின் பான்ட் வாத்திய இசையுடன், விளையாட்டு மைதானத்திற்கு ஊர்வலமாக அழைத்து வரப்பட்டார்கள். அதனைத் தொடர்ந்து மங்கல விளக்கேற்றல் நிகழ்வு நடைபெற்றது. அதனைத் தொடர்ந்து தேசிய கொடியினை அரசாங்க அதிபரும், மாவட்டச் செயலக கொடியினை மேலதிக அரசாங்க அதிபரும் பிரதேச செயலகங்களின் கொடிகளை அந்ததந்த பிரதேச செயலாளர்களாலும் ஏற்றப்பட்டன. மேலும், மதகுருமார்களின் ஆசியுரையினை தொடர்ந்து மாவட்ட அரசாங்க அதிபர் அவர்களால் போட்டிகள் உத்தியோகபூர்வமாக ஆரம்பித்து வைக்கப்பட்டன. முதலாவது போட்டியாக யாழ்.மாவட்டச் செயலகத்திற்கும் மருதங்கேணி பிரதேச செயலகத்திற்கும் இடையிலான பெண்களுக்கான துடுப்பாட்டப் போட்டித் தொடரின் இறுதிப் போட்டியினை அரசாங்க அதிபர் ஆரம்பித்து வைத்தார். இதில் மருதங்கேணி பிரதேச செயலக அணி நாணய சுழற்சியில் வெற்றிபெற்று துட்டுப்பாட்டத்தில் ஈடுபட்டு வருகின்றது.
 
 
4 5 6 7 8 9 10 11 13 14 15 16 17 19 20 22 23